Tongo nda ti aye 12
12
ABRAHAM
12–25
Nzapa atene na Abram ti zia kodro ti lo ti hon
1 KOTA GBIA atene na Abram: “Londo, mo zia kodro ti mo, sewa ti mo, na da ti babâ ti mo; mo gue na kodro so fade mbi yeke fa na mo. 2Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo. 3 Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”
4Abram alondo, ague gi tongana ti so KOTA GBIA atene na lo ti gue so. Lot nga ague na lo. Ngu ti Abram ayeke balembarambara na oku na ndembe so lo londo na gbata ti Haran ti hon. 5Lo mu wali ti lo Sarai, Lot, molenge ti ita ti lo, aye so kue ala wara na Haran na angbaa so ala vo ala. Ala mu lege ti gue na kodro ti Kanaan.
Abram asi na Kanaan nga na Ezipte
Ala gue, asi na sese ti Kanaan. 6Abram ahon na ya ti sese ni; lo gue, lo si na gbata ti Sishem, lo hon ngbii lo si na tere ti keke ti shene ti More. Na ngoi ni so, azo ti Kanaan laa ayeke lango na ya ti kodro ni.
7 KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo. 8Lo londo na ndo so, lo gue, lo si na hoto so ayeke na mbage ti To ti gbata ti Betel; Betel ayeke na Do si Ai ayeke na To. Lo zia da ti lo ti bongo na popo ti agbata use so. Lo leke mbeni gbalaka ndali ti KOTA GBIA. Kâ, lo iri KOTA GBIA na iri ti lo si lo voro lo. 9Na pekoni, Abram alondo na mbeni ndo, lo si na mbeni ndo si lo mu lege so ague na mbage ti Mbongo.
10Mbeni kota nzara ati na ya ti kodro ni. Abram ague na Ezipte ti duti kâ ndali ti mbeni ngoi, ngbanga ti so nzara ni ahon ndoni na ya ti kodro ni. 11So ala ga nduru ti si na Ezipte, lo tene na wali ti lo Sarai, lo tene: “Baa, mbi hinga so mo yeke pendere wali mingi. 12Tongana azo ti Ezipte abaa mo, ala yeke tene ande atene, mo yeke wali ti mbi si ala yeke fâ mbi ti zia mo, mo ngba na fini. 13 Mbi gbu gere ti mo; ayeke nzoni mo tene na ala, mo tene, mo yeke ita ti mbi ti wali. Tongaso si ala sara nzoni na mbi ndali ti mo si mbi ngba na fini ndali ti mo.”
14So Abram asi na Ezipte, azo ti kodro ni abaa so wali ni ayeke pendere wali mingi. 15Akota zo ti gbe ti gbia Faraon abaa lo si ala gonda pendere ti lo na Faraon. Ala mu wali ni ague na lo na yangbo ti Faraon. 16Ndali ti lo, azo ni asara nzoni na Abram. Ala mu na lo ataba, angasa na abagara, akoli-lele na amama ti lele, angbaa ti koli na ti wali na azambala. 17 Me KOTA GBIA atokua aye ti ngangu na ndö ti Faraon na azo ti da ti lo ndali ti Sarai, wali ti Abram. 18Faraon airi Abram si lo tene na lo: “Nyen laa mo sara na mbi tongaso? Ngbanga ti nyen si mo tene na mbi, mo tene, lo yeke wali ti mo pepe? 19Ngbanga ti nyen si mo tene na mbi, mo tene, lo yeke ita ti mo ti wali si mbi mu lo titene lo ga wali ti mbi so? Baa, wali ti mo laa! Mu lo, mo hon!”
20Faraon amu yanga na azo ti lo titene ala mu Abram, na wali ti lo, na aye so kue lo yeke na ni, azia ala na lege si ala gue.
Aktualisht i përzgjedhur:
Tongo nda ti aye 12: MNF2010
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© La Société Biblique de Centrafrique 2010
Tongo nda ti aye 12
12
ABRAHAM
12–25
Nzapa atene na Abram ti zia kodro ti lo ti hon
1 KOTA GBIA atene na Abram: “Londo, mo zia kodro ti mo, sewa ti mo, na da ti babâ ti mo; mo gue na kodro so fade mbi yeke fa na mo. 2Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo. 3 Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”
4Abram alondo, ague gi tongana ti so KOTA GBIA atene na lo ti gue so. Lot nga ague na lo. Ngu ti Abram ayeke balembarambara na oku na ndembe so lo londo na gbata ti Haran ti hon. 5Lo mu wali ti lo Sarai, Lot, molenge ti ita ti lo, aye so kue ala wara na Haran na angbaa so ala vo ala. Ala mu lege ti gue na kodro ti Kanaan.
Abram asi na Kanaan nga na Ezipte
Ala gue, asi na sese ti Kanaan. 6Abram ahon na ya ti sese ni; lo gue, lo si na gbata ti Sishem, lo hon ngbii lo si na tere ti keke ti shene ti More. Na ngoi ni so, azo ti Kanaan laa ayeke lango na ya ti kodro ni.
7 KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo. 8Lo londo na ndo so, lo gue, lo si na hoto so ayeke na mbage ti To ti gbata ti Betel; Betel ayeke na Do si Ai ayeke na To. Lo zia da ti lo ti bongo na popo ti agbata use so. Lo leke mbeni gbalaka ndali ti KOTA GBIA. Kâ, lo iri KOTA GBIA na iri ti lo si lo voro lo. 9Na pekoni, Abram alondo na mbeni ndo, lo si na mbeni ndo si lo mu lege so ague na mbage ti Mbongo.
10Mbeni kota nzara ati na ya ti kodro ni. Abram ague na Ezipte ti duti kâ ndali ti mbeni ngoi, ngbanga ti so nzara ni ahon ndoni na ya ti kodro ni. 11So ala ga nduru ti si na Ezipte, lo tene na wali ti lo Sarai, lo tene: “Baa, mbi hinga so mo yeke pendere wali mingi. 12Tongana azo ti Ezipte abaa mo, ala yeke tene ande atene, mo yeke wali ti mbi si ala yeke fâ mbi ti zia mo, mo ngba na fini. 13 Mbi gbu gere ti mo; ayeke nzoni mo tene na ala, mo tene, mo yeke ita ti mbi ti wali. Tongaso si ala sara nzoni na mbi ndali ti mo si mbi ngba na fini ndali ti mo.”
14So Abram asi na Ezipte, azo ti kodro ni abaa so wali ni ayeke pendere wali mingi. 15Akota zo ti gbe ti gbia Faraon abaa lo si ala gonda pendere ti lo na Faraon. Ala mu wali ni ague na lo na yangbo ti Faraon. 16Ndali ti lo, azo ni asara nzoni na Abram. Ala mu na lo ataba, angasa na abagara, akoli-lele na amama ti lele, angbaa ti koli na ti wali na azambala. 17 Me KOTA GBIA atokua aye ti ngangu na ndö ti Faraon na azo ti da ti lo ndali ti Sarai, wali ti Abram. 18Faraon airi Abram si lo tene na lo: “Nyen laa mo sara na mbi tongaso? Ngbanga ti nyen si mo tene na mbi, mo tene, lo yeke wali ti mo pepe? 19Ngbanga ti nyen si mo tene na mbi, mo tene, lo yeke ita ti mo ti wali si mbi mu lo titene lo ga wali ti mbi so? Baa, wali ti mo laa! Mu lo, mo hon!”
20Faraon amu yanga na azo ti lo titene ala mu Abram, na wali ti lo, na aye so kue lo yeke na ni, azia ala na lege si ala gue.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© La Société Biblique de Centrafrique 2010