Vargje biblike të njohura nga Pe eya 1

Ndaje

Dok jan go: «Nee ke ndu dasana kḭḭm ge nee ne zi, dimma ne nee go. Na ke muluk ge sii ge ne maŋgaɗam ga̰l yuwam se ma pal pet, ne njoole ma pal, ne kavaar ga̰l ma ne ge jabso ma pal, ne kaŋ ge ne kḛ ma ne ge ne sar ne suwar se ma pal pet me.» Dok dó ndu dasana kḭḭm ge na ne zi, dó na kḭḭm ge Dok ne zi, dó nama ndu son ne ndu gwale.

Dok e wak busu nama pal, jan nama go: «Tó me ta se, zuli me ta se la̰y, wi me suwar, ke me muluk na pal. Ke me muluk sii ge ne maŋgaɗam ga̰l yuwam se ma pal, ne njoole ma pal, ne kavaar ge ne suwar pal ma pal pet.»

Pe eya cecew zi, Dok dó digi ma ne suwar.

Suwar ká be dir, kat bàŋ viŋ, tṵ ka dibiya baal ge ɗugul helek pal, amma o̰yom ge Dok ne ka volweya mam ma pal go.

Dok jan go: «Kwaya̰l na ká!» Kwaya̰l me zen.

Dok ndil kaŋ ma pet ge na ne ke ma, ɓol go nama kwaɗa gḛ. Go no gasamal yan’a, cya̰wak yan’a me: Dam ke myanaŋgal.

Dok ndil go kwaya̰l na kwaɗa, Dok varse kwaya̰l ma ne tṵ buwal se.

Dok gwan jan go: «Ndi, mbi ho̰ aŋ sugur ge daage pet ge ne ndwara ge ne suwar pal, ne uwara ge daage pet ge ne tol, no a aŋ kaŋzam ma ne.

Dok tol kwaya̰l go, gyala, tol tṵ ɗaal me. Go no gasamal yan’a, cya̰wak yan’a me: Dam ke ɗu.

Dok gwan jan go: «Ya̰ swaga na ká mam ma buwal zi, ndwara varse mam ma buwal se.»

Kavaar ge daage pet ge ne suwar pal ma, ne njoole ma, ne kaŋ ge daage pet ge ne kḛ, ko ge ne sar, ndwara go, kaŋ ge daage pet ge ne o̰yom ne na zi, mbi ho̰ nama sugur nama za.» Kaŋ mbe ke go no me.

Dok gwan jan go: «Ya̰ kaŋ ge hon kwaya̰l ma, nama ká pḭr digi, ndwara varse gyala ma ne ɗaal buwal, ne da pe nama ká kaŋ ŋgayya ma, ndwara wan swaga ma, ne dam ma, ne del ma pe.

Uwale, Dok gwan jan go: «Ya̰ suwar pya kaŋ ma digi: Sugur ge ne ndwara ma ne bama hir ma go, uwara ge tolla ma ne bama hir ma go.» Kaŋ mbe ma ke go no me.

Go no, Dok e swaga mbe varse mam ge ne swaga mbe pe se ma, ne mam ge ne swaga mbe pala digi ma. Kaŋ mbe ke go no me.

Suwar pyar kaŋ ma digi, sugur ge ne ndwara ma ne bama hir ma go, uwara ge tolla ma ne bama hir ma go me. Dok ndil go na kwaɗa.

Dok ke kaŋ hon kwaya̰l ge ga̰l ma azi: Ge ne waɗe ga̰l, na ho̰ kwaya̰l gyala, ge jyale na ho̰ kwaya̰l ɗaal, ke guwa̰r ma me.

Dok gwan jan go: «Ya̰ mam ge ne pḭr pe se, na kote le ɗu, ya̰ fiya̰l na ndwa me.» Kaŋ mbe ke go no me. Dok tol swaga fiya̰l, suwar, tol mam, maŋgaɗam ga̰l yuwam me. Dok ndil go na kwaɗa.

Dok e wak busu nama pal, jan nama go: «Tó me ta se, zuli me ta se la̰y, mam na wi, njoole ma me, nama zuli ta se la̰y suwar pal.»

Dok gwan jan go: «Ya̰ suwar na busugi kavaar ma digi ne bama pehir ma go: Kavaar ga̰l ma ne ge jabso ma, ne kaŋ ge ne kḛ ma ne ge ne sar ma, ne kavaar ge ne ful zi ma pet.» Kaŋ mbe ke go no me.

Dok gwan jan go: «Ya̰ kavaar ge mam se ma nama zuli ta se la̰y, njoole ma me, nama ka ɗageya digi suwar pal.»

A go no ge Dok ne ke kavaar ge ne suwar pal ma ne bama pehir ma go pet, kavaar ge ga̰l ma ne ge jabso ma, ne kavaar ge ne kḛ ma ne ge ne sar ma me. Dok ndil go na kwaɗa.