Johana 17
17
Mavoyo ga Jeso
1Jeso ariphomarigiza kugomba gago, walola dzulu mulunguni achiamba,
“Baba, ufika o ukati! Ndo ungʼaze o ubomu wa mimi Mwanao kwa hata mimi Mwanao nami, niungʼaze o ubomuo, 2dza viratʼu vyonipʼa widimi dzulu ya atʼu osi mimi Mwanao, kwa hata niapʼe uzima uphya wa kare na kare aratʼu osi onipʼa. 3Na uzima uphya wa kare na kare ni uu: atʼu akumanye uwe Mulungu wa jeri wa hicheyo, na animanye vivyo mimi Jeso Kʼirisito yenihuma.
4Mimi nángʼaza ubomuo phapha duniani, kwa kumala kuyihenda kaziyo yonipʼa. 5Ndo vivi Baba, ninakuvoya ungʼaze ubomu wangu ko mulunguni, ubomu uratʼu okala hunao hosi hangu dunia kʼahudzangwe kuyiumba.
6Baba, aa atʼu onipʼa kulaa mumu duniani, náangʼazira uwe u ani. Atʼu aa ákala ni ako, ela uchialavya kwangu, nao nenoro adzirigwira. 7Vivi anamanya kukala, chila chitʼu niricho nacho, chilaa kwako. 8Maana, mino náapʼa garatʼu maneno gonipʼa uwe, nao achigaphokera. Vivi anamanya jeri kukala, nálaa kwako, na anakuluphira kukala, uwe ndiwe yenihuma.
9Mimi vivi ninaavoyera aa. Mino tsʼivoyera atʼu a dunia, ela ninaavoyera aa onipʼa uwe, mana, ni atʼuo. 10Na atʼuo osi ni angu, na atʼu angu osi ni ako, na ao anaenderera kungʼaza kukala, mimi ni mubomu. 11Mimi vivi ninadza kwako, tsʼindasagala duniani kahiri, ela aa atʼu angu acheri phapha duniani. Baba mutakatifu, arinde na wamanyirire chividzo kwa widimi wa dzinaro, dzina ririro wanipʼa mimi, kwa hata aidime kukala chitʼu chimwenga dza mimi na uwe hurivyo chitʼu chimwenga. 12#Zab 41:9; Joh 13:18Tsʼiku zosi zodzikala nao, nidziarinda chividzo kwa widimi wa dzina ronipʼa. Mimi aa osi nidziarinda chividzo hata kʼaphana hata mumwenga yeyaya, hata atsʼiphokala yekala udzambwa undayaya, kwa hata Maandikogo gachimire. 13Ela vino ninadza kwako, na ninavoya maneno gaga vivi nicherivyo phapha duniani, kwa hata atʼu aa ahamirwe dza vivyo nihamirwavyo mimi. 14Aa náasumurira nenoro, nao achiriphokera, na atʼu a dunia adziamena kwakukala, aa tsʼi a dunia dza mimi nirivyo tsʼi wa dunia. 15Mimi tsʼi kwamba ninavoya wause phapha duniani, ela ninavoya wamanyirire chividzo na yuyatʼu Mui. 16Aa tsʼi a dunia dza mimi nirivyo tsʼi wa dunia. 17Dziikire chividzo aa atʼu angu kuchirira ujerio, urio ni nenoro. 18Mimi ninaahuma mumu duniani dza viratʼu vyenye vyonihuma uwe duniani, 19na mimi mwenye ninadziikatʼo kwa kaziyo tu, kwa dzulu yao, kwa nao adziiketʼo jeri kwa kaziyo tu bahi.”
Jeso unaavoyera atʼu okala andamukuluphira
20“Baba, ninaavoyera aa atʼu angu, na chisha ninaavoyera hata o anjine ario andanikuluphira kwa neno rondasumurirwa ni aa, 21kwamba osini akale chitʼu chimwenga Baba, dza viratʼu uwe urivyo mwangu ndani, na mimi nirivyo mwako ndani. Ninavoya vivyo kwamba akale mwehu ndani, kwa hata atʼu a dunia akuluphire kukala, uwe wanihuma jeri. 22Mimi nidziangʼazira o ubomu onipʼa uwe, kwa hata akale chitʼu chimwenga dza mimi na uwe hurivyo chitʼu chimwenga, 23mimi nikale mwao ndani, nawe ukale mwangu ndani, kwa hata hosini hukale chitʼu chimwenga kamare, na phapho atʼu a dunia amanye kukala, uwe ndiwe yenihuma, na unaahenza atʼu ao dza vivyo unihenzavyo mimi.
24Baba! Ninahenza o atʼu onipʼa adze akale nami phondakala mimi, kwa hata aone ubomu wangu, ubomu uratʼu onipʼa kwakukala, wanihenza, phokala hata urumwengu kʼaudzangwe kuumbwa. 25Baba muhaki, atʼu a dunia kʼaakumanya, ela mino ninakumanya, na aa atʼu angu nao anamanya kukala, ndiwe yenihuma. 26Aa atʼu angu náangʼazira uwe u ani, na nindaenderera kuhenda vivyo, kwa hata yo menzwa uriyo nayo kwangu yikale mwao ndani, na kwa hata mimi nami nikale mwao ndani.”
Aktualisht i përzgjedhur:
Johana 17: CHIDUR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Johana 17
17
Mavoyo ga Jeso
1Jeso ariphomarigiza kugomba gago, walola dzulu mulunguni achiamba,
“Baba, ufika o ukati! Ndo ungʼaze o ubomu wa mimi Mwanao kwa hata mimi Mwanao nami, niungʼaze o ubomuo, 2dza viratʼu vyonipʼa widimi dzulu ya atʼu osi mimi Mwanao, kwa hata niapʼe uzima uphya wa kare na kare aratʼu osi onipʼa. 3Na uzima uphya wa kare na kare ni uu: atʼu akumanye uwe Mulungu wa jeri wa hicheyo, na animanye vivyo mimi Jeso Kʼirisito yenihuma.
4Mimi nángʼaza ubomuo phapha duniani, kwa kumala kuyihenda kaziyo yonipʼa. 5Ndo vivi Baba, ninakuvoya ungʼaze ubomu wangu ko mulunguni, ubomu uratʼu okala hunao hosi hangu dunia kʼahudzangwe kuyiumba.
6Baba, aa atʼu onipʼa kulaa mumu duniani, náangʼazira uwe u ani. Atʼu aa ákala ni ako, ela uchialavya kwangu, nao nenoro adzirigwira. 7Vivi anamanya kukala, chila chitʼu niricho nacho, chilaa kwako. 8Maana, mino náapʼa garatʼu maneno gonipʼa uwe, nao achigaphokera. Vivi anamanya jeri kukala, nálaa kwako, na anakuluphira kukala, uwe ndiwe yenihuma.
9Mimi vivi ninaavoyera aa. Mino tsʼivoyera atʼu a dunia, ela ninaavoyera aa onipʼa uwe, mana, ni atʼuo. 10Na atʼuo osi ni angu, na atʼu angu osi ni ako, na ao anaenderera kungʼaza kukala, mimi ni mubomu. 11Mimi vivi ninadza kwako, tsʼindasagala duniani kahiri, ela aa atʼu angu acheri phapha duniani. Baba mutakatifu, arinde na wamanyirire chividzo kwa widimi wa dzinaro, dzina ririro wanipʼa mimi, kwa hata aidime kukala chitʼu chimwenga dza mimi na uwe hurivyo chitʼu chimwenga. 12#Zab 41:9; Joh 13:18Tsʼiku zosi zodzikala nao, nidziarinda chividzo kwa widimi wa dzina ronipʼa. Mimi aa osi nidziarinda chividzo hata kʼaphana hata mumwenga yeyaya, hata atsʼiphokala yekala udzambwa undayaya, kwa hata Maandikogo gachimire. 13Ela vino ninadza kwako, na ninavoya maneno gaga vivi nicherivyo phapha duniani, kwa hata atʼu aa ahamirwe dza vivyo nihamirwavyo mimi. 14Aa náasumurira nenoro, nao achiriphokera, na atʼu a dunia adziamena kwakukala, aa tsʼi a dunia dza mimi nirivyo tsʼi wa dunia. 15Mimi tsʼi kwamba ninavoya wause phapha duniani, ela ninavoya wamanyirire chividzo na yuyatʼu Mui. 16Aa tsʼi a dunia dza mimi nirivyo tsʼi wa dunia. 17Dziikire chividzo aa atʼu angu kuchirira ujerio, urio ni nenoro. 18Mimi ninaahuma mumu duniani dza viratʼu vyenye vyonihuma uwe duniani, 19na mimi mwenye ninadziikatʼo kwa kaziyo tu, kwa dzulu yao, kwa nao adziiketʼo jeri kwa kaziyo tu bahi.”
Jeso unaavoyera atʼu okala andamukuluphira
20“Baba, ninaavoyera aa atʼu angu, na chisha ninaavoyera hata o anjine ario andanikuluphira kwa neno rondasumurirwa ni aa, 21kwamba osini akale chitʼu chimwenga Baba, dza viratʼu uwe urivyo mwangu ndani, na mimi nirivyo mwako ndani. Ninavoya vivyo kwamba akale mwehu ndani, kwa hata atʼu a dunia akuluphire kukala, uwe wanihuma jeri. 22Mimi nidziangʼazira o ubomu onipʼa uwe, kwa hata akale chitʼu chimwenga dza mimi na uwe hurivyo chitʼu chimwenga, 23mimi nikale mwao ndani, nawe ukale mwangu ndani, kwa hata hosini hukale chitʼu chimwenga kamare, na phapho atʼu a dunia amanye kukala, uwe ndiwe yenihuma, na unaahenza atʼu ao dza vivyo unihenzavyo mimi.
24Baba! Ninahenza o atʼu onipʼa adze akale nami phondakala mimi, kwa hata aone ubomu wangu, ubomu uratʼu onipʼa kwakukala, wanihenza, phokala hata urumwengu kʼaudzangwe kuumbwa. 25Baba muhaki, atʼu a dunia kʼaakumanya, ela mino ninakumanya, na aa atʼu angu nao anamanya kukala, ndiwe yenihuma. 26Aa atʼu angu náangʼazira uwe u ani, na nindaenderera kuhenda vivyo, kwa hata yo menzwa uriyo nayo kwangu yikale mwao ndani, na kwa hata mimi nami nikale mwao ndani.”
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr