Azã 2
2
Pɔgdire kibsa n boe Kana tẽŋa
1La dabsa atã daarɛ, pɔgdire kibsa n daan boe Kana, Galile so'olʋm pʋam. Tɩ Azezi ma daan bɔna mĩ. 2Tɩ ba mẽ wi Azezi la a karẽnbiisi, tɩ ba wa'am kibsa la. 3Tɩ dãam daan pɔ'ɔgɛ, tɩ Azezi ma yele ẽ yetɩ: «Dãam na pɔ'ɔgɛ mɛ.» 4Tɩ Azezi lerge ẽ yetɩ: «M ma, dagɩ fõn wʋn yele mam, mam n wʋn ẽŋɛ se'em. Mam wakatɛ nãn ka paagɛ.» 5Tɩ Azezi ma la yele tõntõnɩba la yetɩ: «Ẽŋa n yetɩ ya ẽŋɛ se'em wuu, ya ẽŋɛ.»
6La kuga dʋgrɔ bayoobɩ n daan boe mĩ tɩ Zifdõma daan tara pɛɛra ba mẽŋa wʋ ba sisgo n yetɩ ba ɩta se'em na. Ko'om lɩtrɩ pinii bɩɩ kɔbga n daan pɩtɩ dʋkɔ ayɩla. 7Tɩ Azezi yele ba yetɩ: «Ãgɛ-ya ko'om pɩrɛ dʋgrɔ la.» Tɩ ba ãgɛ pɩrɛ ba. 8Tɩ Azezi yele ba yetɩ: «Kãbgɛ-ya tarɩ ka bɔ sɛka n bɩsrɩ dia yelle la.» Tɩ ba kãbgɛ tarɩ ka bɔ ẽ. 9La sɛka n bɩsrɩ dia la yelle la n leme ko'om na, ba lebge la dãam, tɩ a ka mina ban ze'ele zẽ'a. La tõntõnɩba la n ãgɛ ko'om na mi mɛ. Tɩ sɛka n bɩsrɩ dia la yelle la wi pɔgdita la, 10yele ẽ yetɩ: «Nẽra woo ẽn dẽŋɛ bɔ la dã-sõma, tɩ ba sãn wa yũ tɩgɛ, tɩ ba yãŋa bɔ'ɔra dã-sɛba n ka ba ãna sõŋa la. La fõn dɩkɛ la dã-sõma ze'ele bɔ'ɔra poorʋm.»
11Ẽna n de Azezi pɔspɔsɩ tõon-yãlma tɩ a ẽŋɛ. A ẽŋɛ ẽ na Kana Galile so'olʋm pʋam, pa'alɛ a na'am pãŋa, tɩ a karẽnbiisi la bɔ ẽ sɩra.
12Bɛla poorʋm, ẽŋa la a ma, la a yɩbsɩ, la a karẽnbiisi la sẽŋɛ la Kapɛrnaʋm. Ba kẽ bilam na dabsa fẽe.
Azezi dige leebdõma Wẽnde-kãtʋm
(Amatie 21:12-13, Amarkɩ 11:15-17, Aluki 19:45-46)
13La Zifdõma Zɔɔg-basɛ kibsa daarɛ n daan lɛm, tɩ Azezi sẽŋɛ Zerizalɛm, 14ka kẽ Wẽnde-kãtɛ la zẽnzakam yẽ nẽrba n koosrɩ niigi, la piisi, la na'adawɛma, la lig-tɛɛrba n zĩ mĩ. 15Tɩ a dɩkɛ mĩ'isi ẽŋɛ ka'asrɛ dige ba, la niigi, la piisi la wuu Wẽnde-kãtɛ la zẽnzakam tɩ ba yese, dee zã'agɛ lig-tɛɛrba la taablɩdõma lʋbɛ, tɩ ba ligri la ka'asɛ. 16Dee yele sɛba n koosrɩ na'adawɛma la yetɩ: «Tarɩ-ya ba yese. Da dɩkɛ-ya mam Sɔ deego la ẽŋɛ leebgo zẽ'a.» 17Tɩ a karẽnbiisi la tẽegɛ tɩ la gʋlsɛ yetɩ: «Nawẽnnɛ, fõn deego la nõŋlʋm tɩ mam tarɩ la, wʋn di mam wʋ bugum na.»
18Tɩ Zifdõma nẽŋadõma soke ẽ yetɩ: «Tõon-yãlma kãna tɩ fõn wʋn ẽŋɛ pa'alɛ tõma tɩ fõn tarɩ nõorɛ tɩ fʋ ẽŋɛ wãna?» 19Tɩ Azezi lerge ba yetɩ: «Sã'am-ya Wẽnde-kãtɛ wã, tɩ mam wʋn le mẽ ẽ dabsa atã pʋam.» 20Tɩ ba lerge ẽ yetɩ: «Ba dɩkɛ la yʋʋma pinaasɩ la ayoobɩ mẽ Wẽnde-ẽna wã, tɩ fõn yetɩ, fõn wʋn mẽ ẽ dabsa atã pʋam?»
21La Azezi n tɔgrɩ Wẽndeego yelle la, la de la a mẽŋa ĩyã yelle tɩ a tɔgrɩ. 22La Azezi n daan wa ki dee vo'oge la, tɩ a karẽnbiisi la tẽegɛ tɩ a daan yele la wãna, tɩ ba bɔ Nawẽnnɛ gõŋɔ yetɔga, la Azezi n daan yele se'em na sɩra.
Azezi mi nẽrsaala woo tagsgɔ
23La Azezi n daan boe Zerizalɛm Zɔɔg-basɛ kibsa la, nẽrba zozo'e n daan yẽ tɩ a tõnnɩ tõon-yãlma, tɩ ba bɔ ẽ sɩra. 24La Azezi daan ka dɩkɛ a sũure wuu pa'alɛ ba, se'ere n soe la, a mi ba wuu mɛ. 25A ka eerɩ tɩ nẽra tɔgɛ nẽrsaalba yelle bɔ ẽ, se'ere n soe la, a mi bõn-sɛka n boe nẽrsaalba sũure pʋam mɛ.
Aktualisht i përzgjedhur:
Azã 2: gurDBL
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2008, 2010, Wycliffe Bible Translators, Inc. All rights reserved.
Azã 2
2
Pɔgdire kibsa n boe Kana tẽŋa
1La dabsa atã daarɛ, pɔgdire kibsa n daan boe Kana, Galile so'olʋm pʋam. Tɩ Azezi ma daan bɔna mĩ. 2Tɩ ba mẽ wi Azezi la a karẽnbiisi, tɩ ba wa'am kibsa la. 3Tɩ dãam daan pɔ'ɔgɛ, tɩ Azezi ma yele ẽ yetɩ: «Dãam na pɔ'ɔgɛ mɛ.» 4Tɩ Azezi lerge ẽ yetɩ: «M ma, dagɩ fõn wʋn yele mam, mam n wʋn ẽŋɛ se'em. Mam wakatɛ nãn ka paagɛ.» 5Tɩ Azezi ma la yele tõntõnɩba la yetɩ: «Ẽŋa n yetɩ ya ẽŋɛ se'em wuu, ya ẽŋɛ.»
6La kuga dʋgrɔ bayoobɩ n daan boe mĩ tɩ Zifdõma daan tara pɛɛra ba mẽŋa wʋ ba sisgo n yetɩ ba ɩta se'em na. Ko'om lɩtrɩ pinii bɩɩ kɔbga n daan pɩtɩ dʋkɔ ayɩla. 7Tɩ Azezi yele ba yetɩ: «Ãgɛ-ya ko'om pɩrɛ dʋgrɔ la.» Tɩ ba ãgɛ pɩrɛ ba. 8Tɩ Azezi yele ba yetɩ: «Kãbgɛ-ya tarɩ ka bɔ sɛka n bɩsrɩ dia yelle la.» Tɩ ba kãbgɛ tarɩ ka bɔ ẽ. 9La sɛka n bɩsrɩ dia la yelle la n leme ko'om na, ba lebge la dãam, tɩ a ka mina ban ze'ele zẽ'a. La tõntõnɩba la n ãgɛ ko'om na mi mɛ. Tɩ sɛka n bɩsrɩ dia la yelle la wi pɔgdita la, 10yele ẽ yetɩ: «Nẽra woo ẽn dẽŋɛ bɔ la dã-sõma, tɩ ba sãn wa yũ tɩgɛ, tɩ ba yãŋa bɔ'ɔra dã-sɛba n ka ba ãna sõŋa la. La fõn dɩkɛ la dã-sõma ze'ele bɔ'ɔra poorʋm.»
11Ẽna n de Azezi pɔspɔsɩ tõon-yãlma tɩ a ẽŋɛ. A ẽŋɛ ẽ na Kana Galile so'olʋm pʋam, pa'alɛ a na'am pãŋa, tɩ a karẽnbiisi la bɔ ẽ sɩra.
12Bɛla poorʋm, ẽŋa la a ma, la a yɩbsɩ, la a karẽnbiisi la sẽŋɛ la Kapɛrnaʋm. Ba kẽ bilam na dabsa fẽe.
Azezi dige leebdõma Wẽnde-kãtʋm
(Amatie 21:12-13, Amarkɩ 11:15-17, Aluki 19:45-46)
13La Zifdõma Zɔɔg-basɛ kibsa daarɛ n daan lɛm, tɩ Azezi sẽŋɛ Zerizalɛm, 14ka kẽ Wẽnde-kãtɛ la zẽnzakam yẽ nẽrba n koosrɩ niigi, la piisi, la na'adawɛma, la lig-tɛɛrba n zĩ mĩ. 15Tɩ a dɩkɛ mĩ'isi ẽŋɛ ka'asrɛ dige ba, la niigi, la piisi la wuu Wẽnde-kãtɛ la zẽnzakam tɩ ba yese, dee zã'agɛ lig-tɛɛrba la taablɩdõma lʋbɛ, tɩ ba ligri la ka'asɛ. 16Dee yele sɛba n koosrɩ na'adawɛma la yetɩ: «Tarɩ-ya ba yese. Da dɩkɛ-ya mam Sɔ deego la ẽŋɛ leebgo zẽ'a.» 17Tɩ a karẽnbiisi la tẽegɛ tɩ la gʋlsɛ yetɩ: «Nawẽnnɛ, fõn deego la nõŋlʋm tɩ mam tarɩ la, wʋn di mam wʋ bugum na.»
18Tɩ Zifdõma nẽŋadõma soke ẽ yetɩ: «Tõon-yãlma kãna tɩ fõn wʋn ẽŋɛ pa'alɛ tõma tɩ fõn tarɩ nõorɛ tɩ fʋ ẽŋɛ wãna?» 19Tɩ Azezi lerge ba yetɩ: «Sã'am-ya Wẽnde-kãtɛ wã, tɩ mam wʋn le mẽ ẽ dabsa atã pʋam.» 20Tɩ ba lerge ẽ yetɩ: «Ba dɩkɛ la yʋʋma pinaasɩ la ayoobɩ mẽ Wẽnde-ẽna wã, tɩ fõn yetɩ, fõn wʋn mẽ ẽ dabsa atã pʋam?»
21La Azezi n tɔgrɩ Wẽndeego yelle la, la de la a mẽŋa ĩyã yelle tɩ a tɔgrɩ. 22La Azezi n daan wa ki dee vo'oge la, tɩ a karẽnbiisi la tẽegɛ tɩ a daan yele la wãna, tɩ ba bɔ Nawẽnnɛ gõŋɔ yetɔga, la Azezi n daan yele se'em na sɩra.
Azezi mi nẽrsaala woo tagsgɔ
23La Azezi n daan boe Zerizalɛm Zɔɔg-basɛ kibsa la, nẽrba zozo'e n daan yẽ tɩ a tõnnɩ tõon-yãlma, tɩ ba bɔ ẽ sɩra. 24La Azezi daan ka dɩkɛ a sũure wuu pa'alɛ ba, se'ere n soe la, a mi ba wuu mɛ. 25A ka eerɩ tɩ nẽra tɔgɛ nẽrsaalba yelle bɔ ẽ, se'ere n soe la, a mi bõn-sɛka n boe nẽrsaalba sũure pʋam mɛ.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2008, 2010, Wycliffe Bible Translators, Inc. All rights reserved.