JENESIS 20
20
Abrahambe benai Abimelekbe
1Chigene Abrahambe tebeîtewtat dai ze Negebram ’mbe tat kai de lei, zai Kades benai Shur kakge lung ze bam de lei; zai Gerar ge lung gai leu de lei. 2Zai Abrahambe ne pe nâu Sarale je, “Pa â a kinapui lei,” ze kacheu de lei. Zai Gerar gu heguang Abimelekbe ne ziemmena lang gai ze Sarale je nguawang gai de lei. 3Kane Abimelekbe dage pa tingmuî pe mang ka’mmibe gene Hera ne pe dage wang lu, pechu, “Pie le lau, nang â kechaibe kau ziemmena de lei, aipau pui je nang lube ziegeneu; pa â miramme nâu daseu,” ze acheu rang gai de lei. 4Kane Abimelekbe â pe taige wang’nna gai mak kerei de lei; chidadege pa ne sa ze, “Tingwang gau, pe mâugabe-ziemmena zat je nang tewchat ra mei? 5Pa’mpaupeu sing ne du ‘Pa â a kinapui lei,’ ze achu acheu mak mei? Zai chipaupui ne du ‘Pa â a sipeu lei,’ ze kacheu de zeî lau. A lung ge chika’mmibe benai kemaube gabe ba ramme gene aipau tâ I tew de lei,” ze kacheu de lei. 6Chidadege pe mang gene Hera ne pechu, “Eu lei, ning lung ge mâ chi’mmizunlube gene aize nang tew de lei be I chî lei, zai a mikngau ge nang hemui gai’nderabe gene ningchu tei’mbiagaibe ze I ne de lei; chipauziegene nang pechu deîtau ra I ne pei mak te lei. 7Chidaze chunage chi ’mpuimi je pe napeu dage pei gai dai be lau; pa â kemeu’mpeu daze ning hangge kellum gai gu lei, zai nang ring gu lei. Kane nang ne pechu peipat kai dai makchai â nang chai himchang gu lei be chî le lau, zai nang benai ning gu ziemmena leine chai kam gu lei,” ze rang gai bei de lei.
8Chidadege Abimelekbe hechuasûn chu lu, pe guâ ka’ngguame leine je kû lu airamme leine penui je salia gai de lei; zai ziemmena ramme hing-desang di de lei. 9Dadege Abimelekbe ne Abrahambe je kû lu pechu, “Anui je nang ’ndaikau tew gai bei lau? Zai I benai a gu heguangram peireige hemui kedibe nang ne teiwang gai ra I ne ’ndaigumbe gene ning peireige hemui gai bei lau? Tewmakrabe tâ ramme a peireige nang ne tew gai bei de lei,” ze kacheu de lei. 10Zai Abimelekbe ne Abrahambe je, “Nang ’ndaikau ’nning ze aigumbe tâ tew gai lau?” ze kacheu de lei. 11Abrahambe ne kak ze, “Aipau bâm ge â Hera je kehingbe lungtak ga ra ’nnumgai’ndibe zai a nâu ziegene penui ne achu tewchat ra ’nnumgai’ndibe ziegene I aipau tâ tew gai ’ndi de lei. 12Chipau peireige du pa a kinapui sing lei, a peu na ’mpuimi lei, kane a pui na ’mpuimi mak lei; zai pa a nâu chang di de lei. 13Zai a peu ki gene Hera ne achu hela ’mbe tat ra langpatkaibe ting ge, pechu I ne ‘Kehungbe tâ a peireige nang tewgaisingrabe ze â aize de lei: anai wanggaibe bâm leine ge achu, Pa â a sipeu lei, ze acheu lau’ ze I ne rang gai bei de lei,” ze acheu bei de lei. 14Dadege â Abimelekbe ne meli ramme, getumsei ramme, zai kebangme ’mpeumi ramme benai ’mpuimi ramme ze pa ne Abraham je pei gai bei de lei, zai pe nâu Sarale je du pechu pei gai dai bei de lei. 15Dadege Abimelekbe ne rang ze, “Pie le lau, aize a ram kam de lei; nang ne lungnei-neibe ge lung du lau,” acheu bei de lei. 16Sarale je du pa ne, “Pie le lau, ning sipeu je gepût-rangkâng chang kat I pei gai ’nde lei; aize ne ning dage bamme leine mikngau ge ningchu tew’nzeigaibe de lei; zai mi haimena suagene ningchu tew’nzei gai de lei,” ze kacheu de lei. 17Chidadege Abrahambe Hera je kakellum de lei; dadege Hera ne Abimelekbe je tew’mmi gai bei de lei, zai pe nâu benai ’mpuimi kebangme ramme je du tew’mmi gai bei de lei, zai penui na lung de lei. 18Abrahambe nâu Sarale ziegene Abimelekbe ki ge bamme gu ’mpuimi gu nebâm leine Tingwang ne tewnam kam ’ndi dadegeu.
Aktualisht i përzgjedhur:
JENESIS 20: ZEMEBSI
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
JENESIS 20
20
Abrahambe benai Abimelekbe
1Chigene Abrahambe tebeîtewtat dai ze Negebram ’mbe tat kai de lei, zai Kades benai Shur kakge lung ze bam de lei; zai Gerar ge lung gai leu de lei. 2Zai Abrahambe ne pe nâu Sarale je, “Pa â a kinapui lei,” ze kacheu de lei. Zai Gerar gu heguang Abimelekbe ne ziemmena lang gai ze Sarale je nguawang gai de lei. 3Kane Abimelekbe dage pa tingmuî pe mang ka’mmibe gene Hera ne pe dage wang lu, pechu, “Pie le lau, nang â kechaibe kau ziemmena de lei, aipau pui je nang lube ziegeneu; pa â miramme nâu daseu,” ze acheu rang gai de lei. 4Kane Abimelekbe â pe taige wang’nna gai mak kerei de lei; chidadege pa ne sa ze, “Tingwang gau, pe mâugabe-ziemmena zat je nang tewchat ra mei? 5Pa’mpaupeu sing ne du ‘Pa â a kinapui lei,’ ze achu acheu mak mei? Zai chipaupui ne du ‘Pa â a sipeu lei,’ ze kacheu de zeî lau. A lung ge chika’mmibe benai kemaube gabe ba ramme gene aipau tâ I tew de lei,” ze kacheu de lei. 6Chidadege pe mang gene Hera ne pechu, “Eu lei, ning lung ge mâ chi’mmizunlube gene aize nang tew de lei be I chî lei, zai a mikngau ge nang hemui gai’nderabe gene ningchu tei’mbiagaibe ze I ne de lei; chipauziegene nang pechu deîtau ra I ne pei mak te lei. 7Chidaze chunage chi ’mpuimi je pe napeu dage pei gai dai be lau; pa â kemeu’mpeu daze ning hangge kellum gai gu lei, zai nang ring gu lei. Kane nang ne pechu peipat kai dai makchai â nang chai himchang gu lei be chî le lau, zai nang benai ning gu ziemmena leine chai kam gu lei,” ze rang gai bei de lei.
8Chidadege Abimelekbe hechuasûn chu lu, pe guâ ka’ngguame leine je kû lu airamme leine penui je salia gai de lei; zai ziemmena ramme hing-desang di de lei. 9Dadege Abimelekbe ne Abrahambe je kû lu pechu, “Anui je nang ’ndaikau tew gai bei lau? Zai I benai a gu heguangram peireige hemui kedibe nang ne teiwang gai ra I ne ’ndaigumbe gene ning peireige hemui gai bei lau? Tewmakrabe tâ ramme a peireige nang ne tew gai bei de lei,” ze kacheu de lei. 10Zai Abimelekbe ne Abrahambe je, “Nang ’ndaikau ’nning ze aigumbe tâ tew gai lau?” ze kacheu de lei. 11Abrahambe ne kak ze, “Aipau bâm ge â Hera je kehingbe lungtak ga ra ’nnumgai’ndibe zai a nâu ziegene penui ne achu tewchat ra ’nnumgai’ndibe ziegene I aipau tâ tew gai ’ndi de lei. 12Chipau peireige du pa a kinapui sing lei, a peu na ’mpuimi lei, kane a pui na ’mpuimi mak lei; zai pa a nâu chang di de lei. 13Zai a peu ki gene Hera ne achu hela ’mbe tat ra langpatkaibe ting ge, pechu I ne ‘Kehungbe tâ a peireige nang tewgaisingrabe ze â aize de lei: anai wanggaibe bâm leine ge achu, Pa â a sipeu lei, ze acheu lau’ ze I ne rang gai bei de lei,” ze acheu bei de lei. 14Dadege â Abimelekbe ne meli ramme, getumsei ramme, zai kebangme ’mpeumi ramme benai ’mpuimi ramme ze pa ne Abraham je pei gai bei de lei, zai pe nâu Sarale je du pechu pei gai dai bei de lei. 15Dadege Abimelekbe ne rang ze, “Pie le lau, aize a ram kam de lei; nang ne lungnei-neibe ge lung du lau,” acheu bei de lei. 16Sarale je du pa ne, “Pie le lau, ning sipeu je gepût-rangkâng chang kat I pei gai ’nde lei; aize ne ning dage bamme leine mikngau ge ningchu tew’nzeigaibe de lei; zai mi haimena suagene ningchu tew’nzei gai de lei,” ze kacheu de lei. 17Chidadege Abrahambe Hera je kakellum de lei; dadege Hera ne Abimelekbe je tew’mmi gai bei de lei, zai pe nâu benai ’mpuimi kebangme ramme je du tew’mmi gai bei de lei, zai penui na lung de lei. 18Abrahambe nâu Sarale ziegene Abimelekbe ki ge bamme gu ’mpuimi gu nebâm leine Tingwang ne tewnam kam ’ndi dadegeu.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.