Vargje biblike të njohura nga Mateo 26

Ndaje

Turuanenic b'ixir y c'ajtinic taca e Dios tua' machi ixpijchna umen e Satanás. Pues tama iwalma turix tua' ixc'upseyan tamaren, pero tama iwerir injayjayox, che e Jesús.

Y che e Jesús: —Ayan inte' nuxi c'uxner tama niwalma que war uchien imb'ijnu que chamenenix umener. Quetpenic tara, pero ira ixwayan, che e Jesús.

Entonces e Jesús ixin innajt cora y uyacta ub'a apacwan tut e rum y cay uc'ajti taca e Dios y che: —Nitatet, quisinic ani machi inch'ami e nuxi c'uxner lo que c'anix watar tamaren, pero chen b'an taca cocha net ac'ani y majax b'an cocha inc'ani nen, che e Jesús.

Porque lo que ayan tama e ch'eu era aquetpa b'an cocha nich'ich'er xe' axin awechc'a tamarox y xe' tua' utacre meyra gente tua' ac'umpesnob' tama tunor umab'amb'anirob'. Y nich'ich'er era jax tua' uchectes tiut ub'an que ayan inte' nipacto xe' imb'utz tacarox.

Pues conda warto awiob' tunorob' tor e mesa e Jesús uch'ami ingojr pan tama uc'ab', y cay utattz'i e Dios tamar y cay uxere e pan y cay uyajc'u uyajcanuarob' y che: —Junic e pan era y c'uxic. Pues e pan era b'an cocha uwerir nicuerpo xe' tua' inchamesna tamarox, che e Jesús.

Y nacpat era e Jesús uch'ami inte' ch'eu tama uc'ab' y utattz'i uc'ab'a e Dios tamar y uyajc'u uyajcanuarob' y che: —Uch'enic imb'ijc imb'ijc tunorox lo que ayan tama e ch'eu era.

Entonces sutpa c'otoy tia' turob' uyajcanuarob' y utajwi que war awayanob'. Entonces e Jesús uyare e Pedro y che: —¿Machi ca uyub'iox icojquen nien inte' hora?

Pero c'ani inwareox era que nen machi tua' insutpa unch'i lo que ayan tama e ch'eu era este que ac'otoy e día conda c'ani unch'i e vino xe' imb'utz conda watar Catata Dios tua' ac'otori tara tor e rum, che e Jesús.

Entonces yopa tujor e Pedro lo que cay arob'na umen e Jesús que: “C'ani inwaret que tama e acb'ar era conda ne mato a'ru e ac'ach, net i'xin amuqui nic'ab'a uxyajr que machi anata chien nen”, xe' c'ajpa umen e Pedro. Y conda cay ub'ijnu tama tunor era loc'oy e Pedro y cay aru taca inte' nuxi nuc.

Achpenic incuic era, porque watarix tin e tua' utuch'ien, che e Jesús.

Entonces che e Jesús: —Actaniquix. Tziri amachit tupat, porque tunor tin e axin uc'ampes e machit tua' achamsan, axin achamesna taca e machit ub'an.