Luuka 20
20
Ofwalume wa Yinsa na woosa wa Yaahaya
1Siikhu moote, Yinsa aari owaanozela atthu Nnyupa Woosifwiwamo na awaatafusirelaka hapari zooshapweya. Nttumphule khutamo mahaakhimu a tiini, anamanozela a kano na attunkhulu a tiini. 2Yo khusala amuuzela araka: “Vitthu epi onrettana ofwalume ni, wala ti paani awinkhiyeeyo ofwalume aya opo?”
3Yinsa khujipu yoori: “Na miiyo kintta owuuzelani etthu moote mwikuuze; 4woosa wa Yaahaya waari wa pinkuuni ama wa anaatamu?”
5Yo khusala oozelana atthaaporu araka: “Amana nilupa yoori waari wa pinkuuni, ontta onuuzela yoori: ‘Khi mwaasa aya niini mwihinkhupalelaka?’ 6Na amana nilupa yoori waari wa anaatamu, atthu ooshi antta onivonya na mawe maana ankhupalela yoori Yaahaya napiyu.”
7Attaaphale yo khujipu yoori: “Khanijuweeni nlupa amwinkhiyeeyo ofwalume.”
8Aphano Yinsa khuwooza yoori: “Na miiyo akiniwuuzani ofwalume kinrettanaaye vitthu epi.”
Anamalima oohisuhi
9Yinsa khulupa nlikaniso awoozaka atthu yoori: “Aarivo mwinyi mmote aazaliyeeyo mmashapa mwawe miitthi za wuuva, khuweekesa atthu yoori asala alimela, ye khulawa safwari yawe khwiikhala siikhu zawaatta. 10Noofiya wakathi wa wuurula, khunruma karumeya awe mmote yoori alawe enkhiwe wuuva, ila anamalima apale khumpiya, khumwiikara woohimwinkhi hatha etthu. 11Mweenyewe nshapa khunruma nkina, na oto theenya yo khunveyisa, khumpiya khumwiikara woohimwinkhi hatha etthu. 12Aphano khunruma wattaatthu, anamalima apale khumpiya, khunvulalisa na khumwiikara.
13“Paata ya toole, mweenyewe nshapa khusala oopuwela araka: ‘Kirette ni? Aaa! Kintta onruma mwanaka kinimphetachaaye, othuuto antta onhishimu.’
14“Ila anamalima apale wakathi amooniyeevo mwaana wa mweenyewe nshapa ntthile khulupa yoori: ‘Namarithi nshapa ntthi ti otu. Olawa nimuule, orithi wiiye weetthu.’ 15Khunsukhumela othetekele wa nshapa khumuula.
“Mweenyewe nshapa onttela owaarettela niini? 16Ye ontta ota awoole anamalima apale, nshapa ntthile awenkhe atthu akina.”
Atthu apale aariivo noosiila mattakhuzi apale khulupa yoori: “Zihirettikhane vitthu epo!”
17Yinsa khuweekesa khuwoozela yoori: “Maana a mattakhuzi apa aatikhiweeyo niini?
“ ‘Liwe anamajeka akatthaliyeeyo, nttho laya
laretteya wiiya liwe linkhomaazaaye.’
18Otule anttelaaye okwela liwe laya nttho ontta othapateya, na otule lininkwelaaye ontta osakeya eeye lifufu.”
Wuuzela monkoni wa lumpuru
19Mahaakhimu a tiini na anamanozela a kano khusala eekesa nanna yonkhola wakathi otthuupule, maana yo aajuwiye yoori nlikaniso opule oniwaalupa yo. Ila khusala awoova atthu apale aari attaaphale.
20Aphano yo khusala amweekesela, khuwaaruma atthu aari ojinkhelelaaye wiiya anashariya onsaya sirini, yoori ansikanane etthu yoolupa ankhole anlawane wa nsatoro.
21Yo khusala amuuzela yoori: “Mwaaliimu, fweeyo najuwa yoori onttakhula na onnozela epile ziiyiyeeyo za shariya, ninjuwa yoori khuninthawula ntthu, ila onnozela tarikhi ya Nluku khwa haakhi. 22Nkanuuze, nkhama ti yooshapweya oripha lumpuru la Seezari ama wala?”
23Yinsa khujuwa olavilavi aya khuwooza yoori: 24“Nkakitiiseleni nzurukhu apha. Ratarato eti va nzurukhu apha ti yaani?” Atthu khujipu yoori: “Ti ya Seezari!”
25Khuwooza yoori: “Mwimwinkhe Seezari etile yiiyiye ya Seezari na mwimwinkhe Nluku etile yiiyiye ya Nluku.”
26Yo khuhisala ansikanana hatha paathuli vakatthi wa atthu apale; khwiiya ootikinisiwa pi mattakhuzi apale aajipwiweeyo Yinsa, yo khunyamala.
Wuuzela monkoni wa osisimuwa
27Masatukhi apale ahaari okhupalaaye osisimuwa wa ananfwa, khulawa khumwaattama Yinsa. 28Khusala alupa yoori: “Mwaaliimu, Munsa aatikha yoori, nlume amana afwa, muukhaawe ahinvokoleleeni mwaana, ona ya oraliwa ti ttwiiye ampatthele aana eeye a marehemu ttwiiye. 29Aarivo attwi sapa: otu nwulu aya khuloola khufwa, muukhaawe ahimpattheleeni mwaana. 30Khuraliwa ti ttwiiye, khufwa ahimpattheleeni mwaana, 31khuraliwa ti ttwiiye wattaatthu, khufwa ahimpattheleeni mwaana, ooshi apale sapa khufwa woohimpattheli mwaana. 32Omwiisho waya muukha otule khufwa. 33Aphano siikhu ya osisimuwa onttela wiiya muukha waani, maana oosaapa anraliye?”
34Aphano Yinsa khuwaajipu yoori: “Atthu a voolumwenku apha anloola na anraliwa. 35Ila atthu apale anttelaaye osuhi olawa pinkuuni noosisimuwa muufwa, khanlawa oloola wala oraliwa, 36maana khanfwa theenya, anttela wiiya nkhama malayikha na aana a Nluku, mwaasa yoori asisimuliwa. 37Hatha napiyu Munsa athoonyeza monkoni wa osisimuwa wa ananfwa, wakathi moottho opule waari okholelaaye va muutthi nwishi, ye khunkhuwela Mbwana yoori, Nluku wa Eburahiima wa Esiyaakha na wa Yaakhumpa. 38Eto enthoonyeza yoori Nluku khahiyo wa ananfwa, Nluku wa atthu ariiye haayi. Maana khwa ye atthu ooshi anaaye ohaayi.”
39Anamanozela akina a kano apale aari attaaphale khumuuza yoori: “Wajipu saana Mwaaliimu!” 40Khuhiivo hatha ntthu kiina wa otakha omuuzela theenya.
Al-Masiihu Mbwana wa Daawuuda
41Elottelanaka Yinsa khuwoozela yoori: “Mwaasa aya niini atthu alupaka yoori Al-Masiihu mwaana wa Daawuuda? 42Daawuuda alupa nkithaapu ya Zaapuura yoori:
“ ‘Nnyizinku
amuuza Mbwanaaka yoori:
“Wiikhale nkhono nlume aka,
43mpakha miiyo kitthe
moolu awo vatulu wa maatuwi awo.” ’
44“Nkhama Daawuuda onimwiittha Al-Masiihu yoori Mbwana, enrettikhana toovi wiiya mwanawe?”
Yinsa na anamanozela a kano
45Atthu ooshi eettaka onsiila, Yinsa khuwooza anakhiyoni awe yoori: 46“Phoole na anamanozela a kano, apale owaatuvela owala ajapi zoolepisana, ochelisiwa va parasa, na wa owaatuvela wiikhala puuro za wiilokozi nsinakooka na puuro za wiilokozi va njampo, 47aniweeyelaaye anamfweliwa pi amanna zaya vitthu zaya, ojihakikhi khwa oretta lompa zoolepa. Apo aya anlawa apokherele hukhumu khuluyeene.”
Aktualisht i përzgjedhur:
Luuka 20: eko
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2020, Wycliffe Bible Translators, Inc. All rights reserved.