MGA BINUHATAN 2
2
Ang Pag-abut sang Espiritu Santo
1Sang nag-abut na ang adlaw sang Pentecostes,#Lev. 23:15-21; Deut. 16:9-11. nagtipon sila tanan sa isa ka duug. 2Kag sa hinali nag-abut ang hagunus gikan sa langit subong sang mamadlus nga hangin nga naghuyup, kag nagpuno sang bug-os nga balay diin sila naglingkod. 3Kag nagpahayag sa ila ang mga dila nga daw kalayo, nga natagtag kag nagatungtung sa tagsatagsa sa ila. 4Kag napuno sila tanan sang Espiritu Santo kag nagsugud sa pagpamolong sa iban nga mga hambal, sono sa paghambal nga ginhatag sa ila sang Espiritu.
5Karon may nagpuyo sa Jerusalem nga mga Judio, nga mainampoon nga mga tawo gikan sa tagsa ka pungsud sa idalum sang langit. 6Kag sang nabatian ining kagahud nagtipon ang kadam-an, kag ginlibogan sila, bangud nga ang tagsa ka tawo nakabati sa ila nga nagapamolong sa iya kaugalingon nga hambal. 7Kag nahiorongan sila tanan kag natingala, nga nagasinilingay, “Indi bala Galileanhon ini tanan nga nagahambal? 8Kag paano bala nga ginapamatian naton, ang tagsa ka tawo sa aton kaugalingon nga hambal nga natawohan? 9Mga taga-Parto kag mga taga-Medo kag mga taga-Elam kag mga pumuluyo sa Mesopotamia, sa Judea kag sa Capadocia, sa Ponto kag sa Asia, 10sa Frigia kag Panfilia, sa Egipto kag sa mga ginsakpan sang Libya nga malapit sa Cirene, kag mga dumoloong gikan sa Roma, nga mga Judio kag mga pinaliso, 11mga taga-Creta kag mga taga-Arabia, ginapamatian ta sila nga nagapamolong sa aton mga hambal sang dalagkung mga buhat sang Dios.” 12Kag nahiorongan sila nga tanan kag nalibogan, nga nagasinilingay, “Ano bala ang kahologan sini?” 13Apang ang iban nga nagauligyat nagsiling, “Puno sila sang bag-ong alak.”
Ang Wali ni Pedro sa Pentecostes
14Apang si Pedro, nga nagatindug kaupud sang napulog isa, nagtib-ong sang iya tingug kag nagpamolong sa ila, “Mga tawo sa Judea kag kamo tanan nga nagapuyo sa Jerusalem, kilalaha ninyo ini, kag dungga ang akon mga polong. 15Kay ining mga tawo indi hobog, sono sa ginabanta ninyo, kay ini ikatlo pa lang nga takna sang adlaw; 16apang ini amo ang napamolong ni Joel nga manalagna:
17‘Kag mahanabu sa katapusan nga mga adlaw, nagasiling ang Dios,
nga ipasagahay ko ang akon Espiritu sa tanan nga unud,
kag ang inyo mga anak nga lalaki kag ang inyo mga anak nga babayi magapanagna,
kag ang inyo mga pamatan-on nga lalaki makakita sing mga palanan-awon,
kag ang inyo katigulangan magadamgo sing mga damgo;
18hoo, kag sa akon mga ulipon nga lalaki kag sa akon mga ulipon nga babayi sa sadtong mga adlaw
ipasagahay ko ang akon Espiritu; kag magapanagna sila.
19Kag magapakita ako sing kalatingalahan sa langit sa ibabaw
kag mga tanda sa duta sa idalum,
dugo, kag kalayo, kag usbung sang aso;
20ang adlaw magabaylo sa kadudulman
kag ang bulan sa dugo,
sa wala pa mag-abut ang adlaw sang Ginoo,
yadtong daku kag dayag nga adlaw.
21Kag mahanabu nga ang bisan sin-o nga magpanawag sa ngalan sang Ginoo maluwas.’#Joel 2:28-32.
22“Kamo nga mga tawo sang Israel, pamatii ining mga polong: Si Jesus nga Nazaretnon, tawo nga ginpamatud-an sang Dios sa inyo paagi sa mga buhat nga gamhanan kag kalatingalahan kag mga tanda nga ginhimo sang Dios paagi sa iya sa tunga ninyo, subong nga kamo gid nakahibalo— 23ining Jesus, nga gintugyan sono sa pat-ud nga katuyoan kag nahibaloan na sang Dios, ginlansang ninyo sa cruz kag ginpatay paagi sa kamut sang mga malinapason.#Mat. 27:35; Mar. 15:24; Luc. 23:33; Juan 19:18. 24Apang sia ginbanhaw sang Dios,#Mat. 28:5-6; Mar. 16:6; Luc. 24:5. nga nahuklasan sang mga kasakitan sang kamatayon, bangud nga indi mahimo nga hawiran sia sini. 25Kay si David nagsiling nahanungud sa iya,
‘Sa gihapon ginatan-aw ko ang Ginoo sa atubangan nakon,
kay yara sia sa akon too agud nga indi ako mationg;
26busa ang akon tagiposoon nagkasadya, kag ang akon dila nagkalipay;
labut pa ang akon unud man magapabilin sa paglaum.
27Bangud nga indi mo pagbayaan ang akon kalag sa Hades,
ukon itugut nga mag-agum ang imo Balaan sing kaduluntan.
28Ginpakilala mo sa akon ang mga dalanon sang kabuhi;
pun-on mo ako sing kasadya sa imo atubangan.’#Sal. 16:8-11.
29“Mga kauturan, makasiling ako sa inyo sing mapinasaligon nahanungud sa patriarca nga si David nga napatay sia kag ginlubung, kag ang iya lulubngan yari sa aton tubtub karon nga adlaw. 30Busa subong nga manalagna, kag nakahibalo nga ang Dios nagsaad sa iya nga may panumpa nga ang isa sang iya mga kaliwatan palingkoron niya sa iya trono,#Sal. 89:3-4; 132:11. 31sia nagpanganinaw kag nagpamolong sang pagkabanhaw sang Cristo, nga wala sia pagpabayai sa Hades, ukon ang iya unud ginpaagum sing kaduluntan. 32Ining Jesus ginbanhaw sang Dios, kag sa sina mga saksi kami tanan. 33Busa sang ginbayaw sia sa too sang Dios, kag nakabaton sa Amay sang saad sang Espiritu Santo, ginpasagahay niya ini nga ginatan-aw ninyo kag ginapamatian. 34Kay si David wala magkayab sa mga langit; apang sia gid nagasiling,
‘Ang Ginoo nagsiling sa akon Ginoo, Lingkod ka sa akon too,
35tubtub nga mahimo ko ang imo mga kaaway nga palatungan sang imo mga tiil.’#Sal. 110:1.
36Busa kilalahon sing totoo gid sang bug-os nga panimalay sang Israel nga ang Dios naghimo sa iya nga Ginoo kag Cristo, ining Jesus nga ginlansang ninyo sa cruz.”
37Karon sang pagkabati nila sini, nasuntok sila sa ila tagiposoon, kag nagsiling kay Pedro kag sa iban nga mga pinadala, “Mga kauturan, ano bala ang himoon namon?” 38Kag si Pedro nagsiling sa ila, “Hinulsul kamo, kag magpabautiso ang tagsatagsa sa inyo sa ngalan ni Jesu-Cristo sa kapatawaran sang mga sala; kag mabaton ninyo ang dolot sang Espiritu Santo. 39Kay ang saad sa inyo kag sa inyo mga anak kag sa tanan nga yadto sa malayo, sa tagsatagsa nga tawgon sang Ginoo nga aton Dios sa iya.” 40Kag sa iban pa nga madamu nga polong nagpanaksi sia kag naglaygay sa ila, nga nagasiling, “Panginluwas kamo sa sining kaliwatan nga tiko.” 41Gani ang nagbaton sang iya polong ginbautisohan, kag may gindugang sa ila sa sadtong adlaw nga mga tatlo ka libo ka kalag. 42Kag nagpadayon sila sing malig-on sa pagtolon-an sang mga pinadala kag sa paghiambitay, sa pagtipiktipik sang tinapay kag sa mga pangamuyo.
Ang Kabuhi sa Paghiambitay
43Kag gindakup sing kahadluk ang tagsa ka kalag; kag madamung kalatingalahan kag tanda ang nahimo paagi sa mga pinadala. 44Kag ang tanan nga nagtoo nagtingub kag kalabilogan nila ang tanan nga butang;#Binu. 4:32-35. 45kag ginbaligya nila ang ila pagkabutang kag galamiton kag ginpanagtag ini sa tanan, sono sa kinahanglan sang tagsatagsa.#Mat. 19:21; Mar. 10:21; Luc. 12:33; 18:22. 46Kag adlawadlaw, sa nagapadayon nga may paghiusa sa templo kag sa pagtipiktipik sang tinapay sa mga puluy-an, nagkaon sila nga may kasadya kag may kabunayag sang tagiposoon, 47nga nagadayaw sa Dios kag nahamut-an sang bug-os nga katawohan. Kag gindugang sa ila sang Ginoo adlawadlaw ang nagakalaluwas.
Aktualisht i përzgjedhur:
MGA BINUHATAN 2: ABHIL82
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Ang Biblia ©1982 Philippine Bible Society
MGA BINUHATAN 2
2
Ang Pag-abut sang Espiritu Santo
1Sang nag-abut na ang adlaw sang Pentecostes,#Lev. 23:15-21; Deut. 16:9-11. nagtipon sila tanan sa isa ka duug. 2Kag sa hinali nag-abut ang hagunus gikan sa langit subong sang mamadlus nga hangin nga naghuyup, kag nagpuno sang bug-os nga balay diin sila naglingkod. 3Kag nagpahayag sa ila ang mga dila nga daw kalayo, nga natagtag kag nagatungtung sa tagsatagsa sa ila. 4Kag napuno sila tanan sang Espiritu Santo kag nagsugud sa pagpamolong sa iban nga mga hambal, sono sa paghambal nga ginhatag sa ila sang Espiritu.
5Karon may nagpuyo sa Jerusalem nga mga Judio, nga mainampoon nga mga tawo gikan sa tagsa ka pungsud sa idalum sang langit. 6Kag sang nabatian ining kagahud nagtipon ang kadam-an, kag ginlibogan sila, bangud nga ang tagsa ka tawo nakabati sa ila nga nagapamolong sa iya kaugalingon nga hambal. 7Kag nahiorongan sila tanan kag natingala, nga nagasinilingay, “Indi bala Galileanhon ini tanan nga nagahambal? 8Kag paano bala nga ginapamatian naton, ang tagsa ka tawo sa aton kaugalingon nga hambal nga natawohan? 9Mga taga-Parto kag mga taga-Medo kag mga taga-Elam kag mga pumuluyo sa Mesopotamia, sa Judea kag sa Capadocia, sa Ponto kag sa Asia, 10sa Frigia kag Panfilia, sa Egipto kag sa mga ginsakpan sang Libya nga malapit sa Cirene, kag mga dumoloong gikan sa Roma, nga mga Judio kag mga pinaliso, 11mga taga-Creta kag mga taga-Arabia, ginapamatian ta sila nga nagapamolong sa aton mga hambal sang dalagkung mga buhat sang Dios.” 12Kag nahiorongan sila nga tanan kag nalibogan, nga nagasinilingay, “Ano bala ang kahologan sini?” 13Apang ang iban nga nagauligyat nagsiling, “Puno sila sang bag-ong alak.”
Ang Wali ni Pedro sa Pentecostes
14Apang si Pedro, nga nagatindug kaupud sang napulog isa, nagtib-ong sang iya tingug kag nagpamolong sa ila, “Mga tawo sa Judea kag kamo tanan nga nagapuyo sa Jerusalem, kilalaha ninyo ini, kag dungga ang akon mga polong. 15Kay ining mga tawo indi hobog, sono sa ginabanta ninyo, kay ini ikatlo pa lang nga takna sang adlaw; 16apang ini amo ang napamolong ni Joel nga manalagna:
17‘Kag mahanabu sa katapusan nga mga adlaw, nagasiling ang Dios,
nga ipasagahay ko ang akon Espiritu sa tanan nga unud,
kag ang inyo mga anak nga lalaki kag ang inyo mga anak nga babayi magapanagna,
kag ang inyo mga pamatan-on nga lalaki makakita sing mga palanan-awon,
kag ang inyo katigulangan magadamgo sing mga damgo;
18hoo, kag sa akon mga ulipon nga lalaki kag sa akon mga ulipon nga babayi sa sadtong mga adlaw
ipasagahay ko ang akon Espiritu; kag magapanagna sila.
19Kag magapakita ako sing kalatingalahan sa langit sa ibabaw
kag mga tanda sa duta sa idalum,
dugo, kag kalayo, kag usbung sang aso;
20ang adlaw magabaylo sa kadudulman
kag ang bulan sa dugo,
sa wala pa mag-abut ang adlaw sang Ginoo,
yadtong daku kag dayag nga adlaw.
21Kag mahanabu nga ang bisan sin-o nga magpanawag sa ngalan sang Ginoo maluwas.’#Joel 2:28-32.
22“Kamo nga mga tawo sang Israel, pamatii ining mga polong: Si Jesus nga Nazaretnon, tawo nga ginpamatud-an sang Dios sa inyo paagi sa mga buhat nga gamhanan kag kalatingalahan kag mga tanda nga ginhimo sang Dios paagi sa iya sa tunga ninyo, subong nga kamo gid nakahibalo— 23ining Jesus, nga gintugyan sono sa pat-ud nga katuyoan kag nahibaloan na sang Dios, ginlansang ninyo sa cruz kag ginpatay paagi sa kamut sang mga malinapason.#Mat. 27:35; Mar. 15:24; Luc. 23:33; Juan 19:18. 24Apang sia ginbanhaw sang Dios,#Mat. 28:5-6; Mar. 16:6; Luc. 24:5. nga nahuklasan sang mga kasakitan sang kamatayon, bangud nga indi mahimo nga hawiran sia sini. 25Kay si David nagsiling nahanungud sa iya,
‘Sa gihapon ginatan-aw ko ang Ginoo sa atubangan nakon,
kay yara sia sa akon too agud nga indi ako mationg;
26busa ang akon tagiposoon nagkasadya, kag ang akon dila nagkalipay;
labut pa ang akon unud man magapabilin sa paglaum.
27Bangud nga indi mo pagbayaan ang akon kalag sa Hades,
ukon itugut nga mag-agum ang imo Balaan sing kaduluntan.
28Ginpakilala mo sa akon ang mga dalanon sang kabuhi;
pun-on mo ako sing kasadya sa imo atubangan.’#Sal. 16:8-11.
29“Mga kauturan, makasiling ako sa inyo sing mapinasaligon nahanungud sa patriarca nga si David nga napatay sia kag ginlubung, kag ang iya lulubngan yari sa aton tubtub karon nga adlaw. 30Busa subong nga manalagna, kag nakahibalo nga ang Dios nagsaad sa iya nga may panumpa nga ang isa sang iya mga kaliwatan palingkoron niya sa iya trono,#Sal. 89:3-4; 132:11. 31sia nagpanganinaw kag nagpamolong sang pagkabanhaw sang Cristo, nga wala sia pagpabayai sa Hades, ukon ang iya unud ginpaagum sing kaduluntan. 32Ining Jesus ginbanhaw sang Dios, kag sa sina mga saksi kami tanan. 33Busa sang ginbayaw sia sa too sang Dios, kag nakabaton sa Amay sang saad sang Espiritu Santo, ginpasagahay niya ini nga ginatan-aw ninyo kag ginapamatian. 34Kay si David wala magkayab sa mga langit; apang sia gid nagasiling,
‘Ang Ginoo nagsiling sa akon Ginoo, Lingkod ka sa akon too,
35tubtub nga mahimo ko ang imo mga kaaway nga palatungan sang imo mga tiil.’#Sal. 110:1.
36Busa kilalahon sing totoo gid sang bug-os nga panimalay sang Israel nga ang Dios naghimo sa iya nga Ginoo kag Cristo, ining Jesus nga ginlansang ninyo sa cruz.”
37Karon sang pagkabati nila sini, nasuntok sila sa ila tagiposoon, kag nagsiling kay Pedro kag sa iban nga mga pinadala, “Mga kauturan, ano bala ang himoon namon?” 38Kag si Pedro nagsiling sa ila, “Hinulsul kamo, kag magpabautiso ang tagsatagsa sa inyo sa ngalan ni Jesu-Cristo sa kapatawaran sang mga sala; kag mabaton ninyo ang dolot sang Espiritu Santo. 39Kay ang saad sa inyo kag sa inyo mga anak kag sa tanan nga yadto sa malayo, sa tagsatagsa nga tawgon sang Ginoo nga aton Dios sa iya.” 40Kag sa iban pa nga madamu nga polong nagpanaksi sia kag naglaygay sa ila, nga nagasiling, “Panginluwas kamo sa sining kaliwatan nga tiko.” 41Gani ang nagbaton sang iya polong ginbautisohan, kag may gindugang sa ila sa sadtong adlaw nga mga tatlo ka libo ka kalag. 42Kag nagpadayon sila sing malig-on sa pagtolon-an sang mga pinadala kag sa paghiambitay, sa pagtipiktipik sang tinapay kag sa mga pangamuyo.
Ang Kabuhi sa Paghiambitay
43Kag gindakup sing kahadluk ang tagsa ka kalag; kag madamung kalatingalahan kag tanda ang nahimo paagi sa mga pinadala. 44Kag ang tanan nga nagtoo nagtingub kag kalabilogan nila ang tanan nga butang;#Binu. 4:32-35. 45kag ginbaligya nila ang ila pagkabutang kag galamiton kag ginpanagtag ini sa tanan, sono sa kinahanglan sang tagsatagsa.#Mat. 19:21; Mar. 10:21; Luc. 12:33; 18:22. 46Kag adlawadlaw, sa nagapadayon nga may paghiusa sa templo kag sa pagtipiktipik sang tinapay sa mga puluy-an, nagkaon sila nga may kasadya kag may kabunayag sang tagiposoon, 47nga nagadayaw sa Dios kag nahamut-an sang bug-os nga katawohan. Kag gindugang sa ila sang Ginoo adlawadlaw ang nagakalaluwas.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Ang Biblia ©1982 Philippine Bible Society