Luka 7
7
Kuluphiro ra mubomu wa shikari a viha
(Matayo 8:5-13)
1Jeso ariphomarigiza kwaambira atʼu gago gosi, wauka achenda mudzi wa Kaparinaumu. 2Kuko kwakala kuna mubomu mumwenga wa shikari a viha wa Chirumi, yekala una muhendikaziwe amuhenzaye muno, ni mukongo yupwi. 3Ndo yiye mubomu ariphosikira nguma mbidzo ya Jeso, waahuma atumia a Chiyahudi ende akamutuwe adze amuphoze muhendikaziwe. 4Na ao ariphofika kwa Jeso, ákwendamwambira gokala áhumwa, na achimulombera muno achimwamba, “Yiye mubomu wa shikari a viha bee unawirya umwavize jeri uwe, 5mana, yiye mwenye unaahenza atʼu ehu na kusema ujeri, ndiye ariyehujengera riratʼu sinagogi.” 6Ndo Jeso achenda phamwenga nao, na ariphokala unatapira nyumba ya yiye mubomu wa shikari, yiye waahuma asenae akamwambe Jeso vivi, “Bwana, yiye mubomu wa shikari a viha udzamba kʼawirya kukupiga karibu uwe mwakwe nyumbani, 7na vivyo ndivyo vyodzimuhenda hata kʼadzire kwako yiye mwenye. Kwa vivyo, yiye udzamba uwe wambe muhendikaziwe aphole tu, naye undaphola. 8Maana, hata yiye naye ni mutʼu ariye tsʼini ya widimi wa abomu anjine, na unao shikari tsʼinize. Na nikumuhuma mumwenga naye akenda, akamwiha munjine naye akadza, na nikumwamba muhendikaziwe, ‘Henda rino!’ naye akahenda.” 9Ndo Jeso ariphosikira gago, waangalazwa ni yiye, chisha achigalukira riro duu ra atʼu rokala u phamwenga naro achiamba, “Ninamwambira mino, tsʼidzangwe kona mutʼu wa kuluphiro bomu dza yuyu phapha Iziraeli phosi!” 10Aratʼu atʼu okala ahumwa kwa yiye Jeso achiuya kuko nyumbani kwa yiye mubomu, na achendamona yiye muhendikaziwe uphola kamare.
Jeso unamufufula mwana wa muchetʼu gungu
11Jeso ariphomuphoza muhendikazi wa yiye mubomu wa shikari a viha tu, wakwenda mudzi umwenga wihiwao Naini, phamwenga na anafunzie, na duu bomu ra atʼu. 12Ndo phokala unatapira dziyango bomu ra kuphenyera uo mudzi, phálairira atʼu okala atsukula lufu lwa mutana mumwenga yevyalwa hicheye tu, mwanangwa wa muchetʼu gungu, na atʼu anji a mudzi uo ákala a phamwenga na yiye mufererwa. 13Ndo Jeso ariphomona yiye muchetʼu, wamugwizira mbazi muno na achimwamba, “Tsʼirire Mayo.” 14Chisha, achendarikumba riro jeneza, na aratʼu okala adziritsukula achiima. Chisha Jeso achiamba, “Mutana, ninakwamba lamuka!” 15Yiye mutana achifufuka achisagala, na achanza kugomba. Jeso achimwamba yiye muchetʼu, “Hʼaya hiye mwanao.” 16Atʼu osi phapho achangalala na achogopha, na achanza kumulika Mulungu achiamba, “Mugomvi mubomu wa Mulungu ukudza kati yehu!” na, “Mulungu ukudzaativya atʼue!” 17Nguma zizo za Jeso zichigotʼa Judea kosi, na itsʼi za phephi-phephi.
Adzumbe kulaa kwa Johana Mubatizi
(Matayo 11:2-19)
18Anafunzi a Johana ámwambira yiye mwalimu wao nguma dzulu ya maneno gago gosi. Naye Johana achiaiha anafunzie airi 19achiahuma kwa Bwana akamuuze kukala, “Uwe ukale ndiwe yeambwa undakudza, hebu hulolere mutʼu munjine?” 20Aratʼu anafunzi airi ariphofika kwa Jeso ámwamba, “Sino hudzihumwa ni Johana Mubatizi hudze hukuuze, ‘Uwe ukale ndiwe yeambwa undakudza, hebu hulolere mutʼu munjine?’ ”
21Ukati uo, Jeso wakala unaaphoza atʼu anji okala anayugika na makongo na pʼepʼo a vitswa, na kwaidimisa kona atʼu otsʼiona. 22#Isa 35:5, 6; Isa 61:1Ndo Jeso achiaamba vivi, “Endani mukamwambire Johana gaga godzigaona, na godzigasikira: atʼu otsʼiona anaphozwa hata anaona, vigurye anaphozwa hata anenenda chividzo, a mahana anatakaswa, atʼu otsʼisikira anaphozwa hata anasikira vino, atʼu a kufa anafufulwa, na achiya anasumurirwa Nguma Mbidzo. 23Kwa vivyo, baha mutʼu yetsʼiricha kunikuluphira!”
24Ndo adzumbe a Johana ariphouka, Jeso waanza kugomba na riro duu ra atʼu dzulu ya Johana. Yiye waauza vivi, “Muriphokwenda kwa Johana kuko nyika, mwakala munahenza mukaone ani? Mwakala munahenza mukaone mutʼu wa kuyumbiswa-yumbiswa dza lunyasi lulazwavyo ni pʼeho? 25Hʼaya mwakwendalola ani? Mukale mwakala mudzikwendalola mutʼu yekala udzidzivalira nguwoze mbidzo? Sirikisani, atʼu avalao nguwo mbidzo na kusagala mazagazi ga raha, anasagala hata madzumbani mwa afalume vivyo! 26Ndo sambi nambirani, mwakala mudzikwendalola ani? Mukale mwakala mudzikwendalola mugomvi wa Mulungu? Ni jeri, na bee ninamwambira mino kukala, yiye Johana yekwendamona kuko, uchira mugomvi wa Mulungu. 27#Mal 3:1Yiye Johana ndiye ahadzwaye mumo Maandikoni ga Mulungu gaambago,
‘Sirikisa, ninahuma mudzumbe wangu akulongolere,
akakutsengere njirayo.’ ”
28Jeso achimarigiza na kwamba, “Ninamwambira mino, kati ya binadamu osi, kʼakuna mubomu kumurima Johana Mubatizi. Ela hata vivyo, ariye ni mudide kamare Ufalumeni kwa Mulungu, ni mubomu kumurima yiye Johana. 29#Mat 21:32; Luk 3:12Na atʼu osi hata atosi a kodi ásikira udzumbe wa Johana, na achikubali Mulungu ni mujeri kwa kubatizwa ni yiye Johana. 30Ela Afarisayo na alimu a shariya árirema riro henzo ra Mulungu rokala ri dzulu yao kwa kurema kubatizwa ni yiye Johana.
31“Ndo sambi nindaahwalanisha atʼu ano na chitʼu chani? Ni atʼu a chidzedze ano? 32Atʼu aa anga dza tʼadi ya anache asegereo cheteni virundu viri, chila chirundu chichambwa ni chinjine, ‘Hudzimupigira ngoma, ela kʼamuvinire! Hukamupigira musego, ela kʼamuririre!’ 33Maana, Johana Mubatizi wakudza, achifunga na kʼanirwe hata divai, ela mwimwi mwakala muchamba, ‘Una pʼepʼo!’ 34Nichidza mimi Mutʼu yelaa dzulu. Mimi tsʼifungire na nichinwa hata divai, ela mwimwi munaamba, ‘Muloleni mutʼu yuno, una mutsare na ni munwadzi, na asenae ni atosi a kodi na atʼu anjine otsʼiriwa.’ 35Ela hata vivyo, hekima ya Mulungu yinaonyeswa kukala ni ya jeri ni atʼu osi ayikubalio.”
Jeso nyumbani kwa Simoni ariye ni Mufarisayo
36Mufarisayo mumwenga aihiwaye Simoni wamupiga karibu Jeso kwakwe nyumbani, ende akarye leu phamwenga naye. Jeso achenda, achendaphenya nyumbani mwa yiye Mufarisayo, achisagala na achirya leu. 37#Mat 26:7; Mar 14:3; Joh 12:3Ndo kwakala kuna muchetʼu mumwenga mudzi uo yekala unasagala mazagazi makolo muno. Ariphosikira nguma kukala Jeso wakala u nyumbani kwa yiye Mufarisayo, wahwala tʼupa ya alabasita yokala yina mafuha. 38Achenda hata kuko nyumbani, achendaima nyuma ya Jeso phakwe maguluni kuno unarira, na phapho matsozige gachimutwenera Jeso maguluni. Phapho yiye muchetʼu achivumbama na achigahakusa gago magulu ga Jeso na nyereze, chisha achigadonera-donera na kugaphaka garatʼu mafuha. 39Yiye Mufarisayo yekala udzimupiga karibu Jeso ariphoona gago, waaza mwakwe moyoni achiamba, “Kala mutʼu yuyu ni mugomvi wa Mulungu, angari kumanya muchetʼu yuyu amukumbaye yu chidzedze, mana, muchetʼu yuyu unasagala mazagazi makolo muno.” 40Phapho Jeso achimwamba vivi yiye Mufarisayo, “Simoni, nina chitʼu nihenzacho nikwambire.” Naye Simoni achimwamba, “Hʼaya nambira tu uwe Mwalimu.” Jeso achiamba, 41“Kwakala atʼu airi omukopa pʼesa mutʼu mumwenga: mumwenga wakala udzimukopa shilingi helufu mirongo mitsano, na yiye munjine shilingi helufu tsʼano.#7:41 Chiyunani chinaamba: dinari magana matsano, na yiye munjine dinari mirongo mitsano. 42Atʼu ao ariphoshindwa ni kuripha madeni gao, yiye mutʼu wasamehe osi airi. Sambi, ni yuphiye kati ya ano airi yendamuhenza muno yiye mutʼu yeakopesha, chisha achiasamehe madeni gao?” 43Simoni achimuudzidza achimwamba, “Vi lwazu kukala, yuyatʼu yesamehewa deni bomu, wamuhenza muno.” Phapho Jeso achimwamba, “Ni jeri.”
44Ndo achimugalukira yiye muchetʼu na achimwamba Simoni vivi, “Unamona yuno muchetʼu?” Simoni achivumikiza, “Ee?” Jeso achiamba, “Bee, mimi phodziphenya mumu mwako nyumbani, uwe kʼunipʼire madzi ga koga magulu gangu, ela muchetʼu yuyu udzinogesa magulu na matsozige, na akagahakusa na nyereze. 45Uwe uriphonilamusa kʼunibusure, ela yuyu muchetʼu hangu phodziphenyera mumu ukala achigadonera magulu gangu tu. 46Uwe kʼuniphakire mafuha chitswani, ela yuyu muchetʼu udzigaphaka mafuha ga kunukʼatʼo magulu gangu. 47Ndo ninakwambira mino uwe, hata ziripho dambize ni nyinji, ela zisamehewa, mana, udzonyesa menzwa bomu. Ela asamehewaye dambi chʼachʼe, hata yiyo menzwaye nayo ni chʼachʼe vivyo.”
48Na Jeso yiye muchetʼu achimwamba vivi, “Udzisamehewa dambizo.”
49Na phapho aratʼu okala a mezani phamwenga naye achiuzana vivi, “Ni mutʼu wa chidzedze yuno aidimaye kumusamehe mutʼu dambi?”
50Jeso yiye achimwamba vivi yiye muchetʼu, “Kuluphiroro ridzikutivya enda vyako na reri.”
Aktualisht i përzgjedhur:
Luka 7: CHIDUR
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Luka 7
7
Kuluphiro ra mubomu wa shikari a viha
(Matayo 8:5-13)
1Jeso ariphomarigiza kwaambira atʼu gago gosi, wauka achenda mudzi wa Kaparinaumu. 2Kuko kwakala kuna mubomu mumwenga wa shikari a viha wa Chirumi, yekala una muhendikaziwe amuhenzaye muno, ni mukongo yupwi. 3Ndo yiye mubomu ariphosikira nguma mbidzo ya Jeso, waahuma atumia a Chiyahudi ende akamutuwe adze amuphoze muhendikaziwe. 4Na ao ariphofika kwa Jeso, ákwendamwambira gokala áhumwa, na achimulombera muno achimwamba, “Yiye mubomu wa shikari a viha bee unawirya umwavize jeri uwe, 5mana, yiye mwenye unaahenza atʼu ehu na kusema ujeri, ndiye ariyehujengera riratʼu sinagogi.” 6Ndo Jeso achenda phamwenga nao, na ariphokala unatapira nyumba ya yiye mubomu wa shikari, yiye waahuma asenae akamwambe Jeso vivi, “Bwana, yiye mubomu wa shikari a viha udzamba kʼawirya kukupiga karibu uwe mwakwe nyumbani, 7na vivyo ndivyo vyodzimuhenda hata kʼadzire kwako yiye mwenye. Kwa vivyo, yiye udzamba uwe wambe muhendikaziwe aphole tu, naye undaphola. 8Maana, hata yiye naye ni mutʼu ariye tsʼini ya widimi wa abomu anjine, na unao shikari tsʼinize. Na nikumuhuma mumwenga naye akenda, akamwiha munjine naye akadza, na nikumwamba muhendikaziwe, ‘Henda rino!’ naye akahenda.” 9Ndo Jeso ariphosikira gago, waangalazwa ni yiye, chisha achigalukira riro duu ra atʼu rokala u phamwenga naro achiamba, “Ninamwambira mino, tsʼidzangwe kona mutʼu wa kuluphiro bomu dza yuyu phapha Iziraeli phosi!” 10Aratʼu atʼu okala ahumwa kwa yiye Jeso achiuya kuko nyumbani kwa yiye mubomu, na achendamona yiye muhendikaziwe uphola kamare.
Jeso unamufufula mwana wa muchetʼu gungu
11Jeso ariphomuphoza muhendikazi wa yiye mubomu wa shikari a viha tu, wakwenda mudzi umwenga wihiwao Naini, phamwenga na anafunzie, na duu bomu ra atʼu. 12Ndo phokala unatapira dziyango bomu ra kuphenyera uo mudzi, phálairira atʼu okala atsukula lufu lwa mutana mumwenga yevyalwa hicheye tu, mwanangwa wa muchetʼu gungu, na atʼu anji a mudzi uo ákala a phamwenga na yiye mufererwa. 13Ndo Jeso ariphomona yiye muchetʼu, wamugwizira mbazi muno na achimwamba, “Tsʼirire Mayo.” 14Chisha, achendarikumba riro jeneza, na aratʼu okala adziritsukula achiima. Chisha Jeso achiamba, “Mutana, ninakwamba lamuka!” 15Yiye mutana achifufuka achisagala, na achanza kugomba. Jeso achimwamba yiye muchetʼu, “Hʼaya hiye mwanao.” 16Atʼu osi phapho achangalala na achogopha, na achanza kumulika Mulungu achiamba, “Mugomvi mubomu wa Mulungu ukudza kati yehu!” na, “Mulungu ukudzaativya atʼue!” 17Nguma zizo za Jeso zichigotʼa Judea kosi, na itsʼi za phephi-phephi.
Adzumbe kulaa kwa Johana Mubatizi
(Matayo 11:2-19)
18Anafunzi a Johana ámwambira yiye mwalimu wao nguma dzulu ya maneno gago gosi. Naye Johana achiaiha anafunzie airi 19achiahuma kwa Bwana akamuuze kukala, “Uwe ukale ndiwe yeambwa undakudza, hebu hulolere mutʼu munjine?” 20Aratʼu anafunzi airi ariphofika kwa Jeso ámwamba, “Sino hudzihumwa ni Johana Mubatizi hudze hukuuze, ‘Uwe ukale ndiwe yeambwa undakudza, hebu hulolere mutʼu munjine?’ ”
21Ukati uo, Jeso wakala unaaphoza atʼu anji okala anayugika na makongo na pʼepʼo a vitswa, na kwaidimisa kona atʼu otsʼiona. 22#Isa 35:5, 6; Isa 61:1Ndo Jeso achiaamba vivi, “Endani mukamwambire Johana gaga godzigaona, na godzigasikira: atʼu otsʼiona anaphozwa hata anaona, vigurye anaphozwa hata anenenda chividzo, a mahana anatakaswa, atʼu otsʼisikira anaphozwa hata anasikira vino, atʼu a kufa anafufulwa, na achiya anasumurirwa Nguma Mbidzo. 23Kwa vivyo, baha mutʼu yetsʼiricha kunikuluphira!”
24Ndo adzumbe a Johana ariphouka, Jeso waanza kugomba na riro duu ra atʼu dzulu ya Johana. Yiye waauza vivi, “Muriphokwenda kwa Johana kuko nyika, mwakala munahenza mukaone ani? Mwakala munahenza mukaone mutʼu wa kuyumbiswa-yumbiswa dza lunyasi lulazwavyo ni pʼeho? 25Hʼaya mwakwendalola ani? Mukale mwakala mudzikwendalola mutʼu yekala udzidzivalira nguwoze mbidzo? Sirikisani, atʼu avalao nguwo mbidzo na kusagala mazagazi ga raha, anasagala hata madzumbani mwa afalume vivyo! 26Ndo sambi nambirani, mwakala mudzikwendalola ani? Mukale mwakala mudzikwendalola mugomvi wa Mulungu? Ni jeri, na bee ninamwambira mino kukala, yiye Johana yekwendamona kuko, uchira mugomvi wa Mulungu. 27#Mal 3:1Yiye Johana ndiye ahadzwaye mumo Maandikoni ga Mulungu gaambago,
‘Sirikisa, ninahuma mudzumbe wangu akulongolere,
akakutsengere njirayo.’ ”
28Jeso achimarigiza na kwamba, “Ninamwambira mino, kati ya binadamu osi, kʼakuna mubomu kumurima Johana Mubatizi. Ela hata vivyo, ariye ni mudide kamare Ufalumeni kwa Mulungu, ni mubomu kumurima yiye Johana. 29#Mat 21:32; Luk 3:12Na atʼu osi hata atosi a kodi ásikira udzumbe wa Johana, na achikubali Mulungu ni mujeri kwa kubatizwa ni yiye Johana. 30Ela Afarisayo na alimu a shariya árirema riro henzo ra Mulungu rokala ri dzulu yao kwa kurema kubatizwa ni yiye Johana.
31“Ndo sambi nindaahwalanisha atʼu ano na chitʼu chani? Ni atʼu a chidzedze ano? 32Atʼu aa anga dza tʼadi ya anache asegereo cheteni virundu viri, chila chirundu chichambwa ni chinjine, ‘Hudzimupigira ngoma, ela kʼamuvinire! Hukamupigira musego, ela kʼamuririre!’ 33Maana, Johana Mubatizi wakudza, achifunga na kʼanirwe hata divai, ela mwimwi mwakala muchamba, ‘Una pʼepʼo!’ 34Nichidza mimi Mutʼu yelaa dzulu. Mimi tsʼifungire na nichinwa hata divai, ela mwimwi munaamba, ‘Muloleni mutʼu yuno, una mutsare na ni munwadzi, na asenae ni atosi a kodi na atʼu anjine otsʼiriwa.’ 35Ela hata vivyo, hekima ya Mulungu yinaonyeswa kukala ni ya jeri ni atʼu osi ayikubalio.”
Jeso nyumbani kwa Simoni ariye ni Mufarisayo
36Mufarisayo mumwenga aihiwaye Simoni wamupiga karibu Jeso kwakwe nyumbani, ende akarye leu phamwenga naye. Jeso achenda, achendaphenya nyumbani mwa yiye Mufarisayo, achisagala na achirya leu. 37#Mat 26:7; Mar 14:3; Joh 12:3Ndo kwakala kuna muchetʼu mumwenga mudzi uo yekala unasagala mazagazi makolo muno. Ariphosikira nguma kukala Jeso wakala u nyumbani kwa yiye Mufarisayo, wahwala tʼupa ya alabasita yokala yina mafuha. 38Achenda hata kuko nyumbani, achendaima nyuma ya Jeso phakwe maguluni kuno unarira, na phapho matsozige gachimutwenera Jeso maguluni. Phapho yiye muchetʼu achivumbama na achigahakusa gago magulu ga Jeso na nyereze, chisha achigadonera-donera na kugaphaka garatʼu mafuha. 39Yiye Mufarisayo yekala udzimupiga karibu Jeso ariphoona gago, waaza mwakwe moyoni achiamba, “Kala mutʼu yuyu ni mugomvi wa Mulungu, angari kumanya muchetʼu yuyu amukumbaye yu chidzedze, mana, muchetʼu yuyu unasagala mazagazi makolo muno.” 40Phapho Jeso achimwamba vivi yiye Mufarisayo, “Simoni, nina chitʼu nihenzacho nikwambire.” Naye Simoni achimwamba, “Hʼaya nambira tu uwe Mwalimu.” Jeso achiamba, 41“Kwakala atʼu airi omukopa pʼesa mutʼu mumwenga: mumwenga wakala udzimukopa shilingi helufu mirongo mitsano, na yiye munjine shilingi helufu tsʼano.#7:41 Chiyunani chinaamba: dinari magana matsano, na yiye munjine dinari mirongo mitsano. 42Atʼu ao ariphoshindwa ni kuripha madeni gao, yiye mutʼu wasamehe osi airi. Sambi, ni yuphiye kati ya ano airi yendamuhenza muno yiye mutʼu yeakopesha, chisha achiasamehe madeni gao?” 43Simoni achimuudzidza achimwamba, “Vi lwazu kukala, yuyatʼu yesamehewa deni bomu, wamuhenza muno.” Phapho Jeso achimwamba, “Ni jeri.”
44Ndo achimugalukira yiye muchetʼu na achimwamba Simoni vivi, “Unamona yuno muchetʼu?” Simoni achivumikiza, “Ee?” Jeso achiamba, “Bee, mimi phodziphenya mumu mwako nyumbani, uwe kʼunipʼire madzi ga koga magulu gangu, ela muchetʼu yuyu udzinogesa magulu na matsozige, na akagahakusa na nyereze. 45Uwe uriphonilamusa kʼunibusure, ela yuyu muchetʼu hangu phodziphenyera mumu ukala achigadonera magulu gangu tu. 46Uwe kʼuniphakire mafuha chitswani, ela yuyu muchetʼu udzigaphaka mafuha ga kunukʼatʼo magulu gangu. 47Ndo ninakwambira mino uwe, hata ziripho dambize ni nyinji, ela zisamehewa, mana, udzonyesa menzwa bomu. Ela asamehewaye dambi chʼachʼe, hata yiyo menzwaye nayo ni chʼachʼe vivyo.”
48Na Jeso yiye muchetʼu achimwamba vivi, “Udzisamehewa dambizo.”
49Na phapho aratʼu okala a mezani phamwenga naye achiuzana vivi, “Ni mutʼu wa chidzedze yuno aidimaye kumusamehe mutʼu dambi?”
50Jeso yiye achimwamba vivi yiye muchetʼu, “Kuluphiroro ridzikutivya enda vyako na reri.”
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr