San Juan 5
5
Si Jesus, inpamapteng to sota toon eg makakeykey i bakdang to nonta akew wa ngilin ni Hodiyos
1Idi enshiy bayag to, ẃaray piyasta ni Hodiyos, jet si Jesus, dimaw shi Jerusalem.
2Shi Jerusalem, ẃaray shanom ma binneng sha ja kowan sha ey Bitisda shi esel ni Hodiyos. Sajay ya nabneng, nay‐esop nodta sakepan ni kalniro shi siyodad ja pasbol. Waray dimen sishoman ja nay‐esop nodta nabneng, 3jet eshakel nodtan i nansirom ma ekalkalasiy sakit sha: ẃaray ekorab, ẃaray epilay, tan ẃara pay iray eg makakeykey i bakdang sha. Sajay iren emanpansekit, shaka segsegshay ikeykey nonta shanom, 4ta ẃaray timpo ja kaidaw ali nonta anghil nen Apo Shiyos jet to pekeykey sota nabneng nga shanom, jet sota mepangdon too ja manteb‐ok nodta shanom ni timpon toka ikeykey, angken ngantoy sakit to, ma‐ekasan.
5Wara nodtan i sakey ya toon nansakit ni tedon polo tan ẃalon tawen. 6Si Jesus, inon‐an to iyay ya too, jet amta to ey ebayag ga emansekit ja emansessesked nodtan. Inbag‐an to ja kowan to ey, “Piyan mon onmapteng?”
7Sotan na too, simongbat ja kowan to ey, “Owen Apo, nem no timpon ikeykey nima shanom, enshiy kaontolong son si‐kak ja manteb‐ok shima shanom. No shanshanin on‐esopak shima kilig nima nabneng, ẃara day emepangdo ey say si‐kak.”
8Jet si Jesus, kowan to so nontan na too ey, “Dayat ka, isingpet mo ita shokolan mo et pan‐akad ka.”
9Jet mimapteng nga shagos sotan na too, jet insingpet to sota shokolan to, jet nan‐akad.
Epasemak iyay nonta timpo ni akew wa ngilin ni Hodiyos, 10isonga sota ira pangolo ni Hodiyos, inkowan sha so nonta toon mimapteng ey, “Apay nga pinesan mo ita shokolan mo, ket maypeshit shi dinteg tayo ita inpasing mo no akew wa ngilin tayon Hodiyos?”
11Nem sajay ya too, simongbat ja kowan to ey, “Sota inpamapteng son si‐kak, si‐katoy engikowan ey al‐en ko sota shinokolan ko, jet inkowan to pay ey man‐ekarak.”
12Jet sota ira pangolo ni Hodiyos, inbag‐an sha iyay ya too, ja kowan sha ey, “Sipay engikowan son si‐kam ey al‐en moy shokolan mo et man‐ekad ka pay?”
13Nem sajay ya toon mimapteng, eg to amta sotan na toon inpamapteng son si‐kato, ta si Jesus, indekjas ton shagos, ta eshakel la pasiya sota too nodta kilig ni nabneng.
14Idi enshiy bayag to, simbi nen Jesus iyay ya too shima Timplo, jet kowan to son si‐kato ey, “Niman, ta mapteng ka ma, tanshaanim; aliẃen ka mowan manbesol, ta amangan no ekarkaro aliy da‐kaman mon digat ey say sota epangdon dina‐kaman mo la.”
15Jet sajay ya toon mimapteng, bimo‐day jet to inkowan so nonta ira pangolo ni Hodiyos ey say inpamapteng son si‐kato, si Jesus gayam. 16Sajay i kabol la kinontra‐an ira nonta Hodiyos son Jesus, ta inpamapteng to iya toon istay emansekit nonta akew wa ngilin sha.
17Jet si Jesus, inkowan to son si‐kara ey, “Say kowan jo, no timpo ni ngilin tayon Hodiyos, eg kita man‐obda. Nem si Apo Shiyos ja Amak, eg onsalsheng i obda ton mengaasi ni too; isonga mesepol la si‐kato ngoy dag‐en ko.”
18Idi intenengan sha iyay ya inkowan nen Jesus, ema‐ma et ta piyan shen bono‐en. Aliẃen sota eg to inpangonod ni dinteg bengat i inokesan sha son si‐kato, no diket in‐inges to pay i bakdang to son Apo Shiyos ja kowan to ey Ameto.
19Jet si Jesus, kowan to so nonta ira Hodiyos ey, “Kinapodpodno iya ikowan ko son si‐kayo. Si‐kak ja Anak to, enshiy kabedinan kon mandeka ni angken nganto, no a‐abos ko bengat; jet say mebedin bengat ja dag‐en ko, sota inon‐an ko ja obda nen Amak. Sota obdak, inges toy obda nen Amak. 20Ta si Amak, ensemek towak; isonga emin na obda to, inpa‐amta so son si‐kak. Jet no ma‐onod alin timpo, ẃaray obden pedeka to son si‐kak, jet mas kaskasshaaw wa pasiya nem say sota dingkak niman, jet si‐kayo, messhaaw kayo. 21Si Amak, si‐katoy ememiyag nonta nanketey, jet angken si‐kak ja Anak to, mengi‐kanak ni biyag so nonta toon piyan kon pengi‐kanan. 22Si Amak, aliẃen si‐katoy mengigsheng no sipay maysedakan, no diket in‐akan ton emin son si‐kak i kanebengan kon mengigsheng ni panbenagan ni emin na too ingkatod ingka, 23say emin na too, si‐kak i shedjawen sha ja inges toy shaka pengiredjaw son Amak. Sota eg mengiredjaw son si‐kak, eg sha ngo ishayaw si Amak, ta si‐kak sota inbetkag to di. 24Kinapodpodno iya ikowan ko son si‐kayo. Sota memati nonta ikowan ko tan memati son Amak ja engibetkag ali son si‐kak, si‐katoy eẃad‐an ni biyag ja enshiy to engintegan, jet eg to da‐kaman na meshosa, ta ẃara son si‐kato sota biyag ja edapo son Apo Shiyos.
25“Kinapodpodno iya ikowan ko son si‐kayo. Say too, singa may‐eshig ey etey pangkep ni basol, nem no itenengan sha niman sota ikowan ko, may‐aknan ira ni biyag, ta si‐kak sota Anak nen Apo Shiyos. 26Ta si Amak, si‐katoy kedepo‐i ni biyag, jet si‐kak ja Anak to, in‐aknan towak ni kanebengan kon mengi‐kan ni biyag, 27tan in‐aknan towak pay ni kanebengan kon mengigsheng no sipay maysedakan, tep si‐kak, nanbalinak ni too. 28Karekayo messhaaw ni sajay ya inkowan ko la, ta ẃaray onsabi alin timpo, ja sota ira nanketey, itenengan shay esel ko, 29jet onbangon ira di. Jet sota mapteng i aramid to nonta mabiday pay laeng, may‐aknan ira ni biyag ja enshiy to engintegan, nem sota nankekedsel, manbiyag met laeng ira, nem meshosa ira.”
30Jet si Jesus intoloy to sota kowan to ey, “Si‐kak, aliẃen nak iba‐ngat ja dag‐en i piyan ko, no diket sota ikowan nen Amak son si‐kak, si‐katoy dag‐en ko. Isonga say naka pengigsheng, aliẃen o‐owap, ta aliẃen sota piyan koy dag‐en ko, no diket sota piyan nen Amak ja engibetkag son si‐kak. 31No si‐kak met laeng i mengikowan ni pangkep son si‐kak, singa enshiy kowinta to. 32Nem ẃares Amak ja kaonpaneknek son si‐kak, jet amtak ey sotan na paneknek to pangkep son si‐kak, podno. 33Si‐kayo, engibetkag kayo ni en mantetneng so nen Juan jet inkowan to son si‐kayo i podno, ey si‐kak sota ondaw ali ja maysa‐dat son si‐kato. 34Nem si‐kak, eg mesepol iya paneknek ni too ta pineneknekan towak nen Amak. Say kabol ni inkowanan ko so nonta inkowan nen Juan nontan da, say memati kayo et say maysedakan kayo. 35Si Juan, may‐eshig ey si‐kato sota singa silew wa maredang, ta si‐katoy ondawag so ni nemnem ni too, jet kayoka man‐imdeng ja mengeẃat son si‐kato; nem sanka‐atikan bengat. 36Si Juan, inkowan to i maypangkep son si‐kak, nem sota mismon dingdingkak, sotan i epateg ja ka‐amta‐an to ey inbetkag towak ali nen Amak, ta si‐kak i shinotokan ton ondaga so ni obda to. 37Jet si Amak, ja engibetkag son si‐kak, si‐kato met laeng i engipa‐amta ni maypangkep son si‐kak. Nem no ẃaray piyan ton pa‐amta, eg jo koston itenengan, eg jo koston on‐an, 38eg jo nemnemnemen sota esel to ja inkowan to. Say ka‐asan to ket eg jowak pati‐en ja inbetkag ali nen Amak. 39Si‐kayo, joka ad‐ashala sota esel nen Apo Shiyos ja naysolat nonta bayag da, ta say pangkep jo, kowan jo emo ey sepolan jo nodtan sota biyag ga enshiy to engintegan. Nem si‐kak i kaytoshongan nonta ira naysolat nodtan na dibsho ja joka ad‐ashala, 40ey si‐kayo, eg jo kosto ja memati son si‐kak, say may‐aknan kayo koma ni biyag ja enshiy to engintegan. 41Si‐kak, aliẃen sota shayaw ni tooy naka en‐enapa, 42tep amtak i nemnem jo: enshiy semek jo son Apo Shiyos. 43Si‐kak, dimawak alid jay ya in‐aknan nen Amak ni kanebengan ko, nem eg jowak ineẃat. Nem amtak ka no ẃara et ngo mowan i ondaw ali son si‐kayo, ja ka‐ẃay ton enshiy en engibetkag son si‐kato, si‐kato et ngo mowan i eẃaten jo. 44Isonga eg kayo emati son si‐kak, ta say pipiyan jo, sota shayaw ni kait jon too, ey aliẃa et ta sota kosto‐an shakejo so nen Apo Shiyos, ja istay topogen jo komen panshedjawan. 45Aliẃen jo ipangkep ey si‐kak i mengireshom son si‐kayo so nen Amak, ta say podnon mengireshom son si‐kayo so nen Amak, si Moises, ja joka panshindi. Tep eg jo met laeng pinatiy bilin to. 46Si‐kayo, no agpayson emati kayo son Moises, istay memati kayo koma ngo son si‐kak, tep sota insolat nen Moises ket maypangkep son si‐kak met laeng. 47No eg jo pati‐en sota insolat nen Moises, toway pesing jon memati ngarod nonta naka pan‐ikowan?”
Aktualisht i përzgjedhur:
San Juan 5: DMP
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 1978, Wycliffe Bible Translators, Inc. All rights reserved.
San Juan 5
5
Si Jesus, inpamapteng to sota toon eg makakeykey i bakdang to nonta akew wa ngilin ni Hodiyos
1Idi enshiy bayag to, ẃaray piyasta ni Hodiyos, jet si Jesus, dimaw shi Jerusalem.
2Shi Jerusalem, ẃaray shanom ma binneng sha ja kowan sha ey Bitisda shi esel ni Hodiyos. Sajay ya nabneng, nay‐esop nodta sakepan ni kalniro shi siyodad ja pasbol. Waray dimen sishoman ja nay‐esop nodta nabneng, 3jet eshakel nodtan i nansirom ma ekalkalasiy sakit sha: ẃaray ekorab, ẃaray epilay, tan ẃara pay iray eg makakeykey i bakdang sha. Sajay iren emanpansekit, shaka segsegshay ikeykey nonta shanom, 4ta ẃaray timpo ja kaidaw ali nonta anghil nen Apo Shiyos jet to pekeykey sota nabneng nga shanom, jet sota mepangdon too ja manteb‐ok nodta shanom ni timpon toka ikeykey, angken ngantoy sakit to, ma‐ekasan.
5Wara nodtan i sakey ya toon nansakit ni tedon polo tan ẃalon tawen. 6Si Jesus, inon‐an to iyay ya too, jet amta to ey ebayag ga emansekit ja emansessesked nodtan. Inbag‐an to ja kowan to ey, “Piyan mon onmapteng?”
7Sotan na too, simongbat ja kowan to ey, “Owen Apo, nem no timpon ikeykey nima shanom, enshiy kaontolong son si‐kak ja manteb‐ok shima shanom. No shanshanin on‐esopak shima kilig nima nabneng, ẃara day emepangdo ey say si‐kak.”
8Jet si Jesus, kowan to so nontan na too ey, “Dayat ka, isingpet mo ita shokolan mo et pan‐akad ka.”
9Jet mimapteng nga shagos sotan na too, jet insingpet to sota shokolan to, jet nan‐akad.
Epasemak iyay nonta timpo ni akew wa ngilin ni Hodiyos, 10isonga sota ira pangolo ni Hodiyos, inkowan sha so nonta toon mimapteng ey, “Apay nga pinesan mo ita shokolan mo, ket maypeshit shi dinteg tayo ita inpasing mo no akew wa ngilin tayon Hodiyos?”
11Nem sajay ya too, simongbat ja kowan to ey, “Sota inpamapteng son si‐kak, si‐katoy engikowan ey al‐en ko sota shinokolan ko, jet inkowan to pay ey man‐ekarak.”
12Jet sota ira pangolo ni Hodiyos, inbag‐an sha iyay ya too, ja kowan sha ey, “Sipay engikowan son si‐kam ey al‐en moy shokolan mo et man‐ekad ka pay?”
13Nem sajay ya toon mimapteng, eg to amta sotan na toon inpamapteng son si‐kato, ta si Jesus, indekjas ton shagos, ta eshakel la pasiya sota too nodta kilig ni nabneng.
14Idi enshiy bayag to, simbi nen Jesus iyay ya too shima Timplo, jet kowan to son si‐kato ey, “Niman, ta mapteng ka ma, tanshaanim; aliẃen ka mowan manbesol, ta amangan no ekarkaro aliy da‐kaman mon digat ey say sota epangdon dina‐kaman mo la.”
15Jet sajay ya toon mimapteng, bimo‐day jet to inkowan so nonta ira pangolo ni Hodiyos ey say inpamapteng son si‐kato, si Jesus gayam. 16Sajay i kabol la kinontra‐an ira nonta Hodiyos son Jesus, ta inpamapteng to iya toon istay emansekit nonta akew wa ngilin sha.
17Jet si Jesus, inkowan to son si‐kara ey, “Say kowan jo, no timpo ni ngilin tayon Hodiyos, eg kita man‐obda. Nem si Apo Shiyos ja Amak, eg onsalsheng i obda ton mengaasi ni too; isonga mesepol la si‐kato ngoy dag‐en ko.”
18Idi intenengan sha iyay ya inkowan nen Jesus, ema‐ma et ta piyan shen bono‐en. Aliẃen sota eg to inpangonod ni dinteg bengat i inokesan sha son si‐kato, no diket in‐inges to pay i bakdang to son Apo Shiyos ja kowan to ey Ameto.
19Jet si Jesus, kowan to so nonta ira Hodiyos ey, “Kinapodpodno iya ikowan ko son si‐kayo. Si‐kak ja Anak to, enshiy kabedinan kon mandeka ni angken nganto, no a‐abos ko bengat; jet say mebedin bengat ja dag‐en ko, sota inon‐an ko ja obda nen Amak. Sota obdak, inges toy obda nen Amak. 20Ta si Amak, ensemek towak; isonga emin na obda to, inpa‐amta so son si‐kak. Jet no ma‐onod alin timpo, ẃaray obden pedeka to son si‐kak, jet mas kaskasshaaw wa pasiya nem say sota dingkak niman, jet si‐kayo, messhaaw kayo. 21Si Amak, si‐katoy ememiyag nonta nanketey, jet angken si‐kak ja Anak to, mengi‐kanak ni biyag so nonta toon piyan kon pengi‐kanan. 22Si Amak, aliẃen si‐katoy mengigsheng no sipay maysedakan, no diket in‐akan ton emin son si‐kak i kanebengan kon mengigsheng ni panbenagan ni emin na too ingkatod ingka, 23say emin na too, si‐kak i shedjawen sha ja inges toy shaka pengiredjaw son Amak. Sota eg mengiredjaw son si‐kak, eg sha ngo ishayaw si Amak, ta si‐kak sota inbetkag to di. 24Kinapodpodno iya ikowan ko son si‐kayo. Sota memati nonta ikowan ko tan memati son Amak ja engibetkag ali son si‐kak, si‐katoy eẃad‐an ni biyag ja enshiy to engintegan, jet eg to da‐kaman na meshosa, ta ẃara son si‐kato sota biyag ja edapo son Apo Shiyos.
25“Kinapodpodno iya ikowan ko son si‐kayo. Say too, singa may‐eshig ey etey pangkep ni basol, nem no itenengan sha niman sota ikowan ko, may‐aknan ira ni biyag, ta si‐kak sota Anak nen Apo Shiyos. 26Ta si Amak, si‐katoy kedepo‐i ni biyag, jet si‐kak ja Anak to, in‐aknan towak ni kanebengan kon mengi‐kan ni biyag, 27tan in‐aknan towak pay ni kanebengan kon mengigsheng no sipay maysedakan, tep si‐kak, nanbalinak ni too. 28Karekayo messhaaw ni sajay ya inkowan ko la, ta ẃaray onsabi alin timpo, ja sota ira nanketey, itenengan shay esel ko, 29jet onbangon ira di. Jet sota mapteng i aramid to nonta mabiday pay laeng, may‐aknan ira ni biyag ja enshiy to engintegan, nem sota nankekedsel, manbiyag met laeng ira, nem meshosa ira.”
30Jet si Jesus intoloy to sota kowan to ey, “Si‐kak, aliẃen nak iba‐ngat ja dag‐en i piyan ko, no diket sota ikowan nen Amak son si‐kak, si‐katoy dag‐en ko. Isonga say naka pengigsheng, aliẃen o‐owap, ta aliẃen sota piyan koy dag‐en ko, no diket sota piyan nen Amak ja engibetkag son si‐kak. 31No si‐kak met laeng i mengikowan ni pangkep son si‐kak, singa enshiy kowinta to. 32Nem ẃares Amak ja kaonpaneknek son si‐kak, jet amtak ey sotan na paneknek to pangkep son si‐kak, podno. 33Si‐kayo, engibetkag kayo ni en mantetneng so nen Juan jet inkowan to son si‐kayo i podno, ey si‐kak sota ondaw ali ja maysa‐dat son si‐kato. 34Nem si‐kak, eg mesepol iya paneknek ni too ta pineneknekan towak nen Amak. Say kabol ni inkowanan ko so nonta inkowan nen Juan nontan da, say memati kayo et say maysedakan kayo. 35Si Juan, may‐eshig ey si‐kato sota singa silew wa maredang, ta si‐katoy ondawag so ni nemnem ni too, jet kayoka man‐imdeng ja mengeẃat son si‐kato; nem sanka‐atikan bengat. 36Si Juan, inkowan to i maypangkep son si‐kak, nem sota mismon dingdingkak, sotan i epateg ja ka‐amta‐an to ey inbetkag towak ali nen Amak, ta si‐kak i shinotokan ton ondaga so ni obda to. 37Jet si Amak, ja engibetkag son si‐kak, si‐kato met laeng i engipa‐amta ni maypangkep son si‐kak. Nem no ẃaray piyan ton pa‐amta, eg jo koston itenengan, eg jo koston on‐an, 38eg jo nemnemnemen sota esel to ja inkowan to. Say ka‐asan to ket eg jowak pati‐en ja inbetkag ali nen Amak. 39Si‐kayo, joka ad‐ashala sota esel nen Apo Shiyos ja naysolat nonta bayag da, ta say pangkep jo, kowan jo emo ey sepolan jo nodtan sota biyag ga enshiy to engintegan. Nem si‐kak i kaytoshongan nonta ira naysolat nodtan na dibsho ja joka ad‐ashala, 40ey si‐kayo, eg jo kosto ja memati son si‐kak, say may‐aknan kayo koma ni biyag ja enshiy to engintegan. 41Si‐kak, aliẃen sota shayaw ni tooy naka en‐enapa, 42tep amtak i nemnem jo: enshiy semek jo son Apo Shiyos. 43Si‐kak, dimawak alid jay ya in‐aknan nen Amak ni kanebengan ko, nem eg jowak ineẃat. Nem amtak ka no ẃara et ngo mowan i ondaw ali son si‐kayo, ja ka‐ẃay ton enshiy en engibetkag son si‐kato, si‐kato et ngo mowan i eẃaten jo. 44Isonga eg kayo emati son si‐kak, ta say pipiyan jo, sota shayaw ni kait jon too, ey aliẃa et ta sota kosto‐an shakejo so nen Apo Shiyos, ja istay topogen jo komen panshedjawan. 45Aliẃen jo ipangkep ey si‐kak i mengireshom son si‐kayo so nen Amak, ta say podnon mengireshom son si‐kayo so nen Amak, si Moises, ja joka panshindi. Tep eg jo met laeng pinatiy bilin to. 46Si‐kayo, no agpayson emati kayo son Moises, istay memati kayo koma ngo son si‐kak, tep sota insolat nen Moises ket maypangkep son si‐kak met laeng. 47No eg jo pati‐en sota insolat nen Moises, toway pesing jon memati ngarod nonta naka pan‐ikowan?”
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 1978, Wycliffe Bible Translators, Inc. All rights reserved.