Vargje biblike të njohura nga မးသဲ 2

Ndaje

ကၱာ်​ဒီ စ​လ့ၤ​နံၢ်​ၡံၣ်​ပူၤ​ဒဳၣ်, စ​စာ်​ထၱး​အ​ပံၤ စ​ဖဳး​ကၱာ်​စ​မဳၤ နီၢ်​မၤ​ရၱ, စ​ကီၢ်​လၤ​သ​ဘဲ​ထာ် လၢ်​ဝၤ. မဲၤ​ဝှါ​စ​ဘါ​ထာ်​ကဲၤ တဲၤ​လံၢ်​ဓဳၤ​ပွၱၤ​သဲ​အ​ကဳ ကၱာ်​စ​မဲၤ​လှူၣ်​လၤ​ကဲၤ​လၢ်​ဝၤ​ထဲ, လီၢ်​ဘၣ်​ကၱာ်​မူ​ရၣ်.

ဘ့​ယ့ၣ်​ရှူး​အီၣ်​လၤ​ဒဳ​ဘ့ၤ​သ​လ့​ဃ့ၣ် အူး​ပူၤ, ယူ​ဒၤ​အ​က့ၤ, ဆး​ဖြး စီၤ​ဟ့ၤ​ရိာ်​အ​ဇိၤ​ခဲ နဳၤ, စာ်​ပီၢ်​ပၠၤ​အ​ဇၤ​အ​ပျၤ, အ​အီၣ်​ဒဳ​လူၤ​မူၤ​ထာ် တ​ခီ, ဓဳၤ​လ့ၤ​ကဲၤ​ဒဳ​ယ​ရူၤ​ၡ​လ့ၣ်​အူး​နဳၤ. စ​ဒီၣ်, “​ယူ​ဒၤ​ဖဳး​အ​ဆး ဖြး​အ​အီၣ်​လၤ​သဲ​တ​ပွဲၤ အီၣ်​ကဲၤ​ဒီၣ်​လဲၢ်. မၤ​နဲၢ်, ဝၤ​စာ်​ထၱး​ကဲၤ စ​ဆဲၣ် ဒဳ​လူၤ​မူၤ​ထာ်​နဳၤ, ကၱာ်​ဝၤ​လ့ၤ​မၱာ်​အ​က​လ့ၤ​သ​ဘဲ စဲာ်​ဝၤ​ဒီၣ်​ဓဳၤ.”

စဲာ်​တ​စီာ်​စာ်​ထၱး ဆဲၣ်​ဒဳၣ်, စ​သး​က​နၢ်​အံာ်​ကဲၤ​အ​ဇၱၢ်​အ​ဇိၢ်.

တဲၤ​ဒီ​ဆး​စဲာ်​တဲၤ​ဆီး​မံ​ဘး​အ​ပူၤ, စာ်​ဘိ​ထဲၢ် စ​တ​က့ၤ​ဘး​စ​လ့ၤ​ကါ ဒဳ​ဆး​ဖြး​ဟ့ၤ​ရိာ်​အီၣ်​နီး​ဒဳၣ်, စ​က့ၤ​ကိာ်​ကဲၤ​ကျဲး အ​လ​ဝ့ၤ​တ​ဘီ. ပၠၤ​မၢ်​ကူး​ဖဳး​တ​စီာ်​က့ၤ​ဝှါ​ဒဳၣ်, က​ဘၱာ်​စဲာ်​အ​ပွဲၤ​ဇဳၤ ပီး​ထာ် ထၱး​စီၤ​ယိၤ​သး တဲၤ​ဆီး​မံ​ဘး​အ​ပူၤ, စ​ဒီၣ်, “​ဝဲၢ်​ထဳး, ဖၱး​အ​ပံၤ​စ​ဖဳး ကၱာ်​စ​မဳၤ​ကၱာ်​ဆဲး​ဖျီး​မံ​ပီၢ်​ဒဳ အဲၤ​ကူ​ပ​တူး​က့ၤ​နဳၤ, ကၱာ်​အီၣ်​ပီၢ်​ဒဳ​နဳၤ ထိ​ယ​ဒီ​ဆး နဲၤ​နဳၤ. မၤ​နဲၢ်​က​ဒီၣ်​ဓဳၤ​ဒဳၣ်, စီၤ​ဟ့ၤ​ရိာ်​က​ဝၢ်​လှဲး​ကီ အ​ပံၤ​စ​ဖဳး​စာ်​ဘိ​ထဲၢ်​စ​က​မဲၤ​ကဲ​မဲၤ​လှဲ​မဲၢ်​လၢ်​ဝၤ​နဳၤ.”