Vargje biblike të njohura nga मती 24

Ndaje

केमके अदरम बढ़वा हू कईक मनका ने परेम टाडो पड़ी जाहीं। पण जी अन्त लगण दिरज राकहीं विनेस वसाव थाहीं।

ये हरग ने राज ने असल खबर हेती दनिया माते हेती जातिय मा गवाई ने रूप मा परसार किदो जाहीं नी तेरे पसे अन्त आवहीं।

तमो आहे पाहे ने लड़ाईयो ने बारामा हबलो, पण जुओ, तमो बियेता नकी वो। केमके अणअ ने थावू जरूरी हे, पण वणी वला अन्त नीं थाहीं।

केमके एक जाति बिजी जाति ने विरोद मा नी एक राज बिजा राज ने विरोद मा थाई जाहीं। नी जगा जगा अकाल पड़हीं नी हर जगा पुकम्प आवहीं। पण ई हेती वाती ते बस दुको ने सरूआत थाहीं।

साहे आकास नी तरती टली जाहीं, पण मारे वसन किरे नीं टलहीं।”

मुँ यू तणी केई रेजो हूँ के, एवअ कईक हे जी मारे नाम हू आवीनी के हे, ‘मुँस मसी हूँ,’ नी वा कईक मनकय पटकावी दड़हीं।

“वणी वला वा तमय सजा आलवा ने हारू हवाडी दिहीं नी मरावी दड़हीं। केमके मारे नाम ने वजा हू जाति ने हेता मनका तमय हू वेर राकहीं। नी कईक मनका ने विसवास टुटी जाहीं, नी एक-बिजाय हवडावहीं नी एक बिजा हू वेर राकहीं। नी कईक मनक, परमेसवर ने हाड़े हू नीं, पण आपड़े पोता ने हाड़े हू बुलवा वाला जी जुटा केवाई हे, कईक मनका ने पटकावी दिहीं।

उतर माय ईसुई वणहू केजू, “सकोर रो, तमय कणु मनका पटकावी नीं दिए।

तणी तमो बी तयार रो, केमके तमो जेरे विने बारामा हुसी बी नीं रेजा वेहो, वणीस वला मुँ मनक ने सुरो आवी जाई।

“तणी तमो सकोर रो, केमके तमो नीं जाणता के, मुँ तमारे परबू किरे आवी जाई।

“वणे दाड़े या वणी वला ने बारामा कणु कई नीं जाणे। नीते हरग मा हरगदुत नी नीते पोते सुरो, बस परम बापुस जाणे हे।

केमके जुटा मसी नी आपड़े पोता ने हाड़े हू बुलवा वाला ऊबा थाहीं, नी मुटा मुटा हेलण नी समतकार ने काम पाळहीं। नी थाई हके ते सुणीया थकण ने बी पटकावी दड़हीं।

जेम नूह ने दाड़ा मा थाजू, इमुस मय मनक ने सुरा ने आवणू बी थाहीं। इमुस जेम मनका जलडुब आवणा हू पेले ने दाड़ा लगण खातअ-पीतअ रेजअ, विवा करता रेजअ जेरे लगण नूह नाव माते नीं सढ़जो। वणय तेरे लगण कई पतो नीं लागो जेरे लगण जलडुब नीं आजू नी वणय हेते बहावीनी नीं लई गियू। मय मनक ने सुरा ने आवणू बी इमुस थाहीं।