Johana 19
19
1Ndo Pilato wamulagizira Jeso ahwalwe na apigwe vibokʼo. 2Na shikarie achilinga chiremba cha vitai vya miya, achimuvika chitswani, na achimuvika zurungi ra rangi ya zambarawe. 3Achikala anadza achidza phapho mbereze na kumwamba, “Hʼaya kʼamuna utʼu baba, mufalume wa Ayahudi!” Chisha amupige makofi.
4Shikari ariphomala kumupiga, na kumuhenda chinyago Jeso, ámuudza kwa Pilato. Pilato achilaa konze kahiri achiaamba, “Mwimwi, mino yuyu mutʼu nidzimwamba arehewe phapha phonze mudze mumone, ela manyani kukala, ulamuli wangu ni uo wa kukala, tsʼimona una kosa rorosi.” 5Ndo Jeso achilaviwa konze na kuno uvala chicho chiremba cha vitai vya miya, na zurungi ra zambarawe. Pilato achiaamba, “Hʼaya hiye yiye mutʼu!”
6Ela ao makuhani abomu na arinzi ariphomona tu, ágomba kʼululu achiamba, “Muulage kwa kumukotʼa misumari musalabani! Muulage kwa kumukotʼa misumari musalabani!” Pilato achiaamba, “Aa, hʼaya hiye, muhwaleni mwimwi enye mukamuulage kwa kumukotʼa misumari musalabani, mana, mino tsʼimona una kosa rorosi.” 7Ao Ayahudi achimuudzidza achimwamba, “Sino hunayo shariya, na kutuwirizana na shariya yiyo, ni seti anyongwe, kwakukala, wadzihenda hangwe ni Mwanangwa wa Mulungu.”
8Pilato ariphosikira gago, wakaza kuphenywa ni woga muno. 9Ndo achiuya mumo dzumbani ra utawala, naye achendamuuza Jeso vivi, “Kwani uwe walaaphi?” Ela Jeso yiye kʼaudzidzire neno rorosi. 10Phapho Pilato achimwamba, “Aa, kʼuniudzidza uwe! Kʼunimanya mino nina widimi wa kukuvugula na kukuricha tsare, na widimi wa kukulavya ukaulagwe kwa kukotwʼa misumari musalabani?” 11Jeso achimuudzidza achimwamba, “Kʼungakalire na widimi wowosi kamare dzulu yangu kala kʼuhewerwe kulaa dzulu. Kwa vivyo, yenilavya kwako, bee una dambi bomu kukuchira.”
12Pilato ariphosikira gago, waheza kutsakula chila njira ya kumurichira tsare Jeso. Ela Ayahudi ao achimwamba, “Uchimurichira tsare mutʼu yiye, bee undakala u mudawa wa Kaisari. Maana, chila mutʼu adzihendaye kukala, ni mufalume dza yiye, bee ni kukala unamupinga Kaisari!” 13Ndo sambi Pilato ariphosikira maneno gago, achimulavya Jeso konze, achisagala chihi cha ulamuli, phatʼu phaihiwapho “Phatʼu pha Mawe,” hebu “Gabata” kwa Chiburania.
14Dzuwa rakala riimire vitswani, na atʼu ákala anadzibambanya, mana, Sabato ya tsʼikukʼuu ya Pʼasaka yakala yindaanza dziloniye. Ndo Pilato achiaamba Ayahudi vivi, “Hʼaya hiye mufalume wenu!” 15Ao achigomba kʼululu achiamba, “Muuse yiye! Muuse yiye! Na muulage kwa kumukotʼa misumari musalabani!” Pilato achiauza vivi, “Vidze, vivi bee munahenza nimuulage kwa kumukotʼa misumari musalabani mufalume wenu?” Makuhani abomu achimuudzidza achimwamba, “Sino kʼahuna mufalume munjine hata ni Kaisari tu!”
16Ndo Pilato achimulavya Jeso kwao, kwa akaulagwe kwa kukotwʼa misumari musalabani.
Jeso unaulagwa kwa kukotwʼa misumari musalabani
(Matayo 27:32-44; Mariko 15:21-32; Luka 23:26-43)
Ndo shikari achimulongoza Jeso, 17na yiye achilaa phapho na kuno utsukula musalabawe mwenye. Achenda naye vivi hata phatʼu phaihiwapho “Phatʼu pha Muma wa Chitswa” (ambapho phaihiwa “Goligota” kwa Chiburania). 18Phapho ndipho ariphomuulaga Jeso kwa kumukotʼa misumari musalabani, na atʼu anjine airi: mumwenga mukonowe wa kulume na munjine mukonowe wa kotsʼo, Jeso yiye achikala u phapho kati-kati yao. 19Ndo Pilato wakala udzandika dzina ra cheo chibaoni, na achiamba chikakotʼwe phapho dzulu-dzulu ya uo musalaba wa Jeso. Dzina ra cheo riro rakala ni, “jeso muchina nazareti, mufalume wa ayahudi.” 20Ayahudi anji árisoma riro dzina ra cheo rokala ridzandikwa phapho, kwakukala, phatʼu phapho aripho Jeso wakotwʼa misumari musalabani, phákala ni phephi na uo mudzi. Na chisha, rakala ridzandikwa kwa viryomo vihahu, Chiburania, Chilatini na Chiyunani. 21Ndo makuhani abomu achimwamba Pilato, “Rigaluze riro kulaa, ‘Mufalume wa Ayahudi’ rikale, ‘Mutʼu yuyu wadzamba, ni Mufalume wa Ayahudi.’ ” 22Pilato achiudzidza achiamba, “Vyodzandika mimi ni vivyo, kʼavigaluzwa!” 23Shikari ariphomukotʼa misumari Jeso musalabani, áhwala mavaloge achigavya mafungu mane, fungu kwa chila shikari. Na árihwala hata zurungire naro, ririro rakala rishonwa phyululu. 24#Zab 22:18Ndo ao shikari achambana, “Nahutsʼirahuleni riri zurungi, ela nahuripigireni kʼura ya kʼamari hulole kumba ni ani yendaripata.” Neno riro rahendeka kwa richimize Andiko ra Mulungu rambaro,
“Ágavyana mavalo gangu,
na zurungi rangu achiripigira kʼura ya kʼamari.”
Na vivi ndivyo vyohenda ao shikari.
25-26Atʼu okala aimire phephi na uo musalaba wa Jeso ukati phokala ao shikari anagavyana zizo nguwo, ákala ni ameye, chaneye, Maryamu mukaza Kileopa, Maryamu muchina Magidala na mwanafunzi yekala unamuhenza muno. Jeso ariphomona ameye wimire phapho phephi na yiye mwanafunzi yekala unamuhenza muno, wamwamba ameye vivi, “Sirikisa mayo! Yiye ni mwanao.” 27Chisha, achimugalukira yiye mwanafunzi achimwamba, “Sirikisa dede, yiye ni ameyo.” Na kulaira phapho, yiye mwanafunzi wamuhwala ameye Jeso achendasagala naye kwakwe.
Chifo cha Jeso
(Matayo 27:45-56; Mariko 15:33-41; Luka 23:44-49)
28 #
Zab 69:21; 22:15 Jeso wakala unamanya kukala, gosi wakala udzigachimiza. Ndo chidzakoche achiamba, “Ninasikira chʼiru” kwa achimize Andiko. 29Phapho phákala phana bakuli ra divai ya ngwadu. Shikari mumwenga achiviika kasiku ka godoro mumo divaini na atsʼa ya datʼa ra mwanzi, chisha achimulambisa Jeso. 30Jeso ariphomiza yiyo divai ya ngwadu waamba, “Nidziyimala kazi yangu vivi!” Ndo achivumbamisa usowe, achitosa rohoye.
31Tsʼiku yiyo yakala ni ya kudzibambanya, kwa hata dziloniye atʼu aanze Sabato ya tsʼikukʼuu ya Pʼasaka. Ndo ao abomu a Ayahudi ámuvoya ruhusa Pilato aahume shikarie akaavunze magulu ao atʼu okala akotwʼa misumari misalabani, kwa afe maruru, na auswe phapho misalabani. Ao ámuvoya ahende vivyo kwakukala, ákala kʼaaenzi ao atʼu akale phapho misalabani hata Sabato, na Sabato yiyo yakala yindakala bomu.
32Ndo ao shikari achendagavunza gago magulu ga ao atʼu airi okala akotwʼa misumari musalabani dza Jeso. 33Ela ariphomufikira Jeso, ámona udzefa kare, na kwa vivyo, kʼaamuvunzire magulu. 34Ela shikari mumwenga achimudunga fumo ra mbavuni, na phapho kare milatso na madzi vichilaa. 35(Yegaona gago, unalavya ushaidiwe, na ushudawe ni wa jeri na yiye mwenye unamanya unagomba ujeri, kwa hata mwimwi namwi mukuluphire.) 36#Kul 12:46; Isab 9:12; Zab 34:20Maana, maneno gago gáhendeka kwa gachimize Andiko rambaro, “Kʼaphana hata musozawe umwenga ondavunzwa.” 37#Zak 12:10; Ufun 1:7Na chisha, kwa hata gachimize Andiko rinjine rambaro, “Andamulola yedzimudunga fumo.”
Jeso unazikwa
(Matayo 27:57-61; Mariko 15:42-47; Luka 23:50-56)
38Gariphosira gago, mutʼu mumwenga aihiwaye Jesefu muchina Arimataya wakwendamuvoya ruhusa Pilato ya kuluhwala lufu lwa Jeso akaluzike. Jesefu wakala ni mwanafunzi wa Jeso, ela wakala u chisirisiri kwa kogopha vilongozi a Ayahudi. Pilato achimuhenzeza, naye achendaluhwala lulo lufu lwa Jeso. 39#Joh 3:1, 2Nikodemo naye, ariye phapho mwanzo wakala ukwenda kwa Jeso na usiku, wakwenda phamwenga na yiye Jesefu, na yiye watsukula mutsanganyiko wa udi na ubani, wa kʼilo mirongo mihahu. 40-41Phatʼu phapho aripho Jeso waulagwa, phákala phana kadzunda, na phapho kadzundani phákala phana mbira mbiphya yokala yitsongwa dziweni, na kʼayidzangwe kuzikwa mutʼu. Ndo ao ariphohwala lulo lufu lwa Jeso, áluvika sanza ya kitani, na uo udi na ubani achiutiya mumo kutuwirizana na maziko ga Chiyahudi. 42Na achimuzika Jeso phapho kwakukala, Sabato yiyo ya tsʼikukʼuu ya Pʼasaka, yakala yifika phephi na kwanza, na kamare kwahivira mbira yiyo yakala yifika phephi kare.
Aktualisht i përzgjedhur:
Johana 19: CHIDUR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Johana 19
19
1Ndo Pilato wamulagizira Jeso ahwalwe na apigwe vibokʼo. 2Na shikarie achilinga chiremba cha vitai vya miya, achimuvika chitswani, na achimuvika zurungi ra rangi ya zambarawe. 3Achikala anadza achidza phapho mbereze na kumwamba, “Hʼaya kʼamuna utʼu baba, mufalume wa Ayahudi!” Chisha amupige makofi.
4Shikari ariphomala kumupiga, na kumuhenda chinyago Jeso, ámuudza kwa Pilato. Pilato achilaa konze kahiri achiaamba, “Mwimwi, mino yuyu mutʼu nidzimwamba arehewe phapha phonze mudze mumone, ela manyani kukala, ulamuli wangu ni uo wa kukala, tsʼimona una kosa rorosi.” 5Ndo Jeso achilaviwa konze na kuno uvala chicho chiremba cha vitai vya miya, na zurungi ra zambarawe. Pilato achiaamba, “Hʼaya hiye yiye mutʼu!”
6Ela ao makuhani abomu na arinzi ariphomona tu, ágomba kʼululu achiamba, “Muulage kwa kumukotʼa misumari musalabani! Muulage kwa kumukotʼa misumari musalabani!” Pilato achiaamba, “Aa, hʼaya hiye, muhwaleni mwimwi enye mukamuulage kwa kumukotʼa misumari musalabani, mana, mino tsʼimona una kosa rorosi.” 7Ao Ayahudi achimuudzidza achimwamba, “Sino hunayo shariya, na kutuwirizana na shariya yiyo, ni seti anyongwe, kwakukala, wadzihenda hangwe ni Mwanangwa wa Mulungu.”
8Pilato ariphosikira gago, wakaza kuphenywa ni woga muno. 9Ndo achiuya mumo dzumbani ra utawala, naye achendamuuza Jeso vivi, “Kwani uwe walaaphi?” Ela Jeso yiye kʼaudzidzire neno rorosi. 10Phapho Pilato achimwamba, “Aa, kʼuniudzidza uwe! Kʼunimanya mino nina widimi wa kukuvugula na kukuricha tsare, na widimi wa kukulavya ukaulagwe kwa kukotwʼa misumari musalabani?” 11Jeso achimuudzidza achimwamba, “Kʼungakalire na widimi wowosi kamare dzulu yangu kala kʼuhewerwe kulaa dzulu. Kwa vivyo, yenilavya kwako, bee una dambi bomu kukuchira.”
12Pilato ariphosikira gago, waheza kutsakula chila njira ya kumurichira tsare Jeso. Ela Ayahudi ao achimwamba, “Uchimurichira tsare mutʼu yiye, bee undakala u mudawa wa Kaisari. Maana, chila mutʼu adzihendaye kukala, ni mufalume dza yiye, bee ni kukala unamupinga Kaisari!” 13Ndo sambi Pilato ariphosikira maneno gago, achimulavya Jeso konze, achisagala chihi cha ulamuli, phatʼu phaihiwapho “Phatʼu pha Mawe,” hebu “Gabata” kwa Chiburania.
14Dzuwa rakala riimire vitswani, na atʼu ákala anadzibambanya, mana, Sabato ya tsʼikukʼuu ya Pʼasaka yakala yindaanza dziloniye. Ndo Pilato achiaamba Ayahudi vivi, “Hʼaya hiye mufalume wenu!” 15Ao achigomba kʼululu achiamba, “Muuse yiye! Muuse yiye! Na muulage kwa kumukotʼa misumari musalabani!” Pilato achiauza vivi, “Vidze, vivi bee munahenza nimuulage kwa kumukotʼa misumari musalabani mufalume wenu?” Makuhani abomu achimuudzidza achimwamba, “Sino kʼahuna mufalume munjine hata ni Kaisari tu!”
16Ndo Pilato achimulavya Jeso kwao, kwa akaulagwe kwa kukotwʼa misumari musalabani.
Jeso unaulagwa kwa kukotwʼa misumari musalabani
(Matayo 27:32-44; Mariko 15:21-32; Luka 23:26-43)
Ndo shikari achimulongoza Jeso, 17na yiye achilaa phapho na kuno utsukula musalabawe mwenye. Achenda naye vivi hata phatʼu phaihiwapho “Phatʼu pha Muma wa Chitswa” (ambapho phaihiwa “Goligota” kwa Chiburania). 18Phapho ndipho ariphomuulaga Jeso kwa kumukotʼa misumari musalabani, na atʼu anjine airi: mumwenga mukonowe wa kulume na munjine mukonowe wa kotsʼo, Jeso yiye achikala u phapho kati-kati yao. 19Ndo Pilato wakala udzandika dzina ra cheo chibaoni, na achiamba chikakotʼwe phapho dzulu-dzulu ya uo musalaba wa Jeso. Dzina ra cheo riro rakala ni, “jeso muchina nazareti, mufalume wa ayahudi.” 20Ayahudi anji árisoma riro dzina ra cheo rokala ridzandikwa phapho, kwakukala, phatʼu phapho aripho Jeso wakotwʼa misumari musalabani, phákala ni phephi na uo mudzi. Na chisha, rakala ridzandikwa kwa viryomo vihahu, Chiburania, Chilatini na Chiyunani. 21Ndo makuhani abomu achimwamba Pilato, “Rigaluze riro kulaa, ‘Mufalume wa Ayahudi’ rikale, ‘Mutʼu yuyu wadzamba, ni Mufalume wa Ayahudi.’ ” 22Pilato achiudzidza achiamba, “Vyodzandika mimi ni vivyo, kʼavigaluzwa!” 23Shikari ariphomukotʼa misumari Jeso musalabani, áhwala mavaloge achigavya mafungu mane, fungu kwa chila shikari. Na árihwala hata zurungire naro, ririro rakala rishonwa phyululu. 24#Zab 22:18Ndo ao shikari achambana, “Nahutsʼirahuleni riri zurungi, ela nahuripigireni kʼura ya kʼamari hulole kumba ni ani yendaripata.” Neno riro rahendeka kwa richimize Andiko ra Mulungu rambaro,
“Ágavyana mavalo gangu,
na zurungi rangu achiripigira kʼura ya kʼamari.”
Na vivi ndivyo vyohenda ao shikari.
25-26Atʼu okala aimire phephi na uo musalaba wa Jeso ukati phokala ao shikari anagavyana zizo nguwo, ákala ni ameye, chaneye, Maryamu mukaza Kileopa, Maryamu muchina Magidala na mwanafunzi yekala unamuhenza muno. Jeso ariphomona ameye wimire phapho phephi na yiye mwanafunzi yekala unamuhenza muno, wamwamba ameye vivi, “Sirikisa mayo! Yiye ni mwanao.” 27Chisha, achimugalukira yiye mwanafunzi achimwamba, “Sirikisa dede, yiye ni ameyo.” Na kulaira phapho, yiye mwanafunzi wamuhwala ameye Jeso achendasagala naye kwakwe.
Chifo cha Jeso
(Matayo 27:45-56; Mariko 15:33-41; Luka 23:44-49)
28 #
Zab 69:21; 22:15 Jeso wakala unamanya kukala, gosi wakala udzigachimiza. Ndo chidzakoche achiamba, “Ninasikira chʼiru” kwa achimize Andiko. 29Phapho phákala phana bakuli ra divai ya ngwadu. Shikari mumwenga achiviika kasiku ka godoro mumo divaini na atsʼa ya datʼa ra mwanzi, chisha achimulambisa Jeso. 30Jeso ariphomiza yiyo divai ya ngwadu waamba, “Nidziyimala kazi yangu vivi!” Ndo achivumbamisa usowe, achitosa rohoye.
31Tsʼiku yiyo yakala ni ya kudzibambanya, kwa hata dziloniye atʼu aanze Sabato ya tsʼikukʼuu ya Pʼasaka. Ndo ao abomu a Ayahudi ámuvoya ruhusa Pilato aahume shikarie akaavunze magulu ao atʼu okala akotwʼa misumari misalabani, kwa afe maruru, na auswe phapho misalabani. Ao ámuvoya ahende vivyo kwakukala, ákala kʼaaenzi ao atʼu akale phapho misalabani hata Sabato, na Sabato yiyo yakala yindakala bomu.
32Ndo ao shikari achendagavunza gago magulu ga ao atʼu airi okala akotwʼa misumari musalabani dza Jeso. 33Ela ariphomufikira Jeso, ámona udzefa kare, na kwa vivyo, kʼaamuvunzire magulu. 34Ela shikari mumwenga achimudunga fumo ra mbavuni, na phapho kare milatso na madzi vichilaa. 35(Yegaona gago, unalavya ushaidiwe, na ushudawe ni wa jeri na yiye mwenye unamanya unagomba ujeri, kwa hata mwimwi namwi mukuluphire.) 36#Kul 12:46; Isab 9:12; Zab 34:20Maana, maneno gago gáhendeka kwa gachimize Andiko rambaro, “Kʼaphana hata musozawe umwenga ondavunzwa.” 37#Zak 12:10; Ufun 1:7Na chisha, kwa hata gachimize Andiko rinjine rambaro, “Andamulola yedzimudunga fumo.”
Jeso unazikwa
(Matayo 27:57-61; Mariko 15:42-47; Luka 23:50-56)
38Gariphosira gago, mutʼu mumwenga aihiwaye Jesefu muchina Arimataya wakwendamuvoya ruhusa Pilato ya kuluhwala lufu lwa Jeso akaluzike. Jesefu wakala ni mwanafunzi wa Jeso, ela wakala u chisirisiri kwa kogopha vilongozi a Ayahudi. Pilato achimuhenzeza, naye achendaluhwala lulo lufu lwa Jeso. 39#Joh 3:1, 2Nikodemo naye, ariye phapho mwanzo wakala ukwenda kwa Jeso na usiku, wakwenda phamwenga na yiye Jesefu, na yiye watsukula mutsanganyiko wa udi na ubani, wa kʼilo mirongo mihahu. 40-41Phatʼu phapho aripho Jeso waulagwa, phákala phana kadzunda, na phapho kadzundani phákala phana mbira mbiphya yokala yitsongwa dziweni, na kʼayidzangwe kuzikwa mutʼu. Ndo ao ariphohwala lulo lufu lwa Jeso, áluvika sanza ya kitani, na uo udi na ubani achiutiya mumo kutuwirizana na maziko ga Chiyahudi. 42Na achimuzika Jeso phapho kwakukala, Sabato yiyo ya tsʼikukʼuu ya Pʼasaka, yakala yifika phephi na kwanza, na kamare kwahivira mbira yiyo yakala yifika phephi kare.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr