Matíó 9
9
Yə́susu a nɔ́ ɛkátá yɛ́ mɔndɔ niŋəsiə
(Mə́l 2.1-12; Lúk 5.17-18)
1Yə́susu a ná fínə́ ɔ isóyí, a ná manyɔ́ nɔmɔ́ bíásɛna, a ná tilə́, a ná ákáná ɔ ɔwayɛ́ bətínə́. 2Nɔ́yɛ́, bá ná wɛɛ́ya ɛkátá húlə́nínə́ siəníníə́tɔ́ ɔ ɛkaálɛa. Mba, ɛnaka á ilumininə yɛ́ bátáyɛ́ bɛndɔ ɛ́ná, a ná ɛkátá lɛ́na a sɛ́á: «Á wamɛ́á mɔná, ɔ́nɛ́nɛ́na! Mɛ ná aŋɔ́á máwɔ́á mabɛ́á niasɛ́na.» 3Ɔ yɛ́táyɛ́ ikúílí, bɔ́mɔtɛ́ bamanyumbə́ndə́ bá ná botólíə́ ɔbɛ́kɔ́lɔmɔna bá sɛ́á: «Wɔ́ɔwɔ mɔndɔ a ndɔ Huɛlɛ́ hə́hə́niə.» 4Yə́susu a ná yə́búə́ ɛfɛka manya, a sɛ́á: «Ɛlɔ́áyɛ́ yatɛ́ nɔ́ lɛ́á na mátáyɛ́ mafɛka mabɛ́á əə́? 5Yatɛ́ yɛ́ lɛ́á ányákátɔ́ ɔyáyɛ́na ɔ ɔlaa ɔwá, mɛ ná aŋɔ́á máwɔ́á mabɛ́á nɛasɛ́na, ata ɔlaa ɔwá; hɔalɛ́ná tɛ́nɛ́ma, kɛndáka əə́? 6Nɔ́ siəkínə! Ɔ́ ɔkɛaka ɔ sɛ́á nɔ manyá ɔwá, Mɔná wa Mɔndɔ a lɛa na iŋgínə́ ɔ mabɛ́á ɔnɛasɛna ɔ misí.» A ná yɛ́ɛ́yɛ́ ikúílí ɛkátá lɛ́na a sɛ́á: «Hɔalɛ́na, tɛ́nɛ́ma, ɛtá yáwɔ́á ɛkaálɛa, úlúə́ ɔ ɔwáwɔ ɔmbɛ́la». 7Mɔndɔ a ná hɔalɛ́ná, a ná tɛ́nɛ́má, a ná ákáná ɔwayɛ́ ɔmbɛ́la. 8Ɛnaka bɛndɔ bá siəkínə́ nɔ́yɛ́, bɔkɔ́lɔ́ma bɔ́ ná bəə́bu itíə́ mɔŋɛ́ŋa, bá Huɛlɛ́ tuúmə híə́nəkiniə ɛ́sɛ́á a ná bɛndɔ nɛ́táyɛ́ nindínə́ nɛ́ iŋgínə́ índíə́.
Yə́susu a nɔ́ Matíó ɛ́lɛakɛna
(Mə́l 2.13-17; Lúk 5.27-32)
9Yə́susu a ná hɔalɛ́na ɔmɔ́tɔ́yɛ́, a ná ákána, ɔ tɔ́mbáka ɔ ɛnɔ́mɛ, a ná mɔndɔ ɔmɔtɛ́ yama, nɛ́áyɛ́á niínyə á Matíó, tuənə́tɔ́ ɔ ɛbɔ́ka yɛ́ buolí yɛ́ basɛmabɛtásɛ. A ná wɛɛ́ya lɛ́na a sɛ́á: «Ɔŋgɔ́kɔ́ mɛaŋɔ́á.» Matíó a ná hɔalɛ́na, a ná wɛɛ́ya ɔŋgɔ́kɔ. 10Yə́susu a ka bá ɔ ɔnɛ́á ɔ ɔmbɛ́la wɔ́ Matíó, basɛmabɛtásɛ bəəŋí na bɔ́mɔtɛ́ bakɛamabɛ́á bá ná ndásákɔ́na ɔ uníə́niə na wɛɛ́ya na báyɛ́á bɔkɔ́nɛna. 11Ɛnaka Bɛfalísia bá siəkínə́ nɔ́yɛ́, bá ná báyɛ́á bɔkɔ́nɛna batá bá sɛ́á: «Ɛlɔ́áyɛ́ yatɛ́ wənúə́ Muinə́niə a ndɔ níə́niə na basɛmabɛtásɛ na bakɛamabɛ́á əə́?» 12Ɛnaka Yə́susu a ɔ́kɔ́kɛ́ná Bɛfalísia bá ndɔ bɛ́báta nɔ́yɛ́, a sɛ́á: «Tátá bááyɛ́ ɔbá bá ndɔ niŋə muɛsɛ abáka bá ɛmɔ́ɛ́nɛ́ siəkə, mba, bɛnákɛnákɛ. 13Nɔ́ bɛtambá bɛ́ Mətilə ɔ́kɔ́náka ɔbɛ́á bɛ́ ndɔ laa bɛ́ sɛ́á: “Mɔlɛ́má wɔ́ iwə́mɛɛ́lɔ mɛ́ ndɔ siə yáyɛ́na bɛfɔná bɛ́ bilúkə́.” Ɔ taká, mɛ sa ndásá ɔ yɛ́ɛyɛ misí ɛlɔ́áyɛ́ bátaká, mbá, ɛlɔ́áyɛ́ bakɛamabɛ́á.»
Ɛmbataka ɛlɔ́áyɛ́ nibíkókósiə ɔ ikúílí yɛ́ ɔnɛ́á
(Mə́l 2.18-22; Lúk 5.33-39)
14Bɔkɔ́nɛna bá Yɔhánɛsɛ Mɔsɔabɛndɔ bá ná bɛ́nyálɛ́la á Yə́susu busíə́, bá ná wɛɛ́ya lɛná bá sɛ́á: «Ɛlɔ́áyɛ́ yatɛ́ na bəsú na Bɛfalísia abáka tɔ əsú bíkókósokiə ɔnɛ́á, mba, báwɔ́á bɔkɔ́nɛna bá lɛ ndɔ əbú kɛa nɔ́yɛ́ əə́?» 15Yə́susu a sɛ́á: «Nɔ ndɔ fɛka ɔwá bɛndɔ ɔbá bá lɛ́á ɛ́lɛ́ákɛ́nátɔ́ ɔ nɛbɛ́lɛna bá óso ɔbáá liŋə́tɔ́ ɔ ikúílí ɔyɛ́á ibə́ a lɛ́á na bəə́bu əə́? Mba ikúílí yɛ́ ŋɔ ndafámá ɔyɛ́á bá ŋɔ yəbúə́ ibə́ húliə, nɔ́yɛ́, bá ŋɔ bíkókósokiə ɔ ɔnɛ́á. 16Ata mɔndɔ a sa ndá ɛsalɛ yɛ́ nɛbata niɔ́mɔ́mɔ ɛtá ɔwá a tɔakɛ́ná na ilunə́ki yɛ́ nɛbata. Ábá mɔndɔ a ná kɛ́áká nɔ́yɛ́, ɛkɛ́tɛ yɔmɔ́mɔ yɛ́ ŋɔ ilunə́ki sala ɔ ɔyáyɛ́na. 17Nɔ́yɛ́ tɔ́na, ata mɔndɔ a sa ósó ɔ mutəkuniə ɔháá ɔ bilunə́ki bɛ́ mɛsɔ́á; ábá mɔndɔ a ná kɛ́áká nɔ́yɛ́, mɛsɔ́á yɛ́ ŋɔ tə́məkiə, məluku má ŋɔ fámáka məkimə, mɛsɔ́á yɛ́ ŋɔ tɛŋɛtɛŋɛa. Mba, mɔndɔ a ná hɔ́ánána ɔ mutəkuniə ɔháá ɔ mɛsɔ́á miɔ́sɔ. Nɔ́yɛ́ bɛ́ɛ́yɛ́ bikimə bɛ́ ŋɔ tuənə muɛsɛ.»
Yə́susu a nɔ́ muəndú niŋəsiə, a nɔ́ ɔmɔ́la huŋuəsiə tɔ́na
(Mə́l 5.21-43; Lúk 8.40-56)
18Ikúílí ɔyɛ́á Yə́susu a ná bá a ndɔ bəə́bu bɛ́táyɛ́ bɛkɔa hɛ́na, yɛ́mɔtɛ́ isə́lúkú yɛ Bɛyútɛnɛ a ná ndáfama; a ná kiníə́ ɔwayɛ́ busíə́ a sɛ́á: «Wamɛ́á mɔná ɔ muəndú a nɔ́ húlə ɔ uwə́ə́ isíŋáka; tɔ́kɔ́lɛ sɔ́nɔ ɔ ndá wɛɛ́ya makátá tálá ɔ mɛɛ́lɔ mbá a hɔŋɔ́á.» 19A ná hɔalɛ́na, a ná wɛɛ́ya ɔŋgɔ́kɔ ɔ ilúkunə na báyɛ́á bɔkɔ́nɛna. 20Muəndú ɔmɔtɛ́ a ka báá ɔmɔ́tɔ́yɛ́, manɔ́ŋɔ má wɛɛ́ya fámáka, ɔ́ niómo nɛ́ tuɔŋɔ na tɔ́fandɛ́. A ná bɛ́nyálɛ́la əlimə yɛ Yə́susu, a ná hɛnjánjá hɛ́ bɔ́áyɛ́á bɔlɛŋa itíə́lə. 21Ɔ taká, a ka fɛka ɔ ɔwayɛ́ mɔlɛ́má nuúmə́ a sɛ́á: «Abá mɛ ná ósó ɔ uwitiələ ɔbánɔ́ ɔ bɔ́áyɛ́á bɔlɛŋa, mɛ ndɔ niŋəkə.» 22Yə́susu a ná bɛ́híámɛ́la, a ná mɔ́táyɛ́ muəndú yama, a sɛ́á: «Á muəndú, ɔ́nɛ́nɛ́na, yáwɔ́á ilumininə yɛ́ ná aŋɔ́á núə́kə́níə́.» Ɔ umisíúmə́ muəndú ná niŋə. 23Yə́susu ná káfámá ɔ ɔmbɛ́la wɔ́ isə́lúkú yɛ́ Bɛyútɛnɛ, ɛnaka á ɛ́ná ɔwá boóso maŋana bá lɛa hoóyi ɔ umimə unyəkə, a ná ilúkunə yɛ́ bɛndɔ ɛ́ná yɛ́ ndɔ bɛ́lɔ́mɔ́nɔ mɔŋɛ́ŋa, 24a sɛ́á: «Nɔ́ famaka, a lɛa bá wə́ə́tɔ, a báka ɔ hinó.» Bɛndɔ bá ná lúmə́ ɔ ɔwayɛ́ ɔwɔnɔ. 25Ikúílí bá ná bɛndɔ fə́mə́kíə́ bəkimə ɔ níə́lətíə́, Yə́susu a ná fínə́ ɔ ikúíti, a ná ɔmɔ́la itíə́ ɔ mɔkátá, ɔmɔ́la a ná hɔalɛ́na, a ná tɛnɛma. 26Nɔ́yɛ́ indumə yɛ́ bɛ́táyɛ́ bɛkɔa yɛ́ ná ɔ́kɔ́nɔ́ ɔ bɛsalɛ bikimə bɛ́ yɛ́táyɛ́ misí.
Yə́susu a nɔ́ bəndímə́ndímə niŋəsiə báfandɛ́
27Ikúílí ɔyɛ́á Yə́susu a ná hɔ́álɛ́na ɔ ɔwákaka, bəndímə́ndímə báfandɛ́ bá ná lúmə́ ɔ ɔwayɛ́ ɔwɔŋgɔ, bá laaka na nióni nɛŋɛ́ŋa bá sɛ́á: «Á Mɔná wa Ndə́witi tɔ́kɔ́lɛ wə́ə́ bəsú mɛɛ́lɔ!» 28Ɛnaka á káfámá ɔ ɔmbɛ́la, bááyɛ́ bəndímə́ndímə bá ná bɛ́nyálɛ́la ɔ ɔwayɛ́ ɛmɛ́ŋɛ́, mba, a ná bəə́bu lɛ́na a sɛ́á: «Nɔ ndɔ lumininə ɔwá, mɛ óso ɔ uwənú uniŋəsiə əə́?» Bá sɛ́á: «Ɛ́ɛ! Á Isə́lúkú, tɔ ndɔ nɔ́yɛ́ lumininə.» 29Nɔ́yɛ́, a ná bəə́bu itíə́lə́ ɔ məə́sə a sɛ́á: «Yɛ́ bɛ́kɛ́áká ɛ́sɛ́á nɔ ná lumínínə.» 30Ɔ́ níə́búə́ nibotólíníə́ nɛ́ usinənə nɛ́ɛ́yɛ́. Nɔ́yɛ́, a ná bəə́bu bámálɛ́na, a sɛ́á: «Nɔ lɛ bɛ́kɛ́tɛ́ná ata mɔndɔ ɔwá mɛaŋɔ́á mɛ ná bənú níŋə́síə́.» 31Mba, ata nɔ́yɛ́ ɔ yɛ́táyɛ́ ikúílí ɔyɛ́á bá ná ákáná, bá ná lúmə́ ɔ tuúmə uwíndiə ɔ niínyə nɛ́ Yə́susu ɔ bɔ́táyɛ́ bɔnɔŋɔ bukimə.
Yə́susu a nɔ́ imúkú niŋəsiə
(Lúk 11.14-15)
32Ɛnaka bááyɛ́ bəndímə́ndímə bá ákáná, bá ná Yə́susu mɔndɔ ɔmɔtɛ́ húlə́nínə ɔwá umbúínyi mɔbɛ́á wɔ́ ná mə́míə́, a lɛ hɔɔ. 33Ikúílí Yə́susu a ná umbúínyi mɔbɛ́á fə́míə́ ɔ yɛ́táyɛ́ imúkú, mɔndɔ a ná lúmə́ ɔhɔ́ɔ́ tɔ́na. Ilúkunə yɛ́ bɛndɔ ɔyɛ́á yɛ́ ná bá ɔmɔ́tɔ́yɛ́ yɛ́ ná ə́lə́mə́nə, bá sɛ́á: «Bá sa ndá nindínə́ nɛ́ bɔkɔa sinə bɔ́ nɔ́ bɛ́kɛaka nɔ́yɛ́ ɔ bɔnɔŋɔ bɔ́ Ísilahɛ́lɛ!» 34Mba, Bɛfalísia ɔbá bá ná báá ɔmɔ́tɔ́yɛ́, bá ná botólíə́ ɔlaa bá sɛ́á: «Tátá na iŋgínə́ yɛ sátana á isə́lúkú yɛ́ imbúínyi mɛbɛ́á a ndɔ yiítə fə́miə ɔ bɛndɔ əə́?»
Yə́susu a lɛa na mahana ɛlɔ́áyɛ́ iloŋo yɛ́ bɛndɔ
(Mə́l 6.6, 34; Lúk 10.2)
35Yə́susu ka báá a ndɔ húlə́ kɛnda ɔ bətínə́ bəəŋí na mɔnɔŋɔ məəŋí, a bɛndɔ úkúnəkiə tɔ́na ɔ məə́bə má mabɛ́kálɛ́na má Bɛyútɛnɛ, a bəə́bu Imbə́nú Yɛɛsɛ yɛ Nɛmanɛna nɛ́ Nɔɔ́mɛná túmbə́ləkəniə, a məndínə́ má mɛɛ́mbɔ mikimə niŋəsəkiə na má bilibi. 36Ɛnaka a bilúkunə bɛ́ bɛndɔ biəŋí síə́kínə́ kɔtákánátɔ́, mahana má ná wɛɛ́ya itíə́ mɔŋɛ́ŋa ɛlɔ́áyɛ́ əbú bɔkɔasɛ́á, bá ka bá tɔmbɔ́tɔ, bəə́bu tɔ́na yɔ́kɔ́bɔ́nɔ́tɔ́, hɔ́ákátɔ́ ɔ ɛndɔ́mbá ɔyɛ́á yɛ́ lɛ báá na mɔtáta. 37Nɔ́yɛ́ a ná báyɛ́á bɔkɔ́nɛna lɛ́na a sɛ́á: «Məhuə má lɛa məəŋí, mba, bəhuə bá lɛa mə́hə́tɔ. 38Nɔ́ Isə́lúkú yɛ́ məhuə bɛ́kálákɛ́na ɔwá, a bɛndɔ kɔndá ɛlɔ́áyɛ́ máyɛ́á məhuə.»
Aktualisht i përzgjedhur:
Matíó 9: tvu
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2019, CABTAL
Matíó 9
9
Yə́susu a nɔ́ ɛkátá yɛ́ mɔndɔ niŋəsiə
(Mə́l 2.1-12; Lúk 5.17-18)
1Yə́susu a ná fínə́ ɔ isóyí, a ná manyɔ́ nɔmɔ́ bíásɛna, a ná tilə́, a ná ákáná ɔ ɔwayɛ́ bətínə́. 2Nɔ́yɛ́, bá ná wɛɛ́ya ɛkátá húlə́nínə́ siəníníə́tɔ́ ɔ ɛkaálɛa. Mba, ɛnaka á ilumininə yɛ́ bátáyɛ́ bɛndɔ ɛ́ná, a ná ɛkátá lɛ́na a sɛ́á: «Á wamɛ́á mɔná, ɔ́nɛ́nɛ́na! Mɛ ná aŋɔ́á máwɔ́á mabɛ́á niasɛ́na.» 3Ɔ yɛ́táyɛ́ ikúílí, bɔ́mɔtɛ́ bamanyumbə́ndə́ bá ná botólíə́ ɔbɛ́kɔ́lɔmɔna bá sɛ́á: «Wɔ́ɔwɔ mɔndɔ a ndɔ Huɛlɛ́ hə́hə́niə.» 4Yə́susu a ná yə́búə́ ɛfɛka manya, a sɛ́á: «Ɛlɔ́áyɛ́ yatɛ́ nɔ́ lɛ́á na mátáyɛ́ mafɛka mabɛ́á əə́? 5Yatɛ́ yɛ́ lɛ́á ányákátɔ́ ɔyáyɛ́na ɔ ɔlaa ɔwá, mɛ ná aŋɔ́á máwɔ́á mabɛ́á nɛasɛ́na, ata ɔlaa ɔwá; hɔalɛ́ná tɛ́nɛ́ma, kɛndáka əə́? 6Nɔ́ siəkínə! Ɔ́ ɔkɛaka ɔ sɛ́á nɔ manyá ɔwá, Mɔná wa Mɔndɔ a lɛa na iŋgínə́ ɔ mabɛ́á ɔnɛasɛna ɔ misí.» A ná yɛ́ɛ́yɛ́ ikúílí ɛkátá lɛ́na a sɛ́á: «Hɔalɛ́na, tɛ́nɛ́ma, ɛtá yáwɔ́á ɛkaálɛa, úlúə́ ɔ ɔwáwɔ ɔmbɛ́la». 7Mɔndɔ a ná hɔalɛ́ná, a ná tɛ́nɛ́má, a ná ákáná ɔwayɛ́ ɔmbɛ́la. 8Ɛnaka bɛndɔ bá siəkínə́ nɔ́yɛ́, bɔkɔ́lɔ́ma bɔ́ ná bəə́bu itíə́ mɔŋɛ́ŋa, bá Huɛlɛ́ tuúmə híə́nəkiniə ɛ́sɛ́á a ná bɛndɔ nɛ́táyɛ́ nindínə́ nɛ́ iŋgínə́ índíə́.
Yə́susu a nɔ́ Matíó ɛ́lɛakɛna
(Mə́l 2.13-17; Lúk 5.27-32)
9Yə́susu a ná hɔalɛ́na ɔmɔ́tɔ́yɛ́, a ná ákána, ɔ tɔ́mbáka ɔ ɛnɔ́mɛ, a ná mɔndɔ ɔmɔtɛ́ yama, nɛ́áyɛ́á niínyə á Matíó, tuənə́tɔ́ ɔ ɛbɔ́ka yɛ́ buolí yɛ́ basɛmabɛtásɛ. A ná wɛɛ́ya lɛ́na a sɛ́á: «Ɔŋgɔ́kɔ́ mɛaŋɔ́á.» Matíó a ná hɔalɛ́na, a ná wɛɛ́ya ɔŋgɔ́kɔ. 10Yə́susu a ka bá ɔ ɔnɛ́á ɔ ɔmbɛ́la wɔ́ Matíó, basɛmabɛtásɛ bəəŋí na bɔ́mɔtɛ́ bakɛamabɛ́á bá ná ndásákɔ́na ɔ uníə́niə na wɛɛ́ya na báyɛ́á bɔkɔ́nɛna. 11Ɛnaka Bɛfalísia bá siəkínə́ nɔ́yɛ́, bá ná báyɛ́á bɔkɔ́nɛna batá bá sɛ́á: «Ɛlɔ́áyɛ́ yatɛ́ wənúə́ Muinə́niə a ndɔ níə́niə na basɛmabɛtásɛ na bakɛamabɛ́á əə́?» 12Ɛnaka Yə́susu a ɔ́kɔ́kɛ́ná Bɛfalísia bá ndɔ bɛ́báta nɔ́yɛ́, a sɛ́á: «Tátá bááyɛ́ ɔbá bá ndɔ niŋə muɛsɛ abáka bá ɛmɔ́ɛ́nɛ́ siəkə, mba, bɛnákɛnákɛ. 13Nɔ́ bɛtambá bɛ́ Mətilə ɔ́kɔ́náka ɔbɛ́á bɛ́ ndɔ laa bɛ́ sɛ́á: “Mɔlɛ́má wɔ́ iwə́mɛɛ́lɔ mɛ́ ndɔ siə yáyɛ́na bɛfɔná bɛ́ bilúkə́.” Ɔ taká, mɛ sa ndásá ɔ yɛ́ɛyɛ misí ɛlɔ́áyɛ́ bátaká, mbá, ɛlɔ́áyɛ́ bakɛamabɛ́á.»
Ɛmbataka ɛlɔ́áyɛ́ nibíkókósiə ɔ ikúílí yɛ́ ɔnɛ́á
(Mə́l 2.18-22; Lúk 5.33-39)
14Bɔkɔ́nɛna bá Yɔhánɛsɛ Mɔsɔabɛndɔ bá ná bɛ́nyálɛ́la á Yə́susu busíə́, bá ná wɛɛ́ya lɛná bá sɛ́á: «Ɛlɔ́áyɛ́ yatɛ́ na bəsú na Bɛfalísia abáka tɔ əsú bíkókósokiə ɔnɛ́á, mba, báwɔ́á bɔkɔ́nɛna bá lɛ ndɔ əbú kɛa nɔ́yɛ́ əə́?» 15Yə́susu a sɛ́á: «Nɔ ndɔ fɛka ɔwá bɛndɔ ɔbá bá lɛ́á ɛ́lɛ́ákɛ́nátɔ́ ɔ nɛbɛ́lɛna bá óso ɔbáá liŋə́tɔ́ ɔ ikúílí ɔyɛ́á ibə́ a lɛ́á na bəə́bu əə́? Mba ikúílí yɛ́ ŋɔ ndafámá ɔyɛ́á bá ŋɔ yəbúə́ ibə́ húliə, nɔ́yɛ́, bá ŋɔ bíkókósokiə ɔ ɔnɛ́á. 16Ata mɔndɔ a sa ndá ɛsalɛ yɛ́ nɛbata niɔ́mɔ́mɔ ɛtá ɔwá a tɔakɛ́ná na ilunə́ki yɛ́ nɛbata. Ábá mɔndɔ a ná kɛ́áká nɔ́yɛ́, ɛkɛ́tɛ yɔmɔ́mɔ yɛ́ ŋɔ ilunə́ki sala ɔ ɔyáyɛ́na. 17Nɔ́yɛ́ tɔ́na, ata mɔndɔ a sa ósó ɔ mutəkuniə ɔháá ɔ bilunə́ki bɛ́ mɛsɔ́á; ábá mɔndɔ a ná kɛ́áká nɔ́yɛ́, mɛsɔ́á yɛ́ ŋɔ tə́məkiə, məluku má ŋɔ fámáka məkimə, mɛsɔ́á yɛ́ ŋɔ tɛŋɛtɛŋɛa. Mba, mɔndɔ a ná hɔ́ánána ɔ mutəkuniə ɔháá ɔ mɛsɔ́á miɔ́sɔ. Nɔ́yɛ́ bɛ́ɛ́yɛ́ bikimə bɛ́ ŋɔ tuənə muɛsɛ.»
Yə́susu a nɔ́ muəndú niŋəsiə, a nɔ́ ɔmɔ́la huŋuəsiə tɔ́na
(Mə́l 5.21-43; Lúk 8.40-56)
18Ikúílí ɔyɛ́á Yə́susu a ná bá a ndɔ bəə́bu bɛ́táyɛ́ bɛkɔa hɛ́na, yɛ́mɔtɛ́ isə́lúkú yɛ Bɛyútɛnɛ a ná ndáfama; a ná kiníə́ ɔwayɛ́ busíə́ a sɛ́á: «Wamɛ́á mɔná ɔ muəndú a nɔ́ húlə ɔ uwə́ə́ isíŋáka; tɔ́kɔ́lɛ sɔ́nɔ ɔ ndá wɛɛ́ya makátá tálá ɔ mɛɛ́lɔ mbá a hɔŋɔ́á.» 19A ná hɔalɛ́na, a ná wɛɛ́ya ɔŋgɔ́kɔ ɔ ilúkunə na báyɛ́á bɔkɔ́nɛna. 20Muəndú ɔmɔtɛ́ a ka báá ɔmɔ́tɔ́yɛ́, manɔ́ŋɔ má wɛɛ́ya fámáka, ɔ́ niómo nɛ́ tuɔŋɔ na tɔ́fandɛ́. A ná bɛ́nyálɛ́la əlimə yɛ Yə́susu, a ná hɛnjánjá hɛ́ bɔ́áyɛ́á bɔlɛŋa itíə́lə. 21Ɔ taká, a ka fɛka ɔ ɔwayɛ́ mɔlɛ́má nuúmə́ a sɛ́á: «Abá mɛ ná ósó ɔ uwitiələ ɔbánɔ́ ɔ bɔ́áyɛ́á bɔlɛŋa, mɛ ndɔ niŋəkə.» 22Yə́susu a ná bɛ́híámɛ́la, a ná mɔ́táyɛ́ muəndú yama, a sɛ́á: «Á muəndú, ɔ́nɛ́nɛ́na, yáwɔ́á ilumininə yɛ́ ná aŋɔ́á núə́kə́níə́.» Ɔ umisíúmə́ muəndú ná niŋə. 23Yə́susu ná káfámá ɔ ɔmbɛ́la wɔ́ isə́lúkú yɛ́ Bɛyútɛnɛ, ɛnaka á ɛ́ná ɔwá boóso maŋana bá lɛa hoóyi ɔ umimə unyəkə, a ná ilúkunə yɛ́ bɛndɔ ɛ́ná yɛ́ ndɔ bɛ́lɔ́mɔ́nɔ mɔŋɛ́ŋa, 24a sɛ́á: «Nɔ́ famaka, a lɛa bá wə́ə́tɔ, a báka ɔ hinó.» Bɛndɔ bá ná lúmə́ ɔ ɔwayɛ́ ɔwɔnɔ. 25Ikúílí bá ná bɛndɔ fə́mə́kíə́ bəkimə ɔ níə́lətíə́, Yə́susu a ná fínə́ ɔ ikúíti, a ná ɔmɔ́la itíə́ ɔ mɔkátá, ɔmɔ́la a ná hɔalɛ́na, a ná tɛnɛma. 26Nɔ́yɛ́ indumə yɛ́ bɛ́táyɛ́ bɛkɔa yɛ́ ná ɔ́kɔ́nɔ́ ɔ bɛsalɛ bikimə bɛ́ yɛ́táyɛ́ misí.
Yə́susu a nɔ́ bəndímə́ndímə niŋəsiə báfandɛ́
27Ikúílí ɔyɛ́á Yə́susu a ná hɔ́álɛ́na ɔ ɔwákaka, bəndímə́ndímə báfandɛ́ bá ná lúmə́ ɔ ɔwayɛ́ ɔwɔŋgɔ, bá laaka na nióni nɛŋɛ́ŋa bá sɛ́á: «Á Mɔná wa Ndə́witi tɔ́kɔ́lɛ wə́ə́ bəsú mɛɛ́lɔ!» 28Ɛnaka á káfámá ɔ ɔmbɛ́la, bááyɛ́ bəndímə́ndímə bá ná bɛ́nyálɛ́la ɔ ɔwayɛ́ ɛmɛ́ŋɛ́, mba, a ná bəə́bu lɛ́na a sɛ́á: «Nɔ ndɔ lumininə ɔwá, mɛ óso ɔ uwənú uniŋəsiə əə́?» Bá sɛ́á: «Ɛ́ɛ! Á Isə́lúkú, tɔ ndɔ nɔ́yɛ́ lumininə.» 29Nɔ́yɛ́, a ná bəə́bu itíə́lə́ ɔ məə́sə a sɛ́á: «Yɛ́ bɛ́kɛ́áká ɛ́sɛ́á nɔ ná lumínínə.» 30Ɔ́ níə́búə́ nibotólíníə́ nɛ́ usinənə nɛ́ɛ́yɛ́. Nɔ́yɛ́, a ná bəə́bu bámálɛ́na, a sɛ́á: «Nɔ lɛ bɛ́kɛ́tɛ́ná ata mɔndɔ ɔwá mɛaŋɔ́á mɛ ná bənú níŋə́síə́.» 31Mba, ata nɔ́yɛ́ ɔ yɛ́táyɛ́ ikúílí ɔyɛ́á bá ná ákáná, bá ná lúmə́ ɔ tuúmə uwíndiə ɔ niínyə nɛ́ Yə́susu ɔ bɔ́táyɛ́ bɔnɔŋɔ bukimə.
Yə́susu a nɔ́ imúkú niŋəsiə
(Lúk 11.14-15)
32Ɛnaka bááyɛ́ bəndímə́ndímə bá ákáná, bá ná Yə́susu mɔndɔ ɔmɔtɛ́ húlə́nínə ɔwá umbúínyi mɔbɛ́á wɔ́ ná mə́míə́, a lɛ hɔɔ. 33Ikúílí Yə́susu a ná umbúínyi mɔbɛ́á fə́míə́ ɔ yɛ́táyɛ́ imúkú, mɔndɔ a ná lúmə́ ɔhɔ́ɔ́ tɔ́na. Ilúkunə yɛ́ bɛndɔ ɔyɛ́á yɛ́ ná bá ɔmɔ́tɔ́yɛ́ yɛ́ ná ə́lə́mə́nə, bá sɛ́á: «Bá sa ndá nindínə́ nɛ́ bɔkɔa sinə bɔ́ nɔ́ bɛ́kɛaka nɔ́yɛ́ ɔ bɔnɔŋɔ bɔ́ Ísilahɛ́lɛ!» 34Mba, Bɛfalísia ɔbá bá ná báá ɔmɔ́tɔ́yɛ́, bá ná botólíə́ ɔlaa bá sɛ́á: «Tátá na iŋgínə́ yɛ sátana á isə́lúkú yɛ́ imbúínyi mɛbɛ́á a ndɔ yiítə fə́miə ɔ bɛndɔ əə́?»
Yə́susu a lɛa na mahana ɛlɔ́áyɛ́ iloŋo yɛ́ bɛndɔ
(Mə́l 6.6, 34; Lúk 10.2)
35Yə́susu ka báá a ndɔ húlə́ kɛnda ɔ bətínə́ bəəŋí na mɔnɔŋɔ məəŋí, a bɛndɔ úkúnəkiə tɔ́na ɔ məə́bə má mabɛ́kálɛ́na má Bɛyútɛnɛ, a bəə́bu Imbə́nú Yɛɛsɛ yɛ Nɛmanɛna nɛ́ Nɔɔ́mɛná túmbə́ləkəniə, a məndínə́ má mɛɛ́mbɔ mikimə niŋəsəkiə na má bilibi. 36Ɛnaka a bilúkunə bɛ́ bɛndɔ biəŋí síə́kínə́ kɔtákánátɔ́, mahana má ná wɛɛ́ya itíə́ mɔŋɛ́ŋa ɛlɔ́áyɛ́ əbú bɔkɔasɛ́á, bá ka bá tɔmbɔ́tɔ, bəə́bu tɔ́na yɔ́kɔ́bɔ́nɔ́tɔ́, hɔ́ákátɔ́ ɔ ɛndɔ́mbá ɔyɛ́á yɛ́ lɛ báá na mɔtáta. 37Nɔ́yɛ́ a ná báyɛ́á bɔkɔ́nɛna lɛ́na a sɛ́á: «Məhuə má lɛa məəŋí, mba, bəhuə bá lɛa mə́hə́tɔ. 38Nɔ́ Isə́lúkú yɛ́ məhuə bɛ́kálákɛ́na ɔwá, a bɛndɔ kɔndá ɛlɔ́áyɛ́ máyɛ́á məhuə.»
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2019, CABTAL