Aluki 5
5
Azezi wi a pɔspɔsɩ karẽnbiisi
(Amatie 4:18-22, Amarkɩ 1:16-20)
1Daarɛ ayɩla Azezi ze la Zenezarɛtɩ mõgrɛ nõorʋm, tɩ nẽr-kʋʋŋɔ kaagɛ ẽ mikra taaba bɔɔra tɩ ba wõm Nawẽnnɛ yetɔga. 2Tɩ a yẽ õornɔ bayi n ze mõgrɛ la nõorʋm, tɩ zũn-yõgrɩba sige pɛɛra ba yʋgsɩ dee basɛ. 3La õorŋɔ ayɩla daan de la Asimõ bõnɔ. Tɩ Azezi kẽ õorŋɔ la pʋam, dee yele Asimõ yetɩ: «Mõm õorŋɔ la tɩ a sẽŋɛ nẽŋa fẽe.» La Azezi n yele bɛla la, Asimõ mõm õorŋɔ la mɛ, tɩ a lebe ko'om pʋam fẽe. Tɩ Azezi zĩ'ire õorŋɔ la pʋam pa'alɛ nẽrba la.
4La ẽn pa'alɛ ba ba'asɛ la, tɩ a yele Asimõ yetɩ: «Mõm õorŋɔ la tɩ a sẽŋɛ kʋlko'om tɩ ya lobe yʋgsɩ la.» 5Tɩ Asimõ lerge ẽ yetɩ: «Zuudãana, tõma nãmsɛ mɛ yʋ'ʋŋɔ wã wuu dee ka yõkɛ sɛla sɛla. La fõn yele la ĩyã, tɩ wʋn lobe tɩ yʋgsɩ la.» 6Tɩ ba sẽŋɛ kʋlko'om ka lobe ba yʋgsɩ la, yãŋa yõgɛ zũma ba zo'oge, tɩ ba yʋgsɩ la zɩgra la ba ãasʋm. 7Tɩ ba yɩbsɛ ba taaba õorŋɔ ayɩla la pʋam yetɩ, ba wa'am sõŋɛ ba. La ba taaba la sẽŋɛ mɛ ka sõŋɛ ba, tɩ ba pɩrɛ õornɔ bayi la wuu la zũma, halɩ tɩ ba zɩgra la ba mise. 8La Asimõ yʋ'ʋrɛ ayɩla n de Apɩyɛɛrɩ n yẽ bɛla la, tɩ a ka dũma tẽŋa Azezi nẽŋam yele ẽ yetɩ: «Zuudãana, fõrgɛ mam zẽ'am, se'ere n soe la, mam de la tõon-be'ero dãana.» 9Se'ere n soe tɩ Apɩyɛɛrɩ yele bɛla la, ẽŋa la a taaba la n daan yẽ zũma la tɩ ba yõgɛ se'em na botɩ ba palẽŋa n ẽkɛ. 10La dabeem mẽ n daan kẽ Azebede dayɔɔsɩ Azakɩ la Azã n daan ẽn dɔla la Asimõ tõnna la. Tɩ Azezi yele Asimõ yetɩ: «Da zoe dabeem, tɩ lan sẽŋɛ zĩna wɛ'ɛsa wuu, fʋ wʋn ɛɛra la nẽrba tɩ ba dɔla mam wʋ yãma n yõgrɩ zũma se'em na.» 11La Azezi n yele bɛla la, ba tarɩ õornɔ la dooge mɛ yãŋa basɛ sɛla woo dee dɔla Azezi.
Azezi botɩ kõnkonne yẽ ĩmã'asʋm
(Amatie 8:1-4, Amarkɩ 1:40-45)
12La Azezi daan boe la tẽŋa ayẽma pʋam, tɩ bʋraa mẽ bɔna mĩ dɛna kõnkonne, la bã'a la kẽ a ĩyã zo'oge mɛ. Tɩ a yẽ Azezi ka ka dũma Azezi nẽŋam dɩkɛ a nẽŋa võglɛ tẽŋa sose ẽ yetɩ: «Zuudãana, fʋ sãn bɔɔra, fʋ tã wʋn basɛ tɩ m yẽ ĩmã'asʋm mɛ le ãna sõŋa.» 13Tɩ Azezi tẽegɛ a nu'ugo kalʋm ẽ dee yetɩ: «Mam bɔɔra, yẽ ĩmã'asʋm le ãna sõŋa.» Tɩ bã'a la basɛ ẽ bilam mẽŋa.
14Tɩ Azezi yele ẽ yetɩ: «Da kãn yele nẽra nẽra, la sẽŋɛ Nawẽnnɛ kãabgɔ kẽema zẽ'am ka pa'alɛ ẽ fʋ mẽŋa tɩ a bɩsɛ, dee bɔ Nawẽnnɛ sɛla tɩ Amoyisi yʋʋn gʋlsɛ yetɩ ba bɔ la, tɩ la pa'alɛ ba tɩ fʋ sɩrɩ yẽ ĩmã'asʋm.» 15La bɛla wuu, Azezi yelle daan malɩn saagɛ la zẽ'esɩ zozo'e, tɩ nẽrba zozo'e lagsɛ tɩ ba selse a yetɔga la, dee tɩ a botɩ ba bã'adõma yẽ ĩmã'asʋm. 16La Azezi ẽn sẽnna la zẽ'e-sɛka tɩ nẽrba ka boe la pʋ'ʋsra Nawẽnnɛ.
Azezi botɩ kɔɔrŋɔ isge sẽnna
(Amatie 9:1-8, Amarkɩ 2:1-12)
17La daarɛ ayɩla tɩ Azezi bɔna mĩ pa'ala nẽrba Nawẽnnɛ yetɔga, tɩ Farisi dõma, la Nawẽnnɛ lɔɔ karẽnsãandõma n ze'ele Galile, la Zude, la Zerizalɛm mẽ zẽa mĩ sɛlsra. Tɩ Zuudãana Nawẽnnɛ pãŋa daan bɔna la Azezi, tɩ a botɩ bã'adõma yẽ ĩmã'asʋm. 18Tɩ bʋraasɩ zɛ bʋraa n de kɔɔrŋɔ gã a bõn-gã'ala pʋam wa'am. La ba boorɩ tɩ ba tarɩ ẽ kẽ la de-sɛka tɩ Azezi boe mĩ na pʋam, ka bĩŋe ẽ Azezi nẽŋam. 19La nẽrba la mike mɛ, tɩ ba ka yẽ folle tarɩ ẽ kẽ. Bɛla ĩyã tɩ ba zɛ kɔɔrŋɔ la zom gɔsgɔ, ka lakɛ gɔsgɔ la bɔbrɛ ayɩla, doose bilam sike ẽ la a bõn-gã'ala la nẽrba la sʋkam bĩŋe ẽ Azezi nẽŋam.
20Tɩ Azezi yẽ ban bɔ ẽŋa sɩra se'em na, yele kɔɔrŋɔ la yetɩ: «M sɩrɛ, fʋ tõon-be'ero taalɛ ka le bɔna fʋ zuo.» 21Tɩ Nawẽnnɛ lɔɔ karẽnsãandõma, la Farisi dõma la tẽ'esra yetɩ: «A tẽ'esɛ tɩ ẽŋa de la ãne tɔgra pɔ'ɔra Nawẽnnɛ. Ãne n tã wʋn basɛ nẽra tõon-be'ero taalɛ, sãn dagna Nawẽnnɛ mã'a?» 22Tɩ Azezi bãŋɛ ban tẽ'esrɩ se'em na, soke ba yetɩ: «Bẽm tɩ ya tẽ'esra wãna wã? 23Bẽm n de nãana gãnna, mam sãn yele kɔɔrŋɔ la yetɩ, a tõon-be'ero taalɛ ka le bɔna a zuo n de nãana, bɩɩ mam sãn yele ẽ yetɩ, a isge sẽnna n de nãana? 24Bɛla m wʋn botɩ ya bãŋɛ tɩ Nẽrsaala Dayʋa la tarɩ pãŋa dũnia zuo wʋn basɛ nẽrba tõon-be'ero taalɛ.» A yele bɛla dee yele kɔɔrŋɔ la yetɩ: «Mam yetɩ fʋ tɩ fʋ isge dɩkɛ fʋ bõn-gã'ala la kule.» 25Bilam mẽŋa tɩ kɔɔrŋɔ la isge ba wuu nẽŋam dɩkɛ a bõn-gã'ala la kulla, dee pẽgra Nawẽnnɛ. 26Tɩ nẽrba la wuu palẽŋa ẽkɛ, tɩ dabeem kẽ ba, tɩ ba pẽgra Nawẽnnɛ yetɩ: «Tɩ zĩna yẽ bõn-yãlma.»
Azezi wi Alevi tɩ a dɔla ẽ
(Amatie 9:9-13, Amarkɩ 2:13-17)
27Bɛla poorʋm tɩ Azezi yese sẽŋɛ ka yẽ lampo-tɔ'ɔsa yʋ'ʋrɛ n de Alevi, tɩ a zĩ lampo to'osgo deem. Tɩ a yele ẽ yetɩ: «Isge dɔla mam.» 28Tɩ a isge basɛ sɛla woo dee dɔla ẽ. 29Tɩ Alevi dʋgɛ dia zo'oge ẽŋɛ kibsa a yire bɔ Azezi, tɩ ẽŋa la lampo-tɔ'ɔsrɩba, la nẽrba zozo'e zẽa dita. 30Tɩ Farisi dõma basɛba, la ba lɔɔ karẽnsãandõma yõnna Azezi karẽnbiisi la yetɩ: «Bẽm ĩyã tɩ yãma lagɩm na lampo-tɔ'ɔsrɩba, la tõon-be'ero dõma dita?»
31Tɩ Azezi lerge ba yetɩ: «Nẽr-sɛba n tarɩ ĩmã'asʋm ka eerɩ tɩba. Sɛba n bẽ'erɩ n eerɩ tɩba. 32Mam ka wa'am dũnia zuo sɛba dõma n yetɩ bãma masɛ ya la ĩyã, mam wa'am tɩ m yele la tõon-be'ero dõma tɩ ba teege yɛm basɛ tõon-be'ero.»
Ba soke Azezi nõorlʋa yelle
(Amatie 9:14-17, Amarkɩ 2:18-22)
33Tɩ nẽrba la yele Azezi yetɩ: «Azã karẽnbiisi, la Farisi dõma karẽnbiisi ẽn lʋta nõorɛ mɛ dee pʋ'ʋsra Nawẽnnɛ, dee tɩ fõn karẽnbiisi dita dee yũura.» 34Tɩ a lerge ba yetɩ: «Nẽra n di pɔka ẽŋɛ kibsa, tɩ a tadãandõma bɔna mĩ tɩ ba naagɛ la ẽ di kibsa la, yãma wʋn sakɛ tɩ ba lʋ nõorɛ mɛ dee tɩ pɔgdita la ken bɔna ba zẽ'am bɩɩ? 35Ayɛɩ. La wakatɛ wʋn wa'am tɩ ba wʋn yese pɔgdita la ba zẽ'am, wakat-ẽŋa tɩ ba yãŋa wʋn lʋ nõorɛ.» 36Tɩ Azezi le makɛ makrɛ bɔ ba yetɩ: «Nẽra kãn ãagɛ fu-paalɛ dɩkɛ lige fu-kɛka. A sãn ẽŋɛ bɛla, a wʋn sã'am fu-paalɛ la mɛ, la tãn-paalɛ la kãn masɛ la fu-kɛka la. 37La nẽra mẽ kãn dɩkɛ dã-paalga sũm wɔ-kɛgsɩ pʋam. A sãn ẽŋɛ bɛla, dã-paalga la sãn kɛlla, ba wʋn botɩ wɔɔsɩ la tãsɛ mɛ. Bɛla dãam na wʋn ka'agɛ mɛ sã'am, tɩ wɔɔsɩ la mẽ sã'am.
38La masɛ tɩ ba dɩkɛ dã-paalga sũm na wɔ-paalsɩ pʋam. 39La nẽra sãn yũ dã-kɛka n kele la, a ka le bɔɔra dã-paalga. A wʋn yetɩ, dã-kɛka la n ãn sõŋa.»
Aktualisht i përzgjedhur:
Aluki 5: gurDBL
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2008, 2010, Wycliffe Bible Translators, Inc. All rights reserved.
Aluki 5
5
Azezi wi a pɔspɔsɩ karẽnbiisi
(Amatie 4:18-22, Amarkɩ 1:16-20)
1Daarɛ ayɩla Azezi ze la Zenezarɛtɩ mõgrɛ nõorʋm, tɩ nẽr-kʋʋŋɔ kaagɛ ẽ mikra taaba bɔɔra tɩ ba wõm Nawẽnnɛ yetɔga. 2Tɩ a yẽ õornɔ bayi n ze mõgrɛ la nõorʋm, tɩ zũn-yõgrɩba sige pɛɛra ba yʋgsɩ dee basɛ. 3La õorŋɔ ayɩla daan de la Asimõ bõnɔ. Tɩ Azezi kẽ õorŋɔ la pʋam, dee yele Asimõ yetɩ: «Mõm õorŋɔ la tɩ a sẽŋɛ nẽŋa fẽe.» La Azezi n yele bɛla la, Asimõ mõm õorŋɔ la mɛ, tɩ a lebe ko'om pʋam fẽe. Tɩ Azezi zĩ'ire õorŋɔ la pʋam pa'alɛ nẽrba la.
4La ẽn pa'alɛ ba ba'asɛ la, tɩ a yele Asimõ yetɩ: «Mõm õorŋɔ la tɩ a sẽŋɛ kʋlko'om tɩ ya lobe yʋgsɩ la.» 5Tɩ Asimõ lerge ẽ yetɩ: «Zuudãana, tõma nãmsɛ mɛ yʋ'ʋŋɔ wã wuu dee ka yõkɛ sɛla sɛla. La fõn yele la ĩyã, tɩ wʋn lobe tɩ yʋgsɩ la.» 6Tɩ ba sẽŋɛ kʋlko'om ka lobe ba yʋgsɩ la, yãŋa yõgɛ zũma ba zo'oge, tɩ ba yʋgsɩ la zɩgra la ba ãasʋm. 7Tɩ ba yɩbsɛ ba taaba õorŋɔ ayɩla la pʋam yetɩ, ba wa'am sõŋɛ ba. La ba taaba la sẽŋɛ mɛ ka sõŋɛ ba, tɩ ba pɩrɛ õornɔ bayi la wuu la zũma, halɩ tɩ ba zɩgra la ba mise. 8La Asimõ yʋ'ʋrɛ ayɩla n de Apɩyɛɛrɩ n yẽ bɛla la, tɩ a ka dũma tẽŋa Azezi nẽŋam yele ẽ yetɩ: «Zuudãana, fõrgɛ mam zẽ'am, se'ere n soe la, mam de la tõon-be'ero dãana.» 9Se'ere n soe tɩ Apɩyɛɛrɩ yele bɛla la, ẽŋa la a taaba la n daan yẽ zũma la tɩ ba yõgɛ se'em na botɩ ba palẽŋa n ẽkɛ. 10La dabeem mẽ n daan kẽ Azebede dayɔɔsɩ Azakɩ la Azã n daan ẽn dɔla la Asimõ tõnna la. Tɩ Azezi yele Asimõ yetɩ: «Da zoe dabeem, tɩ lan sẽŋɛ zĩna wɛ'ɛsa wuu, fʋ wʋn ɛɛra la nẽrba tɩ ba dɔla mam wʋ yãma n yõgrɩ zũma se'em na.» 11La Azezi n yele bɛla la, ba tarɩ õornɔ la dooge mɛ yãŋa basɛ sɛla woo dee dɔla Azezi.
Azezi botɩ kõnkonne yẽ ĩmã'asʋm
(Amatie 8:1-4, Amarkɩ 1:40-45)
12La Azezi daan boe la tẽŋa ayẽma pʋam, tɩ bʋraa mẽ bɔna mĩ dɛna kõnkonne, la bã'a la kẽ a ĩyã zo'oge mɛ. Tɩ a yẽ Azezi ka ka dũma Azezi nẽŋam dɩkɛ a nẽŋa võglɛ tẽŋa sose ẽ yetɩ: «Zuudãana, fʋ sãn bɔɔra, fʋ tã wʋn basɛ tɩ m yẽ ĩmã'asʋm mɛ le ãna sõŋa.» 13Tɩ Azezi tẽegɛ a nu'ugo kalʋm ẽ dee yetɩ: «Mam bɔɔra, yẽ ĩmã'asʋm le ãna sõŋa.» Tɩ bã'a la basɛ ẽ bilam mẽŋa.
14Tɩ Azezi yele ẽ yetɩ: «Da kãn yele nẽra nẽra, la sẽŋɛ Nawẽnnɛ kãabgɔ kẽema zẽ'am ka pa'alɛ ẽ fʋ mẽŋa tɩ a bɩsɛ, dee bɔ Nawẽnnɛ sɛla tɩ Amoyisi yʋʋn gʋlsɛ yetɩ ba bɔ la, tɩ la pa'alɛ ba tɩ fʋ sɩrɩ yẽ ĩmã'asʋm.» 15La bɛla wuu, Azezi yelle daan malɩn saagɛ la zẽ'esɩ zozo'e, tɩ nẽrba zozo'e lagsɛ tɩ ba selse a yetɔga la, dee tɩ a botɩ ba bã'adõma yẽ ĩmã'asʋm. 16La Azezi ẽn sẽnna la zẽ'e-sɛka tɩ nẽrba ka boe la pʋ'ʋsra Nawẽnnɛ.
Azezi botɩ kɔɔrŋɔ isge sẽnna
(Amatie 9:1-8, Amarkɩ 2:1-12)
17La daarɛ ayɩla tɩ Azezi bɔna mĩ pa'ala nẽrba Nawẽnnɛ yetɔga, tɩ Farisi dõma, la Nawẽnnɛ lɔɔ karẽnsãandõma n ze'ele Galile, la Zude, la Zerizalɛm mẽ zẽa mĩ sɛlsra. Tɩ Zuudãana Nawẽnnɛ pãŋa daan bɔna la Azezi, tɩ a botɩ bã'adõma yẽ ĩmã'asʋm. 18Tɩ bʋraasɩ zɛ bʋraa n de kɔɔrŋɔ gã a bõn-gã'ala pʋam wa'am. La ba boorɩ tɩ ba tarɩ ẽ kẽ la de-sɛka tɩ Azezi boe mĩ na pʋam, ka bĩŋe ẽ Azezi nẽŋam. 19La nẽrba la mike mɛ, tɩ ba ka yẽ folle tarɩ ẽ kẽ. Bɛla ĩyã tɩ ba zɛ kɔɔrŋɔ la zom gɔsgɔ, ka lakɛ gɔsgɔ la bɔbrɛ ayɩla, doose bilam sike ẽ la a bõn-gã'ala la nẽrba la sʋkam bĩŋe ẽ Azezi nẽŋam.
20Tɩ Azezi yẽ ban bɔ ẽŋa sɩra se'em na, yele kɔɔrŋɔ la yetɩ: «M sɩrɛ, fʋ tõon-be'ero taalɛ ka le bɔna fʋ zuo.» 21Tɩ Nawẽnnɛ lɔɔ karẽnsãandõma, la Farisi dõma la tẽ'esra yetɩ: «A tẽ'esɛ tɩ ẽŋa de la ãne tɔgra pɔ'ɔra Nawẽnnɛ. Ãne n tã wʋn basɛ nẽra tõon-be'ero taalɛ, sãn dagna Nawẽnnɛ mã'a?» 22Tɩ Azezi bãŋɛ ban tẽ'esrɩ se'em na, soke ba yetɩ: «Bẽm tɩ ya tẽ'esra wãna wã? 23Bẽm n de nãana gãnna, mam sãn yele kɔɔrŋɔ la yetɩ, a tõon-be'ero taalɛ ka le bɔna a zuo n de nãana, bɩɩ mam sãn yele ẽ yetɩ, a isge sẽnna n de nãana? 24Bɛla m wʋn botɩ ya bãŋɛ tɩ Nẽrsaala Dayʋa la tarɩ pãŋa dũnia zuo wʋn basɛ nẽrba tõon-be'ero taalɛ.» A yele bɛla dee yele kɔɔrŋɔ la yetɩ: «Mam yetɩ fʋ tɩ fʋ isge dɩkɛ fʋ bõn-gã'ala la kule.» 25Bilam mẽŋa tɩ kɔɔrŋɔ la isge ba wuu nẽŋam dɩkɛ a bõn-gã'ala la kulla, dee pẽgra Nawẽnnɛ. 26Tɩ nẽrba la wuu palẽŋa ẽkɛ, tɩ dabeem kẽ ba, tɩ ba pẽgra Nawẽnnɛ yetɩ: «Tɩ zĩna yẽ bõn-yãlma.»
Azezi wi Alevi tɩ a dɔla ẽ
(Amatie 9:9-13, Amarkɩ 2:13-17)
27Bɛla poorʋm tɩ Azezi yese sẽŋɛ ka yẽ lampo-tɔ'ɔsa yʋ'ʋrɛ n de Alevi, tɩ a zĩ lampo to'osgo deem. Tɩ a yele ẽ yetɩ: «Isge dɔla mam.» 28Tɩ a isge basɛ sɛla woo dee dɔla ẽ. 29Tɩ Alevi dʋgɛ dia zo'oge ẽŋɛ kibsa a yire bɔ Azezi, tɩ ẽŋa la lampo-tɔ'ɔsrɩba, la nẽrba zozo'e zẽa dita. 30Tɩ Farisi dõma basɛba, la ba lɔɔ karẽnsãandõma yõnna Azezi karẽnbiisi la yetɩ: «Bẽm ĩyã tɩ yãma lagɩm na lampo-tɔ'ɔsrɩba, la tõon-be'ero dõma dita?»
31Tɩ Azezi lerge ba yetɩ: «Nẽr-sɛba n tarɩ ĩmã'asʋm ka eerɩ tɩba. Sɛba n bẽ'erɩ n eerɩ tɩba. 32Mam ka wa'am dũnia zuo sɛba dõma n yetɩ bãma masɛ ya la ĩyã, mam wa'am tɩ m yele la tõon-be'ero dõma tɩ ba teege yɛm basɛ tõon-be'ero.»
Ba soke Azezi nõorlʋa yelle
(Amatie 9:14-17, Amarkɩ 2:18-22)
33Tɩ nẽrba la yele Azezi yetɩ: «Azã karẽnbiisi, la Farisi dõma karẽnbiisi ẽn lʋta nõorɛ mɛ dee pʋ'ʋsra Nawẽnnɛ, dee tɩ fõn karẽnbiisi dita dee yũura.» 34Tɩ a lerge ba yetɩ: «Nẽra n di pɔka ẽŋɛ kibsa, tɩ a tadãandõma bɔna mĩ tɩ ba naagɛ la ẽ di kibsa la, yãma wʋn sakɛ tɩ ba lʋ nõorɛ mɛ dee tɩ pɔgdita la ken bɔna ba zẽ'am bɩɩ? 35Ayɛɩ. La wakatɛ wʋn wa'am tɩ ba wʋn yese pɔgdita la ba zẽ'am, wakat-ẽŋa tɩ ba yãŋa wʋn lʋ nõorɛ.» 36Tɩ Azezi le makɛ makrɛ bɔ ba yetɩ: «Nẽra kãn ãagɛ fu-paalɛ dɩkɛ lige fu-kɛka. A sãn ẽŋɛ bɛla, a wʋn sã'am fu-paalɛ la mɛ, la tãn-paalɛ la kãn masɛ la fu-kɛka la. 37La nẽra mẽ kãn dɩkɛ dã-paalga sũm wɔ-kɛgsɩ pʋam. A sãn ẽŋɛ bɛla, dã-paalga la sãn kɛlla, ba wʋn botɩ wɔɔsɩ la tãsɛ mɛ. Bɛla dãam na wʋn ka'agɛ mɛ sã'am, tɩ wɔɔsɩ la mẽ sã'am.
38La masɛ tɩ ba dɩkɛ dã-paalga sũm na wɔ-paalsɩ pʋam. 39La nẽra sãn yũ dã-kɛka n kele la, a ka le bɔɔra dã-paalga. A wʋn yetɩ, dã-kɛka la n ãn sõŋa.»
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2008, 2010, Wycliffe Bible Translators, Inc. All rights reserved.