Daa 7
7
Í daa dũniaa
1Ɔ̃ Dii ò Nɔeeɛ: Gɛ̃ gó guu ń n bɛdeɔ, asa má è mmɛ ń maamɛɛ tiadeɔ guu. 2Nɔ̀ɔ pɔ wì sa'oòɔ sɛ ǹ gɛ̃ò da ń sao soplapla, ní nɔ̀ɔ pɔ wìli sa'oòoɔ sɛ mɛn plapla da ń sao. 3Bãɔ sɛ ǹ gɛ̃ò lɔ da ń sao soplapla, kɛ́ an bui e àɔ ku dũniau gupiiu. 4Asa gɔɔ sopla gbɛa má tó lou ma tɔɔlɛ gɔɔ blaɛ fãanɛ ń gwãasĩnao, kɛ́ mà pɔ wɛ̃nide pɔ má kɛ̀ɔ waa tɔɔlɛwa pii.
5Nɔee yã pɔ Dii òɛ kɛ̀ pii. 6Gɔɔ pɔ í dà dũniaa, Nɔee wɛ̃̀ ɔaa aaɔ̃ɛ. 7À gɛ̃̀ go'ilɛna guu ń a nɛɔ ń a nao ń a nɛɔ naɔ, kɛ́ aa e bɔ ípi yãu. 8Ɔ̃ nɔ̀ɔ pɔ wì sa'oòɔ ń nɔ̀ɔ pɔ wìli sa'oòoɔ ń bãɔ ń pɔtaa'onkuawaɔ 9mɔ̀ Nɔee kĩi gópiu mɛn plapla da ń sao lá Lua òɛ̀wa. 10Gɔɔ sopla gbɛa í zɔ̃ɔpi dũnia lè. 11Nɔee wɛ̃̀ ɔaa aaɔ̃de, a mɔ plaade gɔɔ gɛ̃omplaodezĩ, ɔ̃ isi pɔ ku tɔɔlɛ ziɛ nibɔnaɔ pũ̀na pii, mɛ́ loupɔɔ fɔ̃̀. 12Lou mà e gɔɔ bla fãanɛ ń gwãasĩnao.
13Zĩ́ bee ɔ̃ Nɔee gɛ̃̀ gópiu ń a nɛɔ, Sɛũ ń Haũo ń Yafɛtio, ń a nao ń a nɛɔ naɔ gbɛ̃ɔn aaɔ̃#2 Piɛ 2.5 14ń sɛ̃anɔbɔɔ pii ń buiwa ń pɔtuoɔ pii ń buiwa ń pɔtaa'onkuawaɔ pii ń buiwa ń pɔ vuaaɔ pii ń buiwa, bãɔ ń pɔ gãsĩadeɔ pii. 15Pɔ pɔ ì weɔ mɔ̀ Nɔee kĩi gó guu bui ń buio mɛn plapla. 16Pɔ wɛ̃nideɔ bui pii gɛ̃̀ da ń sao lá Lua dìlɛɛ̀wa. Ɔ̃ Dii gbatàńlɛ.
17Lou mà e gɔɔ bla. Kɛ́ í lɛ́ kãfĩ, ɔ̃ à gó sɛ̀, à fɛ̀lɛò tɔɔlɛa. 18Í fɛ̀lɛ à kã̀fĩ maamaa, à dà tɔɔlɛa, ɔ̃ gópi da ía. 19Í kã̀fĩ à dà tɔɔlɛa nàii, à kù gbɛsĩsĩ lɛsĩ pɔ ku dũniauɔla míɔ. 20Í fɛ̀lɛ dà gbɛsĩsĩpiɔla e gãsĩsuu gɛ̃o. 21Pɔ wɛ̃nide pɔ ì taa'o tɔɔlɛwaɔ gàga pii, bãɔ ń pɔtuoɔ ń sɛ̃anɔbɔɔ ń pɔtaa'onkuawaɔ ń gbɛ̃nazĩnaɔ pii. 22Pɔ pɔ ì we mɛ́ a ku sĩsĩaɔ gàga pii. 23Pɔ wɛ̃nide pɔ ku sĩsĩaɔ midɛ̀ pii. Gbɛ̃nazĩnaɔ ń nɔbɔɔ ń pɔtaa'onkuawaɔ ń bãɔ midɛ̀ dũniau. Nɔee mɛ́ bɔ̀ ado ń pɔ pɔ kuaanɔ gó guuɔ.#2 Piɛ 3.6 24Ɔ̃ í daa dũniaa màa e gɔɔ basoplakwi.
Aktualisht i përzgjedhur:
Daa 7: Boo2024
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Boko Bible © SIM International, 2024.