Vargje biblike të njohura nga Mateo 22

Ndaje

Y che e Jesús: —Yajtanic ut Iwinquirar Dios taca tunor iwalma, y taca tunor icuxtar y taca tunor ijor. Jax era e ojroner xe' actab'ir umen e Dios tama uley e Moisés xe' más b'ajxan y xe' más nojta uc'ampib'ir. Y de allí ayan otronte' ojroner xe' lar tacar xe' che: “Yajtan ut apiarob' b'an cocha ayajta oit ab'a net.”

Pues tunor e inmojr ojroner xe' ch'ar tz'ijb'ab'ir umen e Moisés y lo que ch'ar tz'ijb'ab'ir umen e sian profetob' tz'ijb'ab'ir tunor tua' ac'upsena e chate' ojroner era, che e Jesús.

Y b'an tua' anumuy porque uchinam e Dios lar tacar tin e yopob' tama e nojq'uin era. Ayan meyra tin e pejcb'irob' umen e Dios tua' ac'otoy tut jaxir, pero majax meyra xe' sicb'ab'irob' umener xe' ac'otoy uch'amiob' uc'ab'a, che e Jesús.

Pues conda ac'otoy e día conda asujta ab'ixq'uesna tunor tin e chamenob', machi ixto tua' anujb'iob' más y nien machi ixto tua' uyajc'uob' uwijch'octacob' tua' anujb'iob' más. Porque b'an tua' aquetpob' tama e tiempo yaja' b'an cocha uyangelob' e Dios xe' machi anujb'iob'.

Irsenen inte' ut tumin lo que ac'ampesna tua' itoyi e gobierno, che e Jesús. Y jaxirob' uwirsiob' inte' ut tumin. Y conda uwira ut e tumin e Jesús uyub'i tuob' y che: —¿Chi uyeroj xe' tz'ijb'ab'ir tama e tumin era? ¿Y tuc'a uc'ab'a xe' tz'ijb'ab'ir tamar? che e Jesús. Y jaxirob' che: —Tua' e rey César, che e winicob' era. Y che e Jesús: —Ajc'unic e César lo que jaxir uc'ajti y ajc'unic e Dios lo que jaxir uc'ajti, che e Jesús.