Vargje biblike të njohura nga Jon 3

Ndaje

Endilisi, God Nogalomana ananinai atotona nape. Owa'etin. Ea' anan okom nainaila amam nematawa hiapai mape etapi. Ea' nase'apai Nogalomana ananinai atotona ma emi egafis sombale'efanai sope andeande', ina sega'ma waf aonai, owa'. Sofa' ambal namunai sope andeande' la'ela'ef hihif.

God ina nasapa' Nogalomana ananinai nafi'i etap anae' ma neanda'mapa basef, owa'. Anan nasapa'ana nafi'i ma nofa' ape' epes hiapai mape etapi motanimani.

Ea' Jisas nagwamana basef na'i, “Ae' a'ipina endilisi, emi epen God owa' nendan netaga dambaini, enin ina nambimb niowis wambota Godi numafian, owa'etin.”

Emi egafis sembale'efa anan, esis anona nemaf basef kot lu'unai a'as. Ea' emi egafis owa' seambale'efana, epes isima hegililas ea' ma kot anama lu'unai aonai. Dei' main? Esis sandaiwa'ma seambale'efa Nogalomana atotona Godi, na'ama epes isima hegililas hi'alas.

Basef ofagema ma kot lu'unai anama na'ama. Howalagon nafi'i nataga etap anae', ea' esis ukup maimaila waf anama etapanai atona si'i sape owamb, sandaiwa'ma howalagon. Dei' maina esis sandaiwa'? Esis sanda' waf aonai na'ama dei' sandaiwa'.

Agel Jisasi nelata lu'una, ea' agel ae'anai nowala sa'ona.”

Emi egafis sanda' waf aonai, sowa' alafugaha howalagon, esis sandaiwa'ma sifi'mai howalagon ma waf aonai esis sanda'anai neandawalap. Ea' dei' umbamahas sandaiwa'.

Emi egafis sembale'efa Nogalomana ananinai, epes isima dei' sefa' ambal namunai ma sope andeande' la'ela'ef hihif. Ea' emi egafis sewa' alafugama Nogalomana ananinai, epesisima ina nambimb sefa' ambal namunai sepe andeande' la'ela'ef, owa'etin. Dei' main, okom wandafunai Godi napomas la'ela'ef.

Fowa' Moses nafela anona yul nanda' kapa nanda'anai nail anona lawag ilif. Nanda'ana anama wafiguma fatauguma. Anama na'ama etina anona nemaf sefela ae' ataga epen endilisiwei sundi ieil anona lawag ilif.

Ahalomana God okom nainaila Nogalomana ea' nase'ana amamaga hiami ma lagof ananimi.