Matiyə̈ 2
2
A-earə̂ kə̂ pu dju rə pâ akêkêrə̂ nə̈ ndə̂kə̂ wun Jezü
1A zɨ̈ Jezü bhâ Bêtelehêmo lə̂ gö ndə̂ Judë, lo nə̈ ndə̂ Hërôde wâtə̂ gbïɛ̈. A-earə̂ kə̂ pu dju rə pâ akêkêrə̂ tô dəsə̂nə̈ ndə̂ lo wutu tâ kə̈ wûtu bhâ Jerûzalêmo. 2Andjë yûkû nə̈ päkëdə̂: «Bechë ndə̂ a zɨ̂ tchë ndə̂kə̂ pa tche watə̂ gbïɛ̈ ndə̂ ajuîfu lâme sə̈ bhâ tchêbâ? Ârâ wün kêkêrə̂ ndə̂ yê ndə̂ âwûtu dəsə̂nə̈ ndə̂ lo wutu tâ, ânyë kə̈ nə̂ ndə̂kə̂ voga tchë.» 3Ndə̂ gbïɛ̈ Hërôde djê pö lâme, tchə̂lə̂ küma yê djîngɨli-î, tchetchë la azü gö ndə̂ Jerûzalêmo gbɛ̂. 4Tche pâla agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈, kə̈ yû andjê tə̂ tchô ndə̂ a wâ ndə̂kə̂ zɨ Krîsiti nə̈ tâ. 5Andjë tô rə̂ sə̈ tchë päkëdə̂: «Bhâ Bêtelehêmo, lə̂ gö ndə̂ Judë, bëte earə̂ ndə̂ma Ndjapä mbö rə̂ alême lə̂ mbëtï päkëdə̂:
6‹Momö ndə̂ Bêtelehêmo, gö ndə̂ Judä,
mo wâbo tə̂ yɛ̈yɛ̈ gö
lə̂ gûtə̂ agbölö agö ndə̂ Judä-a,
bëte lə̂ zə̈ kä ndə̂ ngâ gbïɛ̈ wutuadje
ndə̂kə̂ nyisə̂ köbo sə̈ Isarayële, azü ndə̂ mê#2.6 Nyë dɨ̈ Mich 5.1..›»
7Tchâme, Hërôde ê a-earə̂ kə̂ pu dju rə pâ akêkêrə̂ lə̂ küwû nə̈, kə̈ yû andjê tə̂ lo nə̈ ndə̂ kêkêrə̂ nə̈ wûtu la rə̂. 8La tchêngbâ nə̈, tche wân andjê atə̂ Bêtelehêmo, kə̈ tô rə̂ sə̈ andjê päkëdə̂: «Nyë êë, kə̂ yukû pö pâ bechë nə̈. Âdə nyë âgbo tchë nə̂, kə̂ ka kə̂ to rə̂ sə̈ mê ndə̂kə̂ pa mëmê ndjë gbɛ̂ mê e ndə̂kə̂ voga tchë.» 9La tchêngbâ pö ndə̂ gbïɛ̈ nə̈ tô rə̂ käko, andjë zâ köbo ndə̂kə̂ e etə̂. Kêkêrə̂ ndə̂ andjë wûn rə̂ dəsə̂nə̈ ndə̂ lo wutu tâ, zâ tchâtchu andjê. Ndə̂ kêkêrə̂ nə̈ wûtu sə̂ tchô ndə̂ bechë nə̈ sə̂ tâ, kə̈ krʉ̂-ê. 10Ndə̂ andjë wûn kêkêrə̂ nə̈, su andjê wâ la gbölö mômô. 11Andjë lî bhâ tchâalê nə̈, kə̈ gbô bechë nə̈ la anyï nə̈ Malê. Andjë gʉ̂te lakə̂ voga bechë nə̈. La tchêngbâ nə̈ andjë jî ma kədjâ ndə̂ andjê kə̈ wûtu la atchôtchô arə batə̂ lôlo la dukâni la yömbö ndə̂ rə̈ nə̈ wû pä mîre, kə̈ kʉ̂ rə̂ sə̈ bechë nə̈. 12La tchêngbâ nə̈, Ndjapä krâ tü andjê lə̂ lü ndə̂kə̂ pa andjë ka bata kâ pu Hërôde-ê. Käko andjë zâ ngâ köbo ngbî kə̈ gû atə̂lə̂ gö ndə̂ andjê.
A kpë la Jezü atə̂ Ejîpiti
13Pânə̈ ndə̂ a-earə̂ kə̂ pu dju rə pâ akêkêrə̂ nə̈ gû etə̂, ngâ ânje ndə̂ Gbölö Gbïɛ̈ tô rə̂ sə̈ Jozêfu lə̂ lü päkëdə̂: «Amö alafô, kə̈ zâ bechë nə̈ la anyï nə̈, kə̈ kpê la andjê atə̂ Ejîpiti. Kə̂ sə bhâye zoo mê kra tü zə̈ ânyë mo kangbâ zə̈. Bëte Hërôde puadje köbo ndə̂kə̂ won bechë nə̈.» 14Jozêfu âlafô lə̂ bütchî, kə̈ zâ bechë nə̈ la anyï nə̈, andjë kpê atə̂ Ejîpiti. 15Tche sə̂ bhâye zoo ëtə̂ lö kuzü Hërôde. Rə lâme wütu ndə̂kə̂ pa pö ndə̂ Gbölö Gbïɛ̈ tô rə̂ alême lə̂ ma earə̂ ndə̂ma Ndjapä mbo gundə̂sə̂ nə̈, pö nə̈ wä päkëdə̂: «Më ë modô ndə̂ mê ndə̂kə̂ wutu lə̂ gö ndə̂ Ejîpiti#2.15 Nyë dɨ̈ Oze 11.1..»
Hërôde zäma ndə̂kə̂ pa a won abechë
16Ndə̂ Hërôde wûnsə̂ nə̈ pä a-earə̂ kə̂ pu dju rə pâ akêkêrə̂ lâme bölo anyê bölo, su yê kʉ̂ tchë tə̂ gbölösə̂nə̈. Tche zâma ndə̂kə̂ pa a won angbelɛ̂-abechë tə̂ aköchë ndjoa ëtə̂ ngû bïchuû, lə̂ gö ndə̂ Bêtelehêmo la ayɛ̈yɛ̈ gö ndə̂ âwâ ndrotə̂ nə̈. Hërôde mbö rə nə̈ lâme gundə̂sə̂ pö ndə̂ a-earə̂ kə̂ pu dju rə pâ akêkêrə̂ nyîsə̂ nə̈ sə̈ tchë pâ lö kə̂ wutu ndə̂ kêkêrə̂ nə̈. 17Ämbö käko ndə̂kə̂ pa pö ndə̂ Jeremï earə̂ ndə̂ma Ndjapä tô rə̂ alême mbo gundə̂sə̂ nə̈, tche tö rə̂ päkëdə̂:
18«A djë ngâ wârə̂ bhâ Ramä,
azü kɨ̈ lakə̂ dɨ tchə̂lə̂ ma andjê.
Rächêle kä âkə̂ kɨ tə̂ abechë ndə̂ yê,
tche nyîâbo ndə̂kə̂ pa a ra anyê-a,
bëte abechë ndə̂ yê nə̈ kâ sə̂ bata-a#2.18 Nyë dɨ̈ Jer 31.15..»
Bha Jezü la anyï nə̈ kä la tchë atə̂ Näzärête
19Pânə̈ ndə̂ Hërôde tchû, ânje ndə̂ Gbölö Gbïɛ̈ tô pö lə̂ lü sə̈ Jozêfu bhâ Ejîpiti. 20Tche tö rə̂ sə̈ tchë päkëdə̂: «Amö alafô, kə̈ zâ bechë nə̈ la anyï nə̈, kə̈ kâ âtə̂lə̂ gö ndə̂ Isarayële, bëte andjanə̈ ndə̂ andjë pû köbo ndə̂kə̂ won bechë nə̈ alême, andjë tchû nə̂.» 21Jozêfu âlafô kə̈ zâ bechë nə̈ la anyï nə̈, kə̈ gû la andjê atə̂ Isarayële. 22Ndə̂ tche djê rə̂ pä Ärëkëläôse kä ndə̂ âwâtə̂ gbïɛ̈ ndə̂ Judë ngbâ bha nə̈ Hërôde, wawa kə̂ ka atêe mbô tchë-ê. La tchêngbâ nə̈ Ndjapä tô pö sə̈ tchë lə̂ lü, tche zâ köbo kə̈ ê atə̂lə̂ gö ndə̂ Galilë. 23Tche ê kə̈ sə̂ bhâlə̂ ngâ gö ndə̂ rə̈ nə̈ wû pä Näzärête, ndə̂kə̂ pa pö ndə̂ a-earə̂ ndə̂ma Ndjapä tô rə̂ alême mbo gundə̂sə̂ nə̈, pö nə̈ wä päkëdə̂: «A â-eadje rə̂ tə̂ yê pä akrə gö ndə̂ Näzärête.»
Aktualisht i përzgjedhur:
Matiyə̈ 2: lnl
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© Wycliffe Bible Translators, Inc.
Matiyə̈ 2
2
A-earə̂ kə̂ pu dju rə pâ akêkêrə̂ nə̈ ndə̂kə̂ wun Jezü
1A zɨ̈ Jezü bhâ Bêtelehêmo lə̂ gö ndə̂ Judë, lo nə̈ ndə̂ Hërôde wâtə̂ gbïɛ̈. A-earə̂ kə̂ pu dju rə pâ akêkêrə̂ tô dəsə̂nə̈ ndə̂ lo wutu tâ kə̈ wûtu bhâ Jerûzalêmo. 2Andjë yûkû nə̈ päkëdə̂: «Bechë ndə̂ a zɨ̂ tchë ndə̂kə̂ pa tche watə̂ gbïɛ̈ ndə̂ ajuîfu lâme sə̈ bhâ tchêbâ? Ârâ wün kêkêrə̂ ndə̂ yê ndə̂ âwûtu dəsə̂nə̈ ndə̂ lo wutu tâ, ânyë kə̈ nə̂ ndə̂kə̂ voga tchë.» 3Ndə̂ gbïɛ̈ Hërôde djê pö lâme, tchə̂lə̂ küma yê djîngɨli-î, tchetchë la azü gö ndə̂ Jerûzalêmo gbɛ̂. 4Tche pâla agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈, kə̈ yû andjê tə̂ tchô ndə̂ a wâ ndə̂kə̂ zɨ Krîsiti nə̈ tâ. 5Andjë tô rə̂ sə̈ tchë päkëdə̂: «Bhâ Bêtelehêmo, lə̂ gö ndə̂ Judë, bëte earə̂ ndə̂ma Ndjapä mbö rə̂ alême lə̂ mbëtï päkëdə̂:
6‹Momö ndə̂ Bêtelehêmo, gö ndə̂ Judä,
mo wâbo tə̂ yɛ̈yɛ̈ gö
lə̂ gûtə̂ agbölö agö ndə̂ Judä-a,
bëte lə̂ zə̈ kä ndə̂ ngâ gbïɛ̈ wutuadje
ndə̂kə̂ nyisə̂ köbo sə̈ Isarayële, azü ndə̂ mê#2.6 Nyë dɨ̈ Mich 5.1..›»
7Tchâme, Hërôde ê a-earə̂ kə̂ pu dju rə pâ akêkêrə̂ lə̂ küwû nə̈, kə̈ yû andjê tə̂ lo nə̈ ndə̂ kêkêrə̂ nə̈ wûtu la rə̂. 8La tchêngbâ nə̈, tche wân andjê atə̂ Bêtelehêmo, kə̈ tô rə̂ sə̈ andjê päkëdə̂: «Nyë êë, kə̂ yukû pö pâ bechë nə̈. Âdə nyë âgbo tchë nə̂, kə̂ ka kə̂ to rə̂ sə̈ mê ndə̂kə̂ pa mëmê ndjë gbɛ̂ mê e ndə̂kə̂ voga tchë.» 9La tchêngbâ pö ndə̂ gbïɛ̈ nə̈ tô rə̂ käko, andjë zâ köbo ndə̂kə̂ e etə̂. Kêkêrə̂ ndə̂ andjë wûn rə̂ dəsə̂nə̈ ndə̂ lo wutu tâ, zâ tchâtchu andjê. Ndə̂ kêkêrə̂ nə̈ wûtu sə̂ tchô ndə̂ bechë nə̈ sə̂ tâ, kə̈ krʉ̂-ê. 10Ndə̂ andjë wûn kêkêrə̂ nə̈, su andjê wâ la gbölö mômô. 11Andjë lî bhâ tchâalê nə̈, kə̈ gbô bechë nə̈ la anyï nə̈ Malê. Andjë gʉ̂te lakə̂ voga bechë nə̈. La tchêngbâ nə̈ andjë jî ma kədjâ ndə̂ andjê kə̈ wûtu la atchôtchô arə batə̂ lôlo la dukâni la yömbö ndə̂ rə̈ nə̈ wû pä mîre, kə̈ kʉ̂ rə̂ sə̈ bechë nə̈. 12La tchêngbâ nə̈, Ndjapä krâ tü andjê lə̂ lü ndə̂kə̂ pa andjë ka bata kâ pu Hërôde-ê. Käko andjë zâ ngâ köbo ngbî kə̈ gû atə̂lə̂ gö ndə̂ andjê.
A kpë la Jezü atə̂ Ejîpiti
13Pânə̈ ndə̂ a-earə̂ kə̂ pu dju rə pâ akêkêrə̂ nə̈ gû etə̂, ngâ ânje ndə̂ Gbölö Gbïɛ̈ tô rə̂ sə̈ Jozêfu lə̂ lü päkëdə̂: «Amö alafô, kə̈ zâ bechë nə̈ la anyï nə̈, kə̈ kpê la andjê atə̂ Ejîpiti. Kə̂ sə bhâye zoo mê kra tü zə̈ ânyë mo kangbâ zə̈. Bëte Hërôde puadje köbo ndə̂kə̂ won bechë nə̈.» 14Jozêfu âlafô lə̂ bütchî, kə̈ zâ bechë nə̈ la anyï nə̈, andjë kpê atə̂ Ejîpiti. 15Tche sə̂ bhâye zoo ëtə̂ lö kuzü Hërôde. Rə lâme wütu ndə̂kə̂ pa pö ndə̂ Gbölö Gbïɛ̈ tô rə̂ alême lə̂ ma earə̂ ndə̂ma Ndjapä mbo gundə̂sə̂ nə̈, pö nə̈ wä päkëdə̂: «Më ë modô ndə̂ mê ndə̂kə̂ wutu lə̂ gö ndə̂ Ejîpiti#2.15 Nyë dɨ̈ Oze 11.1..»
Hërôde zäma ndə̂kə̂ pa a won abechë
16Ndə̂ Hërôde wûnsə̂ nə̈ pä a-earə̂ kə̂ pu dju rə pâ akêkêrə̂ lâme bölo anyê bölo, su yê kʉ̂ tchë tə̂ gbölösə̂nə̈. Tche zâma ndə̂kə̂ pa a won angbelɛ̂-abechë tə̂ aköchë ndjoa ëtə̂ ngû bïchuû, lə̂ gö ndə̂ Bêtelehêmo la ayɛ̈yɛ̈ gö ndə̂ âwâ ndrotə̂ nə̈. Hërôde mbö rə nə̈ lâme gundə̂sə̂ pö ndə̂ a-earə̂ kə̂ pu dju rə pâ akêkêrə̂ nyîsə̂ nə̈ sə̈ tchë pâ lö kə̂ wutu ndə̂ kêkêrə̂ nə̈. 17Ämbö käko ndə̂kə̂ pa pö ndə̂ Jeremï earə̂ ndə̂ma Ndjapä tô rə̂ alême mbo gundə̂sə̂ nə̈, tche tö rə̂ päkëdə̂:
18«A djë ngâ wârə̂ bhâ Ramä,
azü kɨ̈ lakə̂ dɨ tchə̂lə̂ ma andjê.
Rächêle kä âkə̂ kɨ tə̂ abechë ndə̂ yê,
tche nyîâbo ndə̂kə̂ pa a ra anyê-a,
bëte abechë ndə̂ yê nə̈ kâ sə̂ bata-a#2.18 Nyë dɨ̈ Jer 31.15..»
Bha Jezü la anyï nə̈ kä la tchë atə̂ Näzärête
19Pânə̈ ndə̂ Hërôde tchû, ânje ndə̂ Gbölö Gbïɛ̈ tô pö lə̂ lü sə̈ Jozêfu bhâ Ejîpiti. 20Tche tö rə̂ sə̈ tchë päkëdə̂: «Amö alafô, kə̈ zâ bechë nə̈ la anyï nə̈, kə̈ kâ âtə̂lə̂ gö ndə̂ Isarayële, bëte andjanə̈ ndə̂ andjë pû köbo ndə̂kə̂ won bechë nə̈ alême, andjë tchû nə̂.» 21Jozêfu âlafô kə̈ zâ bechë nə̈ la anyï nə̈, kə̈ gû la andjê atə̂ Isarayële. 22Ndə̂ tche djê rə̂ pä Ärëkëläôse kä ndə̂ âwâtə̂ gbïɛ̈ ndə̂ Judë ngbâ bha nə̈ Hërôde, wawa kə̂ ka atêe mbô tchë-ê. La tchêngbâ nə̈ Ndjapä tô pö sə̈ tchë lə̂ lü, tche zâ köbo kə̈ ê atə̂lə̂ gö ndə̂ Galilë. 23Tche ê kə̈ sə̂ bhâlə̂ ngâ gö ndə̂ rə̈ nə̈ wû pä Näzärête, ndə̂kə̂ pa pö ndə̂ a-earə̂ ndə̂ma Ndjapä tô rə̂ alême mbo gundə̂sə̂ nə̈, pö nə̈ wä päkëdə̂: «A â-eadje rə̂ tə̂ yê pä akrə gö ndə̂ Näzärête.»
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© Wycliffe Bible Translators, Inc.