Genèse 2
2
1Míǹ ní Unimbɔti náań kutagbɔŋu nì tin kɔkɔ bí ku-puee, ní ki náań kitiŋ nì tin kɔkɔ bí ki-puee ki dóò. 2Unimbɔti túń u-tuuŋŋi ki dóò, ní ŋwinluluútee, u kāl̀ ki ŋūŋfì atuun ŋin kɔkɔ u ŋée pu. 3Míǹ puee Unimbɔti bīiǹ ŋwinluluútee pu ní ki gāntì-ŋu ki síiǹ u-ba, kun puee ŋwiin gbanti ní u kāl̀ ki ŋūŋfì atuun ŋin kɔkɔ u ŋáaǹee pu#2.3 Kpèè Disa 20.11, Eebru 4.4,10.. 4Kutagbɔŋu nì kitiŋ náantam nín kíĺ puee dee.
Eedeen kpaabun bɔti
Ŋyunti ŋun ti-Dindaan Unimbɔti nyántì kitiŋ nì kutagbɔŋuee, 5kisubiki báà kiba kaa nìn dáá nyáń kitiŋ pu, ní kumoou báà kubɔ mun kaa nìn dáá nyáń, kun puee ti-Dindaan Unimbɔti kaa nìn dáá yāntì utaa nìn̄. Unil mun nìn kpá kí kpɔ̀ tikpaal kitiŋ pu. 6Ama kitiŋ taapu ní nnyim nìn nyēeń ki sɔ̀ŋkī an kɔkɔ.
7Ti-Dindaan Unimbɔti dū ntam ní ki máń unil, ní ki púfì ŋfam ki ŋá u-maŋfataabuŋyin, ní u kpántì unifoo#2.7 Kpèè 1 Kɔra 15.45.. 8Ní ti-Dindaan Unimbɔti náań isufi kpaabu Eedeen tiŋki poon, bu bí ŋwìiń nyalaŋki pú, ní ki dū unil un u máńee ki kāaǹ bukpaayee poon. 9Ti-Dindaan Unimbɔti yāntì isufi in biliŋ ŋān̄ ŋkpèé nì diŋmɔlee nyáń ki bí i-ba i-ba, ní busubu bun tìì dimaŋfalee nì bun yàntī bi béetí tiŋan nì tikpitilee yú bukpaayee kansikin#2.9 busubu bun tìì dimaŋfalee: Dilee 2.7, 22.2,14..
10Ní mbun ŋubɔ nyēeń Eedeen tiŋkin ki sɔ̀ŋkī bukpaayee. Bukpaayee poon ní mbunee cúu yākatì abuntaa anaa. 11Dibuntaapeekaal ní bi yíì Piisɔn. Díǹ di māntìi tú Afiila tiŋki kin poon ní sindaariya bée. 12Kitiŋ gbanti sindaariyau sá umɔnti ní, ní talaalu un bi yíì bideeliyoomee nì ataŋkpamɔnti ŋin bi yíì soowamee bí niin. 13Dibuntaaliliitiilee ní bi yíì Giiyɔn. Díǹ di māntìi tú Kusa tiŋki kɔkɔ. 14Bi nìn yíì dibuntaatataatiilee yii Tiiga. Díǹ di pùubìń Asuur tiŋkin, ŋwìiń nyalaŋki pú. Dibuntaananaatiil ní bi yíì Eefiraati.
15Ní ti-Dindaan Unimbɔti dū unil ki kāaǹ Eedeen kpaabun ú nīn kù-bu kí nīn kpèé-bu. 16Ní ti-Dindaan Unimbɔti síiǹ unil mara nee yii: «A ŋūǹ kí ŋmɔ́ isufi in yú bukpaanee kɔkɔ biliŋ, 17ama busubu bun bil a yaa ŋmɔ́ a làá béé tiŋan nì tikpitilee ní á taa ŋmɔ́. Daliŋkin a yaa ŋmɔ́ busubu gbanti bilee, a làá kpú ní.»
18Ní ti-Dindaan Unimbɔti bí yii: «An kaa ŋān̄ unil ń nīn bí u-baba míǹ. M làá náań un làá nīn tútúǹ-uee kí ŋàl̄-u.» 19Ní u dū ntam ki máń ipeel nì inoon kɔkɔ ní ki cáań-i unil cee kí kpèè u nín làá pɔ̄-i ayin puee, án nín làá ŋá pu ní ipeel kɔkɔ ń nīn cáá ayin ŋin unil pú-iee. 20Míǹ ní unil pú tiwaŋkuti kɔkɔ nì inoon nì ipeel kɔkɔ ayin. Ama unil u-ba kaa ká un làá nīn bí ki kɔ́ĺ-u kí nīn tútúǹ-uee. 21Ní ti-Dindaan Unimbɔti yāntì ŋgeembiim miba dɔ́miń ki cúú unil ní u gèen̄. Ŋyunti ŋun u bíi gèeǹee ní ti-Dindaan lēē u-takakalkpabil diba ní ki fātìi dūu bīiǹ. 22Ti-Dindaan Unimbɔti dū ditakakalkpabil din u lēē unilinee ki máń unimpu ní ki cáań-u unil cee. 23Ní unil bí yii:
«Kpèè min bí nee, m-kpabiŋ kpabil sèé,
m-wunnanti nanti sèé.
Un bí nee ní bi làá nīn yíì unimpu.
Kun puee uninjan ní bi lēeń-u.»
24An pu ní uninja dāa nyēē u-ba kaa ti bí u-baa nì u-na cee ní u nì u-nimpuu ń kɔ́ tɔbin, ní kí kpántí ŋwuŋgbambaanti#2.24 Kpèè Maat 19.5, Maar 10.7-8, 1 Kɔra 6.16, Eef 5.31..
25Uninja nì unimpu nìn pée bí dicancaŋgbeel ní kaa nìn cáá tɔb pu icoo.
Aktualisht i përzgjedhur:
Genèse 2: BASSARDC
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
BIBLE EN N'TCHAM (Bassar) © Alliance Biblique du Togo, 2013.
Genèse 2
2
1Míǹ ní Unimbɔti náań kutagbɔŋu nì tin kɔkɔ bí ku-puee, ní ki náań kitiŋ nì tin kɔkɔ bí ki-puee ki dóò. 2Unimbɔti túń u-tuuŋŋi ki dóò, ní ŋwinluluútee, u kāl̀ ki ŋūŋfì atuun ŋin kɔkɔ u ŋée pu. 3Míǹ puee Unimbɔti bīiǹ ŋwinluluútee pu ní ki gāntì-ŋu ki síiǹ u-ba, kun puee ŋwiin gbanti ní u kāl̀ ki ŋūŋfì atuun ŋin kɔkɔ u ŋáaǹee pu#2.3 Kpèè Disa 20.11, Eebru 4.4,10.. 4Kutagbɔŋu nì kitiŋ náantam nín kíĺ puee dee.
Eedeen kpaabun bɔti
Ŋyunti ŋun ti-Dindaan Unimbɔti nyántì kitiŋ nì kutagbɔŋuee, 5kisubiki báà kiba kaa nìn dáá nyáń kitiŋ pu, ní kumoou báà kubɔ mun kaa nìn dáá nyáń, kun puee ti-Dindaan Unimbɔti kaa nìn dáá yāntì utaa nìn̄. Unil mun nìn kpá kí kpɔ̀ tikpaal kitiŋ pu. 6Ama kitiŋ taapu ní nnyim nìn nyēeń ki sɔ̀ŋkī an kɔkɔ.
7Ti-Dindaan Unimbɔti dū ntam ní ki máń unil, ní ki púfì ŋfam ki ŋá u-maŋfataabuŋyin, ní u kpántì unifoo#2.7 Kpèè 1 Kɔra 15.45.. 8Ní ti-Dindaan Unimbɔti náań isufi kpaabu Eedeen tiŋki poon, bu bí ŋwìiń nyalaŋki pú, ní ki dū unil un u máńee ki kāaǹ bukpaayee poon. 9Ti-Dindaan Unimbɔti yāntì isufi in biliŋ ŋān̄ ŋkpèé nì diŋmɔlee nyáń ki bí i-ba i-ba, ní busubu bun tìì dimaŋfalee nì bun yàntī bi béetí tiŋan nì tikpitilee yú bukpaayee kansikin#2.9 busubu bun tìì dimaŋfalee: Dilee 2.7, 22.2,14..
10Ní mbun ŋubɔ nyēeń Eedeen tiŋkin ki sɔ̀ŋkī bukpaayee. Bukpaayee poon ní mbunee cúu yākatì abuntaa anaa. 11Dibuntaapeekaal ní bi yíì Piisɔn. Díǹ di māntìi tú Afiila tiŋki kin poon ní sindaariya bée. 12Kitiŋ gbanti sindaariyau sá umɔnti ní, ní talaalu un bi yíì bideeliyoomee nì ataŋkpamɔnti ŋin bi yíì soowamee bí niin. 13Dibuntaaliliitiilee ní bi yíì Giiyɔn. Díǹ di māntìi tú Kusa tiŋki kɔkɔ. 14Bi nìn yíì dibuntaatataatiilee yii Tiiga. Díǹ di pùubìń Asuur tiŋkin, ŋwìiń nyalaŋki pú. Dibuntaananaatiil ní bi yíì Eefiraati.
15Ní ti-Dindaan Unimbɔti dū unil ki kāaǹ Eedeen kpaabun ú nīn kù-bu kí nīn kpèé-bu. 16Ní ti-Dindaan Unimbɔti síiǹ unil mara nee yii: «A ŋūǹ kí ŋmɔ́ isufi in yú bukpaanee kɔkɔ biliŋ, 17ama busubu bun bil a yaa ŋmɔ́ a làá béé tiŋan nì tikpitilee ní á taa ŋmɔ́. Daliŋkin a yaa ŋmɔ́ busubu gbanti bilee, a làá kpú ní.»
18Ní ti-Dindaan Unimbɔti bí yii: «An kaa ŋān̄ unil ń nīn bí u-baba míǹ. M làá náań un làá nīn tútúǹ-uee kí ŋàl̄-u.» 19Ní u dū ntam ki máń ipeel nì inoon kɔkɔ ní ki cáań-i unil cee kí kpèè u nín làá pɔ̄-i ayin puee, án nín làá ŋá pu ní ipeel kɔkɔ ń nīn cáá ayin ŋin unil pú-iee. 20Míǹ ní unil pú tiwaŋkuti kɔkɔ nì inoon nì ipeel kɔkɔ ayin. Ama unil u-ba kaa ká un làá nīn bí ki kɔ́ĺ-u kí nīn tútúǹ-uee. 21Ní ti-Dindaan Unimbɔti yāntì ŋgeembiim miba dɔ́miń ki cúú unil ní u gèen̄. Ŋyunti ŋun u bíi gèeǹee ní ti-Dindaan lēē u-takakalkpabil diba ní ki fātìi dūu bīiǹ. 22Ti-Dindaan Unimbɔti dū ditakakalkpabil din u lēē unilinee ki máń unimpu ní ki cáań-u unil cee. 23Ní unil bí yii:
«Kpèè min bí nee, m-kpabiŋ kpabil sèé,
m-wunnanti nanti sèé.
Un bí nee ní bi làá nīn yíì unimpu.
Kun puee uninjan ní bi lēeń-u.»
24An pu ní uninja dāa nyēē u-ba kaa ti bí u-baa nì u-na cee ní u nì u-nimpuu ń kɔ́ tɔbin, ní kí kpántí ŋwuŋgbambaanti#2.24 Kpèè Maat 19.5, Maar 10.7-8, 1 Kɔra 6.16, Eef 5.31..
25Uninja nì unimpu nìn pée bí dicancaŋgbeel ní kaa nìn cáá tɔb pu icoo.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
BIBLE EN N'TCHAM (Bassar) © Alliance Biblique du Togo, 2013.