Vargje biblike të njohura nga Luca 19

Ndaje

Tahawa, te Zezusi hã dama tinha, ãne: — Ãhã na hã rowẽ di oto, isõrõwa ãma hã. Ã hã aibâ hã ma tô tinho'reptuzé hã sina waihu'u. Abra'ãhã nhihudu, te za tô oto 're mo. Taha da, ma tô ti'ai ãma Dasiré Ipodo hã we mo, ipẽ'ẽ 're, simani ne 're inomro mono norĩ te te 're anho'reptui mono da, wẽ na oto 're nomro mono da.

Tawamhã ma tô rob'umhutu, Zeruzalẽ u hã. Oriwera na te za oto si'ra, Zeruzalẽ u wisi da. Tamomo, te da'ahâ na Zezusihi zarina ai'aba'ré ni, isazei'wa norĩ hã. Ma tô te te ãma 're 'madâ'â za'ra aré, Zezusi te te 're ida'apawapto mono zém na, tiwaihu'u pese uptabi na. Tahawa, te oto damreme 'rãihâ na dasima nharĩ za'ra ni, ãne: — Uburé Danhib'apito te we oto mo, 'Re ihâimana u'âsi mono zadawa para. Tãma 're rowẽ za'ẽtẽ mono di za. Rowẽ hã hâiwa ãma 're isa'wari u'âsi mono da si, wa wasima wẽ za'ra ni.

Tahawa, te Zezusi hã dama tinha, ãne: — Ãhã na hã rowẽ di oto, isõrõwa ãma hã. Ã hã aibâ hã ma tô tinho'reptuzé hã sina waihu'u. Abra'ãhã nhihudu, te za tô oto 're mo. Taha da, ma tô ti'ai ãma Dasiré Ipodo hã we mo, ipẽ'ẽ 're, simani ne 're inomro mono norĩ te te 're anho'reptui mono da, wẽ na oto 're nomro mono da.

Tawamhã Zezusi wede u oto wisi wamhã, hâimo te 'mazawẽ. Ãhã wamhã, ma tô 'mahâ Zaqueu hã, ãne: — Zaqueu, ai'aba'ré na we si'ra na. Ã bâtâ na hã asõrõwa ãma ĩhâimana da hã wa ĩsima wẽ. Tahawa, ma si'aba'ré na si'ra. To sina, ma tô tãma tinha, isõrõwa u isiré morĩ da, i'rata a'â sãmra da.

Zaqueu hã hâiwi te oto za, Wanhib'apito ma, siwasu'u da. Tawamhã ãne te tãma tinha: — Ãhãta, ĩnhibro hã wa za ãma aipo'o, isibrob'õ norĩ ma, te sõmri mono da. Duré, dawi ĩnhipsaihuri hã wa za, te isimi'uri nhowa're're, dama ãma 'rãnhipa, iwa'rãmi. Rob'uiprazé misi wamhã, wa za maparane si'uiwa na dama ãma 'rãnhipa.

Tahawa, farizeu norĩ hã dawa'wa isi'aba'ré hã, te Zezusihi ma nharĩ za'ra, ãne: — Rowahutu'wa, ma'ãpé asazei'wa norĩ hã sadawa uwati za'ra na, ari'iwi si'aba'ré da. Tawamhã te Zezusi hã asa tãma nharĩ za'ra, ãne: — Tô sena wa aima waihu'u za'ra wa'wa. Ari'iwi si'aba'réi 'wa'âhã, te aré tô ẽne hã mreme 'rãihâ na, 'Re ihâimana u'âsi mono ãma tiwata za'ra.