Vargje biblike të njohura nga Génesis 28

Ndaje

Quiso noanaquempi, nonquempoyeacoventempi jaocapeerica pijateri aisati noimpiajempi aca piipatsitequi. Eiro nojoquimpitsi, nomoncaratempiro maaroni nocashiacaaquempiri nocantaquempiri. Irotaque icantaqueriri.

Aisati ineaqueri Tasorentsi icatiaca overapaacanta ataimentotsi. Iquemaqueri icantaqueri: —Narotaque Tasorentsisanori iquemisantiri picharineni Abrahamani aisati iriori piri Isaac. Noncamantempi: ora quipatsi pimaantacarira, irotaque nompempiri pisavicanteari. Aisati irotaque irisavicajeitanteari pishanincajeitajeari coajicani.

Itinantanacari imainequi, iquenqueshireanaca. Icanti: “Queariotaque aitaque itimiri Tasorentsi aca. Te nioveteaji.”

Impoiji icantasanotaqueri Tasorentsi; icantiri. “Notasorentsite, quisorica poyena, ariorica pinquempoyeaventaquena nojatenta aisati pimpenarica noyeari jero nonquitsaateari, aisati nompiajerica apaqui, tecatsirica oyenane; impoijiquea niotanaque avirotaque Notasorentsite. Jero oca mapi noatiaqueri, meeca nompajitero Inantari Tasorentsi. Irotaque nonquenqueshiretantearori aitaque aca nomishitacariri.” Aisati icantiri: “Noncanteani nompaarantapinitempi maaroni pimpayetenari. Ariorica oncarate 10, ari nonashitacayempi aparoni.”

Oshequi catsini incarajeitanaque, inquempetearo ovane impanequi. Intsoteanaquero oca quipatsi, irisavicantajeitanaquearo catonco, quirinca, acaqueroca aisati antaqueronta. Nontasoncacoventempi aisati iriori pishanincajeitajeari, irosati nontasoncacoventajeitanteariri maaroni atiripee quipatsiquiniri.

Anta imaanaquenta Jacobo, irotaque nampitsi pajiveitachaniri Luz. Meeca ipajitajiro Betel.