लूका 24
24
यीशु कौ जियुंदी हौणौ
(मत्ती 28:1-10; मर 16:1-8; युहन्ना 20:1-10)
1पौरौ औयतवार कै झीशीं सै तिनु खुशबू वाल़ी चीज़ौ कै जू तिनुऐ तैयार कौर रैई थी, लोयो कब्रो पांदी ऐई। 2औरौ तिनुऐ पाथरो कै कब्रो पांदी हौटाएयौंदा दैखा। 3पौरौ भीतरै जाऐबा तिनु प्रभु यीशु कै लाश ना भैटी। 4जोबै सै ऐसी बातौ लैई हैरान हौए गौए, तौ दो मर्द चोमकैयौंदे खोटणो बाम्बेयो तिनकै धोरे आयौ खौड़ै हौए। 5जोबै सै डौरे गोई औरौ धोरती कै ढौबौ मुँह उदे झुकायो थी; तौ तिनुऐ तिनुखै बौल़ौ, “तुऐं जियुंदी कै मौरेयौंदे मुंजी काए जूओं? 6सै इथै नी, पौरौ जियुंदी हौए गौआ। याद कौरौ कै तैणै गलील जिले दै रौंदै बैई तुऔं का बौल़ै राए थियु, 7‘जौरुरी औसौ, कै आदमी का बैटा पापियों कै हाथौ दा थोम्बाया जांव, औरौ क्रूसो पांदी चौढ़ाया जोऊं, औरौ तिजै दूसै मौरेयौंदे मुंजीदा जियुंदी हौए जांव।’” 8तोबै तिनु बैटमाणिशौ कै तैसकी बातौ याद ऐई। 9औरौ कब्र शै पाछु आयौ तिनुऐ गयारो चैलै कै, औरौ ओकी सौबी लोगौ कै ऐजी सौबै बातौ शुणैई। 10जिनुवै चोणेयौंदे चैलै कै ऐजी बातौ बुली, सै मगदेला गांव कै मरियम औरौ यूहन्ना औरौ याकूब कै माँ मरियम औरौ तिनकै साथै कै ओकी बैटमाणिशौ बै थी। 11पौरौ तिनकी बातौ तिनु कहाणी जैशणी लागी, औरौ तिनुऐ तिनकै बातौ पांदी बिशवाश ना कौरी। 12तोबै पतरस बिज़यो कब्रो पांदी तावल़ा हौटा, औरौ नियुड़ेयो सिरफ खोटणो पौड़ेयौंदे दैखै, औरौ जू हौए रो थियु, तिंदा सै हैरान हौए गौआ औरौ आपणै घोरो खै हौटै गौआ।
इम्माऊस कै बाटो पुंडा चैलै खै दर्शन
(मर 16:12-13)
13तैसी दूसै यीशु कै दो चैलै इम्माऊस नांव कै ऐकी गांव कै चालै रौए थिए, जू यरूशलेम शहर दो गयारो किलोमीटर कै दूरी पांदी थियु। 14सै इनु सौबी बातौ पांदी जू हौए रोई थी, आपी मुंजी बातौ कौरेयौ चालै रौवै थिए। 15औरौ जोबै तिनुऐ आपी मुंजी बातौ कौरेयौ औरौ पूछताछ कौर लोए थी, तौ यीशु आपी नेड़िक आयौ तिनकै साथै हौए गौआ। 16पौरौ पौरमेशवरे तिनु तैसी पोछैयाणौ शै रौकै दिए, औरौ तिनकै यीशु खै पोछैयाणी ना। 17यीशुए तिनुवांदो पूछु, “ऐजै का बात औसौ? जू तुऐं चालदै-चालदै आपी मुंजी कौरे लोए?” सैजै रौकै गौवै औरौ तिनकै चैहरै बैजाए उदास लागै रौवै थिए। 18ऐजौ शोणेयो क्लियोपास नांव कै ऐकी आदमीए बौल़ौ, “शायद तू यरूशलेम शहर दा केला आदमी औसौ, जू ना जाणौ कै पाछै किछै दूसौ दो तिथै का-का हौए रो?” 19तैणै तिनुवांदो पूछु, “कुणजी बातौ?” तिनुऐ तैसी बौल़ौ, “नासरत गांव का यीशु कै बारै मुंजी जू पौरमेशवर औरौ सौबी लोगौ कै सामणै तैणै शौकतीशाली चौमत्कार औरौ अनौखै काम कौरे औरौ पौरमेशवर की बातौ बौताणौवाल़ा थिया। 20औरौ मुख्य यहूदी पुरोहितो औरौ अमारै ठोगड़े तैसी पोकड़वाए दिया, कै तैसी पांदी मौत कै आज्ञा दैय जांव, औरौ तैसी क्रूसो पांदी चौढ़ाया जांव। 21पौरौ आमु उमीद थै, कै ऐजा ही इस्राएल देश कै लोगौ खै रोम देश कै लोगौ शै छुटकारा दैंदा, इनु सौबी बातौ कै सिवाए ऐसी घोटणा कै घोटेयो तीन दूस हौए गौवै। 22औरौ ऐबै अमारै गुट मुंजीदै कुणिए बैटमाणिशै बै आमु हैरानी दै पाए राए, जू ऐलो झीशो कब्रो पांदी हौटै रौई थी। 23औरौ जोबै तैसकी लाश नी भैटी, तौ ऐजौ बौलेयौ पाछु ऐई, कै आमुए तिथै स्वर्गदूतौ कै दैखै राए, जिनुवै बौल़ौ कै यीशु जियुंदा औसौ। 24तोबै अमारै गुट मुंजीदै कुणजैई लोग कब्र पांदी हौटै, औरौ जैशै बैटमाणिशै बौल़ै राए थियु, तैशैखैई सौब ठुँ पौऊं, पौरौ यीशु तिथै ना दैखी।”
25तोबै तैणै दु चैलै खै बौल़ौ, “ओए रै मूर्ख नालायक लोगौ! जू किछै पौरमेशवर कै बातौ बौताणौवाल़ै पवित्र शास्त्र दो लैखै राए, तुऔं लोगौ कै तिथ पांदी बिशवाश कौरणा कैतरा मुशकिल लागौ। 26ऐजौ जौरुरी थियु, कै मसीह ऐजा दुख टिपयौ औरौ हौजौ आपणी महिमा दा प्रवेश कौरौ?” 27यीशुए तिनु पूरै पवित्र शास्त्र दै औरौ मूसा कै कानून शै शुरु कौरेयौ सौबै पौरमेशवर कै बातौ बौताणौवाल़ै कै दवारा आपणै बारै मुंजी देएयोंदे सौबै बातौ का मतलब तिनु सौमझाए दिया।
28इशैक दै सै तैसी गांव दै पौऊंचै, जिथै सै चाल रौवै थिए, औरौ यीशु कै बर्ताव शै ऐशै लागै रौ थियु, कै सै औगौड़ियौ जाणौ चांव। 29पौरौ तिनुऐ ऐजौ बौलेयौ तैसी रौका, “अमारै साथै रो; जिथुकै बैल़खौ हौंदौ लागै रो औरौ दूस ऐबै आछ कौरेयौ उछाए गौ।” तोबै सै तिनकै साथै रौणौ कारिए भीतरै हौटा। 30जोबै यीशु तिनकै साथै खाणौ खांदा बौठा, तौ तैणै रोटी कौरेयौ पौरमेशवर का धन्यवाद कौरा, औरौ रोटी तौड़ेयो तिनु दैंदा लागा। 31तोबै पौरमेशवरे तिनकै सौमझ खोले दै; औरौ तिनुऐ यीशु कै पोयछाणै पाए, औरौ सै तिनकै आखियांदा छिपै गौआ। 32तिनुऐ आपी मुंजी बौल़ौ, “जोबै सै बाटो पुंडा आमुआरी बातौ कौरौ थिया औरौ पवित्र शास्त्र का मतलब आमु सौमझांव थिया, तौ इथकारिए अमारै मन रिजै रौवै थिए।”
33सैजै तौलोंई बिज़यो यरूशलेम शहर कै हौटै गौवै, औरौ तिनु गयारो चैलै औरौ तिनकै दोस्तो कै कौठै दैखै। 34सै बौल़ौ थिए, “प्रभु सौथीखै जियुंदी हौए गौआ, औरौ शमौन पतरस कै बै दैखिया।” 35तोबै तिनुऐ बाटो पुंडे की बातौ तिनु बौताए दी औरौ ऐजौ बै कै जोबै तैणै रोटी तौड़ै लोए थी तौ तिनुऐ तैसी पोयछाणै पाए।
यीशु का आपणै चैलै पांदी प्रगट हौणा
(मत्ती 28:16-20; मर 16:14-18; युहन्ना 20:19-23; प्रेरि 1:6-8)
36तिनुऐ ऐजी बातौ बौल़ै ही लोए थी, कै यीशु आपी ही तिनकै धोरे प्रगट हौए गौआ; औरौ तिनु बौल़ौ, “तुऔं कै शान्तै भैटौ।” 37पौरौ सै घबराए गौवै औरौ डौरे गौवै, औरौ सौमझदै लागै, कै आमुए कोसी भूतौ कै दैख लौआ। 38तैणै तिनु बौल़ौ, “किथु घबराए रौवै? औरौ तुऐं मन दै काए शक कौरे लौआ? 39मैरै हाथ औरौ मैरै लातो कै दैखौ, कै हांव सैजाई औसौ; मुखै छौयौ दैखौ; जिथुकै भूतौ कै हाड़की औरौ मांस ना हौंव जैशैकै मुं दो दैखै लौ।”
40ऐजौ बौलेयौ यीशुए तिनु आपणै हाथ लात दिखाए। 41जोबै इयौं बातौ पांदी चैलै कै खुशी कै मारै बिशवाश ना हौए रैई थी औरौ सै हैरान थिए, इथकारिए यीशुए तिनुकै बौल़ौ, “का इथै तुऔं कैंई किछै खाणौ कै औसौए?” 42तिनुऐ तैसी भोजेयौंदी माछी का टुकड़ा दिया। 43तैणै उंडु कौरेयौ तिनकै सामणै खोऊं, जिथुकै तिनुऐ तैसीखै दैखै लोआ थिया।
44हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।” 45तोबै तैणै पवित्र शास्त्र सौमझाणौ कारिए तिनकै मौदद कौरे। 46औरौ तिनुखै बौल़ौ, “पवित्र शास्त्र दो ऐजौ लैख राए, कै मसीह दुख झैलदा, औरौ तिजै दूसै मौरेयौंदे मुंजीदा जियुंदी हौंदा, 47औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा। 48तुऐं इनु सौबी बातौ कै गवाह औसौ। 49औरौ हांव आपी तुऔं दै पवित्र आत्मा कै छाड़दा, जैसीकै छाड़णौ का वादा मैरै बापूए कौरे राए। पौरौ जांव तौड़ी तुऔं स्वर्ग पौरैशै अनौखी शौकतै ना भैटौ, तांव तौड़ी इयौंई नोगरो दै रौकैयौंदे रौव।”
यीशु कौ स्वर्ग कै पाछु जाणौ
(मर 16:19-20; प्रेरि 1:9-11)
50तोबै यीशु आपणै चैलै खै बैतनिय्याह गांव कै नेड़िक लोए गौआ, औरौ तैणै आपणै हाथ टिपयौ तिनु आर्शीवाद दिया। 51औरौ तिनु आर्शीवाद दैंदै बैई यीशु तिनुदा जौई हौए गौआ, औरौ स्वर्ग दा ऊबा निया। 52तोबै सै तैसकै आराधना कौरेयौ बौहितै खुश हुवे, औरौ यरूशलेम शहर खै पाछु हौटै गौवै। 53औरौ सै हर दूस मन्दिर दै जाऐबा पौरमेशवर कै स्तुति कौरौ थिए।
Aktualisht i përzgjedhur:
लूका 24: SRXNT
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
लूका 24
24
यीशु कौ जियुंदी हौणौ
(मत्ती 28:1-10; मर 16:1-8; युहन्ना 20:1-10)
1पौरौ औयतवार कै झीशीं सै तिनु खुशबू वाल़ी चीज़ौ कै जू तिनुऐ तैयार कौर रैई थी, लोयो कब्रो पांदी ऐई। 2औरौ तिनुऐ पाथरो कै कब्रो पांदी हौटाएयौंदा दैखा। 3पौरौ भीतरै जाऐबा तिनु प्रभु यीशु कै लाश ना भैटी। 4जोबै सै ऐसी बातौ लैई हैरान हौए गौए, तौ दो मर्द चोमकैयौंदे खोटणो बाम्बेयो तिनकै धोरे आयौ खौड़ै हौए। 5जोबै सै डौरे गोई औरौ धोरती कै ढौबौ मुँह उदे झुकायो थी; तौ तिनुऐ तिनुखै बौल़ौ, “तुऐं जियुंदी कै मौरेयौंदे मुंजी काए जूओं? 6सै इथै नी, पौरौ जियुंदी हौए गौआ। याद कौरौ कै तैणै गलील जिले दै रौंदै बैई तुऔं का बौल़ै राए थियु, 7‘जौरुरी औसौ, कै आदमी का बैटा पापियों कै हाथौ दा थोम्बाया जांव, औरौ क्रूसो पांदी चौढ़ाया जोऊं, औरौ तिजै दूसै मौरेयौंदे मुंजीदा जियुंदी हौए जांव।’” 8तोबै तिनु बैटमाणिशौ कै तैसकी बातौ याद ऐई। 9औरौ कब्र शै पाछु आयौ तिनुऐ गयारो चैलै कै, औरौ ओकी सौबी लोगौ कै ऐजी सौबै बातौ शुणैई। 10जिनुवै चोणेयौंदे चैलै कै ऐजी बातौ बुली, सै मगदेला गांव कै मरियम औरौ यूहन्ना औरौ याकूब कै माँ मरियम औरौ तिनकै साथै कै ओकी बैटमाणिशौ बै थी। 11पौरौ तिनकी बातौ तिनु कहाणी जैशणी लागी, औरौ तिनुऐ तिनकै बातौ पांदी बिशवाश ना कौरी। 12तोबै पतरस बिज़यो कब्रो पांदी तावल़ा हौटा, औरौ नियुड़ेयो सिरफ खोटणो पौड़ेयौंदे दैखै, औरौ जू हौए रो थियु, तिंदा सै हैरान हौए गौआ औरौ आपणै घोरो खै हौटै गौआ।
इम्माऊस कै बाटो पुंडा चैलै खै दर्शन
(मर 16:12-13)
13तैसी दूसै यीशु कै दो चैलै इम्माऊस नांव कै ऐकी गांव कै चालै रौए थिए, जू यरूशलेम शहर दो गयारो किलोमीटर कै दूरी पांदी थियु। 14सै इनु सौबी बातौ पांदी जू हौए रोई थी, आपी मुंजी बातौ कौरेयौ चालै रौवै थिए। 15औरौ जोबै तिनुऐ आपी मुंजी बातौ कौरेयौ औरौ पूछताछ कौर लोए थी, तौ यीशु आपी नेड़िक आयौ तिनकै साथै हौए गौआ। 16पौरौ पौरमेशवरे तिनु तैसी पोछैयाणौ शै रौकै दिए, औरौ तिनकै यीशु खै पोछैयाणी ना। 17यीशुए तिनुवांदो पूछु, “ऐजै का बात औसौ? जू तुऐं चालदै-चालदै आपी मुंजी कौरे लोए?” सैजै रौकै गौवै औरौ तिनकै चैहरै बैजाए उदास लागै रौवै थिए। 18ऐजौ शोणेयो क्लियोपास नांव कै ऐकी आदमीए बौल़ौ, “शायद तू यरूशलेम शहर दा केला आदमी औसौ, जू ना जाणौ कै पाछै किछै दूसौ दो तिथै का-का हौए रो?” 19तैणै तिनुवांदो पूछु, “कुणजी बातौ?” तिनुऐ तैसी बौल़ौ, “नासरत गांव का यीशु कै बारै मुंजी जू पौरमेशवर औरौ सौबी लोगौ कै सामणै तैणै शौकतीशाली चौमत्कार औरौ अनौखै काम कौरे औरौ पौरमेशवर की बातौ बौताणौवाल़ा थिया। 20औरौ मुख्य यहूदी पुरोहितो औरौ अमारै ठोगड़े तैसी पोकड़वाए दिया, कै तैसी पांदी मौत कै आज्ञा दैय जांव, औरौ तैसी क्रूसो पांदी चौढ़ाया जांव। 21पौरौ आमु उमीद थै, कै ऐजा ही इस्राएल देश कै लोगौ खै रोम देश कै लोगौ शै छुटकारा दैंदा, इनु सौबी बातौ कै सिवाए ऐसी घोटणा कै घोटेयो तीन दूस हौए गौवै। 22औरौ ऐबै अमारै गुट मुंजीदै कुणिए बैटमाणिशै बै आमु हैरानी दै पाए राए, जू ऐलो झीशो कब्रो पांदी हौटै रौई थी। 23औरौ जोबै तैसकी लाश नी भैटी, तौ ऐजौ बौलेयौ पाछु ऐई, कै आमुए तिथै स्वर्गदूतौ कै दैखै राए, जिनुवै बौल़ौ कै यीशु जियुंदा औसौ। 24तोबै अमारै गुट मुंजीदै कुणजैई लोग कब्र पांदी हौटै, औरौ जैशै बैटमाणिशै बौल़ै राए थियु, तैशैखैई सौब ठुँ पौऊं, पौरौ यीशु तिथै ना दैखी।”
25तोबै तैणै दु चैलै खै बौल़ौ, “ओए रै मूर्ख नालायक लोगौ! जू किछै पौरमेशवर कै बातौ बौताणौवाल़ै पवित्र शास्त्र दो लैखै राए, तुऔं लोगौ कै तिथ पांदी बिशवाश कौरणा कैतरा मुशकिल लागौ। 26ऐजौ जौरुरी थियु, कै मसीह ऐजा दुख टिपयौ औरौ हौजौ आपणी महिमा दा प्रवेश कौरौ?” 27यीशुए तिनु पूरै पवित्र शास्त्र दै औरौ मूसा कै कानून शै शुरु कौरेयौ सौबै पौरमेशवर कै बातौ बौताणौवाल़ै कै दवारा आपणै बारै मुंजी देएयोंदे सौबै बातौ का मतलब तिनु सौमझाए दिया।
28इशैक दै सै तैसी गांव दै पौऊंचै, जिथै सै चाल रौवै थिए, औरौ यीशु कै बर्ताव शै ऐशै लागै रौ थियु, कै सै औगौड़ियौ जाणौ चांव। 29पौरौ तिनुऐ ऐजौ बौलेयौ तैसी रौका, “अमारै साथै रो; जिथुकै बैल़खौ हौंदौ लागै रो औरौ दूस ऐबै आछ कौरेयौ उछाए गौ।” तोबै सै तिनकै साथै रौणौ कारिए भीतरै हौटा। 30जोबै यीशु तिनकै साथै खाणौ खांदा बौठा, तौ तैणै रोटी कौरेयौ पौरमेशवर का धन्यवाद कौरा, औरौ रोटी तौड़ेयो तिनु दैंदा लागा। 31तोबै पौरमेशवरे तिनकै सौमझ खोले दै; औरौ तिनुऐ यीशु कै पोयछाणै पाए, औरौ सै तिनकै आखियांदा छिपै गौआ। 32तिनुऐ आपी मुंजी बौल़ौ, “जोबै सै बाटो पुंडा आमुआरी बातौ कौरौ थिया औरौ पवित्र शास्त्र का मतलब आमु सौमझांव थिया, तौ इथकारिए अमारै मन रिजै रौवै थिए।”
33सैजै तौलोंई बिज़यो यरूशलेम शहर कै हौटै गौवै, औरौ तिनु गयारो चैलै औरौ तिनकै दोस्तो कै कौठै दैखै। 34सै बौल़ौ थिए, “प्रभु सौथीखै जियुंदी हौए गौआ, औरौ शमौन पतरस कै बै दैखिया।” 35तोबै तिनुऐ बाटो पुंडे की बातौ तिनु बौताए दी औरौ ऐजौ बै कै जोबै तैणै रोटी तौड़ै लोए थी तौ तिनुऐ तैसी पोयछाणै पाए।
यीशु का आपणै चैलै पांदी प्रगट हौणा
(मत्ती 28:16-20; मर 16:14-18; युहन्ना 20:19-23; प्रेरि 1:6-8)
36तिनुऐ ऐजी बातौ बौल़ै ही लोए थी, कै यीशु आपी ही तिनकै धोरे प्रगट हौए गौआ; औरौ तिनु बौल़ौ, “तुऔं कै शान्तै भैटौ।” 37पौरौ सै घबराए गौवै औरौ डौरे गौवै, औरौ सौमझदै लागै, कै आमुए कोसी भूतौ कै दैख लौआ। 38तैणै तिनु बौल़ौ, “किथु घबराए रौवै? औरौ तुऐं मन दै काए शक कौरे लौआ? 39मैरै हाथ औरौ मैरै लातो कै दैखौ, कै हांव सैजाई औसौ; मुखै छौयौ दैखौ; जिथुकै भूतौ कै हाड़की औरौ मांस ना हौंव जैशैकै मुं दो दैखै लौ।”
40ऐजौ बौलेयौ यीशुए तिनु आपणै हाथ लात दिखाए। 41जोबै इयौं बातौ पांदी चैलै कै खुशी कै मारै बिशवाश ना हौए रैई थी औरौ सै हैरान थिए, इथकारिए यीशुए तिनुकै बौल़ौ, “का इथै तुऔं कैंई किछै खाणौ कै औसौए?” 42तिनुऐ तैसी भोजेयौंदी माछी का टुकड़ा दिया। 43तैणै उंडु कौरेयौ तिनकै सामणै खोऊं, जिथुकै तिनुऐ तैसीखै दैखै लोआ थिया।
44हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।” 45तोबै तैणै पवित्र शास्त्र सौमझाणौ कारिए तिनकै मौदद कौरे। 46औरौ तिनुखै बौल़ौ, “पवित्र शास्त्र दो ऐजौ लैख राए, कै मसीह दुख झैलदा, औरौ तिजै दूसै मौरेयौंदे मुंजीदा जियुंदी हौंदा, 47औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा। 48तुऐं इनु सौबी बातौ कै गवाह औसौ। 49औरौ हांव आपी तुऔं दै पवित्र आत्मा कै छाड़दा, जैसीकै छाड़णौ का वादा मैरै बापूए कौरे राए। पौरौ जांव तौड़ी तुऔं स्वर्ग पौरैशै अनौखी शौकतै ना भैटौ, तांव तौड़ी इयौंई नोगरो दै रौकैयौंदे रौव।”
यीशु कौ स्वर्ग कै पाछु जाणौ
(मर 16:19-20; प्रेरि 1:9-11)
50तोबै यीशु आपणै चैलै खै बैतनिय्याह गांव कै नेड़िक लोए गौआ, औरौ तैणै आपणै हाथ टिपयौ तिनु आर्शीवाद दिया। 51औरौ तिनु आर्शीवाद दैंदै बैई यीशु तिनुदा जौई हौए गौआ, औरौ स्वर्ग दा ऊबा निया। 52तोबै सै तैसकै आराधना कौरेयौ बौहितै खुश हुवे, औरौ यरूशलेम शहर खै पाछु हौटै गौवै। 53औरौ सै हर दूस मन्दिर दै जाऐबा पौरमेशवर कै स्तुति कौरौ थिए।
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.