Johana 15
15
Kuvyala matunda ga Jeso
1Jeso waenderera kugomba achiamba, “Enehu, mimi bee ndimi sina ra muhi wa muzabibu wenye, mwimwi mu vitai, na Baba Mulungu ndiye mundimwa. 2Ndo yiye Baba Mulungu ariye ndiye mundimwa nikuvitema vitai vyangu vyosi vyotsʼivyala matunda, na vitai vivyalavyo, nikuvitsanira, kwa hata vikaze kuvyala muno. 3Mwimwi dza vitai vivyalavyo, mudzitsanirwa kare, kwa riro neno niriromwambira. 4Ndo endererani kukala mwangu ndani, nami nindaenderera kukala mwenu ndani. Chitai kʼachiidima kuvyala matunda chichikala chitemwa. Chivyala tu, chichikala chi phakwe muhini. Kwa vivyo, mwimwi namwi kʼamwidima kuvyala matunda ga mimi muzabibu wenye mutsʼiphoenderera kukala mwangu ndani.
5“Mimi nidzimwambira, na ninamwambira kahiri kukala, mimi ndimi riro sina ra muzabibu, namwi mu vitai. Ndo mwimwi muchenderera kukala mwangu ndani, nami mwenu ndani, mundavyala matunda manji, kwakukala, photsʼi mimi bee kʼamwidima kuvyala gago matunda gangu. 6Mutʼu atsʼiphoenderera kukala mwangu ndani, unga dza chitai chotemwa. Kwa vivyo, nikutsuphwa na kuuma. Na vitai dza vivyo ndivyo vipigwavyo maiyi na kochwa. 7Muchenderera kukala mwangu ndani, na maneno gangu muchenderera kugaika mwenu myoyoni, voyani chochosi muhenzacho, namwi mundahenderwa. 8Muchivyala matunda manji, na konyesa vivyo kukala mu anafunzi angu a jeri, atʼu andamulika Baba Mulungu muno. 9Mino ninamuhenza mwimwi dza viratʼu Baba Mulungu anihenzavyo mimi. Ndo mwimwi endererani kukala mwangu menzwani. 10Muchigatuwa malagizo gangu, mundaenderera kukala mwangu menzwani, dza mimi viratʼu vyotuwa malagizo ga Baba, na ninaenderera kukala mwakwe menzwani. 11Mimi nidzimwambira maneno gago, kwa hata raha yangu yikale mwenu ndani, na kwa hata raha yenu yikale ya kamare. 12#Joh 13:34; 15:17; 1 Joh 3:23; 2 Joh 1:5Riri ndiro lagizo rangu: henzanani dza vivyo nimuhenzavyo mimi. 13Kʼakuna mutʼu wa menzwa bomu kuchira yiyi ya mutʼu kudzilavya kufa kwa dzulu ya asenae. 14Ndo mwimwi mu asena angu muchigahenda gago nimulagizago. 15Mino mwimwi tsʼimwiha ahendikazi kahiri, kwakukala, muhendikazi kʼagamanya gago gahendwago ni tajiriwe. Gago ndigo gatumago hata mino nidzimwiha asena angu, mana, gosi gogasikira kulaa kwa Baba Mulungu, mwimwi námumanyisa. 16Mwimwi kʼamunitsagulire, ela mino námutsagula, na nichimuhuma kwa hata mwende mukavyale matunda gondaenderera hata kare na kare, na phapho Baba Mulungu undamupʼa chochosi chondavoya kwa dzina rangu. 17Ndo lagizo rangu kwenu ni riri: henzanani.”
Anafunzi a Jeso amenwa ni atʼu a dunia
18Jeso waenderera kugomba achiamba, “Enehu, atʼu a dunia achimumena, kumbikirani kukala, áanza kunimena mimi. 19Kala mwimwi mu atʼu a dunia, ao atʼu a dunia angari kumuhenza dza anziao. Ela kwahivira kʼamu atʼu a dunia, hata ni námutsagula kulaa kati ya ao atʼu a dunia, ndo ao adzimumena. 20#Mat 10:24; Luk 6:40; Joh 13:16Munagakumbikira gara maneno gomwambira kukala, ‘Mugulwa muhumiki tsʼiye mubomu kuchira tajiriwe’? Ndo kwahivira ao ánihendera mauku, bee andamuhendera mauku hata mwimwi. Na kalapho átuwa mafunzo gangu, hata gago genu nago angari kugatuwa. 21Ao andamuhendera gago gosi kwa dzulu yangu, mana, kʼaamumanya yenihuma. 22Kala mimi tsʼidzireaambira maneno ga Mulungu, kʼaangakalire na dambi, ela vino kʼaaidima kudzihehera kukala, kʼaana dambi. 23Yedzenimena mimi, bee hata Baba naye udzimumena vivyo. 24Kala mimi tsʼihendere kazi kati yao zirizo kʼazidzangwe kuhendwa ni mutʼu munjine yeyosi, kʼaangakalire na dambi. Ela vino ázona zo kazi zozihenda, na achinimena na Baba vivyo. 25#Zab 35:19; 69:4Ndo gago gáhendeka kwa gachimize Andiko rambaro, ‘Atʼu ánimena bule!’
26“Ela mino nindamuhumira Mwavizi kulaa kwa Baba Mulungu, na yiye ni yiye Roho wa Mulungu wa ujeri. Yiye undalaa kwa Baba Mulungu, na achimuudzira undalavya ushaidi dzulu yangu. 27Ndo mwimwi namwi aambireni atʼu dzulu yangu kwakukala, mwakala nami hangu mwanzo.
Aktualisht i përzgjedhur:
Johana 15: CHIDUR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Johana 15
15
Kuvyala matunda ga Jeso
1Jeso waenderera kugomba achiamba, “Enehu, mimi bee ndimi sina ra muhi wa muzabibu wenye, mwimwi mu vitai, na Baba Mulungu ndiye mundimwa. 2Ndo yiye Baba Mulungu ariye ndiye mundimwa nikuvitema vitai vyangu vyosi vyotsʼivyala matunda, na vitai vivyalavyo, nikuvitsanira, kwa hata vikaze kuvyala muno. 3Mwimwi dza vitai vivyalavyo, mudzitsanirwa kare, kwa riro neno niriromwambira. 4Ndo endererani kukala mwangu ndani, nami nindaenderera kukala mwenu ndani. Chitai kʼachiidima kuvyala matunda chichikala chitemwa. Chivyala tu, chichikala chi phakwe muhini. Kwa vivyo, mwimwi namwi kʼamwidima kuvyala matunda ga mimi muzabibu wenye mutsʼiphoenderera kukala mwangu ndani.
5“Mimi nidzimwambira, na ninamwambira kahiri kukala, mimi ndimi riro sina ra muzabibu, namwi mu vitai. Ndo mwimwi muchenderera kukala mwangu ndani, nami mwenu ndani, mundavyala matunda manji, kwakukala, photsʼi mimi bee kʼamwidima kuvyala gago matunda gangu. 6Mutʼu atsʼiphoenderera kukala mwangu ndani, unga dza chitai chotemwa. Kwa vivyo, nikutsuphwa na kuuma. Na vitai dza vivyo ndivyo vipigwavyo maiyi na kochwa. 7Muchenderera kukala mwangu ndani, na maneno gangu muchenderera kugaika mwenu myoyoni, voyani chochosi muhenzacho, namwi mundahenderwa. 8Muchivyala matunda manji, na konyesa vivyo kukala mu anafunzi angu a jeri, atʼu andamulika Baba Mulungu muno. 9Mino ninamuhenza mwimwi dza viratʼu Baba Mulungu anihenzavyo mimi. Ndo mwimwi endererani kukala mwangu menzwani. 10Muchigatuwa malagizo gangu, mundaenderera kukala mwangu menzwani, dza mimi viratʼu vyotuwa malagizo ga Baba, na ninaenderera kukala mwakwe menzwani. 11Mimi nidzimwambira maneno gago, kwa hata raha yangu yikale mwenu ndani, na kwa hata raha yenu yikale ya kamare. 12#Joh 13:34; 15:17; 1 Joh 3:23; 2 Joh 1:5Riri ndiro lagizo rangu: henzanani dza vivyo nimuhenzavyo mimi. 13Kʼakuna mutʼu wa menzwa bomu kuchira yiyi ya mutʼu kudzilavya kufa kwa dzulu ya asenae. 14Ndo mwimwi mu asena angu muchigahenda gago nimulagizago. 15Mino mwimwi tsʼimwiha ahendikazi kahiri, kwakukala, muhendikazi kʼagamanya gago gahendwago ni tajiriwe. Gago ndigo gatumago hata mino nidzimwiha asena angu, mana, gosi gogasikira kulaa kwa Baba Mulungu, mwimwi námumanyisa. 16Mwimwi kʼamunitsagulire, ela mino námutsagula, na nichimuhuma kwa hata mwende mukavyale matunda gondaenderera hata kare na kare, na phapho Baba Mulungu undamupʼa chochosi chondavoya kwa dzina rangu. 17Ndo lagizo rangu kwenu ni riri: henzanani.”
Anafunzi a Jeso amenwa ni atʼu a dunia
18Jeso waenderera kugomba achiamba, “Enehu, atʼu a dunia achimumena, kumbikirani kukala, áanza kunimena mimi. 19Kala mwimwi mu atʼu a dunia, ao atʼu a dunia angari kumuhenza dza anziao. Ela kwahivira kʼamu atʼu a dunia, hata ni námutsagula kulaa kati ya ao atʼu a dunia, ndo ao adzimumena. 20#Mat 10:24; Luk 6:40; Joh 13:16Munagakumbikira gara maneno gomwambira kukala, ‘Mugulwa muhumiki tsʼiye mubomu kuchira tajiriwe’? Ndo kwahivira ao ánihendera mauku, bee andamuhendera mauku hata mwimwi. Na kalapho átuwa mafunzo gangu, hata gago genu nago angari kugatuwa. 21Ao andamuhendera gago gosi kwa dzulu yangu, mana, kʼaamumanya yenihuma. 22Kala mimi tsʼidzireaambira maneno ga Mulungu, kʼaangakalire na dambi, ela vino kʼaaidima kudzihehera kukala, kʼaana dambi. 23Yedzenimena mimi, bee hata Baba naye udzimumena vivyo. 24Kala mimi tsʼihendere kazi kati yao zirizo kʼazidzangwe kuhendwa ni mutʼu munjine yeyosi, kʼaangakalire na dambi. Ela vino ázona zo kazi zozihenda, na achinimena na Baba vivyo. 25#Zab 35:19; 69:4Ndo gago gáhendeka kwa gachimize Andiko rambaro, ‘Atʼu ánimena bule!’
26“Ela mino nindamuhumira Mwavizi kulaa kwa Baba Mulungu, na yiye ni yiye Roho wa Mulungu wa ujeri. Yiye undalaa kwa Baba Mulungu, na achimuudzira undalavya ushaidi dzulu yangu. 27Ndo mwimwi namwi aambireni atʼu dzulu yangu kwakukala, mwakala nami hangu mwanzo.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr