Luk 6
6
Kîûria kîegiî ntukû ya sabatû
(Mat 12.1-8; Mar 2.23-28)
1 #
Kûr 23.25
Ntukû îmwe ya sabatû Jesû na aritwa baawe nî baakûrûkîrîîte miuundeene ya nkano. Aritwa baawe barauna nkano na baraambîrîria gwikitha bakîrîjaga. 2Afarisayo bamwe barabooria atîrî, “Nîmbi îgûtûma bûthithia ûntû bûrîa Waatho buugîîte bûkáthithua ntukû ya sabatû?” 3#1Sam 21.1-6 Jesû arabooria, “Ka bûtathoma ûrîa Daudi na antû barîa aarî nabo baathithîrie rîrîa baarî na mpara? 4#Ala 24.9 Nî aakûrûkîre kîûrûûne arajûkia mîgaate îrîa yaathûrîri Mûrungu ararîa, na ararûmia barîa aarî nabo, kinya këethîra Waatho bwetîkîîrîtie athînjîri-Mûrungu bonka barîa mîgaate îîu.” 5Tontû bûû, arabeera atîrî, “Mûtaana wa Muntû nîwe Mwathi wa sabatû.”
Jesû kworia muntû woonji njara
(Mat 12.9-14; Mar 3.1-6)
6Ntukû îngî ya sabatû, Jesû nî aakûrûkîre kîromberoone na araritana. Kûu nî kwaarî na muntû woonji njara ya ûrîo. 7Aritani ba Waatho na Afarisayo nî baategeete boona këethîra akooria muntû ûu ntukû ya sabatû, nîkenda boona ûntû bwa kûmûthitanga nabu. 8Îndî Jesû akûmenya ûrîa beendaga, areera muntû ûu atîrî, “Njû aja.” Muntû ûu arookîîra na ararûngama mbere yaawe. 9Rîu Jesû arabeera, “Ndîbûûria atîrî, Waatho nî bwîtîkîîrîtie muntû aathithia ûntû bûbwega kana bûbûûî ntukû ya sabatû? Nî bwega kwonokia ûtûûro bwa muntû kana kûrekana nawe akua?” 10Akûraithîîria bonthe barîa baarî ku, areera muntû ûu atîrî, “Tambûrûkia njara îîu yaaku.” Aratambûrûkia njara, na îrabua. 11Îndî Afarisayo na aritani ba Waatho baraigua marûrû, na baraireba ûrîa bakathithîria Jesû.
Jesû kûthuura atûmwa îkûmi na baîrî
(Mat 10.1-4; Mar 3.13-19)
12Îgiita rîu Jesû araitia kîrîmeene kûromba, na araraara kûromba Mûrungu ûtukû bunthe. 13Gûgûkea rûûnene, areeta aritwa baawe na arathuura kuuma kîrî bo antû îkûmi na baîrî barîa eetîre atûmwa. 14Nabo nî: Simioni ûrîa eetîre Peterû na Anderea mûtaana wa ng'ina, na Jakubu na Johana, na Filipû na Batholomeo, 15na Mathayo na Toma, na Jakubu mûtaana wa Alifayo na Simioni ûrîa weetagwa Zilote, 16na Judasi mûtaana wa Jakubu na Judasi Iskarioti, ûrîa waakunyanîîre Jesû.
Jesû kûritana na kworia antû babaingî
(Mat 4.23-25)
17Jesû areenamania nabo kuuma kîrîmeene ararûngama antû arîa kwang'ananîrîtie. Antû au nî kwaarî na aritwa baawe babaingî. Ningî nî kwaarî na ntundu înene ya antû kuuma nthîgûrû ya Judea yonthe, na kuuma Jerusalemu na ba kuuma mpwîroone cia Tiro na Sidoni. Antû bau bonthe beetîte kûthikîîra ûritani bwa Jesû na boorua mîrimo yaao. 18Kinya barîa baathangîkagua nî roho inthûûku nî baarî o na baroorua. 19Antû bau bonthe nî baageragia kûmûringithia nîûntû inya nî yaumaga kîrî we na îkabooria bonthe.
Kûgwîrua na kwithîkîîra
(Mat 5.1-12)
20Jesû araraithîria aritwa baawe na arauga,
“Kûgwîrua nî kweenu buî bûrî nkîa,
nîkwîthîrwa Ûnene bwa Mûrungu nî bweenu.
21Kûgwîrua nî kweenu buî bûrî na mpara nandî,
nîkwîthîrwa bûkanyirua.
Kûgwîrua nî kweenu buî barîa bakûrîra nandî,
nîkwîthîrwa nyumeene bûkatheka.
22 #
1Pet 4.14
Kûgwîrua nî kweenu buî barîa bûthwîrwe nî antû,
na bûkaathûrwa na bûkaruumwa na bûkathûûkîrua riîtwa
nîûntû bwa Mûtaana wa Muntû.
23 #
2Ma 36.16; Maj 7.52 Ntukû îîu yakinya,
bûkagwîrua na bûkûngûîre,
nîkwîthîrwa bûrî na îtuui rîrînene îgûrû,
nîkwîthîrwa ûu nîu biûjûjû biaao biaathithîîrie iroria.
24Îndî rî, wûi kîrî buî barîa bûrî itonga,
nîkwîthîrwa nî bûthirîtie kwona kîrîa kîbûgwîragia.
25Wûi kîrî buî barîa banyiri nandî,
nîkwîthîrwa bûkarîîwa nî mpara.
26Wûi kîrî buî rîrîa antû bonthe bakabûkûmia na babûgonge,
nîkwîthîrwa o ûu nîu biûjûjû biaao biaathithîîrie iroria bia ûrongo.”
Kweenda anthû
(Mat 5.38-48; 7.12)
27“Îndî buî bûnthikîîrîte ndîbwîra: endageni anthû beenu na bûthithagîrie barîa babûthwîre mantû jameega. 28Tharimageni barîa babûrumaga na bûrombagîre barîa babûthangîkagia. 29Muntû akëeja gûkûringa rûthea, mûgarûkîrie kinya rûu rûngî. Ningî ûrîa ûgagûtûnya îgoti, mûnenkere kinya chati. 30Ejaga wonthe ûrîa ûgakûromba. Ningî ûrîa ûgagûtuunya into biaaku ûkamwîtia. 31#Mat 7.12 Thithagîrieni antû bangî ûrîa bwendaga babûthithîria.”
32“Bûkëethîrwa bwendaga barîa babwendaga rî, nî îtuui rîrîkû bûkoona? Kinya eeyia beendaga barîa babeendaga. 33Këethîra no antû barîa babûthithagîria mantû jameega bûthithagîria mantû jameega rî, nî îtuui rîrîkû bûkoona? Gûtî rîo! Tontû kinya eeyia nou bathithagia. 34Këethîra bûkoobithagia barîa bwîrîgagîîra bakoomba kûrîaa îrandû rîeenu rî, nî îtuui rîrîkû bûkoona? Kinya eeyia bakoobithagia eeyia bangî, berîgîrîte kûrîwa îrandû rîaao rîonthe. 35Îndî buî endageni anthû beenu, na bûbathithagîrie mantû jameega. Koobithanagieni bûtîkwîrîgîîra kûrîwa; rîu bûkaewa îtuui rîrînene, na ningî bûkaa ataana ba Mûrungu Ûrîa Ûrî Îgûrû buru. Nîkwîthîrwa nî aigagîîrua barîa batî ncûûne na barîa barî ngoga kîaao. 36Igagîîrueni bangî kîaao o ta ûrîa Abaagu weenu aigagîîrua antû kîaao.”
Gûtwîra antû bangî
(Mat 7.1-5)
37“Bûgátujagîra antû bangî, na Mûrungu atîbûgambithia; bûkámena bangî bûtîkeeje kûgambithua nî Mûrungu. Rekagîreeni bangî naabuî bûkarekerwa. 38Eejanageni, na kinya buî bûkaejagwa nî Mûrungu. Bûkaewa bibingî, bikinyîîri, na bikaunîkara. Nîkwîthîrwa kîthimi kîrîa bûkathimagîra bangî nakîo, nîkîo Mûrungu akabûthimagîra nakîo.”
39 #
Mat 15.14
Ningî Jesû nî aabeerîre ngerekano îîjî: “Ntumuumu yoomba gûtongeeria îngî? Bo-baîrî nîka bakaagwa îriinyeene. 40#Mat 10.24-25; Joh 13.16; 15.20 Gûtî mûritwa ûrî ûûme nkûrûki ya mûritani waawe. Îndî mûritwa ûrîa ûritani bwega buru akaraga ta mûritani waawe. 41Nîkî woonaga gatî karîa karî riitho rîa muntû ûngî, îndî gwe ûtîonaga mûgogo jûrîa jûrî riitho rîaaku? 42Nîatîa ûûmba kwîra muntû ûngî, ‘Mûcoore, reka nkûrite gatî kau karî riitho rîaaku,’ rîrîa gwe gwengwa ûtîkwona mûgogo jûrîa jûrî riitho rîaaku? Gwe mûciayia, amba ûrite mûgogo jûrîa jûrî riitho rîaaku, na ûkoona bwega nîkenda ûûmba kûrita gatî karîa karî riitho rîa muntû ûngî.”
Mûtî jûmenyekanaga kuumania na maciara jaaju
(Mat 7.16-20; 12.33-35)
43“Gûtî mûtî jûmwega jûciaraga maciara jamaaî, kana mûtî jûmûûî jûciara maciara jameega. 44#Mat 12.33 O mûtî jûmenyekanaga nîûntû bwa maciara jaaju. Nkûû itîkeethagwa mîgeene kana nzabibû ikethwa mîtonguune. 45#Mat 12.34 Muntû ûmwega aragia mantû jaameega kuuma nkoroone yaawe, na muntû ûmûûi aragia mantû jamathûûku kuuma nkoroone yaawe. Nîkwîthîrwa kanyua kaaragia mantû jarîa joojûri nkoroone.”
Mwaki ûûmûûme na mwaki kîaa
(Mat 7.24-27)
46“Nîkî bûmbîtaga ‘Mwathani, Mwathani,’ na bûtîthithagia jarîa mbwîraga? 47Ka mbwee ngerekano ya muntû ûrîa wîjaga kîrî ni, akathikîîra nteto ciaakwa, na akathithia ûrîa ikuuga. 48Akari ta muntû ûrîa waakaga nyomba. Araamba kwînja mûsingi mwanka arakinyîra iiga. Rîrîa kwaurîre na mûguû jûraringa nyomba, îtaagwîîre nîûntû nî yaaki bwega. 49Îndî muntû ûrîa ûthikagîîra nteto ciaakwa na akerega kûthithia ûrîa ikuuga, akari ta muntû ûrîa waakîre nyomba yaawe îtî na mûsingi jûmwega. Rîrîa kwaurîre na mûguû jûraringa nyomba îîu, nî yaagwîre ntûti na îramomokanga.”
Aktualisht i përzgjedhur:
Luk 6: KIMERUBIBLE
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
KIMERU BIBLE WITH DC
©Bible Society of Kenya, 2009, 218
Luk 6
6
Kîûria kîegiî ntukû ya sabatû
(Mat 12.1-8; Mar 2.23-28)
1 #
Kûr 23.25
Ntukû îmwe ya sabatû Jesû na aritwa baawe nî baakûrûkîrîîte miuundeene ya nkano. Aritwa baawe barauna nkano na baraambîrîria gwikitha bakîrîjaga. 2Afarisayo bamwe barabooria atîrî, “Nîmbi îgûtûma bûthithia ûntû bûrîa Waatho buugîîte bûkáthithua ntukû ya sabatû?” 3#1Sam 21.1-6 Jesû arabooria, “Ka bûtathoma ûrîa Daudi na antû barîa aarî nabo baathithîrie rîrîa baarî na mpara? 4#Ala 24.9 Nî aakûrûkîre kîûrûûne arajûkia mîgaate îrîa yaathûrîri Mûrungu ararîa, na ararûmia barîa aarî nabo, kinya këethîra Waatho bwetîkîîrîtie athînjîri-Mûrungu bonka barîa mîgaate îîu.” 5Tontû bûû, arabeera atîrî, “Mûtaana wa Muntû nîwe Mwathi wa sabatû.”
Jesû kworia muntû woonji njara
(Mat 12.9-14; Mar 3.1-6)
6Ntukû îngî ya sabatû, Jesû nî aakûrûkîre kîromberoone na araritana. Kûu nî kwaarî na muntû woonji njara ya ûrîo. 7Aritani ba Waatho na Afarisayo nî baategeete boona këethîra akooria muntû ûu ntukû ya sabatû, nîkenda boona ûntû bwa kûmûthitanga nabu. 8Îndî Jesû akûmenya ûrîa beendaga, areera muntû ûu atîrî, “Njû aja.” Muntû ûu arookîîra na ararûngama mbere yaawe. 9Rîu Jesû arabeera, “Ndîbûûria atîrî, Waatho nî bwîtîkîîrîtie muntû aathithia ûntû bûbwega kana bûbûûî ntukû ya sabatû? Nî bwega kwonokia ûtûûro bwa muntû kana kûrekana nawe akua?” 10Akûraithîîria bonthe barîa baarî ku, areera muntû ûu atîrî, “Tambûrûkia njara îîu yaaku.” Aratambûrûkia njara, na îrabua. 11Îndî Afarisayo na aritani ba Waatho baraigua marûrû, na baraireba ûrîa bakathithîria Jesû.
Jesû kûthuura atûmwa îkûmi na baîrî
(Mat 10.1-4; Mar 3.13-19)
12Îgiita rîu Jesû araitia kîrîmeene kûromba, na araraara kûromba Mûrungu ûtukû bunthe. 13Gûgûkea rûûnene, areeta aritwa baawe na arathuura kuuma kîrî bo antû îkûmi na baîrî barîa eetîre atûmwa. 14Nabo nî: Simioni ûrîa eetîre Peterû na Anderea mûtaana wa ng'ina, na Jakubu na Johana, na Filipû na Batholomeo, 15na Mathayo na Toma, na Jakubu mûtaana wa Alifayo na Simioni ûrîa weetagwa Zilote, 16na Judasi mûtaana wa Jakubu na Judasi Iskarioti, ûrîa waakunyanîîre Jesû.
Jesû kûritana na kworia antû babaingî
(Mat 4.23-25)
17Jesû areenamania nabo kuuma kîrîmeene ararûngama antû arîa kwang'ananîrîtie. Antû au nî kwaarî na aritwa baawe babaingî. Ningî nî kwaarî na ntundu înene ya antû kuuma nthîgûrû ya Judea yonthe, na kuuma Jerusalemu na ba kuuma mpwîroone cia Tiro na Sidoni. Antû bau bonthe beetîte kûthikîîra ûritani bwa Jesû na boorua mîrimo yaao. 18Kinya barîa baathangîkagua nî roho inthûûku nî baarî o na baroorua. 19Antû bau bonthe nî baageragia kûmûringithia nîûntû inya nî yaumaga kîrî we na îkabooria bonthe.
Kûgwîrua na kwithîkîîra
(Mat 5.1-12)
20Jesû araraithîria aritwa baawe na arauga,
“Kûgwîrua nî kweenu buî bûrî nkîa,
nîkwîthîrwa Ûnene bwa Mûrungu nî bweenu.
21Kûgwîrua nî kweenu buî bûrî na mpara nandî,
nîkwîthîrwa bûkanyirua.
Kûgwîrua nî kweenu buî barîa bakûrîra nandî,
nîkwîthîrwa nyumeene bûkatheka.
22 #
1Pet 4.14
Kûgwîrua nî kweenu buî barîa bûthwîrwe nî antû,
na bûkaathûrwa na bûkaruumwa na bûkathûûkîrua riîtwa
nîûntû bwa Mûtaana wa Muntû.
23 #
2Ma 36.16; Maj 7.52 Ntukû îîu yakinya,
bûkagwîrua na bûkûngûîre,
nîkwîthîrwa bûrî na îtuui rîrînene îgûrû,
nîkwîthîrwa ûu nîu biûjûjû biaao biaathithîîrie iroria.
24Îndî rî, wûi kîrî buî barîa bûrî itonga,
nîkwîthîrwa nî bûthirîtie kwona kîrîa kîbûgwîragia.
25Wûi kîrî buî barîa banyiri nandî,
nîkwîthîrwa bûkarîîwa nî mpara.
26Wûi kîrî buî rîrîa antû bonthe bakabûkûmia na babûgonge,
nîkwîthîrwa o ûu nîu biûjûjû biaao biaathithîîrie iroria bia ûrongo.”
Kweenda anthû
(Mat 5.38-48; 7.12)
27“Îndî buî bûnthikîîrîte ndîbwîra: endageni anthû beenu na bûthithagîrie barîa babûthwîre mantû jameega. 28Tharimageni barîa babûrumaga na bûrombagîre barîa babûthangîkagia. 29Muntû akëeja gûkûringa rûthea, mûgarûkîrie kinya rûu rûngî. Ningî ûrîa ûgagûtûnya îgoti, mûnenkere kinya chati. 30Ejaga wonthe ûrîa ûgakûromba. Ningî ûrîa ûgagûtuunya into biaaku ûkamwîtia. 31#Mat 7.12 Thithagîrieni antû bangî ûrîa bwendaga babûthithîria.”
32“Bûkëethîrwa bwendaga barîa babwendaga rî, nî îtuui rîrîkû bûkoona? Kinya eeyia beendaga barîa babeendaga. 33Këethîra no antû barîa babûthithagîria mantû jameega bûthithagîria mantû jameega rî, nî îtuui rîrîkû bûkoona? Gûtî rîo! Tontû kinya eeyia nou bathithagia. 34Këethîra bûkoobithagia barîa bwîrîgagîîra bakoomba kûrîaa îrandû rîeenu rî, nî îtuui rîrîkû bûkoona? Kinya eeyia bakoobithagia eeyia bangî, berîgîrîte kûrîwa îrandû rîaao rîonthe. 35Îndî buî endageni anthû beenu, na bûbathithagîrie mantû jameega. Koobithanagieni bûtîkwîrîgîîra kûrîwa; rîu bûkaewa îtuui rîrînene, na ningî bûkaa ataana ba Mûrungu Ûrîa Ûrî Îgûrû buru. Nîkwîthîrwa nî aigagîîrua barîa batî ncûûne na barîa barî ngoga kîaao. 36Igagîîrueni bangî kîaao o ta ûrîa Abaagu weenu aigagîîrua antû kîaao.”
Gûtwîra antû bangî
(Mat 7.1-5)
37“Bûgátujagîra antû bangî, na Mûrungu atîbûgambithia; bûkámena bangî bûtîkeeje kûgambithua nî Mûrungu. Rekagîreeni bangî naabuî bûkarekerwa. 38Eejanageni, na kinya buî bûkaejagwa nî Mûrungu. Bûkaewa bibingî, bikinyîîri, na bikaunîkara. Nîkwîthîrwa kîthimi kîrîa bûkathimagîra bangî nakîo, nîkîo Mûrungu akabûthimagîra nakîo.”
39 #
Mat 15.14
Ningî Jesû nî aabeerîre ngerekano îîjî: “Ntumuumu yoomba gûtongeeria îngî? Bo-baîrî nîka bakaagwa îriinyeene. 40#Mat 10.24-25; Joh 13.16; 15.20 Gûtî mûritwa ûrî ûûme nkûrûki ya mûritani waawe. Îndî mûritwa ûrîa ûritani bwega buru akaraga ta mûritani waawe. 41Nîkî woonaga gatî karîa karî riitho rîa muntû ûngî, îndî gwe ûtîonaga mûgogo jûrîa jûrî riitho rîaaku? 42Nîatîa ûûmba kwîra muntû ûngî, ‘Mûcoore, reka nkûrite gatî kau karî riitho rîaaku,’ rîrîa gwe gwengwa ûtîkwona mûgogo jûrîa jûrî riitho rîaaku? Gwe mûciayia, amba ûrite mûgogo jûrîa jûrî riitho rîaaku, na ûkoona bwega nîkenda ûûmba kûrita gatî karîa karî riitho rîa muntû ûngî.”
Mûtî jûmenyekanaga kuumania na maciara jaaju
(Mat 7.16-20; 12.33-35)
43“Gûtî mûtî jûmwega jûciaraga maciara jamaaî, kana mûtî jûmûûî jûciara maciara jameega. 44#Mat 12.33 O mûtî jûmenyekanaga nîûntû bwa maciara jaaju. Nkûû itîkeethagwa mîgeene kana nzabibû ikethwa mîtonguune. 45#Mat 12.34 Muntû ûmwega aragia mantû jaameega kuuma nkoroone yaawe, na muntû ûmûûi aragia mantû jamathûûku kuuma nkoroone yaawe. Nîkwîthîrwa kanyua kaaragia mantû jarîa joojûri nkoroone.”
Mwaki ûûmûûme na mwaki kîaa
(Mat 7.24-27)
46“Nîkî bûmbîtaga ‘Mwathani, Mwathani,’ na bûtîthithagia jarîa mbwîraga? 47Ka mbwee ngerekano ya muntû ûrîa wîjaga kîrî ni, akathikîîra nteto ciaakwa, na akathithia ûrîa ikuuga. 48Akari ta muntû ûrîa waakaga nyomba. Araamba kwînja mûsingi mwanka arakinyîra iiga. Rîrîa kwaurîre na mûguû jûraringa nyomba, îtaagwîîre nîûntû nî yaaki bwega. 49Îndî muntû ûrîa ûthikagîîra nteto ciaakwa na akerega kûthithia ûrîa ikuuga, akari ta muntû ûrîa waakîre nyomba yaawe îtî na mûsingi jûmwega. Rîrîa kwaurîre na mûguû jûraringa nyomba îîu, nî yaagwîre ntûti na îramomokanga.”
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
KIMERU BIBLE WITH DC
©Bible Society of Kenya, 2009, 218