Vargje biblike të njohura nga Genesis 28

Ndaje

Khandi lola, endiho halala ninawe, khandi ndalakhulindanga aha otsia hosi, nikhukalusia mushialo shino; okhuba shindilikhulekha butswa tawe okhuula olwa ndiliba nimalile okhukhukholela ako kosi aka ndakhakhuboolela.

Khandi lola, OMWAMI yali nasinjiile hekulu khubwo, naboola mbu Isie nisie OMWAMI, Nyasaye wakuukawo Aburahamu, khandi Nyasaye waIsaka; eshialo eshia okonilekhwo, ekhuheelesia, iwe nende olwibulolwo

Mana Yakobo nasisimukha mundoolo, naboola mbu Khane OMWAMI ali habundu hano, nasi shimanyilenje ta.

Mana Yakobo yeetsuba eshiitsubo, naboola mbu Nyasaye naba nali halala ninasi, niyaninda khunjila yino eya enziilakhwo, nende okhumbeelesia ebiliibwa ebia endia, nende ebiifwalo ebia ndifwala, mbu mana engalushe eweefwe mumulembe, kho OMWAMI alabeetsanga Nyasaye wanje, nelichina lino elia esinjisiye mbu libe isiilo, liliba inzu yaNyasaye; ne khubiosi ebia olimbeelesinjia, nasi toto mwene ndilikhuheelesinjia eshitonye shielikhumi.

nolwibulolwo luliba shinga olufu olwokhushibala, nawe olilandaala khulubeka lwamumbo, nende ebukwe nende enotsi, nende esautsi; ne mwiwe, khandi mulwibulolwo, nimwo omwa abebilibwa biosi bieshibala balinyoolelamwo ikhabi.

Nakulikha habundu tsana eliira mbu Beteli; ne eliira lielitaala elo khale lialinji Luzu.