Vargje biblike të njohura nga يُوحَنَّا 6

Ndaje

وْݣَالْ لِيهُمْ يَسُوعْ: «أَنَا هُوَ خُبْزْ الْحَيَاةْ، اللِّي كَيْجِي لْعَنْدِي عَمّْرُه مَا غَيْجُوعْ، وْاللِّي كَيْآمْنْ بِيَّ عَمّْرُه مَا غَيْعْطَشْ.

الرُّوحْ رَاهْ هُوَ اللِّي كَيْحْيِي، أَمَّا الدَّاتْ دْيَالْ بْنَادْمْ رَاهْ مَا فِيهَا حْتَّى نْفَعْ، وْالْكْلَامْ اللِّي تّْكَلّْمْتْ مْعَاكُمْ بِيهْ هُوَ رُوحْ وْحَيَاةْ.

مَا تْجْرِّيوْشْ وْرَا الْمَاكْلَة اللِّي مَا دَايْمَاشْ، وَلَكِنْ جْرِّيوْ وْرَا الْمَاكْلَة اللِّي غَتْبْقَى لْلْحَيَاةْ الدَّايْمَة، وْهِيَ الْمَاكْلَة اللِّي غَيْعْطِيهَا لِيكُمْ وَلْدْ الْإِنْسَانْ، حِيتْ اللَّهْ الْآبْ هُوَ اللِّي رْشْمُه».

حِيتْ هَادَا هُوَ مُرَادْ بَّا: تْكُونْ الْحَيَاةْ الدَّايْمَة لْكُلّْ وَاحْدْ كَيْشُوفْ الْوَلْدْ وْكَيْآمْنْ بِيهْ. وْفْيُومْ الْحِسَابْ، أَنَا غَنْبَعْتُه مْنْ الْمُوتْ».

وْجَاوْبْهُمْ يَسُوعْ وْݣَالْ لِيهُمْ: «الْخْدْمَة اللِّي بْغَاكُمْ اللَّهْ تْدِيرُوهَا هِيَ تْآمْنُو بْهَادَاكْ اللِّي صِيفْطُه».

كُلّْ وَاحْدْ عْطَاهْ لِيَّ الْآبْ، غَيْجِي لْعَنْدِي. وْاللِّي غَيْجِي لْعَنْدِي عَمّْرْنِي مَا غَنْرْمِيهْ عْلَى بْرَّا.

وْهُوَ يْجَاوْبُه سِمْعَانْ بُطْرُسْ: «آ سِيدِي، عَنْدْ مْنْ غَنْمْشِيوْ وْنْتَ عَنْدْكْ الْكْلَامْ اللِّي كَيْعْطِي الْحَيَاةْ الدَّايْمَة؟

أَنَا هُوَ الْخُبْزْ الْحَيّْ اللِّي نْزَلْ مْنْ السّْمَا. إِلَا كْلَا شِي وَاحْدْ مْنْ هَادْ الْخُبْزْ غَيْحْيَا عْلَى الدّْوَامْ. وْالْخُبْزْ اللِّي غَنْعْطِي أَنَا، هُوَ دَاتِي اللِّي غَنْعْطِيهَا بَاشْ يْحْيَاوْ نَاسْ الدّْنْيَا».

رَاهْ حْتَّى وَاحْدْ مَا يْقْدَرْ يْجِي لْعَنْدِي مْنْ غِيرْ إِلَا جَابُه لْعَنْدِي الْآبْ اللِّي صِيفْطْنِي، وْأَنَا غَنْبَعْتُه مْنْ الْمُوتْ فْيُومْ الْحِسَابْ.

عْلَاحْقَّاشْ خُبْزْ اللَّهْ هُوَ اللِّي نَازْلْ مْنْ السّْمَا، وْهُوَ اللِّي كَيْعْطِي الْحَيَاةْ لْلدّْنْيَا».

أَنَا هُوَ خُبْزْ الْحَيَاةْ.

وْخْدَا يَسُوعْ الْخُبْزَاتْ وْشْكَرْ اللَّهْ، وْفَرّْقْ عْلَى النَّاسْ اللِّي ݣَالْسِينْ. وْدَارْ نَفْسْ الشِّي لْلْحُوتَاتْ، وْعْطَاهُمْ عْلَى قْدّْ دَاكْشِّي اللِّي بْغَاوْ. وْمْلِّي شْبْعُو، ݣَالْ لْلتّْلَامْدْ: «جْمْعُو دَاكْشِّي اللِّي شَاطْ مْنْ الطّْرُوفَ دْ الْخُبْزْ، بَاشْ حْتَّى حَاجَة مَا تْضِيعْ».

وْمْلِّي قَدّْفُو التّْلَامْدْ وَاحْدْ الْخَمْسَة وْلَا سْتَّة دْيَالْ الْكِيلُومِتْرَاتْ، شَافُو يَسُوعْ غَادِي فُوقْ الْمَا كَيْقَرّْبْ لْلْفْلُوكَة، وْهُمَ يْخَافُو. وْݣَالْ لِيهُمْ يَسُوعْ: «رَاهْ أَنَا هُوَ، مَا تْخَافُوشْ!».