Luuka 5
5
Yinsa oniwaakhuwela anakhiyoni awe a mwanzo
1Siikhu moote, Yinsa aari nshini wa pahari ya Kalileya#5:1 Theenya linjuwaniwa nzina la Jenezare., khuzukuleliwa pi atthu awaatta yoori asiile nttakhuzi la Nluku. 2Ye khoona nyaatiya miwiri ziri vapatari ya pahari ethiitile, zaalikhiweeyo pi anamajiya aari woosaaye matthavi aya. 3Yinsa khupakhira mmwaatiya mmote waari wa Simawu khunvekela yoori asusisele mpahari vattitthiiru, khwiikhala khusala awaanozela atthu.
4Nawiisha onozela khumuuza Simawu yoori: “Othuule mwaatiya awo mwilawe vahali wawiichavo mwajiye.”
5Simawu ajipwaka khuri: “Mbwana, najiya osikhu wooshi khuhipatthi etthu, ila wiiya walupa yoori neese, nintta weesa.”
6Yo khulawa khweesa matthavi aya khuula swi zawaatta mpakha khusala avaruwa matthavi aya. 7Khuwaakhuwela ashirikha aya aari mwaatiya nkina yoori ate arinkaanyele, khwiitaaza nyaatiya zaya zoomiwiri mpakha osaleela ozama.
8Simawu Pheeturu nawoona etthu etile yaarettikhaniyeeyo, khunkokhorela Yinsa amuuzaka yoori: “Mbwana, okisuse maana miiyo ki natwampi.” 9Simawu na ashirikha awe khuzinkuwa mwaasa wa swi epile zawaatta apatthiyeezo. 10Theenya Tiyaaku na Yaahaya, aana a Zepeteewu, ashirikha a Simawu aari ojiyanaaye khwiiya ootikinisiwa.
Aphano Yinsa khumuuza Simawu yoori: “Ohoove, waaza nasaapi eti onttela wiiya namajiya wa atthu.” 11Khuwelelisa nyaatiya zaya vapatari, khulikha vitthu zaya zooshi khusala anlotta Yinsa.
Yinsa oninvonisa namakuttula
12Yinsa ari sitati moote, khuvira mwinyi mmote aariina makuttula. Noomoona Yinsa khukokhora khunsijitela khumuuza araka: “Mbwanaaka, otakaru, okivonise.”
13Yinsa khookola nkhono awe khunsapa khumuuza yoori: “Katakha! Vona!” Wakathi otthuupule khuvona.
14Yinsa khumuuza yoori: “Vitthu epi ohinthatelele hatha ntthu, ila olawe wajithoonyeze wa namalokozela wa tiini, oorettele twaha ya ovonisiwa wawo nkhama etthiipile alupiyeezo napiyu Munsa, yoori wiiye oshaahiti vakatthi wa atthu aya apale.”
15Ila hapari zawe zaari ovira zimwazeyaka. Atthu awaatta khusala ata oteela osiila hapari, na oteela ovonisiwa marati aya. 16Ila Yinsa eetta olaakavo noolawa mmakuluttu olompa.
Ovonisiwa wa mwinyi woorakala
17Siikhu moote Yinsa eetta onozela, aphale vaya aari onozelaavo aarivo mafwarizeewu na anamanozela a kano aalankhiyeeyo miti mikina za Kalileya na Yudeya mpakha Yeruzaleemu. Owahi wa Mbwana waari vamote na ye wa owaavonisa alwele. 18Aphano atthu akina khuntana mwinyi aariina supiyaani anttattikheliye vanrepa, yo aari otakha omphenyisa ampwehe omaasho wa Yinsa. 19Ila nawoona yoori khayiivo kiphenyo mwaasa wa atthu waatta, khuwela vatulu wa nyuupa khutamula liphala na khumwiishushela vakatthi wa atthu ari vanrepa omaasho wa Yinsa.
20Ye nawoona amini aariina atthu apale, khumuuza nasupiyaani otule yoori: “Swaahipu, twampi zawo zaswaamihiwa.”
21Aphano mafwarizeewu na anamanozela a kano khusala attettha araka: “Otu aya paani ankufurwaaye? Paani anwahaaye oswaamihi twampi woohiiyi Nluku?”
22Yinsa khujuwa etthu aari ofikhiraaye, khuwoozela yoori: “Mwinshukulikhela ni nroho mweenu? 23Yookhweya ti tiivi omuuza yoori ‘twampi zawo zaswaamihiwa,’ ama yoori ‘olankhe weettette’? 24Ila mwijuwe yoori Mwaana wa Pinaatamu onaaye owahi wa oswaamihi twampi vathi apha,” khumuuza nasupiyaani otule yoori: “Olankhe, othuule nrepa lawo, olawe owawo.” 25Nasaapiru mwinyi otule khulankha vakatthi wa atthu khuthuula nrepa lawe khusala alawa owawe ansifwaka Nluku. 26Atthu ooshi aariivo khwiiya ooshanka na woova channu, khusala ansifu Nluku araka: “Leelo noona vitthu zootikinisa.”
Okhuweliwa wa Leevi#5:27 Nzina ntthi la Leevi nzina likina la Matewuzhu.
27Paata ya wiisha vitthu epile, Yinsa khulankha khusala alawa, khunsikana mwinyi mmote ariphisaka lumpuru aari wiitthiwaaye Matewuzhu, khumuuza yoori: “Okilotte.” 28Ye khulikha khaazi zawe zooshi khusala anlotta.
29Leevi khuretta njampo liwululene owawe vamote na Yinsa, aarivo theenya anamariphisa lumpuru akinoko aya na atthu akina eekhaliye vamote na ye. 30Mafwarizeewu na anamanozela a kano khusala awaapa anakhiyoni a Yinsa araka: “Mwaasa aya niini mweeyo mwijanaka na mwinywanaka anamariphisa lumpuru na anatwampi?”
31Yinsa khuwaajipu araka: “Akumi khaninhithajiya tothoro ila alwele. 32Miiyo akaateeliye owaakhuwela anashariya, kateeliye owaakhuwela anatwampi yoori athupwiye.”
Monkoni wa ofuka
33Atthu akina khumuuza Yinsa yoori: “Anakhiyoni a Yaahaya Namoosa na anakhiyoni a mafwarizeewu anfuka na anlompa, ila awo weeyo antta oja na onywa.”
34Yinsa khuwaajipu yoori: “Enrettikhana toovi anamalaleyiwa harusi ofuka namaposa arivo? 35Ila enteela ofiya siikhu mposi anttelaaye olaziwavo vakatthi vaya, siikhu zaya etthiipo, anteela ofuka.”
36Elottelanaka Yinsa khulupa nlikaniso mmote araka: “Khaavo anshijaaye yaapa ya kuwo pheeya yoori atthe yaapa ya kuwo yoovutta, nooretta toowo etile pheeya entta oharipweya, mwaasa wa yaapa etile ya kuwo pheeya etthiiwevo oheezani na etile yoovutta. 37Khaavo anthuulaaye viinyu pheeya ottha nttompwiyo ya shapala ya raku. Nooretta toowo entta ophutuwa, viinyu yiittikhe ttompwiyo yaya eharipweye. 38Viinyu pheeya entthiiwa nttompwiyo pheeya. 39Khaavo annywaaye viinyu ya raku khutakha onywa viinyu pheeya, maana ontta olupa yoori: ‘Afwataali etile ya raku.’ ”
Aktualisht i përzgjedhur:
Luuka 5: eko
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2020, Wycliffe Bible Translators, Inc. All rights reserved.
Luuka 5
5
Yinsa oniwaakhuwela anakhiyoni awe a mwanzo
1Siikhu moote, Yinsa aari nshini wa pahari ya Kalileya#5:1 Theenya linjuwaniwa nzina la Jenezare., khuzukuleliwa pi atthu awaatta yoori asiile nttakhuzi la Nluku. 2Ye khoona nyaatiya miwiri ziri vapatari ya pahari ethiitile, zaalikhiweeyo pi anamajiya aari woosaaye matthavi aya. 3Yinsa khupakhira mmwaatiya mmote waari wa Simawu khunvekela yoori asusisele mpahari vattitthiiru, khwiikhala khusala awaanozela atthu.
4Nawiisha onozela khumuuza Simawu yoori: “Othuule mwaatiya awo mwilawe vahali wawiichavo mwajiye.”
5Simawu ajipwaka khuri: “Mbwana, najiya osikhu wooshi khuhipatthi etthu, ila wiiya walupa yoori neese, nintta weesa.”
6Yo khulawa khweesa matthavi aya khuula swi zawaatta mpakha khusala avaruwa matthavi aya. 7Khuwaakhuwela ashirikha aya aari mwaatiya nkina yoori ate arinkaanyele, khwiitaaza nyaatiya zaya zoomiwiri mpakha osaleela ozama.
8Simawu Pheeturu nawoona etthu etile yaarettikhaniyeeyo, khunkokhorela Yinsa amuuzaka yoori: “Mbwana, okisuse maana miiyo ki natwampi.” 9Simawu na ashirikha awe khuzinkuwa mwaasa wa swi epile zawaatta apatthiyeezo. 10Theenya Tiyaaku na Yaahaya, aana a Zepeteewu, ashirikha a Simawu aari ojiyanaaye khwiiya ootikinisiwa.
Aphano Yinsa khumuuza Simawu yoori: “Ohoove, waaza nasaapi eti onttela wiiya namajiya wa atthu.” 11Khuwelelisa nyaatiya zaya vapatari, khulikha vitthu zaya zooshi khusala anlotta Yinsa.
Yinsa oninvonisa namakuttula
12Yinsa ari sitati moote, khuvira mwinyi mmote aariina makuttula. Noomoona Yinsa khukokhora khunsijitela khumuuza araka: “Mbwanaaka, otakaru, okivonise.”
13Yinsa khookola nkhono awe khunsapa khumuuza yoori: “Katakha! Vona!” Wakathi otthuupule khuvona.
14Yinsa khumuuza yoori: “Vitthu epi ohinthatelele hatha ntthu, ila olawe wajithoonyeze wa namalokozela wa tiini, oorettele twaha ya ovonisiwa wawo nkhama etthiipile alupiyeezo napiyu Munsa, yoori wiiye oshaahiti vakatthi wa atthu aya apale.”
15Ila hapari zawe zaari ovira zimwazeyaka. Atthu awaatta khusala ata oteela osiila hapari, na oteela ovonisiwa marati aya. 16Ila Yinsa eetta olaakavo noolawa mmakuluttu olompa.
Ovonisiwa wa mwinyi woorakala
17Siikhu moote Yinsa eetta onozela, aphale vaya aari onozelaavo aarivo mafwarizeewu na anamanozela a kano aalankhiyeeyo miti mikina za Kalileya na Yudeya mpakha Yeruzaleemu. Owahi wa Mbwana waari vamote na ye wa owaavonisa alwele. 18Aphano atthu akina khuntana mwinyi aariina supiyaani anttattikheliye vanrepa, yo aari otakha omphenyisa ampwehe omaasho wa Yinsa. 19Ila nawoona yoori khayiivo kiphenyo mwaasa wa atthu waatta, khuwela vatulu wa nyuupa khutamula liphala na khumwiishushela vakatthi wa atthu ari vanrepa omaasho wa Yinsa.
20Ye nawoona amini aariina atthu apale, khumuuza nasupiyaani otule yoori: “Swaahipu, twampi zawo zaswaamihiwa.”
21Aphano mafwarizeewu na anamanozela a kano khusala attettha araka: “Otu aya paani ankufurwaaye? Paani anwahaaye oswaamihi twampi woohiiyi Nluku?”
22Yinsa khujuwa etthu aari ofikhiraaye, khuwoozela yoori: “Mwinshukulikhela ni nroho mweenu? 23Yookhweya ti tiivi omuuza yoori ‘twampi zawo zaswaamihiwa,’ ama yoori ‘olankhe weettette’? 24Ila mwijuwe yoori Mwaana wa Pinaatamu onaaye owahi wa oswaamihi twampi vathi apha,” khumuuza nasupiyaani otule yoori: “Olankhe, othuule nrepa lawo, olawe owawo.” 25Nasaapiru mwinyi otule khulankha vakatthi wa atthu khuthuula nrepa lawe khusala alawa owawe ansifwaka Nluku. 26Atthu ooshi aariivo khwiiya ooshanka na woova channu, khusala ansifu Nluku araka: “Leelo noona vitthu zootikinisa.”
Okhuweliwa wa Leevi#5:27 Nzina ntthi la Leevi nzina likina la Matewuzhu.
27Paata ya wiisha vitthu epile, Yinsa khulankha khusala alawa, khunsikana mwinyi mmote ariphisaka lumpuru aari wiitthiwaaye Matewuzhu, khumuuza yoori: “Okilotte.” 28Ye khulikha khaazi zawe zooshi khusala anlotta.
29Leevi khuretta njampo liwululene owawe vamote na Yinsa, aarivo theenya anamariphisa lumpuru akinoko aya na atthu akina eekhaliye vamote na ye. 30Mafwarizeewu na anamanozela a kano khusala awaapa anakhiyoni a Yinsa araka: “Mwaasa aya niini mweeyo mwijanaka na mwinywanaka anamariphisa lumpuru na anatwampi?”
31Yinsa khuwaajipu araka: “Akumi khaninhithajiya tothoro ila alwele. 32Miiyo akaateeliye owaakhuwela anashariya, kateeliye owaakhuwela anatwampi yoori athupwiye.”
Monkoni wa ofuka
33Atthu akina khumuuza Yinsa yoori: “Anakhiyoni a Yaahaya Namoosa na anakhiyoni a mafwarizeewu anfuka na anlompa, ila awo weeyo antta oja na onywa.”
34Yinsa khuwaajipu yoori: “Enrettikhana toovi anamalaleyiwa harusi ofuka namaposa arivo? 35Ila enteela ofiya siikhu mposi anttelaaye olaziwavo vakatthi vaya, siikhu zaya etthiipo, anteela ofuka.”
36Elottelanaka Yinsa khulupa nlikaniso mmote araka: “Khaavo anshijaaye yaapa ya kuwo pheeya yoori atthe yaapa ya kuwo yoovutta, nooretta toowo etile pheeya entta oharipweya, mwaasa wa yaapa etile ya kuwo pheeya etthiiwevo oheezani na etile yoovutta. 37Khaavo anthuulaaye viinyu pheeya ottha nttompwiyo ya shapala ya raku. Nooretta toowo entta ophutuwa, viinyu yiittikhe ttompwiyo yaya eharipweye. 38Viinyu pheeya entthiiwa nttompwiyo pheeya. 39Khaavo annywaaye viinyu ya raku khutakha onywa viinyu pheeya, maana ontta olupa yoori: ‘Afwataali etile ya raku.’ ”
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2020, Wycliffe Bible Translators, Inc. All rights reserved.