Luka 20
20
Tshivba ya Jesu
(Matewu 21:23-27; Marko 11:27-33)
1Matshigu yale, Jesu na romo Nyumbani ga Nungungulu a hevbudza vathu ni gu tivisa Mahungu nya Yadi, a di yedwa khu vakhongolo nya vaphasi nya mhamba ni vahevbudzi nya Nayo ni madhota. 2Vaya, khavo: “Nga hi embela: Wa gu yi mana hayi tshivba nya gugire esi? Khu mani a nga gu ruma?” 3A di va hakha, khuye: “Eni neni nyi na ni giwudziso gwanu. Nga nyi embelani: 4Gubhapatisa ga Johane ga guta khu Ndzadzini, mwendro khu ga vathu?” 5Va di phela gu ganedzisana khu gyawe, khavo: “Ha gukhethu: Khu Ndzadzini, a na khuye khu ginani mu ngamba khodwa khugo? 6Aholu ha gukhethu khu ga vathu, hi na rinyedwa siwindri khu vathu, kholu vatshavbo va gu wona Johane kha nga muprofeti nya lisine.” 7Khavbo avbo, va di khavo: “Ahati.” 8Jesu a di va embela, khuye: “Basi. Eni neni kha nyi mi embeli umo nyi yi manago tshivba nya gu gira esi.”
Gipimaniso nya valimi nya sighevenga
(Matewu 21:33-46; Marko 12:1-12)
9 # Wona gambe: Isa 5:1-12. Khavbo avbo, Jesu a di phela gu ganela vbakari nya vathu, a gu va ninga gipimaniso gegi, khuye: “Muthu nya gukari a di lima lithembwe nya miuvha, a li tshiyedza valimi, a gu endra nya guya vbedza matshigu nya gulaphe, vbavbandze nya mayigo. 10Vbanangotunu, a di rumela githumi gyaye ga valimi vale, gasi guya hengisa wadwa wu nga bani wu mu lumba. Aholu valimi va diya gi veta va wuya va gi tutumisa nyamba gi ninga gilo. 11A di va rumela gimbe githumi, aholu va diya gi veta nigyo, va gi tutumisa, va gi yuyutela nyamba gi ninga gilo. 12A di rumela nya wuraru gimbe githumi. Va diya gi pandra phandza, va gi tutumisa. 13Khavbo avbo, mune lithembwe a di khuye: ‘Olu nyi na gira kharini? Nyi na va rumela mwamana wangu nya gu mu haladze ngudzu, mwendro saye va naya mu ninga githawo.’ 14Aholu, na va mu wone, valimi va di khavo: ‘Khuye oyu a na tshalago ni thomba. Hongoleni hi mu songa, gasi hi tshale nayo ethu.’ 15Va di mu dusa vbavbandze nya lithembwe, vaya mu songa. Nga nyi embelani, a nata va rini mune lithembwe? 16A nata va songa vatshavbo, a gu dzega lithembwe a tshiyedza vambe valimi.”
Na va pwide esi, va di khavo: “Si nga tshuki si girega nya nga isoso!” 17#Wona gambe: Dzind 118:22. Jesu, na va khedziside gwadi, a di va wudzisa, khuye: “Gasi ma gu vbweta gu khayo ginani magana ma nga lowago, nya gukhayo: ‘Giwindri gi nga nyenywago khu vavbahi khigyo gi khadego gikoli nya nyumba?’ 18Watshavbo uye a thegelago vbatshani nya giwindri gegi a na vbadzuledwa; gasi uye a thegedwago khigyo a na pfarwa.”
Gukhupha ga Sezari
(Matewu 22:15-22; Marko 12:13-17)
19 # Wona gambe: Mark 12:12. Avbovbo, vahevbudzi nya Nayo ni vakhongolo nya vaphasi nya mhamba va di vbweta gu mu mola, aholu va di thava gidzemo, kholu va di wona nya gukhavo gipimaniso gile gi di thula avo.
20Va di mu riya, va mu rumela vathu nya guya mu linga. Avo va di hongola kha nga vathu nya vadi, na va lindrela gukhavo a na hoheta likana, gasi gu mu ningela mandzani ga mufumo. 21Ava va diya mu wudzisa, khavo: “Muhevbudzi, hi ngu dziti nya gukhethu u ngu hevbudza nya dzadi, khu hatheli vathu; wa gu hevbudza ndzila ya Nungungulu kha nga idzo li lombago khidzo lisine. 22Nga hi embela, na. Hi na ni fanelo mwendro hi mwalo nya gulivbe khupho ga Sezari, gani?” 23Jesu, na gu mati makungo yawe, a di va hakha, khuye: 24“Nga nyi yeyedzani dzitsapawu dzakone. Gasi mufananiso yoyu ni lina leli khya mani?” Va di khavo: “Khya Sezari.” 25Khavbo avbo, a di va embela, khuye: “Ina ka, ningelani ga Sezari iso si gu sa Sezari, ni ga Nungungulu iso si gu sa Nungungulu.” 26Kha va dzi kodza gu mana magana nya gu mu mole khayo vbakari nya vathu, aholu va di liwuga khu phindrulo yaye, va gu hamuga nigyo nya guganele.
Guwuga nya vafi
(Matewu 22:23-33; Marko 12:18-27)
27 # Wona gambe: Mith 23:8. Va dita vasadhusi nya gukari, va ganedzago gu wuga nya vafi, vata mu wudzisa, khavo: 28#Wona gambe: Dhet 25:5. “Muhevbudzi, Mosi a hi tshiyede nayo nya gukhuye a gufa mwama, a tshiya noni nyambana sanana, ndriyaye a na hambele namu waye, gasi gu wusa ndranga ya mufi. 29Va diromo livbandre na vavili vandruye. Koma wakone a di koka ndranga, a fa nyamba tshiya sanana. 30Uye nya wuvili nuye nya wuraru va di hambela namu wawe, 31kala gu vbela vatshavbo nya livbandre na vavili, aholu kha va velega naye. 32Khu guhegisa a difa nuye nyamayi wule. 33Guwugani nya vafi, nyamayi yoyu a na lumba wevbini wakone, ulo vatshavbo va mu dzegidego kha nga mwangadzi wawe?”
34Jesu a di va hakha, khuye: “Vathu va mafuni momu khavo va dzegago ni gu dzegwa. 35Aholu vale va na manwago vari ni fanelo nya guya vbanya ga limbe litigo gumogo ni gu wuga khu gufani, avovo kha va dzegi gambe kha va dzegwi. 36Kha va na ngafa gambe. Va gu fanana ni dzingilozi dza Nungungulu. Va vbindrugedzide va gu khala sanana sa Nungungulu. Kholu va na wuswa khu gufani. 37#Wona gambe: Eks 3:6. A gu bani ari khu mahungu nya guwuge nya vafi, ambari Mosi nuye fakazide mahungu yaya vbagipopwanatunu gile nya gu dzure, avbo a nga ranago Pfhumu khuye Nungungulu wa Abrahama, Nungungulu wa Isaki ni Nungungulu wa Jakobe. 38Khu kharato, khandri Nungungulu nya vafi, aholu, nya vathu va vbanyago. Kholu ga Nungungulu vatshavbo va ngu vbanya.”
39Vambe vahevbudzi nya Nayo va di khusa lito, khavo: “Muhevbudzi, u ganede gwadi.” 40Kha va nga tiyela gambe gu mu wudzisa gilo.
Kristo gyanana gya mani?
(Matewu 22:41-46; Marko 12:35-37)
41Jesu a di va wudzisa, khuye: “Khu ginani mu gukhenu Mesiya gyanana gya Dhavhidhe? 42Olu Dhavhidhe abune a ganelago umo nya libhuku nya Dzindzimo, khuye: ‘Pfhumu a di embela Pfhumu yangu, khuye: Khala khu nyamudye gwangu, 43#Wona gambe: Dzind 110:1. kala nyi gu thesa valala vago vbavbatshi nya migondro yago’ 44Kha nga olu Dhavhidhe abune a mu ranago Pfhumu, gu ngu kodzega kharini Mesiya gu khala gambe mwamana waye?”
Jesu a ngu gengedza vathu
(Matewu 23:1-36; Marko 12:38-40)
45Khavbo avbo, a di embela vapizane vaye, na gu pwidwa khu vathu vatshavbo, khuye: 46“Dzi woneleni ni vahevbudzi nya Nayo. Avo va gu gola gu ambala dzingandzu nya gulaphe ni gu loswa khu githawo mu vathuni, ni gu khala malangani nya guthange dzinyumbani nya nombelo numo nya sipfhitsha. 47Avo va gu phanga dzinyumbani nya dzinoni, na va pfhadza gu gira nombelo nya gulaphe. Va na hakha tsayiso nya guvbindrise.”
Aktualisht i përzgjedhur:
Luka 20: BGG2014
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Gitonga DC Bible © Bible Society in Mozambique, 2014.
Luka 20
20
Tshivba ya Jesu
(Matewu 21:23-27; Marko 11:27-33)
1Matshigu yale, Jesu na romo Nyumbani ga Nungungulu a hevbudza vathu ni gu tivisa Mahungu nya Yadi, a di yedwa khu vakhongolo nya vaphasi nya mhamba ni vahevbudzi nya Nayo ni madhota. 2Vaya, khavo: “Nga hi embela: Wa gu yi mana hayi tshivba nya gugire esi? Khu mani a nga gu ruma?” 3A di va hakha, khuye: “Eni neni nyi na ni giwudziso gwanu. Nga nyi embelani: 4Gubhapatisa ga Johane ga guta khu Ndzadzini, mwendro khu ga vathu?” 5Va di phela gu ganedzisana khu gyawe, khavo: “Ha gukhethu: Khu Ndzadzini, a na khuye khu ginani mu ngamba khodwa khugo? 6Aholu ha gukhethu khu ga vathu, hi na rinyedwa siwindri khu vathu, kholu vatshavbo va gu wona Johane kha nga muprofeti nya lisine.” 7Khavbo avbo, va di khavo: “Ahati.” 8Jesu a di va embela, khuye: “Basi. Eni neni kha nyi mi embeli umo nyi yi manago tshivba nya gu gira esi.”
Gipimaniso nya valimi nya sighevenga
(Matewu 21:33-46; Marko 12:1-12)
9 # Wona gambe: Isa 5:1-12. Khavbo avbo, Jesu a di phela gu ganela vbakari nya vathu, a gu va ninga gipimaniso gegi, khuye: “Muthu nya gukari a di lima lithembwe nya miuvha, a li tshiyedza valimi, a gu endra nya guya vbedza matshigu nya gulaphe, vbavbandze nya mayigo. 10Vbanangotunu, a di rumela githumi gyaye ga valimi vale, gasi guya hengisa wadwa wu nga bani wu mu lumba. Aholu valimi va diya gi veta va wuya va gi tutumisa nyamba gi ninga gilo. 11A di va rumela gimbe githumi, aholu va diya gi veta nigyo, va gi tutumisa, va gi yuyutela nyamba gi ninga gilo. 12A di rumela nya wuraru gimbe githumi. Va diya gi pandra phandza, va gi tutumisa. 13Khavbo avbo, mune lithembwe a di khuye: ‘Olu nyi na gira kharini? Nyi na va rumela mwamana wangu nya gu mu haladze ngudzu, mwendro saye va naya mu ninga githawo.’ 14Aholu, na va mu wone, valimi va di khavo: ‘Khuye oyu a na tshalago ni thomba. Hongoleni hi mu songa, gasi hi tshale nayo ethu.’ 15Va di mu dusa vbavbandze nya lithembwe, vaya mu songa. Nga nyi embelani, a nata va rini mune lithembwe? 16A nata va songa vatshavbo, a gu dzega lithembwe a tshiyedza vambe valimi.”
Na va pwide esi, va di khavo: “Si nga tshuki si girega nya nga isoso!” 17#Wona gambe: Dzind 118:22. Jesu, na va khedziside gwadi, a di va wudzisa, khuye: “Gasi ma gu vbweta gu khayo ginani magana ma nga lowago, nya gukhayo: ‘Giwindri gi nga nyenywago khu vavbahi khigyo gi khadego gikoli nya nyumba?’ 18Watshavbo uye a thegelago vbatshani nya giwindri gegi a na vbadzuledwa; gasi uye a thegedwago khigyo a na pfarwa.”
Gukhupha ga Sezari
(Matewu 22:15-22; Marko 12:13-17)
19 # Wona gambe: Mark 12:12. Avbovbo, vahevbudzi nya Nayo ni vakhongolo nya vaphasi nya mhamba va di vbweta gu mu mola, aholu va di thava gidzemo, kholu va di wona nya gukhavo gipimaniso gile gi di thula avo.
20Va di mu riya, va mu rumela vathu nya guya mu linga. Avo va di hongola kha nga vathu nya vadi, na va lindrela gukhavo a na hoheta likana, gasi gu mu ningela mandzani ga mufumo. 21Ava va diya mu wudzisa, khavo: “Muhevbudzi, hi ngu dziti nya gukhethu u ngu hevbudza nya dzadi, khu hatheli vathu; wa gu hevbudza ndzila ya Nungungulu kha nga idzo li lombago khidzo lisine. 22Nga hi embela, na. Hi na ni fanelo mwendro hi mwalo nya gulivbe khupho ga Sezari, gani?” 23Jesu, na gu mati makungo yawe, a di va hakha, khuye: 24“Nga nyi yeyedzani dzitsapawu dzakone. Gasi mufananiso yoyu ni lina leli khya mani?” Va di khavo: “Khya Sezari.” 25Khavbo avbo, a di va embela, khuye: “Ina ka, ningelani ga Sezari iso si gu sa Sezari, ni ga Nungungulu iso si gu sa Nungungulu.” 26Kha va dzi kodza gu mana magana nya gu mu mole khayo vbakari nya vathu, aholu va di liwuga khu phindrulo yaye, va gu hamuga nigyo nya guganele.
Guwuga nya vafi
(Matewu 22:23-33; Marko 12:18-27)
27 # Wona gambe: Mith 23:8. Va dita vasadhusi nya gukari, va ganedzago gu wuga nya vafi, vata mu wudzisa, khavo: 28#Wona gambe: Dhet 25:5. “Muhevbudzi, Mosi a hi tshiyede nayo nya gukhuye a gufa mwama, a tshiya noni nyambana sanana, ndriyaye a na hambele namu waye, gasi gu wusa ndranga ya mufi. 29Va diromo livbandre na vavili vandruye. Koma wakone a di koka ndranga, a fa nyamba tshiya sanana. 30Uye nya wuvili nuye nya wuraru va di hambela namu wawe, 31kala gu vbela vatshavbo nya livbandre na vavili, aholu kha va velega naye. 32Khu guhegisa a difa nuye nyamayi wule. 33Guwugani nya vafi, nyamayi yoyu a na lumba wevbini wakone, ulo vatshavbo va mu dzegidego kha nga mwangadzi wawe?”
34Jesu a di va hakha, khuye: “Vathu va mafuni momu khavo va dzegago ni gu dzegwa. 35Aholu vale va na manwago vari ni fanelo nya guya vbanya ga limbe litigo gumogo ni gu wuga khu gufani, avovo kha va dzegi gambe kha va dzegwi. 36Kha va na ngafa gambe. Va gu fanana ni dzingilozi dza Nungungulu. Va vbindrugedzide va gu khala sanana sa Nungungulu. Kholu va na wuswa khu gufani. 37#Wona gambe: Eks 3:6. A gu bani ari khu mahungu nya guwuge nya vafi, ambari Mosi nuye fakazide mahungu yaya vbagipopwanatunu gile nya gu dzure, avbo a nga ranago Pfhumu khuye Nungungulu wa Abrahama, Nungungulu wa Isaki ni Nungungulu wa Jakobe. 38Khu kharato, khandri Nungungulu nya vafi, aholu, nya vathu va vbanyago. Kholu ga Nungungulu vatshavbo va ngu vbanya.”
39Vambe vahevbudzi nya Nayo va di khusa lito, khavo: “Muhevbudzi, u ganede gwadi.” 40Kha va nga tiyela gambe gu mu wudzisa gilo.
Kristo gyanana gya mani?
(Matewu 22:41-46; Marko 12:35-37)
41Jesu a di va wudzisa, khuye: “Khu ginani mu gukhenu Mesiya gyanana gya Dhavhidhe? 42Olu Dhavhidhe abune a ganelago umo nya libhuku nya Dzindzimo, khuye: ‘Pfhumu a di embela Pfhumu yangu, khuye: Khala khu nyamudye gwangu, 43#Wona gambe: Dzind 110:1. kala nyi gu thesa valala vago vbavbatshi nya migondro yago’ 44Kha nga olu Dhavhidhe abune a mu ranago Pfhumu, gu ngu kodzega kharini Mesiya gu khala gambe mwamana waye?”
Jesu a ngu gengedza vathu
(Matewu 23:1-36; Marko 12:38-40)
45Khavbo avbo, a di embela vapizane vaye, na gu pwidwa khu vathu vatshavbo, khuye: 46“Dzi woneleni ni vahevbudzi nya Nayo. Avo va gu gola gu ambala dzingandzu nya gulaphe ni gu loswa khu githawo mu vathuni, ni gu khala malangani nya guthange dzinyumbani nya nombelo numo nya sipfhitsha. 47Avo va gu phanga dzinyumbani nya dzinoni, na va pfhadza gu gira nombelo nya gulaphe. Va na hakha tsayiso nya guvbindrise.”
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Gitonga DC Bible © Bible Society in Mozambique, 2014.