Tongo nda ti aye 29
29
Jacob na Rachel awara tere
1Jacob amu lege ti gue na sese ti azo so ayeke na mbage ti To. 2Mbeni lâ, lo baa mbeni du ti ngu na ya ti ngonda si lo baa bongbi ota ti ataba na angasa so alango nduru na du ti ngu ni. Ngu ti du so laa ala yeke nyon. A kanga yanga ti du ti ngu ni na mbeni kota têne. 3Tongana a bongbi anyama ni kue awe, azo ayeke pusu kota têne ti yanga ti du ti ngu ni, ala to ngu ni na anyama ni, anyon si na pekoni, azo ni akiri azia têne ni na yanga ti du ti ngu ni. 4Jacob ahunda awabatango-nyama ni, atene: “A-ita, ala yeke azo ti kodro wa?” Ala kiri tënë na lo, atene: “E yeke azo ti kodro ti Haran.” 5Lo hunda ala, lo tene: “Ala hinga Laban, molenge ti Nahor?” Ala kiri tënë na lo, atene: “E hinga lo.” 6Lo hunda ala, lo tene: “Lo yeke nzoni?” Ala kiri tënë, atene: “Lo yeke nzoni. Baa Rachel, molenge ti lo ti wali laa ayeke ga na anyama ti lo so.” 7Lo kiri lo tene: “Baa, lâ angba ti su; so ngoi ti bongbingo anyama na ndo oko laa pepe. Ala mu ngu na anyama ni anyon; na pekoni, ala gue na ala titene ala te pere.” 8Ala kiri tënë: “E lingbi ti sara tongaso pepe. E yeke bongbi anyama ni kue na ndo oko kozoni. Na pekoni, e yeke pusu kota têne ni na yanga ti du ti ngu ni si e to ngu na anyama ni titene ala nyon.”
9 So lo ngba ti tene tënë na ala, Rachel asi na anyama ti babâ ti lo, ngbanga ti so Rachel ayeke wabatango-nyama. 10So Jacob abaa Rachel, molenge ti Laban, ita ti mama ti lo, na anyama ti Laban, lo gue na tere ti du ti ngu ni; lo pusu têne ti yanga ti du ni si lo to ngu na anyama ti Laban titene ala nyon. 11Na pekoni, Jacob asu ngbangba ti Rachel si lo toto. 12Lo tene na Rachel, ni yeke zo ti sewa ti babâ ti lo si ni yeke molenge ti Rébecca. Rachel akpe, ague, atene tënë ni na babâ ti lo. 13So Laban ama tënë ti singo ti Jacob, molenge ti ita ti lo ti wali, lo kpe, lo gue, lo wara lo. Lo gbu lo ngangu na kate ti lo, lo su ngbangba ti lo si lo gue na lo na da ti lo. Jacob afa na lo peko ti aye so kue asi. 14Na pekoni, Laban atene na lo: “Taa-tënë, mo yeke zo ti sewa ti mbi, mo yeke taa mene ti mbi.” Jacob asara nze oko na ndo ti Laban.
Jacob amu Lea na Rachel ti ga awali ti lo
15Mbeni lâ, Laban atene na Jacob: “Mo yeke zo ti sewa ti mbi. Me ndali ni si mo lingbi ti sara kua na mbi senge senge? Fa na mbi ye so mo ye mbi futa mo na ni.”
16Andaa Laban ayeke na amolenge-wali use: iri ti kozo molenge ni Lea; iri ti ngambe ni Rachel. 17Lea ayeke baa ndo nzoni pepe; me Rachel ayeke pendere mingi si lo nzere na le ti azo. 18Jacob aye Rachel si lo tene: “Mbi yeke sara kua na mo na ya ti ngu mbarambara ndali ti Rachel, molenge ti mo ti ngambe ni.” 19Laban atene: “Ti mbi, mbi ye mingi ti mu lo na mo ahon titene mbi mu lo na mbeni koli nde. Ngba na ndo ti mbi ge.”
20 Tongaso Jacob asara kua ngu mbarambara ndali ti Rachel. Ti lo, lo baa ngu mbarambara so gi tongana mbeni kete lango, ngbanga ti so lo ye Rachel. 21Na pekoni, Jacob atene na Laban: “Ngoi so mo fa na mbi so alingbi awe. Mu na mbi wali ti mbi; mbi ye titene lo ga wali ti mbi.”
22Laban asara matanga ti mungo tere si lo iri azo ti ndo ni kue ti ga na matanga ni. 23Me na lakui, lo mu molenge ti lo Lea, lo gue na lo na Jacob titene Jacob aduti na lo. 24Laban amu Zilpa, zo ti kua ti lo ti wali na molenge ti lo Lea ti ga zo ti kua ti lo. 25So ndo ahan awe, Jacob abaa so Lea laa. Lo hunda Laban, lo tene: “Nyen laa mo sara na mbi tongaso? Mbi sara kua na mo ndali ti Rachel pepe? Mo handa mbi ngbanga ti nyen?” 26Laban akiri tënë na lo, atene: “Na ndo ti e, na lege ti sarango ye ti e, a yeke mu ka ngambe molenge na koli kozo ti yaya ti lo pepe. 27Mo hunzi yenga oko ti matanga ti mungo tere ti mo na lo so si. Na pekoni, a yeke mu na mo ngambe ni si mo kiri mo sara kua na mbi na ya ti ngu mbarambara.” 28Jacob ayeda. Lo hunzi yenga oko ti matanga ti mungo tere ti lo na Lea. Na pekoni, Laban amu molenge ti lo Rachel titene lo ga wali ti Jacob. 29Laban amu Bila, zo ti kua ti lo ti wali na Rachel ti ga zo ti kua ti lo. 30Jacob aduti nga na Rachel. Lo ye Rachel ahon Lea. Tongaso lo kiri lo sara kua na Laban na ya ti ngu mbarambara.
Amolenge ti Jacob
31So KOTA GBIA abaa atene Jacob aye Lea mingi pepe, lo sara si Lea aga wali ti dungo ni. Me Rachel ayeke ti lo wali ti dungo ni pepe. 32Lea amu ngo, lo du molenge-koli si lo di iri ti lo Ruben, ngbanga ti so lo tene: “KOTA GBIA abaa vundu ti be ti mbi awe. Fadeso koli ti mbi ayeke ye mbi.”
33Lo kiri lo mu ngo si lo du mbeni molenge-koli; lo tene: “KOTA GBIA ahinga so koli ti mbi aye mbi pepe. Nilaa lo kiri lo mu na mbi molenge so.” Lo di iri ti lo Siméon.
34Lo kiri lo mu ngo si lo du mbeni molenge-koli; lo tene: “Ti so, fade koli ti mbi ayeke bongbi oko na mbi, ngbanga ti so mbi du na lo amolenge-koli ota awe. Ndani laa lo di iri ti molenge ni Lévi.”
35Lo kiri lo mu ngo si lo du mbeni molenge-koli; lo tene: “Ti so, mbi yeke gonda KOTA GBIA.” Ndani laa lo di iri ti molenge ni Juda.
Na pekoni, lo kiri lo du pepe.
Aktualisht i përzgjedhur:
Tongo nda ti aye 29: MNF2010
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© La Société Biblique de Centrafrique 2010
Tongo nda ti aye 29
29
Jacob na Rachel awara tere
1Jacob amu lege ti gue na sese ti azo so ayeke na mbage ti To. 2Mbeni lâ, lo baa mbeni du ti ngu na ya ti ngonda si lo baa bongbi ota ti ataba na angasa so alango nduru na du ti ngu ni. Ngu ti du so laa ala yeke nyon. A kanga yanga ti du ti ngu ni na mbeni kota têne. 3Tongana a bongbi anyama ni kue awe, azo ayeke pusu kota têne ti yanga ti du ti ngu ni, ala to ngu ni na anyama ni, anyon si na pekoni, azo ni akiri azia têne ni na yanga ti du ti ngu ni. 4Jacob ahunda awabatango-nyama ni, atene: “A-ita, ala yeke azo ti kodro wa?” Ala kiri tënë na lo, atene: “E yeke azo ti kodro ti Haran.” 5Lo hunda ala, lo tene: “Ala hinga Laban, molenge ti Nahor?” Ala kiri tënë na lo, atene: “E hinga lo.” 6Lo hunda ala, lo tene: “Lo yeke nzoni?” Ala kiri tënë, atene: “Lo yeke nzoni. Baa Rachel, molenge ti lo ti wali laa ayeke ga na anyama ti lo so.” 7Lo kiri lo tene: “Baa, lâ angba ti su; so ngoi ti bongbingo anyama na ndo oko laa pepe. Ala mu ngu na anyama ni anyon; na pekoni, ala gue na ala titene ala te pere.” 8Ala kiri tënë: “E lingbi ti sara tongaso pepe. E yeke bongbi anyama ni kue na ndo oko kozoni. Na pekoni, e yeke pusu kota têne ni na yanga ti du ti ngu ni si e to ngu na anyama ni titene ala nyon.”
9 So lo ngba ti tene tënë na ala, Rachel asi na anyama ti babâ ti lo, ngbanga ti so Rachel ayeke wabatango-nyama. 10So Jacob abaa Rachel, molenge ti Laban, ita ti mama ti lo, na anyama ti Laban, lo gue na tere ti du ti ngu ni; lo pusu têne ti yanga ti du ni si lo to ngu na anyama ti Laban titene ala nyon. 11Na pekoni, Jacob asu ngbangba ti Rachel si lo toto. 12Lo tene na Rachel, ni yeke zo ti sewa ti babâ ti lo si ni yeke molenge ti Rébecca. Rachel akpe, ague, atene tënë ni na babâ ti lo. 13So Laban ama tënë ti singo ti Jacob, molenge ti ita ti lo ti wali, lo kpe, lo gue, lo wara lo. Lo gbu lo ngangu na kate ti lo, lo su ngbangba ti lo si lo gue na lo na da ti lo. Jacob afa na lo peko ti aye so kue asi. 14Na pekoni, Laban atene na lo: “Taa-tënë, mo yeke zo ti sewa ti mbi, mo yeke taa mene ti mbi.” Jacob asara nze oko na ndo ti Laban.
Jacob amu Lea na Rachel ti ga awali ti lo
15Mbeni lâ, Laban atene na Jacob: “Mo yeke zo ti sewa ti mbi. Me ndali ni si mo lingbi ti sara kua na mbi senge senge? Fa na mbi ye so mo ye mbi futa mo na ni.”
16Andaa Laban ayeke na amolenge-wali use: iri ti kozo molenge ni Lea; iri ti ngambe ni Rachel. 17Lea ayeke baa ndo nzoni pepe; me Rachel ayeke pendere mingi si lo nzere na le ti azo. 18Jacob aye Rachel si lo tene: “Mbi yeke sara kua na mo na ya ti ngu mbarambara ndali ti Rachel, molenge ti mo ti ngambe ni.” 19Laban atene: “Ti mbi, mbi ye mingi ti mu lo na mo ahon titene mbi mu lo na mbeni koli nde. Ngba na ndo ti mbi ge.”
20 Tongaso Jacob asara kua ngu mbarambara ndali ti Rachel. Ti lo, lo baa ngu mbarambara so gi tongana mbeni kete lango, ngbanga ti so lo ye Rachel. 21Na pekoni, Jacob atene na Laban: “Ngoi so mo fa na mbi so alingbi awe. Mu na mbi wali ti mbi; mbi ye titene lo ga wali ti mbi.”
22Laban asara matanga ti mungo tere si lo iri azo ti ndo ni kue ti ga na matanga ni. 23Me na lakui, lo mu molenge ti lo Lea, lo gue na lo na Jacob titene Jacob aduti na lo. 24Laban amu Zilpa, zo ti kua ti lo ti wali na molenge ti lo Lea ti ga zo ti kua ti lo. 25So ndo ahan awe, Jacob abaa so Lea laa. Lo hunda Laban, lo tene: “Nyen laa mo sara na mbi tongaso? Mbi sara kua na mo ndali ti Rachel pepe? Mo handa mbi ngbanga ti nyen?” 26Laban akiri tënë na lo, atene: “Na ndo ti e, na lege ti sarango ye ti e, a yeke mu ka ngambe molenge na koli kozo ti yaya ti lo pepe. 27Mo hunzi yenga oko ti matanga ti mungo tere ti mo na lo so si. Na pekoni, a yeke mu na mo ngambe ni si mo kiri mo sara kua na mbi na ya ti ngu mbarambara.” 28Jacob ayeda. Lo hunzi yenga oko ti matanga ti mungo tere ti lo na Lea. Na pekoni, Laban amu molenge ti lo Rachel titene lo ga wali ti Jacob. 29Laban amu Bila, zo ti kua ti lo ti wali na Rachel ti ga zo ti kua ti lo. 30Jacob aduti nga na Rachel. Lo ye Rachel ahon Lea. Tongaso lo kiri lo sara kua na Laban na ya ti ngu mbarambara.
Amolenge ti Jacob
31So KOTA GBIA abaa atene Jacob aye Lea mingi pepe, lo sara si Lea aga wali ti dungo ni. Me Rachel ayeke ti lo wali ti dungo ni pepe. 32Lea amu ngo, lo du molenge-koli si lo di iri ti lo Ruben, ngbanga ti so lo tene: “KOTA GBIA abaa vundu ti be ti mbi awe. Fadeso koli ti mbi ayeke ye mbi.”
33Lo kiri lo mu ngo si lo du mbeni molenge-koli; lo tene: “KOTA GBIA ahinga so koli ti mbi aye mbi pepe. Nilaa lo kiri lo mu na mbi molenge so.” Lo di iri ti lo Siméon.
34Lo kiri lo mu ngo si lo du mbeni molenge-koli; lo tene: “Ti so, fade koli ti mbi ayeke bongbi oko na mbi, ngbanga ti so mbi du na lo amolenge-koli ota awe. Ndani laa lo di iri ti molenge ni Lévi.”
35Lo kiri lo mu ngo si lo du mbeni molenge-koli; lo tene: “Ti so, mbi yeke gonda KOTA GBIA.” Ndani laa lo di iri ti molenge ni Juda.
Na pekoni, lo kiri lo du pepe.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© La Société Biblique de Centrafrique 2010