Luk 23
23
Yesu Dres a-rag Pilat
Mat 27:1-2, 11-14; Mark 15:1-5; Yow 18:28-38
1Ena an routh oll a sevis hag a'n dug a-rag Pilat. 2Hag i a dhallathas y guhudha, ow leverel, ‘Ni a gavas an den ma ow tomhwel agan kenedhel, hag ow tifenn trubyt dhe vos res dhe Sesar, hag ow leverel ev y honan dhe vos Krist, myghtern.’ 3Ha Pilat a wovynnas orto, ‘Ty yw myghtern an Yedhewon?’ Ev a leveris dhodho, ow korthybi, ‘Ty a'n lever.’ 4Ena yn-medh Pilat dhe'n bennoferysi ha'n routhow, ‘Ny gavav travyth kablus y'n den ma.’ 5Mes i a ynnias dhe greffa ow leverel, ‘Movya an bobel a wra ev, ow tyski dres oll Yudi, ow talleth dhiworth Galile bys omma.’
Yesu a-rag Herod
6Pan glewas Pilat henna, ev a wovynnas, mar pe an den a Alile, 7ha wosa dyski ev dhe vos dhiworth arloetteth Herod ev a'n dannvonas dhe Herod, neb esa y honan ynwedh yn Yerusalem y'n dydhyow na. 8Pan welas Herod Yesu, pur lowen o, rag seuladhydh ev a vynna y weles, rag ev re glewsa anodho, ha govenek a'n jevo gweles neb tokyn gwrys ganso. 9Ytho ev a wovynnas orto lies tra, mes ny worthybis ev travyth dhodho. 10Ha'n bennoferysi ha'n skribys a sevi ena orth y guhudha yn fen. 11Ha Herod, gans y soudoryon a'n despityas ha'y skornya, ha wosa y gwetha yn dillas splann ev a'n dannvonas arta dhe Pilat. 12Ha Herod ha Pilat a dheuth ha bos kowetha y'n jydh na an eyl gans y gila; rag kyns i re bia eskerens.
Yesu Dampnys dhe'n Mernans
Mat 27:15-26; Mark 15:6-15; Yow 18:39–19:16
13Ena Pilat a elwis war-barth an bennoferysi ha'n rewloryon ha'n bobel 14ha leverel dhedha, ‘Hwi a dhros dhymm an den ma avel nebonan a gammled an bobel, ha mirewgh, my re'n apposyas yn agas golok, ha ny gavav fowt y'n den ma a-dro dhe'n kuhudhansow a dhresowgh er y bynn; 15na ny gavas Herod na hwath, rag ev a'n dastannvonas dhyn;#23:15 rag ev a'n dastannvonas dhyn: War-lergh re a'n dornskrifow rag my a'gas dannvonas dhodho. ha mirewgh, ny wrug ev travyth a dhervynn an mernans. 16Rakhenna my a wra y gessydhya hag ena y dhelivra.’ 17Rag res o dhodho delivra unn den dhedha y'n goel.#23:17 Nyns usi an wers ma yn re a'n dornskrifow.
18Mes i a armas oll war-barth ow leverel, ‘Dhe-ves ganso! Delirv dhyn ni Barabbas.’ 19(Ev re bia tewlys yn prison drefenn neb rebellyans gwrys y'n sita, ha drefenn denladh.) 20Ytho Pilat a gewsis dhedha arta, ow mynnes delivra Yesu; 21mes i a besyas garma, ‘Krowsy e, krowsy e!’ 22An tressa gweyth ev a leveris dhedha, ‘Pana dhrog a wrug an den ma? Ny gavav ynno ken dhe'n mernans; ytho my a wra y gessydhya hag ena y dhelivra.’ 23Mes i a ynnias gans garmow ughel, ow kovynn may fe krowsys, ha'ga garmow#23:23 ha'ga garmow: War-lergh re a'n dornskrifow ha'ga garmow i ha'n arghoferysi. a brevaylyas. 24Ha Pilat a vreusis, aga mynnas dhe vos grontys. 25Ytho ev a dhelivras an den a vynnens, neb re bia tewlys yn prison drefenn rebellyans ha denladh, hag ev a ros Yesu dhedha dhe wul aga bodh.
Krowsyans Yesu
Mat 27:32-44; Mark 15:21-32; Yow 19:17-27
26Hag i orth y dhoen dhe-ves, i a dhalghennas unn Simon, den a Kyrene, devedhys a'n pow; ha gorra an grows warnodho, dh'y doen war-lergh Yesu. 27Routh veur a'n bobel a'n siwya, hag a venynes owth omweskel hag ow kyni ragdho. 28Mes Yesu a dreylyas dhedha ha leverel, ‘Myrghes Yerusalem, na oelewgh warnav vy; mes oelewgh warnowgh agas honan ha rag agas fleghes, 29rag otta, an dydhyow a dheu pan leverons, “Gwynnvys an re anvap, ha'n torrow bythkweth na dhineythis, ha'n bronnow na vagas.” 30Ena i a dhalleth leverel dhe'n menydhyow, “Koedhewgh warnan ni!” ha dhe'n breow, “Kudhewgh ni!” 31Rag mar kwrens hemma y'n prenn gwyrdh, pandr'a vydh gwrys y'n prenn sygh?’
32Dew arall, drogoberoryon, o hembrenkys war-barth ganso dhe vos gorrys dhe'n mernans. 33Ha pan dheuthons dhe'n tyller henwys An Grogen, i a growsyas Yesu ena, ha'n dhrogoberoryon, an eyl a-dhyghow ha'y gila a-gledh. 34Ha Yesu a leveris, ‘A Das, gav dhedha, rag ny wodhons pandr'a wrons.’#23:34 Ha Yesu a leveris, ‘A Das, gav dhedha, rag ny wodhons pandr'a wrons.’: Nyns usi an geryow ma yn re a'n dornskrifow. Hag i a rannas y dhillas ow tewlel prenn. 35Ha'n bobel a sevis ena ow mires; an rewloryon ynwedh a skornya ganso, ow leverel, ‘Ev a sawyas erell, omsawys ev y honan mars yw an Krist a Dhuw, an Dewisys.’ 36Ha'n soudoryon ynwedh a wrug ges anodho, ow tos ha profya dhodho aysel, 37hag ow leverel, ‘Mars osta myghtern an Yedhewon, omsaw dha honan.’ 38Hag yth esa pennskrifa a-ughto,#23:38 pennskrifa a-ughto: War-lergh re a'n dornskrifow pennskrifa a-ughto skrifys yn lytherennow Greka, ha Latin hag Ebrow. ‘Hemm yw Myghtern an Yedhewon.’
39Hag onan a'n dhrogoberoryon kregys ena a'n despityas ow leverel, ‘A nyns osta an Krist? Omsaw dha honan ha saw ni ynwedh!’ 40Mes an arall a worthybis, hag a'n keredhis ow leverel, ‘A ny'th eus own a Dhuw, ha ty yn-dann an keth vreus? 41Ha ni yn tevri gwirvreusys, rag ni re gavas agan gober gwiw rag an taklow a wrussyn; mes hemma ny wrug travyth kamm.’ 42Hag yn-medh ev, ‘Yesu, porth kov ahanav pan dheudh y'th wlaskor.’ 43Hag yn-medh ev dhodho, ‘Yn hwir y lavarav dhis, hedhyw y fydhydh genev yn Paradhis.’
Mernans Yesu
Mat 27:45-56; Mark 15:33-41; Yow 19:28-30
44Ha lemmyn y feu a-dro dhe'n hweghves eur, hag yth esa tewlder dres oll an tir bys y'n nawves eur. 45An howl a dhifygyas, ha vayl an tempel a veu skwardys y'n kres. 46Ha Yesu a grias gans lev ughel ha leverel, ‘A Das, y'th tiwleuv y kemmynnav vy ow spyrys.’ Hag ow leverel hemma, ev a anellas y spyrys yn-mes. 47Mes an penn-kangour pan welas pup-tra a hwarva a ros glori dhe Dhuw ow leverel, ‘Yn hwir, den gwiryon o hemma.’ 48Hag oll an routhow omguntellys dhe vires orth hemma, pan welsons an taklow a hwarva, a dhehwelis tre, ow kweskel aga bronn; 49mes oll y geskowetha, ha'n benynes a wrussa y holya dhiworth Galile, a sevi a-bell ha gweles an hwarvosow ma.
Ynkleudhyans Yesu
Mat 27:57-61; Mark 15:42-47; Yow 19:38-42
50Hag otta, yth esa gour henwys Yosep, esel a'n konsel, gour da ha gwiryon; 51ny wrussa assentya dh'aga thowl na dh'aga gweythres. Yth esa a Arimathea, sita a'n Yedhewon, neb esa ow kortos gwlaskor Duw. 52Ev eth dhe Pilat, ha govynn korf Yesu. 53Hag ev a'n dug yn-nans, ha'y vaylya yn lien, ha'y worra yn bedh treghys y'n garrek ma na via denvyth bythkweth ynkleudhys ynno. 54Hag yth o dydh an darbar, hag yth esa an sabot ow talleth. 55Ha'n benynes neb re dhothya dhiworth Galile ganso a siwyas, hag a welas an bedh ha fatell veu y gorf gorrys ynno, 56hag i a dhehwelis ha pareusi spisys hag unyentys.
Hag i a bowesas y'n sabot herwydh an gorhemmynn.
Aktualisht i përzgjedhur:
Luk 23: ABK
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© Kesva an Taves Kernewek 2004, 2024
© Cornish Language Board 2004, 2024
Luk 23
23
Yesu Dres a-rag Pilat
Mat 27:1-2, 11-14; Mark 15:1-5; Yow 18:28-38
1Ena an routh oll a sevis hag a'n dug a-rag Pilat. 2Hag i a dhallathas y guhudha, ow leverel, ‘Ni a gavas an den ma ow tomhwel agan kenedhel, hag ow tifenn trubyt dhe vos res dhe Sesar, hag ow leverel ev y honan dhe vos Krist, myghtern.’ 3Ha Pilat a wovynnas orto, ‘Ty yw myghtern an Yedhewon?’ Ev a leveris dhodho, ow korthybi, ‘Ty a'n lever.’ 4Ena yn-medh Pilat dhe'n bennoferysi ha'n routhow, ‘Ny gavav travyth kablus y'n den ma.’ 5Mes i a ynnias dhe greffa ow leverel, ‘Movya an bobel a wra ev, ow tyski dres oll Yudi, ow talleth dhiworth Galile bys omma.’
Yesu a-rag Herod
6Pan glewas Pilat henna, ev a wovynnas, mar pe an den a Alile, 7ha wosa dyski ev dhe vos dhiworth arloetteth Herod ev a'n dannvonas dhe Herod, neb esa y honan ynwedh yn Yerusalem y'n dydhyow na. 8Pan welas Herod Yesu, pur lowen o, rag seuladhydh ev a vynna y weles, rag ev re glewsa anodho, ha govenek a'n jevo gweles neb tokyn gwrys ganso. 9Ytho ev a wovynnas orto lies tra, mes ny worthybis ev travyth dhodho. 10Ha'n bennoferysi ha'n skribys a sevi ena orth y guhudha yn fen. 11Ha Herod, gans y soudoryon a'n despityas ha'y skornya, ha wosa y gwetha yn dillas splann ev a'n dannvonas arta dhe Pilat. 12Ha Herod ha Pilat a dheuth ha bos kowetha y'n jydh na an eyl gans y gila; rag kyns i re bia eskerens.
Yesu Dampnys dhe'n Mernans
Mat 27:15-26; Mark 15:6-15; Yow 18:39–19:16
13Ena Pilat a elwis war-barth an bennoferysi ha'n rewloryon ha'n bobel 14ha leverel dhedha, ‘Hwi a dhros dhymm an den ma avel nebonan a gammled an bobel, ha mirewgh, my re'n apposyas yn agas golok, ha ny gavav fowt y'n den ma a-dro dhe'n kuhudhansow a dhresowgh er y bynn; 15na ny gavas Herod na hwath, rag ev a'n dastannvonas dhyn;#23:15 rag ev a'n dastannvonas dhyn: War-lergh re a'n dornskrifow rag my a'gas dannvonas dhodho. ha mirewgh, ny wrug ev travyth a dhervynn an mernans. 16Rakhenna my a wra y gessydhya hag ena y dhelivra.’ 17Rag res o dhodho delivra unn den dhedha y'n goel.#23:17 Nyns usi an wers ma yn re a'n dornskrifow.
18Mes i a armas oll war-barth ow leverel, ‘Dhe-ves ganso! Delirv dhyn ni Barabbas.’ 19(Ev re bia tewlys yn prison drefenn neb rebellyans gwrys y'n sita, ha drefenn denladh.) 20Ytho Pilat a gewsis dhedha arta, ow mynnes delivra Yesu; 21mes i a besyas garma, ‘Krowsy e, krowsy e!’ 22An tressa gweyth ev a leveris dhedha, ‘Pana dhrog a wrug an den ma? Ny gavav ynno ken dhe'n mernans; ytho my a wra y gessydhya hag ena y dhelivra.’ 23Mes i a ynnias gans garmow ughel, ow kovynn may fe krowsys, ha'ga garmow#23:23 ha'ga garmow: War-lergh re a'n dornskrifow ha'ga garmow i ha'n arghoferysi. a brevaylyas. 24Ha Pilat a vreusis, aga mynnas dhe vos grontys. 25Ytho ev a dhelivras an den a vynnens, neb re bia tewlys yn prison drefenn rebellyans ha denladh, hag ev a ros Yesu dhedha dhe wul aga bodh.
Krowsyans Yesu
Mat 27:32-44; Mark 15:21-32; Yow 19:17-27
26Hag i orth y dhoen dhe-ves, i a dhalghennas unn Simon, den a Kyrene, devedhys a'n pow; ha gorra an grows warnodho, dh'y doen war-lergh Yesu. 27Routh veur a'n bobel a'n siwya, hag a venynes owth omweskel hag ow kyni ragdho. 28Mes Yesu a dreylyas dhedha ha leverel, ‘Myrghes Yerusalem, na oelewgh warnav vy; mes oelewgh warnowgh agas honan ha rag agas fleghes, 29rag otta, an dydhyow a dheu pan leverons, “Gwynnvys an re anvap, ha'n torrow bythkweth na dhineythis, ha'n bronnow na vagas.” 30Ena i a dhalleth leverel dhe'n menydhyow, “Koedhewgh warnan ni!” ha dhe'n breow, “Kudhewgh ni!” 31Rag mar kwrens hemma y'n prenn gwyrdh, pandr'a vydh gwrys y'n prenn sygh?’
32Dew arall, drogoberoryon, o hembrenkys war-barth ganso dhe vos gorrys dhe'n mernans. 33Ha pan dheuthons dhe'n tyller henwys An Grogen, i a growsyas Yesu ena, ha'n dhrogoberoryon, an eyl a-dhyghow ha'y gila a-gledh. 34Ha Yesu a leveris, ‘A Das, gav dhedha, rag ny wodhons pandr'a wrons.’#23:34 Ha Yesu a leveris, ‘A Das, gav dhedha, rag ny wodhons pandr'a wrons.’: Nyns usi an geryow ma yn re a'n dornskrifow. Hag i a rannas y dhillas ow tewlel prenn. 35Ha'n bobel a sevis ena ow mires; an rewloryon ynwedh a skornya ganso, ow leverel, ‘Ev a sawyas erell, omsawys ev y honan mars yw an Krist a Dhuw, an Dewisys.’ 36Ha'n soudoryon ynwedh a wrug ges anodho, ow tos ha profya dhodho aysel, 37hag ow leverel, ‘Mars osta myghtern an Yedhewon, omsaw dha honan.’ 38Hag yth esa pennskrifa a-ughto,#23:38 pennskrifa a-ughto: War-lergh re a'n dornskrifow pennskrifa a-ughto skrifys yn lytherennow Greka, ha Latin hag Ebrow. ‘Hemm yw Myghtern an Yedhewon.’
39Hag onan a'n dhrogoberoryon kregys ena a'n despityas ow leverel, ‘A nyns osta an Krist? Omsaw dha honan ha saw ni ynwedh!’ 40Mes an arall a worthybis, hag a'n keredhis ow leverel, ‘A ny'th eus own a Dhuw, ha ty yn-dann an keth vreus? 41Ha ni yn tevri gwirvreusys, rag ni re gavas agan gober gwiw rag an taklow a wrussyn; mes hemma ny wrug travyth kamm.’ 42Hag yn-medh ev, ‘Yesu, porth kov ahanav pan dheudh y'th wlaskor.’ 43Hag yn-medh ev dhodho, ‘Yn hwir y lavarav dhis, hedhyw y fydhydh genev yn Paradhis.’
Mernans Yesu
Mat 27:45-56; Mark 15:33-41; Yow 19:28-30
44Ha lemmyn y feu a-dro dhe'n hweghves eur, hag yth esa tewlder dres oll an tir bys y'n nawves eur. 45An howl a dhifygyas, ha vayl an tempel a veu skwardys y'n kres. 46Ha Yesu a grias gans lev ughel ha leverel, ‘A Das, y'th tiwleuv y kemmynnav vy ow spyrys.’ Hag ow leverel hemma, ev a anellas y spyrys yn-mes. 47Mes an penn-kangour pan welas pup-tra a hwarva a ros glori dhe Dhuw ow leverel, ‘Yn hwir, den gwiryon o hemma.’ 48Hag oll an routhow omguntellys dhe vires orth hemma, pan welsons an taklow a hwarva, a dhehwelis tre, ow kweskel aga bronn; 49mes oll y geskowetha, ha'n benynes a wrussa y holya dhiworth Galile, a sevi a-bell ha gweles an hwarvosow ma.
Ynkleudhyans Yesu
Mat 27:57-61; Mark 15:42-47; Yow 19:38-42
50Hag otta, yth esa gour henwys Yosep, esel a'n konsel, gour da ha gwiryon; 51ny wrussa assentya dh'aga thowl na dh'aga gweythres. Yth esa a Arimathea, sita a'n Yedhewon, neb esa ow kortos gwlaskor Duw. 52Ev eth dhe Pilat, ha govynn korf Yesu. 53Hag ev a'n dug yn-nans, ha'y vaylya yn lien, ha'y worra yn bedh treghys y'n garrek ma na via denvyth bythkweth ynkleudhys ynno. 54Hag yth o dydh an darbar, hag yth esa an sabot ow talleth. 55Ha'n benynes neb re dhothya dhiworth Galile ganso a siwyas, hag a welas an bedh ha fatell veu y gorf gorrys ynno, 56hag i a dhehwelis ha pareusi spisys hag unyentys.
Hag i a bowesas y'n sabot herwydh an gorhemmynn.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© Kesva an Taves Kernewek 2004, 2024
© Cornish Language Board 2004, 2024