Meŋiigíe 9
9
Gobékikilidie gá Sóole
1Naá gɛcamɛna gɛ́ɛgɔ, aŋa Sóole a mbaá lɔmɔ́ ɛ ɛ́dana naá busío a bó míneminie, a bó óna, go ɛ́da naá ogɔ́nɔ́ɔ ba bedúmbí bɛbáágá naá Asaŋa 2goŋaá á ba mo íŋéné bakálata go busío bá nnyaŋá sá mbósógólí sɛ́ɛsɛ naá Damáasɛ, mbɔ́dɔ ya goŋaá a amɔ́ a gíde batɔ hɔ́ɔ, banɔ́mɔtɔ́ na bakɔ́dɔ, báaba bá bienenemú pɛ́ ya Daadáa#9.2 O bana, go eninye na bɔ́ɔbɔ naá Iseyíi 30.21; Kálata ya Ɛsagɔ 27.11., a bó gumbene, a nco gundene nabɔ́ naá iŋgolí naá Yolósalɛmɛ.
3Aŋa a mbaá gɔ́lɔ́ kálata sɛ́ɛsɔ, gɛ́hɛ́ go biene pɛ́ go go ɛ́da naá Damáasɛ. A ná lɛ́ mekúígíi go go bola hɔ́ɔ, gɛ́hɛ́ go béteme naá gise gadɛ́ɛ gɛ́ ɛ́da go úlene naá mmoɛná. 4Gɔ́ɔ a dómbamɔ́ go oba go cí, go ɔ́bɔ ukelú yó mo gálagala yó amɔ́: «Sóole, Sóole, o céesenyemú goakɛ́ o?» 5Sóole go gundie a amɔ́: «Daadáa, o lɔ́mɔ́ ánɛ́ɛ o?» Ukelú go mo gundie yó amɔ́: «Ndɔ́mɔ́ Yésusu mɔ́ɔnyɔ o séesenyemú. 6Kanɛ́ fadɛ́gɛ́na, go íŋene naá tɛ́sɔnɔ, bá gaá go oyáná hɔ́ɔ boóma bɔ́ɔbɔ o sɛmɛgananamɔ́ go ŋa.» 7Batɔ báaba bá mbaá lɔmɔ́ olɔŋɔ nɛhɛ́ go lɔbɛnɔ hɔ́ɔlɔ́ tɛ́nɛ́ɛ, eŋgúdé buigéné buigéné na goélemene guimée. Bá mba lɛ́ bɔ́ ɔ́bɔnɔ goana ukelú kanɛ go ɛ́na mɔtɔ. 8Sóole go fadɛgɛna go cí, kanɛ́ akɛ́ aŋa oŋgíso yɛ́hɛ́ yá mbaá lɛ fuunéelú, a dɛ mbáa lɛ ɛ ɛ́nana boóma. Gɔ́ɔ bá mo gɔ́lɔmɔ́ go ombɔ́gɔ, bá bɛ́ɛ́ ɛ́dá nɛhɛ́ naá Damáasɛ. 9Medúgú mádadɔ́, a dɛ ŋgɛ́ ɛ́na boóma na mɔ́ oŋgíso, a dɛ nyáá boóma, a dɛ bónyó boóma.
10Hɔ́ɔlɔ́ kanɛ́ naá tɛ́sɔnɔ ya Damáasɛ, uhúúní ba Yésusu ummue a mba lɛ́ hɔ́ɔ, ufíno Ananɛ́asɛ. Daadáa go mo dɔ́ŋɛnɔ naá giínigie a amɔ́: «Ananɛ́asɛ.» Mɔ́ɔ go ɔ́dɔbɔ a amɔ́: «Yɔmɔ́ɔ mɔ́nyɔ́ɔ, Daadáa.» 11Daadáa go mo oyana kanɛ́ a amɔ́: «Fadɛ́gɛ́na, go ɛ́da naá gɛbala gɛ́ɛgɛ bá dɔ́ŋɔnɔmɔ́ bá amɔ́ Gátɛ́nɛ́ɛ, go úhune naá nnyaŋá ya Yódasɛ, mɔtɔ ba Tálasɛ mɔ́ɔnyɔ bá dɔ́ŋɔnɔmɔ́ bá amɔ́ Sóole. Naá gɛcamɛna gɛ́ɛgɛ, a lɛ́ hɔ́ɔ a bósógolonyo; 12gó gɔnɔ gunde a lɛ́ bɛáalú giínigie, a bɛ́ɛ́ ɛ́ná mɔtɔ ufíno yɛ́hɛ́ Ananɛ́asɛ a bíí íŋéné, a báá mo dálá ɛmbɔ́gɔ goŋaá ɛ ɛ́da go gɔnɔ go ɛ́nanɛna.» 13Ananɛ́asɛ go gundie a amɔ́: «Daadáa, ndɛ́ ɔ́bɔ́ɔlú go eŋgúdé yá batɔ gɛca aŋa mɔtɔ mɔ́ɔnyɔ a dómbamɔ́ go míneminie boolímínyí báhɔ naá Yolósalɛmɛ. 14Gó gɔnɔ gunde, bagɔ́nɔ́ɔ bá bedúmbí bɛbáágá naá Asaŋa bá lɛ́ mo dómáalú háalá na bogaaga bá go gumbenene biimée báaba bá buŋemú ufíno yá Yésusu. Boóma moánɛ bɔ́ a lɔ́mɔ́ úléelú go bɔ́.» 15Kanɛ́ Daadáa go mo oyana a amɔ́: «Ɛ́dá, goŋaá mbáa go iyide mɔtɔ mɔ́ɔnyɔ goŋaá á ba nyɔgɔ́nɛ́nɔ́ɔ go go dúfenye ufíno yámɛ go bɛdɔŋɔ bɛ́ɛbɛ bíncodío, go mefuŋe mábɔ́, na go gɛdɔŋɔ gá Ɛ́sɛlahɛ́ɛlɛ. 16Kɔnɔ gunde, mmo dúfie yɔmɔ́ɔ moatɛ́ moatɛ mbɔ́dɔ yɛ́ɛyɛ a sɛmɛgananamɔ́ na gɛɔ́bɛgɔ go ufíno yámɛ.» 17Ananɛ́asɛ go ɛ́da gɔ́gɔ́ɔ. Aŋa a mbɛɛ́ ɛ́dá bola naá nnyaŋá yɛ́ɛyɔ, gɛ́hɛ́ go dála Sóole ɛmbɔ́gɔ, go mo oyana a amɔ́: «Sóole, ondimóní bamɛ, Daadáa Yésusu mɔ́ɔnyɔ a á ná go ɛ́nɛ́gɛ́ná naá pɛ́ yɛ́ɛyɛ go á ná lɔmɔ́ go ɛ́da go úlenine hɔ́ɔ a á tómá goŋaá oŋgíso yáhɔ yá fuunuge, go ɛ́da go gɔnɔ go ɛ́nanɛna. O gunde o bɛ́ɛmba dácɛ na Gimmúmpúu gá Giliíli.» 18Hɔ́ɔ na hɔ́ɔ, moóma aŋa bɛbáabáa go ɛ́da go kóbakoba go oŋgíso, mó obana. Sóole go ɛ́da go ɛ́nanɛna. A báá gó fadɛgɛna, a báá béyumínyée; 19kanɛ́ naá nnyimé hɔ́ɔlɔ́ aŋa a mbaá ŋá a báa go nyáanya, gɛ́hɛ́ go bɛa bogaaga naá nnyɔ́dɔ.
Kɔ́ɔ Sóole a gɛ́gɛdamɔ́ baaná bá medúgú na behúúní báaba bá mbaá lɔmɔ́ naá Damáasɛ.
Sóole a dúmenye nogálɔ ná Asaŋa naá Damáasɛ
20Gɛ́hɛ́ kanɛ́ go dómba go ɛ́da o oya Gɛnɔ́gɔ́ gá Cɔ́mɔ naá nnyaŋá sá mbósógólí, a dúfenye goŋaá Yésusu a lɛ́ Moɔnɔ́ ba Asaŋa. 21Batɔ biimée báaba bá mbaá lɔmɔ́ bá mo bódólonyo bá mba lɛ́ bá békúke, bá gálagala bá amɔ́: «Boɔmɛ, ábɔ caá mɔtɔ mɔ́ɔnyɔ a á ná lɔmɔ́ naá Yolósalɛmɛ a nuigenye biimée báaba bá bósógolonyomú bá buŋe ufíno yá Yésusu, caá mɔ́ɔ mɔ́nyɔ́ɔ o? Ábɔ caá a lɔ́mɔ́ háalá goana go go nco bó dóda naá iŋgolí ɛ ɛ́dana nabɔ́ naá bagɔ́nɔ́ɔ bá bedúmbí bɛbáágá naá Asaŋa o?» 22Kanɛ́ Sóole a mba lɛ́ miisí miimée a gónɛna naá gioliminyo mbɔ́dɔ ya ŋaá Beyúdene báaba naá Damáasɛ bá dɛ gɔnɔ́ bɛa boóma bá go oyɛda, goakɛ́ a mba lɛ́ a bó oyanɛna a bó dúfenye go goŋaá Yésusu a lɛ́ Mesíi.
23Medúgú gɛca má á dómbá, Beyúdene go ɔ́bɛnɔnɔ goŋaá bá mo óna. 24Sóole go ɔ́bɔ ɛdɔgɛ hɛ́ɛhɔ. Aŋa siisíi aŋa budúgú, Beyúdene bá mba ágá batɔ bá go fɛ́fa bɛasɛ́ bá tɛ́sɔnɔ na mbééníŋínyí ya ŋaá bó óna Sóole. 25Kanɛ́ na budúgú búmmue, batɔ báaba a mbaá lɛ a bó húunenye go mo gɔ́lɔ, go mo ága naá ŋŋambɛ́, go mo siisie na duelí naá nnyimé ya omɛndɛ́#9.25 O bana, go eninye na 2 Kɔl 11.32-33..
Sóole a dúmenye nogálɔ ná Asaŋa naá Yolósalɛmɛ
26Aŋa Sóole a mbɛɛ́ ɛ́dá bola naá Yolósalɛmɛ, gɛ́hɛ́ go ɛ́da go fúmbe goŋaá a bénebiginye na behúúní bá Yésusu; kanɛ́ biimée bá mba lɛ́ na bofoá nɛhɛ́ goakɛ́ bá dɛ mbáa lɛ bó olimonyo, goŋaá a lɛ́ tɔ́nɔ mammana uhúúní aŋa bɔ́ɔ. 27Banábasɛ go mo gɔ́lɔ, a bɛ́ɛ́ ɛ́dá nɛhɛ́ naá kadɛ́gadɛ́ɛ ya baapótɛlɛ, gɛ́hɛ́ go bó oyanɛna aŋa Sóole a mbɛɛ́ ɛ́ná Daadáa mɔ́ɔnyɔ a mbaá mo gálágáláa naá mmoɛná. A báá bó oyáná tɔ́nɔ aŋa Sóole a mbaá húúnényée na ufíno yá Yésusu naá tɛ́sɔnɔ ya Damáasɛ. 28Gó bayɛga hɔ́ɔlɔ́, gɛ́hɛ́ go ɛ́da ɛ ɛnɛnda olɔŋɔ nabɔ́ naá Yolósalɛmɛ, ɛ ɛ́da a húunenye mammana mammana na ufíno yá Daadáa. 29A mba lɛ́ tɔ́nɔ a gála, a ágana mpálɔ́ na Beyúdene báaba bá mbaá lɛ bá gálagala nogɛlɛ́gɛ. Kanɛ́ bɔ́ɔ bá mba lɛ́ bá fúmbe go mo óna. 30Aŋa bolimóní behúúní bá mbɔɔ́ ɔ́bɔ́ nɔ́ɔnɔ, gáábɔ́ go ɛ́da nɛhɛ́ naá Sɛsalɛ́ɛ, hɔ́ɔ gáábɔ́ go mo dúmbie naá Tálasɛ.
31Boolímínyí biimée báaba naá Yudée, naá Gelilée na naá Samalɛ́ɛ bá mba lɛ́ naá buumbénú; bá bégíndenye, bá díine Daadáa, ombanɔ yábɔ́ yó goma go bogaaga bá Gimmúmpúu gá Giliíli.
Píele e é éŋúgíe mɔtɔ ummue ufíno yɛ́hɛ́ Enée
32Kanɛ́ Píele mɔ́ɔ a mba lɛ́ ɛ ɛ́da ɛ ɛnɛnda hoóma hiimée a yɔlɔnɔ boolímínyí go gɔsɔ naá Lɛ́da go go yɔlɔ tɔ́nɔ báaba bá mbaá lɔmɔ́ hɔ́ɔ. 33Gɔ́ɔ a gídemú hɔ́ɔ, mɔtɔ uncodío ufíno yɛ́hɛ́ Enée mbɛ́dɛ́ɛ naá dokandá na ogɔnɔ́ yá nnyómá ɛ́nnámanyɛ́, bɛnamá gúénéné gúénéné; kanɛ padɛ́gɛ́nɛ́náa. 34Píele go mo oyana a amɔ́: «Enée, Yésu Kilítu a á go éŋúgíe, fadɛ́gɛ́na, o gedie dokandá dáhɔ maamɔ́ɔ moatɛ́.» Hɔ́ɔ na hɔ́ɔ, mɔtɔ go dómba go fadɛgɛna. 35Aŋa batɔ biimée báaba naá Lɛ́da na báaba naá osɛ́bɛ́ yá Sálɔnɔ bá mbaá mo ɛ́ná, gáábɔ́ go békikilidie ɛdɛ́má, bá bóo olímínyóo Daadáa.
Píele a á fúfúné okɔ́dɔ ummue naá Yopée ufíno yɛ́hɛ́ Tabɛ́ta
36Uŋgolímínyí ba okɔ́dɔ ufíno yɛ́hɛ́ Tabɛ́ta, nɔ́ɔnɔ gó lɛ́ aá Dolókasɛ, a mba lɛ́ hɔ́ɔ naá tɛ́sɔnɔ ya Yopée. A mba lɛ́ buelí bɛ́hɛ́ goana go ŋanana gá besé, a dúgune basógasoga. 37Gɔ́ɔ o obamɔ́ na ogɔnɔ́ naá gɛcamɛna moánɛ a báa gúé. Naá nnyimé ya go mo dumbie, gáábɔ́ go ɛ́da mo ága naá nɛgɛlɛ́ nɛ́ɛnɛ nɛ́ mbaá lɔmɔ́ naá nnyaŋá mmoɛná. 38Aŋa behúúní bá Yopée bá mbaá lɔmɔ́ bí íyimene bá amɔ́ Píele a lɛ́ naá Lɛ́da, gáábɔ́ go mo dómɛna batɔ báandɛ́ goŋaá bɛ́ ɛ́da mo oyana, u úle fɛaŋɔ fɛaŋɔ. 39Kɔ́ɔ batɔ bɛ́ ɛ́damɔ́ bola go oyana Píele, mɔ́ɔ go dómba go fadɛgɛna olɔŋɔ nabɔ́. A á ncó bola, gáábɔ́ go mo gɔ́gɛdɔ naá nɛgɛlɛ́ ná ncíbo nɛ́ɛnɛ naá nnyaŋá mmoɛná. Bisí bá bakɔ́dɔ biimée go mo géŋgelidie na mbií, bɛ́ mo dúfenye bɛla bɛ́ɛbɛ Tabɛ́ta a mbaá lɔmɔ́ a noga a gá lɛ́ ogɔ́sɔ. 40Kɔ́ɔ Píele a húmiemú mɔtɔ uŋkimée naá hanyɔ́, go kunce enúu go cí, go ɛ́da go bósógolonyo. Kanɛ́ gɛ́hɛ́ go bábondona gɛlɔ́ŋɔ́, go gálɛda a amɔ́: «Tabɛ́ta, fadɛ́gɛ́na.» Tabɛ́ta go fuune oŋgíso, aŋa a mbɛɛ́ ɛ́ná Píele, gɛ́hɛ́ go fadɛgɛna ndukíi. 41Píele go mo íŋene ombɔ́gɔ, a báá mo fedígínyée. Kɔ́ɔ a dɔ́ŋɛnɔmɔ́ bisí bá bakɔ́dɔ na boolímínyí báaba bóncodío, a báa bó dúfíe Tabɛ́ta ogɔ́sɔ. 42Gɔ́ɔ batɔ biimée báaba naá tɛ́sɔnɔ ya Yopée bí íyimemú boóma buimée bɔ́ɔbɔ bó mbaá dómbánáa. Degédegé go ága odɛ́má yábɔ́ naá Daadáa. 43Píele go dúmbie gɛca gá medúgú naá Yopée naá nnyaŋá ya Símono uyogóní bɛɔbɔ.
Aktualisht i përzgjedhur:
Meŋiigíe 9: YAS
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Meŋiigíe 9
9
Gobékikilidie gá Sóole
1Naá gɛcamɛna gɛ́ɛgɔ, aŋa Sóole a mbaá lɔmɔ́ ɛ ɛ́dana naá busío a bó míneminie, a bó óna, go ɛ́da naá ogɔ́nɔ́ɔ ba bedúmbí bɛbáágá naá Asaŋa 2goŋaá á ba mo íŋéné bakálata go busío bá nnyaŋá sá mbósógólí sɛ́ɛsɛ naá Damáasɛ, mbɔ́dɔ ya goŋaá a amɔ́ a gíde batɔ hɔ́ɔ, banɔ́mɔtɔ́ na bakɔ́dɔ, báaba bá bienenemú pɛ́ ya Daadáa#9.2 O bana, go eninye na bɔ́ɔbɔ naá Iseyíi 30.21; Kálata ya Ɛsagɔ 27.11., a bó gumbene, a nco gundene nabɔ́ naá iŋgolí naá Yolósalɛmɛ.
3Aŋa a mbaá gɔ́lɔ́ kálata sɛ́ɛsɔ, gɛ́hɛ́ go biene pɛ́ go go ɛ́da naá Damáasɛ. A ná lɛ́ mekúígíi go go bola hɔ́ɔ, gɛ́hɛ́ go béteme naá gise gadɛ́ɛ gɛ́ ɛ́da go úlene naá mmoɛná. 4Gɔ́ɔ a dómbamɔ́ go oba go cí, go ɔ́bɔ ukelú yó mo gálagala yó amɔ́: «Sóole, Sóole, o céesenyemú goakɛ́ o?» 5Sóole go gundie a amɔ́: «Daadáa, o lɔ́mɔ́ ánɛ́ɛ o?» Ukelú go mo gundie yó amɔ́: «Ndɔ́mɔ́ Yésusu mɔ́ɔnyɔ o séesenyemú. 6Kanɛ́ fadɛ́gɛ́na, go íŋene naá tɛ́sɔnɔ, bá gaá go oyáná hɔ́ɔ boóma bɔ́ɔbɔ o sɛmɛgananamɔ́ go ŋa.» 7Batɔ báaba bá mbaá lɔmɔ́ olɔŋɔ nɛhɛ́ go lɔbɛnɔ hɔ́ɔlɔ́ tɛ́nɛ́ɛ, eŋgúdé buigéné buigéné na goélemene guimée. Bá mba lɛ́ bɔ́ ɔ́bɔnɔ goana ukelú kanɛ go ɛ́na mɔtɔ. 8Sóole go fadɛgɛna go cí, kanɛ́ akɛ́ aŋa oŋgíso yɛ́hɛ́ yá mbaá lɛ fuunéelú, a dɛ mbáa lɛ ɛ ɛ́nana boóma. Gɔ́ɔ bá mo gɔ́lɔmɔ́ go ombɔ́gɔ, bá bɛ́ɛ́ ɛ́dá nɛhɛ́ naá Damáasɛ. 9Medúgú mádadɔ́, a dɛ ŋgɛ́ ɛ́na boóma na mɔ́ oŋgíso, a dɛ nyáá boóma, a dɛ bónyó boóma.
10Hɔ́ɔlɔ́ kanɛ́ naá tɛ́sɔnɔ ya Damáasɛ, uhúúní ba Yésusu ummue a mba lɛ́ hɔ́ɔ, ufíno Ananɛ́asɛ. Daadáa go mo dɔ́ŋɛnɔ naá giínigie a amɔ́: «Ananɛ́asɛ.» Mɔ́ɔ go ɔ́dɔbɔ a amɔ́: «Yɔmɔ́ɔ mɔ́nyɔ́ɔ, Daadáa.» 11Daadáa go mo oyana kanɛ́ a amɔ́: «Fadɛ́gɛ́na, go ɛ́da naá gɛbala gɛ́ɛgɛ bá dɔ́ŋɔnɔmɔ́ bá amɔ́ Gátɛ́nɛ́ɛ, go úhune naá nnyaŋá ya Yódasɛ, mɔtɔ ba Tálasɛ mɔ́ɔnyɔ bá dɔ́ŋɔnɔmɔ́ bá amɔ́ Sóole. Naá gɛcamɛna gɛ́ɛgɛ, a lɛ́ hɔ́ɔ a bósógolonyo; 12gó gɔnɔ gunde a lɛ́ bɛáalú giínigie, a bɛ́ɛ́ ɛ́ná mɔtɔ ufíno yɛ́hɛ́ Ananɛ́asɛ a bíí íŋéné, a báá mo dálá ɛmbɔ́gɔ goŋaá ɛ ɛ́da go gɔnɔ go ɛ́nanɛna.» 13Ananɛ́asɛ go gundie a amɔ́: «Daadáa, ndɛ́ ɔ́bɔ́ɔlú go eŋgúdé yá batɔ gɛca aŋa mɔtɔ mɔ́ɔnyɔ a dómbamɔ́ go míneminie boolímínyí báhɔ naá Yolósalɛmɛ. 14Gó gɔnɔ gunde, bagɔ́nɔ́ɔ bá bedúmbí bɛbáágá naá Asaŋa bá lɛ́ mo dómáalú háalá na bogaaga bá go gumbenene biimée báaba bá buŋemú ufíno yá Yésusu. Boóma moánɛ bɔ́ a lɔ́mɔ́ úléelú go bɔ́.» 15Kanɛ́ Daadáa go mo oyana a amɔ́: «Ɛ́dá, goŋaá mbáa go iyide mɔtɔ mɔ́ɔnyɔ goŋaá á ba nyɔgɔ́nɛ́nɔ́ɔ go go dúfenye ufíno yámɛ go bɛdɔŋɔ bɛ́ɛbɛ bíncodío, go mefuŋe mábɔ́, na go gɛdɔŋɔ gá Ɛ́sɛlahɛ́ɛlɛ. 16Kɔnɔ gunde, mmo dúfie yɔmɔ́ɔ moatɛ́ moatɛ mbɔ́dɔ yɛ́ɛyɛ a sɛmɛgananamɔ́ na gɛɔ́bɛgɔ go ufíno yámɛ.» 17Ananɛ́asɛ go ɛ́da gɔ́gɔ́ɔ. Aŋa a mbɛɛ́ ɛ́dá bola naá nnyaŋá yɛ́ɛyɔ, gɛ́hɛ́ go dála Sóole ɛmbɔ́gɔ, go mo oyana a amɔ́: «Sóole, ondimóní bamɛ, Daadáa Yésusu mɔ́ɔnyɔ a á ná go ɛ́nɛ́gɛ́ná naá pɛ́ yɛ́ɛyɛ go á ná lɔmɔ́ go ɛ́da go úlenine hɔ́ɔ a á tómá goŋaá oŋgíso yáhɔ yá fuunuge, go ɛ́da go gɔnɔ go ɛ́nanɛna. O gunde o bɛ́ɛmba dácɛ na Gimmúmpúu gá Giliíli.» 18Hɔ́ɔ na hɔ́ɔ, moóma aŋa bɛbáabáa go ɛ́da go kóbakoba go oŋgíso, mó obana. Sóole go ɛ́da go ɛ́nanɛna. A báá gó fadɛgɛna, a báá béyumínyée; 19kanɛ́ naá nnyimé hɔ́ɔlɔ́ aŋa a mbaá ŋá a báa go nyáanya, gɛ́hɛ́ go bɛa bogaaga naá nnyɔ́dɔ.
Kɔ́ɔ Sóole a gɛ́gɛdamɔ́ baaná bá medúgú na behúúní báaba bá mbaá lɔmɔ́ naá Damáasɛ.
Sóole a dúmenye nogálɔ ná Asaŋa naá Damáasɛ
20Gɛ́hɛ́ kanɛ́ go dómba go ɛ́da o oya Gɛnɔ́gɔ́ gá Cɔ́mɔ naá nnyaŋá sá mbósógólí, a dúfenye goŋaá Yésusu a lɛ́ Moɔnɔ́ ba Asaŋa. 21Batɔ biimée báaba bá mbaá lɔmɔ́ bá mo bódólonyo bá mba lɛ́ bá békúke, bá gálagala bá amɔ́: «Boɔmɛ, ábɔ caá mɔtɔ mɔ́ɔnyɔ a á ná lɔmɔ́ naá Yolósalɛmɛ a nuigenye biimée báaba bá bósógolonyomú bá buŋe ufíno yá Yésusu, caá mɔ́ɔ mɔ́nyɔ́ɔ o? Ábɔ caá a lɔ́mɔ́ háalá goana go go nco bó dóda naá iŋgolí ɛ ɛ́dana nabɔ́ naá bagɔ́nɔ́ɔ bá bedúmbí bɛbáágá naá Asaŋa o?» 22Kanɛ́ Sóole a mba lɛ́ miisí miimée a gónɛna naá gioliminyo mbɔ́dɔ ya ŋaá Beyúdene báaba naá Damáasɛ bá dɛ gɔnɔ́ bɛa boóma bá go oyɛda, goakɛ́ a mba lɛ́ a bó oyanɛna a bó dúfenye go goŋaá Yésusu a lɛ́ Mesíi.
23Medúgú gɛca má á dómbá, Beyúdene go ɔ́bɛnɔnɔ goŋaá bá mo óna. 24Sóole go ɔ́bɔ ɛdɔgɛ hɛ́ɛhɔ. Aŋa siisíi aŋa budúgú, Beyúdene bá mba ágá batɔ bá go fɛ́fa bɛasɛ́ bá tɛ́sɔnɔ na mbééníŋínyí ya ŋaá bó óna Sóole. 25Kanɛ́ na budúgú búmmue, batɔ báaba a mbaá lɛ a bó húunenye go mo gɔ́lɔ, go mo ága naá ŋŋambɛ́, go mo siisie na duelí naá nnyimé ya omɛndɛ́#9.25 O bana, go eninye na 2 Kɔl 11.32-33..
Sóole a dúmenye nogálɔ ná Asaŋa naá Yolósalɛmɛ
26Aŋa Sóole a mbɛɛ́ ɛ́dá bola naá Yolósalɛmɛ, gɛ́hɛ́ go ɛ́da go fúmbe goŋaá a bénebiginye na behúúní bá Yésusu; kanɛ́ biimée bá mba lɛ́ na bofoá nɛhɛ́ goakɛ́ bá dɛ mbáa lɛ bó olimonyo, goŋaá a lɛ́ tɔ́nɔ mammana uhúúní aŋa bɔ́ɔ. 27Banábasɛ go mo gɔ́lɔ, a bɛ́ɛ́ ɛ́dá nɛhɛ́ naá kadɛ́gadɛ́ɛ ya baapótɛlɛ, gɛ́hɛ́ go bó oyanɛna aŋa Sóole a mbɛɛ́ ɛ́ná Daadáa mɔ́ɔnyɔ a mbaá mo gálágáláa naá mmoɛná. A báá bó oyáná tɔ́nɔ aŋa Sóole a mbaá húúnényée na ufíno yá Yésusu naá tɛ́sɔnɔ ya Damáasɛ. 28Gó bayɛga hɔ́ɔlɔ́, gɛ́hɛ́ go ɛ́da ɛ ɛnɛnda olɔŋɔ nabɔ́ naá Yolósalɛmɛ, ɛ ɛ́da a húunenye mammana mammana na ufíno yá Daadáa. 29A mba lɛ́ tɔ́nɔ a gála, a ágana mpálɔ́ na Beyúdene báaba bá mbaá lɛ bá gálagala nogɛlɛ́gɛ. Kanɛ́ bɔ́ɔ bá mba lɛ́ bá fúmbe go mo óna. 30Aŋa bolimóní behúúní bá mbɔɔ́ ɔ́bɔ́ nɔ́ɔnɔ, gáábɔ́ go ɛ́da nɛhɛ́ naá Sɛsalɛ́ɛ, hɔ́ɔ gáábɔ́ go mo dúmbie naá Tálasɛ.
31Boolímínyí biimée báaba naá Yudée, naá Gelilée na naá Samalɛ́ɛ bá mba lɛ́ naá buumbénú; bá bégíndenye, bá díine Daadáa, ombanɔ yábɔ́ yó goma go bogaaga bá Gimmúmpúu gá Giliíli.
Píele e é éŋúgíe mɔtɔ ummue ufíno yɛ́hɛ́ Enée
32Kanɛ́ Píele mɔ́ɔ a mba lɛ́ ɛ ɛ́da ɛ ɛnɛnda hoóma hiimée a yɔlɔnɔ boolímínyí go gɔsɔ naá Lɛ́da go go yɔlɔ tɔ́nɔ báaba bá mbaá lɔmɔ́ hɔ́ɔ. 33Gɔ́ɔ a gídemú hɔ́ɔ, mɔtɔ uncodío ufíno yɛ́hɛ́ Enée mbɛ́dɛ́ɛ naá dokandá na ogɔnɔ́ yá nnyómá ɛ́nnámanyɛ́, bɛnamá gúénéné gúénéné; kanɛ padɛ́gɛ́nɛ́náa. 34Píele go mo oyana a amɔ́: «Enée, Yésu Kilítu a á go éŋúgíe, fadɛ́gɛ́na, o gedie dokandá dáhɔ maamɔ́ɔ moatɛ́.» Hɔ́ɔ na hɔ́ɔ, mɔtɔ go dómba go fadɛgɛna. 35Aŋa batɔ biimée báaba naá Lɛ́da na báaba naá osɛ́bɛ́ yá Sálɔnɔ bá mbaá mo ɛ́ná, gáábɔ́ go békikilidie ɛdɛ́má, bá bóo olímínyóo Daadáa.
Píele a á fúfúné okɔ́dɔ ummue naá Yopée ufíno yɛ́hɛ́ Tabɛ́ta
36Uŋgolímínyí ba okɔ́dɔ ufíno yɛ́hɛ́ Tabɛ́ta, nɔ́ɔnɔ gó lɛ́ aá Dolókasɛ, a mba lɛ́ hɔ́ɔ naá tɛ́sɔnɔ ya Yopée. A mba lɛ́ buelí bɛ́hɛ́ goana go ŋanana gá besé, a dúgune basógasoga. 37Gɔ́ɔ o obamɔ́ na ogɔnɔ́ naá gɛcamɛna moánɛ a báa gúé. Naá nnyimé ya go mo dumbie, gáábɔ́ go ɛ́da mo ága naá nɛgɛlɛ́ nɛ́ɛnɛ nɛ́ mbaá lɔmɔ́ naá nnyaŋá mmoɛná. 38Aŋa behúúní bá Yopée bá mbaá lɔmɔ́ bí íyimene bá amɔ́ Píele a lɛ́ naá Lɛ́da, gáábɔ́ go mo dómɛna batɔ báandɛ́ goŋaá bɛ́ ɛ́da mo oyana, u úle fɛaŋɔ fɛaŋɔ. 39Kɔ́ɔ batɔ bɛ́ ɛ́damɔ́ bola go oyana Píele, mɔ́ɔ go dómba go fadɛgɛna olɔŋɔ nabɔ́. A á ncó bola, gáábɔ́ go mo gɔ́gɛdɔ naá nɛgɛlɛ́ ná ncíbo nɛ́ɛnɛ naá nnyaŋá mmoɛná. Bisí bá bakɔ́dɔ biimée go mo géŋgelidie na mbií, bɛ́ mo dúfenye bɛla bɛ́ɛbɛ Tabɛ́ta a mbaá lɔmɔ́ a noga a gá lɛ́ ogɔ́sɔ. 40Kɔ́ɔ Píele a húmiemú mɔtɔ uŋkimée naá hanyɔ́, go kunce enúu go cí, go ɛ́da go bósógolonyo. Kanɛ́ gɛ́hɛ́ go bábondona gɛlɔ́ŋɔ́, go gálɛda a amɔ́: «Tabɛ́ta, fadɛ́gɛ́na.» Tabɛ́ta go fuune oŋgíso, aŋa a mbɛɛ́ ɛ́ná Píele, gɛ́hɛ́ go fadɛgɛna ndukíi. 41Píele go mo íŋene ombɔ́gɔ, a báá mo fedígínyée. Kɔ́ɔ a dɔ́ŋɛnɔmɔ́ bisí bá bakɔ́dɔ na boolímínyí báaba bóncodío, a báa bó dúfíe Tabɛ́ta ogɔ́sɔ. 42Gɔ́ɔ batɔ biimée báaba naá tɛ́sɔnɔ ya Yopée bí íyimemú boóma buimée bɔ́ɔbɔ bó mbaá dómbánáa. Degédegé go ága odɛ́má yábɔ́ naá Daadáa. 43Píele go dúmbie gɛca gá medúgú naá Yopée naá nnyaŋá ya Símono uyogóní bɛɔbɔ.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr