लूका 24
24
यीशु मूँऐंदै न ज़िन्दै होआ सी
1हफ्तै रै पैहलै ध्याड़ै दोथी-दोतियै ते बेटड़ी ज़ुणियै शोभली बासा आई चीज़ा त्यार केरी ती ते तिन्हां चीज़ा लेइया कब्रा हागै आई। 2तिन्हैं हेरू कि ज़ुणी पात्थरा सैंघै कब्रा रा द्वार बन्द केरू ती सौ एकी धिराबै लुढ़कुदा ती। 3होर आँध्रै जाईया, तिन्हां बै यीशु री लाश नी मिली। 4ते सोच़दी लागी कि यीशु री लाशा बै कि हुआ होला? तैबै तौखै एकदम च़मकदै झिकड़ै आल़ै दुई मर्द खड़ै हुऐ। 5ते बेटड़ी डौरी, होर ज़मीना धिरै टुँबड़ी मुँडी केरिया खड़ी रौही। तिन्हैं तिन्हां बेटड़ी बै बोलू, “तुसै ज़िन्दै बै मूँऐंदै न किबै तोपदी लागीदी सी? 6ते औखै नी ऑथि ते ज़िन्दै हुऐदै सी। याद केरा ज़ैबै ते गलीला न ती, तिन्हैं तुसाबै कि बोलू ती।” 7ऐ ज़रूरी सा, कि हांऊँ मांहणु रा बेटा पापी रै हौथै ढौकिणा, होर तिन्हां सौ क्रूसा पैंधै च़ढाणा, पर तेई त्रीज़ै ध्याड़ी मूँऐंदै न ज़िन्दै होंणा। 8तैबै तिन्हां बै ते सैभ गैला याद आई, 9तैबै ते कब्रा हागै न वापस आई होर तिन्हैं ऐ सैभ गैला ग्यारा च़ेले बै, होर सैभी बै दसी। 10ज़ुणी बेटड़ियै प्रेरिता बै ऐ गैला दसी, ते मरियम मगदलीनी, योअन्ना, याकूबै री आमा मरियम होर तिन्हां सैंघै होरा बेटड़ी भी ती। 11पर च़ेले बै तिन्हरी गैला बेकार कथा सांही लागी। तिन्हैं तिन्हरी गैला रा बशाह नी केरू। 12पर ऐ गैला शुणिया पतरस खड़ा हुआ होर ठोर देईया कब्रा पैंधै पुज़ू होर टुँबड़ै होईया तौखै झिकड़ै केल्ही हेरै होर ज़ो हुआ ती हैरान होईया आपणै घौरा बै नौठा।
इम्माऊसै री बौता न यीशु रा प्रगट होंणा
13तेई ध्याड़ै यीशु रै दुई च़ेले इम्माऊस नाँ रै ग्राँ बै जाँदै लागै ती, ज़ो यरूश्लेम शैहरा न सौत मीलै री दुरी पैंधै ती। 14ते इन्हां सब गैला बै ज़ो हुईदी ती गैल बात केरदै-केरदै ज़ाँदै लागै ती। 15ज़ैबै ते आपु न गैल बात होर पुछ-ताछ केरदै लागै ती तैबै यीशु तौखै प्रगट हुऐ होर तिन्हां सैंघै औंढदै लागै। 16पर परमेश्वरै ज़ो यीशु बै मैना ती तिन्हरी औछ़ी ऐण्ढी बँद केरी कि ते यीशु बै नी पछ़ियाणी सकै। 17यीशुऐ तिन्हां बै बोलू, “मुँभै लागा सा कि तुसै कोई गैहरी गप्पा रा विच़ार केरदै लागैदै सी, ते उदास होईया च़ुपच़ाप खड़ै रौहै।” 18तिन्हां न कलियुपास नाँ रै मांहणुऐ बोलू, “शायद तुसै पैहलै मांहणु सी ज़ुणिबै यरूश्लेम शैहरा री ऐसा घटनै रै बारै न पता नी ऑथि।” 19यीशुऐ तिन्हां बै बोलू, “कुणा गैला?” तैबै तिन्हैं बोलू, “ऐ गैला यीशु नासरी रै बारै न सी। ज़ो परमेश्वर होर सैभ मांहणु री नज़री न होर कोमा होर वचना न सामर्थी भविष्यवाणी केरनु आल़ा ती। 20होर मुख्यपुरोहिते होर आसरै अधिकारियै यीशु पकड़वाऊ, कि तेई पैंधै मौऊती रा हुक्म धिनु लोड़ी, हो सौ क्रूसा पैंधै च़ढ़ाऊ। 21आसाबै आश ती, कि ते मसीहा सी होर इस्राऐली बै रोमियो न आज़ाद करांदै आऐ सी, इन्हां गैला बै बितिया औज़ त्रा ध्याड़ै हुऐ। 22औज़ दोथी आसरी मण्डली री किछ़ बेटड़ी ज़ैबै कब्रा हागै पुजी ता तिन्हैं एक नोखी गैल हेरी, ज़ुण तिन्हैं एज़िया आसाबै दसी। 23तिन्हैं बेटड़ियै बोलू कि यीशु री लाश कब्रा न नी ऑथि, होर तिन्हैं स्वर्गदुत भाल़ै, तिन्हैं स्वर्गदूतै बेटड़ी बै बोलू यीशु ज़िन्दै हुऐदै सी। 24तैबै आसरै कई सैंघी ठोर देईया कब्रा हागै नौठै, होर ज़ैण्ढा तिन्हैं बेटड़ियै बोलू ती, तैण्ढाऐ तिन्हैं हेरू।” 25तैबै यीशुऐ तिन्हां दुई च़ेले बै बोलू, “तुसै केतरै मूर्ख मांहणु सी, ज़ुणा गैला भविष्यवाणी केरनु आल़ै लिखी सी तिन्हां पैंधै बशाह केरना तुसाबै केतरा मुश्किल हुआ! 26तुसै नी पौढ़ू कि मसीह रा दु:ख सौहणा होर आपणी महीमा न स्वर्गा बै ज़ाणा ज़रूरी ती।” 27तैबै यीशुऐ मूसा न लेइया सारै भविष्यवाणी केरनु आल़ै न शुरू केरिया होर आपणै बारै न ज़ो पवित्र शास्त्रा न लिखु ती समझाऊ।
28ज़ैबै ते तेई ग्राँ न पुजै ज़ौखै तिन्हां ज़ाणा ती, पर यीशुऐ तिन्हां सैंघै ऐण्ढा व्यवाहर केरू ज़ैण्ढै कि तिन्हां आगै ज़ाणा ती। 29पर तिन्हैं यीशु बै बोलू, कि “औज़ औखै रौहा किबैकि ध्याड़ा ओउड़ू सा होर सौंझ़ हुई सा।” तैबै यीशु तिन्हां सैंघै भितरै नौठै। 30ज़ैबै ते रोटी खाँदी बेठै ता यीशुऐ रोटी हौथा न लेइया परमेश्वरा रा धन्यवाद केरू होर रोटी चोड़िया तिन्हां बै धिनी। 31तैबै च़ानक तिन्हरी औछ़ी खुली होर तिन्हैं यीशु पछ़ियाणै, पर ते तिन्हरी नज़री न राहुऐ। 32तैबै ते आपु न बोलदै लागै, “ज़ैबै यीशु आसाबै बौता न पवित्र शास्त्रा री गैला समझाँदै लागै ती, तैबै आसरै मना न उतेजना पैदा किबै नी हुई?” 33तैबै ते तुरन्त उठिया वापस यरूश्लेम शैहरा बै च़ौलै होर तौखै तिन्हां बै ग्यारा च़ेले होर तिन्हरै सैंघी कठै मिलै। 34ते बोलदै लागै, “यीशु सच़िऐ ज़िन्दै हुऐदै सी होर शमौन पतरसा बै हेरूऐ।” 35तैबै तिन्हैं बौता न ज़ो किछ़ तिन्हां सैंघै हुआ ती ते सैभ गैला च़ेले बै दसी, होर बोलू कि ज़ैबै तिन्हैं रोटी च़ोड़ी ता कैण्ढै तिन्हैं यीशु पछ़ियाणै।
यीशु च़ेले न हेरिया सी
36ते इन्हां गैला बै केरदै लागै ती, कि यीशु तिन्हां मौंझ़ै एज़िया खड़ै हुऐ, होर तिन्हां बै बोलू, “तुसाबै शान्ति मिलै।” 37ते घबराऐ होर डौरै तिन्हैं बुझू ऐ ता कोई भूत सा। 38तैबै यीशुऐ तिन्हां बै बोलू, “तुसै किबै घबरा सी होर तुसरै मना न किबै शक सा। 39मेरै हौथा-ज़ोंघा बै हेरा हांऊँ कोई भूत नी ऑथि, मुँभै छ़ुँगिया हेरा किबैकि भूतै रै हाड-मांस नी होंदा, ज़ैण्ढा तुसै मूँ न हेरा सी।”
40ऐ बोलिया यीशुऐ आपणै हौथ-ज़ोंघा रिहाऐ। 41च़ेले बोहू ज़ादा खुश ती होर हैरान ती तिन्हां बै बशाह नी ती होंदा लागा कि प्रभु यीशु ज़िन्दै हुऐ सी, तैबै प्रभु यीशुऐ तिन्हां बै बोलू, “तुसा हागै खाँणै बै किछ़ सा?” 42तिन्हैं प्रभु यीशु बै भुनूईंदी मैच्छ़ी रा एक टुकड़ा धिना। 43यीशुऐ सौ मैच्छ़ी रा टुकड़ा च़ेले सामनै खाऊ, ज़ैबै सौ हेरदै लागै ती। 44यीशुऐ बोलू, “ज़ैबै हांऊँ तुसा सैंघै ती तैबै मैं तुसाबै बोलू ती, कि मूसा होर भविष्यवाणी केरनु आल़ा मूसै रै बिधाना न होर भजन संहिता न ज़ो किछ़ मेरै बारै न लिखू सा ते सारी गैला सच़ी हौंणी।” 45तैबै प्रभु यीशुऐ पवित्र शास्त्र समझणै री तैंईंयैं तिन्हरी मज़त केरी। 46होर तिन्हां सैंघै बोलू, “ऐ गैला बोहू पैहलै पवित्र शास्त्रा न लिखीदी सा कि मसीह दु:ख सौहणा, होर त्रीज़ै ध्याड़ी मूँऐंदै न ज़िन्दै होंणा। 47यरूश्लेम शैहरा न शुरू केरिया सारी ज़ाति न मन बदला होर पापै री माफी रा प्रचार, तेही रै नाँ न केरिना। 48तुसै इन्हां सैभी गैला रै गुआह सी। 49ऐबै ज़ुण प्रतिज्ञा परमेश्वरै मुँभै धिना सा सौ मूँ तुसा सैंघै पूरा केरनी कि ज़ैबै तैंईंयैं स्वर्गा न शक्ति तुसा पैंधै नी उतरली ताँ तैंईंयैं तुसै यरूश्लेम शैहरा छ़ौड़िआ बाहरै मतेइत् ज़ाँदै।”
प्रभु यीशु स्वर्गा बै ज़ा सी
50तैबै प्रभु यीशुऐ ते बैतनिय्याह ग्राँ न बाहरै नेऐ। होर आपणै हौथ च़किया तिन्हां सैभी बै आशीष धिनी। 51तिन्हां बै आशीष देंदै-देंदै प्रभु यीशु तिन्हां न अलग हुऐ, होर स्वर्गा बै च़कुऐ। 52च़ेले प्रभु यीशु री आराधना केरिया यरूश्लेम शैहरा बै वापस आऐ। 53ते लगातार परमेश्वरै री जय-जयकार केरदै रौहै होर आपणा सारा बौक्त मन्दिरा न गुज़ारदै लागै।
Aktualisht i përzgjedhur:
लूका 24: KFX-NT
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
This work is licensed under Creative Commons Attribution-ShareAlike 4.0 License.
लूका 24
24
यीशु मूँऐंदै न ज़िन्दै होआ सी
1हफ्तै रै पैहलै ध्याड़ै दोथी-दोतियै ते बेटड़ी ज़ुणियै शोभली बासा आई चीज़ा त्यार केरी ती ते तिन्हां चीज़ा लेइया कब्रा हागै आई। 2तिन्हैं हेरू कि ज़ुणी पात्थरा सैंघै कब्रा रा द्वार बन्द केरू ती सौ एकी धिराबै लुढ़कुदा ती। 3होर आँध्रै जाईया, तिन्हां बै यीशु री लाश नी मिली। 4ते सोच़दी लागी कि यीशु री लाशा बै कि हुआ होला? तैबै तौखै एकदम च़मकदै झिकड़ै आल़ै दुई मर्द खड़ै हुऐ। 5ते बेटड़ी डौरी, होर ज़मीना धिरै टुँबड़ी मुँडी केरिया खड़ी रौही। तिन्हैं तिन्हां बेटड़ी बै बोलू, “तुसै ज़िन्दै बै मूँऐंदै न किबै तोपदी लागीदी सी? 6ते औखै नी ऑथि ते ज़िन्दै हुऐदै सी। याद केरा ज़ैबै ते गलीला न ती, तिन्हैं तुसाबै कि बोलू ती।” 7ऐ ज़रूरी सा, कि हांऊँ मांहणु रा बेटा पापी रै हौथै ढौकिणा, होर तिन्हां सौ क्रूसा पैंधै च़ढाणा, पर तेई त्रीज़ै ध्याड़ी मूँऐंदै न ज़िन्दै होंणा। 8तैबै तिन्हां बै ते सैभ गैला याद आई, 9तैबै ते कब्रा हागै न वापस आई होर तिन्हैं ऐ सैभ गैला ग्यारा च़ेले बै, होर सैभी बै दसी। 10ज़ुणी बेटड़ियै प्रेरिता बै ऐ गैला दसी, ते मरियम मगदलीनी, योअन्ना, याकूबै री आमा मरियम होर तिन्हां सैंघै होरा बेटड़ी भी ती। 11पर च़ेले बै तिन्हरी गैला बेकार कथा सांही लागी। तिन्हैं तिन्हरी गैला रा बशाह नी केरू। 12पर ऐ गैला शुणिया पतरस खड़ा हुआ होर ठोर देईया कब्रा पैंधै पुज़ू होर टुँबड़ै होईया तौखै झिकड़ै केल्ही हेरै होर ज़ो हुआ ती हैरान होईया आपणै घौरा बै नौठा।
इम्माऊसै री बौता न यीशु रा प्रगट होंणा
13तेई ध्याड़ै यीशु रै दुई च़ेले इम्माऊस नाँ रै ग्राँ बै जाँदै लागै ती, ज़ो यरूश्लेम शैहरा न सौत मीलै री दुरी पैंधै ती। 14ते इन्हां सब गैला बै ज़ो हुईदी ती गैल बात केरदै-केरदै ज़ाँदै लागै ती। 15ज़ैबै ते आपु न गैल बात होर पुछ-ताछ केरदै लागै ती तैबै यीशु तौखै प्रगट हुऐ होर तिन्हां सैंघै औंढदै लागै। 16पर परमेश्वरै ज़ो यीशु बै मैना ती तिन्हरी औछ़ी ऐण्ढी बँद केरी कि ते यीशु बै नी पछ़ियाणी सकै। 17यीशुऐ तिन्हां बै बोलू, “मुँभै लागा सा कि तुसै कोई गैहरी गप्पा रा विच़ार केरदै लागैदै सी, ते उदास होईया च़ुपच़ाप खड़ै रौहै।” 18तिन्हां न कलियुपास नाँ रै मांहणुऐ बोलू, “शायद तुसै पैहलै मांहणु सी ज़ुणिबै यरूश्लेम शैहरा री ऐसा घटनै रै बारै न पता नी ऑथि।” 19यीशुऐ तिन्हां बै बोलू, “कुणा गैला?” तैबै तिन्हैं बोलू, “ऐ गैला यीशु नासरी रै बारै न सी। ज़ो परमेश्वर होर सैभ मांहणु री नज़री न होर कोमा होर वचना न सामर्थी भविष्यवाणी केरनु आल़ा ती। 20होर मुख्यपुरोहिते होर आसरै अधिकारियै यीशु पकड़वाऊ, कि तेई पैंधै मौऊती रा हुक्म धिनु लोड़ी, हो सौ क्रूसा पैंधै च़ढ़ाऊ। 21आसाबै आश ती, कि ते मसीहा सी होर इस्राऐली बै रोमियो न आज़ाद करांदै आऐ सी, इन्हां गैला बै बितिया औज़ त्रा ध्याड़ै हुऐ। 22औज़ दोथी आसरी मण्डली री किछ़ बेटड़ी ज़ैबै कब्रा हागै पुजी ता तिन्हैं एक नोखी गैल हेरी, ज़ुण तिन्हैं एज़िया आसाबै दसी। 23तिन्हैं बेटड़ियै बोलू कि यीशु री लाश कब्रा न नी ऑथि, होर तिन्हैं स्वर्गदुत भाल़ै, तिन्हैं स्वर्गदूतै बेटड़ी बै बोलू यीशु ज़िन्दै हुऐदै सी। 24तैबै आसरै कई सैंघी ठोर देईया कब्रा हागै नौठै, होर ज़ैण्ढा तिन्हैं बेटड़ियै बोलू ती, तैण्ढाऐ तिन्हैं हेरू।” 25तैबै यीशुऐ तिन्हां दुई च़ेले बै बोलू, “तुसै केतरै मूर्ख मांहणु सी, ज़ुणा गैला भविष्यवाणी केरनु आल़ै लिखी सी तिन्हां पैंधै बशाह केरना तुसाबै केतरा मुश्किल हुआ! 26तुसै नी पौढ़ू कि मसीह रा दु:ख सौहणा होर आपणी महीमा न स्वर्गा बै ज़ाणा ज़रूरी ती।” 27तैबै यीशुऐ मूसा न लेइया सारै भविष्यवाणी केरनु आल़ै न शुरू केरिया होर आपणै बारै न ज़ो पवित्र शास्त्रा न लिखु ती समझाऊ।
28ज़ैबै ते तेई ग्राँ न पुजै ज़ौखै तिन्हां ज़ाणा ती, पर यीशुऐ तिन्हां सैंघै ऐण्ढा व्यवाहर केरू ज़ैण्ढै कि तिन्हां आगै ज़ाणा ती। 29पर तिन्हैं यीशु बै बोलू, कि “औज़ औखै रौहा किबैकि ध्याड़ा ओउड़ू सा होर सौंझ़ हुई सा।” तैबै यीशु तिन्हां सैंघै भितरै नौठै। 30ज़ैबै ते रोटी खाँदी बेठै ता यीशुऐ रोटी हौथा न लेइया परमेश्वरा रा धन्यवाद केरू होर रोटी चोड़िया तिन्हां बै धिनी। 31तैबै च़ानक तिन्हरी औछ़ी खुली होर तिन्हैं यीशु पछ़ियाणै, पर ते तिन्हरी नज़री न राहुऐ। 32तैबै ते आपु न बोलदै लागै, “ज़ैबै यीशु आसाबै बौता न पवित्र शास्त्रा री गैला समझाँदै लागै ती, तैबै आसरै मना न उतेजना पैदा किबै नी हुई?” 33तैबै ते तुरन्त उठिया वापस यरूश्लेम शैहरा बै च़ौलै होर तौखै तिन्हां बै ग्यारा च़ेले होर तिन्हरै सैंघी कठै मिलै। 34ते बोलदै लागै, “यीशु सच़िऐ ज़िन्दै हुऐदै सी होर शमौन पतरसा बै हेरूऐ।” 35तैबै तिन्हैं बौता न ज़ो किछ़ तिन्हां सैंघै हुआ ती ते सैभ गैला च़ेले बै दसी, होर बोलू कि ज़ैबै तिन्हैं रोटी च़ोड़ी ता कैण्ढै तिन्हैं यीशु पछ़ियाणै।
यीशु च़ेले न हेरिया सी
36ते इन्हां गैला बै केरदै लागै ती, कि यीशु तिन्हां मौंझ़ै एज़िया खड़ै हुऐ, होर तिन्हां बै बोलू, “तुसाबै शान्ति मिलै।” 37ते घबराऐ होर डौरै तिन्हैं बुझू ऐ ता कोई भूत सा। 38तैबै यीशुऐ तिन्हां बै बोलू, “तुसै किबै घबरा सी होर तुसरै मना न किबै शक सा। 39मेरै हौथा-ज़ोंघा बै हेरा हांऊँ कोई भूत नी ऑथि, मुँभै छ़ुँगिया हेरा किबैकि भूतै रै हाड-मांस नी होंदा, ज़ैण्ढा तुसै मूँ न हेरा सी।”
40ऐ बोलिया यीशुऐ आपणै हौथ-ज़ोंघा रिहाऐ। 41च़ेले बोहू ज़ादा खुश ती होर हैरान ती तिन्हां बै बशाह नी ती होंदा लागा कि प्रभु यीशु ज़िन्दै हुऐ सी, तैबै प्रभु यीशुऐ तिन्हां बै बोलू, “तुसा हागै खाँणै बै किछ़ सा?” 42तिन्हैं प्रभु यीशु बै भुनूईंदी मैच्छ़ी रा एक टुकड़ा धिना। 43यीशुऐ सौ मैच्छ़ी रा टुकड़ा च़ेले सामनै खाऊ, ज़ैबै सौ हेरदै लागै ती। 44यीशुऐ बोलू, “ज़ैबै हांऊँ तुसा सैंघै ती तैबै मैं तुसाबै बोलू ती, कि मूसा होर भविष्यवाणी केरनु आल़ा मूसै रै बिधाना न होर भजन संहिता न ज़ो किछ़ मेरै बारै न लिखू सा ते सारी गैला सच़ी हौंणी।” 45तैबै प्रभु यीशुऐ पवित्र शास्त्र समझणै री तैंईंयैं तिन्हरी मज़त केरी। 46होर तिन्हां सैंघै बोलू, “ऐ गैला बोहू पैहलै पवित्र शास्त्रा न लिखीदी सा कि मसीह दु:ख सौहणा, होर त्रीज़ै ध्याड़ी मूँऐंदै न ज़िन्दै होंणा। 47यरूश्लेम शैहरा न शुरू केरिया सारी ज़ाति न मन बदला होर पापै री माफी रा प्रचार, तेही रै नाँ न केरिना। 48तुसै इन्हां सैभी गैला रै गुआह सी। 49ऐबै ज़ुण प्रतिज्ञा परमेश्वरै मुँभै धिना सा सौ मूँ तुसा सैंघै पूरा केरनी कि ज़ैबै तैंईंयैं स्वर्गा न शक्ति तुसा पैंधै नी उतरली ताँ तैंईंयैं तुसै यरूश्लेम शैहरा छ़ौड़िआ बाहरै मतेइत् ज़ाँदै।”
प्रभु यीशु स्वर्गा बै ज़ा सी
50तैबै प्रभु यीशुऐ ते बैतनिय्याह ग्राँ न बाहरै नेऐ। होर आपणै हौथ च़किया तिन्हां सैभी बै आशीष धिनी। 51तिन्हां बै आशीष देंदै-देंदै प्रभु यीशु तिन्हां न अलग हुऐ, होर स्वर्गा बै च़कुऐ। 52च़ेले प्रभु यीशु री आराधना केरिया यरूश्लेम शैहरा बै वापस आऐ। 53ते लगातार परमेश्वरै री जय-जयकार केरदै रौहै होर आपणा सारा बौक्त मन्दिरा न गुज़ारदै लागै।
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
This work is licensed under Creative Commons Attribution-ShareAlike 4.0 License.