Matthew 11
11
KETH WOANGLËBULL, XI.
1YEH Jesus ka kundy foh ko kë ahperren ah woa tre u kon kull hallë menghë nu hallë foh kë turrtë ngha.
2Kereh, yeh John u kundy tui kë kill rtilleh hallë mpant n Krist, u wum ahperren ah woa lëting,
3U nghaleh ko ko ngha, nyëë Krist: moa moiky nopokan tre nghono moi oh? hë lehly peh no poom ë?
4Jesus u yoom nghaleh ko ko ngha, nkoh, mfoh ko kë John yëmpy tre buleing pehneh ngha keh oh, ngha tui oh.
5Aniah ngha chehn kyo pehnkeh, ngha kyo, aniah tittikeh ngha gbeh; aniah nghana bë room peh ngha nghah shunk; aniah nghana chehn tui, ngha tui; ah Woo ah tre peh ngha nghah poh; kë aniah moneh peh foh gospel u tre.
6Rubah kë wonno u shillyehn më n yeo.
7Yeh ngha kon yeo Jesus u trip u foh kë runiah tre hallë hallë John nghaleh, yeh ngha koh kë tofoë? hallë keh temp u bull nghono hieng tre ngho yickett ah?
8Kereh yeh ngha kon hallë lehly ah? nopokan tre wonno bë nyërick ntroyah nkeleng ë? nlehly, aniah tre nghana bë nyërick ntroyah nkeleng, ngha loa rë ko killeh bay tre.
9Kereh yeh ngha kon hallë lehly ah? prophet ah tre? eh yah no fohm woa chandy prophet.
10Won woiky peh gball oh woa la rë, nlehly ah wumdy kërahno më ko ko moa ëboll, nghono u sheu naë tre ko moa ëboll.
11Urongdong yah no fohm, aniah tre buleing nghanah lakan ah kum yeo ngha boaehn chang John toaknobull; kereh wonno chang ah toon gbo kë upock u foy woa chandy John bomu.
12Mbah; hallë hink ko lokoh John toaknobull kë trim to, peh kankally upock u foy, nu aniah kankally ngha kui ngho.
13Ahprophet ah buleing nu troang tre, ngha ka foh din la moiehnum menleh John.
14Lo peh moa yetty la, won woilah Elias, wonno pehnkeh hun yeo.
15Wonno bë ënui oh, ngha tui.
16Aniah to nghana wool ë? ngha choe ke manleh ahpomah nghana chall ko kë yin ah tëëlah, ngha veal kë aniah ko ngha,
17Nghaleh hë ka hong nlick ë tre, nkay yay: hë fohm u moa hë sompondy, nkay trang.
18John hundy, u dehn, u kullehn, aniah tre nghaleh u bë pomul mbang.
19Traak nopokan tre u hun, woa dyo, woa kull, aniah tre nghaleh, nlehly nopokan tre woa chang ah dyo, u cheh yillno; kenah kë ahpublikan nu aniah mbang; kereh ahpomah cherryeh ngha gbitty woa.
20Woa tripeh nghely bang turr tre kono ka kë woa ka nghah dyah bomu ëgbir, yehpeh ngha pinkyehn.
21Peh wung oh Korasin; peh wung oh Bethsaidah, lo peh nghah mpant mbomu tre kë Tyro oh Sidon oh manah peh nghan kë moa yeo, ngha pinkindeh lavieh kë tittle, tëpull ko bull ngha atook.
22Kereh ah moa fohm, Kë ëpall tunkah bomu tre Tyro oh Sidon oh ngha bë tunkah tre nkeleng ngha chang ah moa.
23Mun Kapernaum, peh moa chah kë foy, peh moa pong kë dyomly bomu tre, lo peh nghah mpant mbomu kë Sodom manah peh ka nghah kë moa; peh sem eh kë enang.
24Kereh ah no fohm, kë epall ë tunkah bomu tre peh na choe nkeleng kë upock u Sodom peh chang ah moa.
25Trim tre Jesus u yoom nghaleh: Ah wui mamah papah më, Bay kë foy nu upock u tre buleing; yehpeh m mattah peh kë aniah cherryeh tre, nu trunkeh peh kë uhiant.
26Oh papah më, kë manleh peh cheh yenkeleng ko ko moa.
27Papah më ukah më nyërick n tre buleing, no o, no u shëën traak u tre behleh papah; no o no u shëën papah tre behleh traak u tre nu nopokan tre wonno woa trunkeh woa.
28Nhun ka ko më aniah këreh ah tre yah no kah ufoll.
29N kui korontah më ko ko moa, nu perren ko ko më; yehpeh ah cheh nopokan mboss, ah bë an n nah. Moa kyo ufoll ko kë soul moa.
30 # This verse was inadvertently omitted in Mr. Nylanderʼs translation.
Aktualisht i përzgjedhur:
Matthew 11: BUY1816
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
First published by the Church Missionary Society in 1816.
Matthew 11
11
KETH WOANGLËBULL, XI.
1YEH Jesus ka kundy foh ko kë ahperren ah woa tre u kon kull hallë menghë nu hallë foh kë turrtë ngha.
2Kereh, yeh John u kundy tui kë kill rtilleh hallë mpant n Krist, u wum ahperren ah woa lëting,
3U nghaleh ko ko ngha, nyëë Krist: moa moiky nopokan tre nghono moi oh? hë lehly peh no poom ë?
4Jesus u yoom nghaleh ko ko ngha, nkoh, mfoh ko kë John yëmpy tre buleing pehneh ngha keh oh, ngha tui oh.
5Aniah ngha chehn kyo pehnkeh, ngha kyo, aniah tittikeh ngha gbeh; aniah nghana bë room peh ngha nghah shunk; aniah nghana chehn tui, ngha tui; ah Woo ah tre peh ngha nghah poh; kë aniah moneh peh foh gospel u tre.
6Rubah kë wonno u shillyehn më n yeo.
7Yeh ngha kon yeo Jesus u trip u foh kë runiah tre hallë hallë John nghaleh, yeh ngha koh kë tofoë? hallë keh temp u bull nghono hieng tre ngho yickett ah?
8Kereh yeh ngha kon hallë lehly ah? nopokan tre wonno bë nyërick ntroyah nkeleng ë? nlehly, aniah tre nghana bë nyërick ntroyah nkeleng, ngha loa rë ko killeh bay tre.
9Kereh yeh ngha kon hallë lehly ah? prophet ah tre? eh yah no fohm woa chandy prophet.
10Won woiky peh gball oh woa la rë, nlehly ah wumdy kërahno më ko ko moa ëboll, nghono u sheu naë tre ko moa ëboll.
11Urongdong yah no fohm, aniah tre buleing nghanah lakan ah kum yeo ngha boaehn chang John toaknobull; kereh wonno chang ah toon gbo kë upock u foy woa chandy John bomu.
12Mbah; hallë hink ko lokoh John toaknobull kë trim to, peh kankally upock u foy, nu aniah kankally ngha kui ngho.
13Ahprophet ah buleing nu troang tre, ngha ka foh din la moiehnum menleh John.
14Lo peh moa yetty la, won woilah Elias, wonno pehnkeh hun yeo.
15Wonno bë ënui oh, ngha tui.
16Aniah to nghana wool ë? ngha choe ke manleh ahpomah nghana chall ko kë yin ah tëëlah, ngha veal kë aniah ko ngha,
17Nghaleh hë ka hong nlick ë tre, nkay yay: hë fohm u moa hë sompondy, nkay trang.
18John hundy, u dehn, u kullehn, aniah tre nghaleh u bë pomul mbang.
19Traak nopokan tre u hun, woa dyo, woa kull, aniah tre nghaleh, nlehly nopokan tre woa chang ah dyo, u cheh yillno; kenah kë ahpublikan nu aniah mbang; kereh ahpomah cherryeh ngha gbitty woa.
20Woa tripeh nghely bang turr tre kono ka kë woa ka nghah dyah bomu ëgbir, yehpeh ngha pinkyehn.
21Peh wung oh Korasin; peh wung oh Bethsaidah, lo peh nghah mpant mbomu tre kë Tyro oh Sidon oh manah peh nghan kë moa yeo, ngha pinkindeh lavieh kë tittle, tëpull ko bull ngha atook.
22Kereh ah moa fohm, Kë ëpall tunkah bomu tre Tyro oh Sidon oh ngha bë tunkah tre nkeleng ngha chang ah moa.
23Mun Kapernaum, peh moa chah kë foy, peh moa pong kë dyomly bomu tre, lo peh nghah mpant mbomu kë Sodom manah peh ka nghah kë moa; peh sem eh kë enang.
24Kereh ah no fohm, kë epall ë tunkah bomu tre peh na choe nkeleng kë upock u Sodom peh chang ah moa.
25Trim tre Jesus u yoom nghaleh: Ah wui mamah papah më, Bay kë foy nu upock u tre buleing; yehpeh m mattah peh kë aniah cherryeh tre, nu trunkeh peh kë uhiant.
26Oh papah më, kë manleh peh cheh yenkeleng ko ko moa.
27Papah më ukah më nyërick n tre buleing, no o, no u shëën traak u tre behleh papah; no o no u shëën papah tre behleh traak u tre nu nopokan tre wonno woa trunkeh woa.
28Nhun ka ko më aniah këreh ah tre yah no kah ufoll.
29N kui korontah më ko ko moa, nu perren ko ko më; yehpeh ah cheh nopokan mboss, ah bë an n nah. Moa kyo ufoll ko kë soul moa.
30 # This verse was inadvertently omitted in Mr. Nylanderʼs translation.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
First published by the Church Missionary Society in 1816.