Vargje biblike të njohura nga متى 6

Ndaje

اطلبوا بالأول عدل الله ومملكتو وكل الأشياء التانية اللي بتحتاجوها هو راح يدبرها.

فتهكلوش هم بُكره، مشاكل يوم واحد بتكفيكو وهم بُكره بستنى لبُكره.

عشان هيك أنا بقولكو: تهكلوش هم حياتكو وأكلكو وشربكو ولبسكو. مش الحياه أهم من الأكل والجسم أهم من الأواعي؟

بس إنت لـما بتحكي مع الله فوت عأوضتك وسكر الباب عليك وصلّي لأبوك في السر. أبوك إللي شايف كل إشي راح يكافأك.

فهيك إنتو صلو: يا أبونا إللي في السما خلي إسمك يتعظم. وأُملك بملكوتك علينا وخلي إرادتك تتحقق عالأرض متل السما.

أعطينا خبـز يكفينا اليوم.

وسامحنا عغلطاتنا زي ما إحنا منسامح إللي قصّروا معنا.

ومدخلناش في تجربه ونجينا من الشرير.

وإذا بتسامحو الناس عغلطاتهن بسامحكو أبوكو السماوي.

شوفو الطيور إللي بالسما لا بتـزرع ولا بتحصد ولا بتخزّن بس أبوكو السماوي بطعميها، طيب مش إنتو أهم منها بكتيـر؟

تجمعش الأشياء الغالية إللي في الدنيا لأنها راح تسوّس وتِخْرب ويُسرقوها الحراميه، أحسنلكو تجمعوا كنوز في السما لأنها مش راح تسوّس ولا تخرب ولا راح يسرقوها الحراميه لأنو قلبك راح يكون مع الكنـز اللي جمعتو.

بقدرش الواحد يكون عبد لربيـن، لأنو راح يحب واحد أكتـر من التاني أو راح يكون أمين لواحد ويهمل التاني. بتقدروش تعبدوا الله والـمصاري.

طيب إذا الله بلبِّس اواعي للورد البـري إللي بعيش اليوم وبنحرق بُكره بالنار، كيف بدوش يعطيكو إنتو أواعي؟ يا ضعاف الإيمان!

بس إنت لما بتعمل أعمال رحمه بلاش تعرف إيدك الشمال شو بتساوي إيدك اليمين. يعني خلي أعمال الرحمه بالسر. وأبوك اللي شايف كل إشي هو رح يكافأك.

أوعكو تعملو أعمال الخيـر عشان يشوفوكو الناس، لأنو هيك بتخسروا مكافأة أبوكو السماوي.

وإذا بتصوموا تكشروش وتهملوش شكلكو عشان تبينو صايميـن. تعملوش زي الموجهنين. عنجد بقولكو إللي بعمل هيك راحت عليه وخسر مكافأتو. بس إنت إذا بتصوم غسّل وجك ولـمّع شعرك. عشان صومك يكون بالسر مش قدام الناس. أبوك إللي الناس مش شايفينو شايف كل إشـي. هو راح يكافأك قدام الكل.