Matayo 9
9
Nndumi Yesu ashiisa nndu muumu malungony
(Mar 2:1-2; Luk 5:17-26)
1Nalyo kasaama neefo ngalaveny karuuka yeeve ilya katana afika kulya muriny kwakwe muni. 2Nalyo akakau nndu akee kitongororo malungo vakamweende eeriwa na kitara. Na Yesu kalollya kikusiryo kyawo, kavia nndu ulya muumu malungo, “Wuiyo mmuu mwana-kwa, kwambutwa ulyamari lwafo!” 3Nalyo akakava velosha mavavaso vaiyoo maata verera efo nriminy wawo veshaambaa, “Yeu mmbo anruma Iruva.” 4Yesu kamanya makusaro awo kaamba, “Naambo ki elyi mwakusara ukasha efo miriminy yaany? 5A kyaangu yaamba-u nkingakyi? Ndesa ni yaamba, ‘Kwambutwa ulyamari lwafo ao ni yaamba, kwiipo kweenda?’ 6Manyiny-te Mwana yeto wa nndu mmbo atiri ushilyi kunu urukeny lwa yuuta vandu ulyamari, naasa kavia kitongororo kilya, ‘Salala ipoo kitara kyafo kukweengye kyeny.’ ” 7Nawe kakwiipo kakweengya kyeny. 8Naasa mamwiingyi ulya wa vandu vekilollya kive indo, vakatirwa mbwerei, vakaitikisa Iruva elyi aniinga vandu ushilyi uniini indo.
Uvaango lwa Matayo
(Mar 2:13-17; Luk 5:27-32)
9Nalyo Yesu eshiraa kulya kalollya nndu akee rembo efo mmba yeededemya avaangwa ni Matayo, kammbia, “Shilatya!” Nawe kakwiipoo kallatya. 10Kikava elyi eefoo alyaa shoonga efo mmba kwa Matayo vakasha vadedemi vengyi na valyamari vakasha nau vakalya shoonga ando amwi na Yesu na yewo vakiloshyony kyakwe. 11Na Mafarisayo vekilolya indo vakavia valya vakiloshyony kyakwe, “A kyavaany inda elyi llori waany alya shoonga ando amwi na vadedemi na valyamari?” 12Nawe ekiita indo kavavia, “Nshi yewo vakee vesha vatiri isiiyo mwaanga-fo; indi ni yewo valwee. 13Kweenngye mukandekulosha kilya kikee kirere kyeyaamba, ‘Kishisenyi ni ilyillya vandu nta nshi irasyo-fo.’ Shamashika vandu shisheye ivavaanga nshi yewo va usumanu-fo ni yewo valyamari.”
Mbony ta ikootoya
(Mar 2:18-22; Luk 5:33-39)
14Nalyo valya vakiloshyony kya Yohane vakansheya vakaamba, “Yese lwava vekootoya na Mafarisayo kiwo, na yewo vakiloshyony kyafo valakootoye. A kimaruma nkyoki ndesa?” 15Na Yesu kavavia, “A vandu va walyi vashidimaa inda ikapa kiiyo meendi muni walyi asindi nawo? Indi ikaa ishe mikonu vashesokwa muni walyi; llyony vashekootoyaa. 16Nta nkwiifoo nndu afumyaa soori shikuu kirami kiiya-fo, mashika yekyo kiveiyo-u mmbo kyawuya yuuka-u na yoo kurandukye kwengere ing'ana. 17Nta mmbasurumaa mfinyo mwiiya efo mbolokony shikuu-fo, Kwakooya mmbo kyava indo mboloko yeto mmbo tiriikaa, na mfinyo upusuke. Indi mfinyo yeto mwiiya mmbo wasurumwa mbolokony shiiya nafyo fi fivii fikaa nisha.”
Mwana wa kyeny wa nshilyi na nka umwi vashiiswa
(Mar 5:21-43; Luk 8:40-56)
18Naasa eefo ereraa indo nndu nshilyi umwi kasha nau kamoolokya ng'undeny eshaambaa, “Shitiri mwana wakwa wa kyeny amfwa ulaalu indi. Indi woi mbee osho kundemwekerya woko llyo ashewuiyoo m muu.” 19Nalyo Yesu kakwiipoo kaenda aryani nawe na vakiloshyony kyakwe. 20Nalyo nndu nka alwee ndwari ya kyika ando a myaaka ikumi na ivii kasha numa yakwe kapaana ikedu lya soori yakwe ya uwe. 21Nawe mmbo arera efo nriminy wakwe, “Naakwa shapaana soori yakwe sheni nshekushiiyaa.” 22Nalyo Yesu kainduka kallollya kammbia, “Wuiyo mmuu mwana-kwa, kwammekusirya-u indo, nkyo kyakukira.” Nka ulya kashia llya yeni. 23Naasa kafika kulya kyeny kwa nshilyi ulya. Kakooya-fo vekapa fivale na vandu vengyi nkuka vakuumbye-fo vekapaa kyoorongye. 24Nawe kavavia, “Kwiipony-fo mwana yeto nshi afwa-fo mmbo alele rony.” Vakanseka. 25Naasa vandu valya vekuumbye-fo vekimaa yaantwa-fo, nawe kaanga neefo mmba kantira woko; kimwana kilya kikakwiipoo. 26Naasa mbony tilya tikakwaana kulya urukeny koose.
Vafu miso vavii vashiiswa
27Nalyo Yesu kakwiipoo keenda na mbee. Naasa vandu vafu miso vavii vakallatya numa vakaonisa unyanga veshaambaa, “Woi mwana wa Davidi lusarye ukiva lweru!” 28Naasa elyi ammaa ifika-u kaira na efo mmba. Na vafu miso vakansheya; nalyo Yesu kavavia, “A mukusirye-u sheelyi nshiidimaa itana kindo ekyi?” Vakammbia; “Ee-da Nndumi.” 29Nalyo kavapaana miso alya awo eshaambaa, “Kivemuviiyany indo, shaasa mukusirye-u.” 30Naasa miso alya awo akatarambuka. Nalyo Yesu kavavia na finya kaamba, “Manyiny kulave nndu akimanya.” 31Nawo vakakwiipoo-fo vakandekwaanisa mbony yeto efo urukeny koose.
Nndumi Yesu ashiisa nndu akee mbimbi
32Naasa elyi wo veefo vesheendaa vakasha vandu vakamweenngye nndu akee mbimbi atirwa mmumuyo nkasha. 33Mumuyo ulya nkasha ukaantwa nalyo mbimbi ilya ikawuya irera na vandu valya vakuumbye-fo vakasongololo vakaamba, “Nkundeonike nndu kunu Israeli akee shawe-fo.” 34Naasa vafarisayo vakaamba, “Ni ngaya ya yeto nniini wa mimuyo mikasha nnyo aanta nayo mimuyo mikasha-te.”
Nndumi Yesu alyillya vandu
35Na Yesu kasengetya miri yeyo miniini na yeyo midu myoose eeloshaa efo mmba tawo teeterevya na yoongoya vandu nrumi ya nsia yeyo ya umangyi na ishiisa vandu ndwari ya wo ngata na unana lwa wo ngata. 36Na elyi alollye ironda iniini lya vandu vakuumbye-fo kavavyo mmuu kyawo mashika vakee vakapekape mariinga vakee veere efo vavakye mburu tilatiri mwiisi. 37Nalyo kavia valya vakiloshyony kyakwe. “Fya yuulula mfiingyi fiifo, lyo veerundya-u vakaangwa. 38Naasa tereveny yeto muni irema narumi varundi efo mailullyony akwe.”
Aktualisht i përzgjedhur:
Matayo 9: MASNT00
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
New Testament in Kimashami © Bible Society of Tanzania, 2000.
Matayo 9
9
Nndumi Yesu ashiisa nndu muumu malungony
(Mar 2:1-2; Luk 5:17-26)
1Nalyo kasaama neefo ngalaveny karuuka yeeve ilya katana afika kulya muriny kwakwe muni. 2Nalyo akakau nndu akee kitongororo malungo vakamweende eeriwa na kitara. Na Yesu kalollya kikusiryo kyawo, kavia nndu ulya muumu malungo, “Wuiyo mmuu mwana-kwa, kwambutwa ulyamari lwafo!” 3Nalyo akakava velosha mavavaso vaiyoo maata verera efo nriminy wawo veshaambaa, “Yeu mmbo anruma Iruva.” 4Yesu kamanya makusaro awo kaamba, “Naambo ki elyi mwakusara ukasha efo miriminy yaany? 5A kyaangu yaamba-u nkingakyi? Ndesa ni yaamba, ‘Kwambutwa ulyamari lwafo ao ni yaamba, kwiipo kweenda?’ 6Manyiny-te Mwana yeto wa nndu mmbo atiri ushilyi kunu urukeny lwa yuuta vandu ulyamari, naasa kavia kitongororo kilya, ‘Salala ipoo kitara kyafo kukweengye kyeny.’ ” 7Nawe kakwiipo kakweengya kyeny. 8Naasa mamwiingyi ulya wa vandu vekilollya kive indo, vakatirwa mbwerei, vakaitikisa Iruva elyi aniinga vandu ushilyi uniini indo.
Uvaango lwa Matayo
(Mar 2:13-17; Luk 5:27-32)
9Nalyo Yesu eshiraa kulya kalollya nndu akee rembo efo mmba yeededemya avaangwa ni Matayo, kammbia, “Shilatya!” Nawe kakwiipoo kallatya. 10Kikava elyi eefoo alyaa shoonga efo mmba kwa Matayo vakasha vadedemi vengyi na valyamari vakasha nau vakalya shoonga ando amwi na Yesu na yewo vakiloshyony kyakwe. 11Na Mafarisayo vekilolya indo vakavia valya vakiloshyony kyakwe, “A kyavaany inda elyi llori waany alya shoonga ando amwi na vadedemi na valyamari?” 12Nawe ekiita indo kavavia, “Nshi yewo vakee vesha vatiri isiiyo mwaanga-fo; indi ni yewo valwee. 13Kweenngye mukandekulosha kilya kikee kirere kyeyaamba, ‘Kishisenyi ni ilyillya vandu nta nshi irasyo-fo.’ Shamashika vandu shisheye ivavaanga nshi yewo va usumanu-fo ni yewo valyamari.”
Mbony ta ikootoya
(Mar 2:18-22; Luk 5:33-39)
14Nalyo valya vakiloshyony kya Yohane vakansheya vakaamba, “Yese lwava vekootoya na Mafarisayo kiwo, na yewo vakiloshyony kyafo valakootoye. A kimaruma nkyoki ndesa?” 15Na Yesu kavavia, “A vandu va walyi vashidimaa inda ikapa kiiyo meendi muni walyi asindi nawo? Indi ikaa ishe mikonu vashesokwa muni walyi; llyony vashekootoyaa. 16Nta nkwiifoo nndu afumyaa soori shikuu kirami kiiya-fo, mashika yekyo kiveiyo-u mmbo kyawuya yuuka-u na yoo kurandukye kwengere ing'ana. 17Nta mmbasurumaa mfinyo mwiiya efo mbolokony shikuu-fo, Kwakooya mmbo kyava indo mboloko yeto mmbo tiriikaa, na mfinyo upusuke. Indi mfinyo yeto mwiiya mmbo wasurumwa mbolokony shiiya nafyo fi fivii fikaa nisha.”
Mwana wa kyeny wa nshilyi na nka umwi vashiiswa
(Mar 5:21-43; Luk 8:40-56)
18Naasa eefo ereraa indo nndu nshilyi umwi kasha nau kamoolokya ng'undeny eshaambaa, “Shitiri mwana wakwa wa kyeny amfwa ulaalu indi. Indi woi mbee osho kundemwekerya woko llyo ashewuiyoo m muu.” 19Nalyo Yesu kakwiipoo kaenda aryani nawe na vakiloshyony kyakwe. 20Nalyo nndu nka alwee ndwari ya kyika ando a myaaka ikumi na ivii kasha numa yakwe kapaana ikedu lya soori yakwe ya uwe. 21Nawe mmbo arera efo nriminy wakwe, “Naakwa shapaana soori yakwe sheni nshekushiiyaa.” 22Nalyo Yesu kainduka kallollya kammbia, “Wuiyo mmuu mwana-kwa, kwammekusirya-u indo, nkyo kyakukira.” Nka ulya kashia llya yeni. 23Naasa kafika kulya kyeny kwa nshilyi ulya. Kakooya-fo vekapa fivale na vandu vengyi nkuka vakuumbye-fo vekapaa kyoorongye. 24Nawe kavavia, “Kwiipony-fo mwana yeto nshi afwa-fo mmbo alele rony.” Vakanseka. 25Naasa vandu valya vekuumbye-fo vekimaa yaantwa-fo, nawe kaanga neefo mmba kantira woko; kimwana kilya kikakwiipoo. 26Naasa mbony tilya tikakwaana kulya urukeny koose.
Vafu miso vavii vashiiswa
27Nalyo Yesu kakwiipoo keenda na mbee. Naasa vandu vafu miso vavii vakallatya numa vakaonisa unyanga veshaambaa, “Woi mwana wa Davidi lusarye ukiva lweru!” 28Naasa elyi ammaa ifika-u kaira na efo mmba. Na vafu miso vakansheya; nalyo Yesu kavavia, “A mukusirye-u sheelyi nshiidimaa itana kindo ekyi?” Vakammbia; “Ee-da Nndumi.” 29Nalyo kavapaana miso alya awo eshaambaa, “Kivemuviiyany indo, shaasa mukusirye-u.” 30Naasa miso alya awo akatarambuka. Nalyo Yesu kavavia na finya kaamba, “Manyiny kulave nndu akimanya.” 31Nawo vakakwiipoo-fo vakandekwaanisa mbony yeto efo urukeny koose.
Nndumi Yesu ashiisa nndu akee mbimbi
32Naasa elyi wo veefo vesheendaa vakasha vandu vakamweenngye nndu akee mbimbi atirwa mmumuyo nkasha. 33Mumuyo ulya nkasha ukaantwa nalyo mbimbi ilya ikawuya irera na vandu valya vakuumbye-fo vakasongololo vakaamba, “Nkundeonike nndu kunu Israeli akee shawe-fo.” 34Naasa vafarisayo vakaamba, “Ni ngaya ya yeto nniini wa mimuyo mikasha nnyo aanta nayo mimuyo mikasha-te.”
Nndumi Yesu alyillya vandu
35Na Yesu kasengetya miri yeyo miniini na yeyo midu myoose eeloshaa efo mmba tawo teeterevya na yoongoya vandu nrumi ya nsia yeyo ya umangyi na ishiisa vandu ndwari ya wo ngata na unana lwa wo ngata. 36Na elyi alollye ironda iniini lya vandu vakuumbye-fo kavavyo mmuu kyawo mashika vakee vakapekape mariinga vakee veere efo vavakye mburu tilatiri mwiisi. 37Nalyo kavia valya vakiloshyony kyakwe. “Fya yuulula mfiingyi fiifo, lyo veerundya-u vakaangwa. 38Naasa tereveny yeto muni irema narumi varundi efo mailullyony akwe.”
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
New Testament in Kimashami © Bible Society of Tanzania, 2000.