Hogusra 3
3
1Egi wakhara eshana hiraijera wapakanagshana woishjankera, wanoijge Jehowa Maura waura maneginagre. Egi hinugjega wagena: Maura hisgexji shesge hinigawishe, max‐regi nara jarnagakhi inke harnaj warajnikjanihawishe?
2Egi hinugjega wakhanka wagena: Max‐regi na‐nagre hasra harnaj wahaijanihawina.
3Eshi Maura wena, max kissagregi naisha‐jegi hasra inke haj‐nikjawina, inke shige hiakiornikjawi jekjanihawige.
4Egi wakhanka hinugjega wagena: Jasgegi inke shjarnikjanihawina.
5Maura hiperes‐jinakshana, hamb hajinja rajgi, higuana hishjasura ningihais‐kjanihawina Maura hirakisge‐kjanihawina, washophira egi washoshishigra hiraperes‐kjanihawina.
6Egi hinugjega hajarna na‐jega ruj phinjera, egi hajara giphina, egi na‐jega roguesgena wanaiksab wahikjanege, egi hinugjega has‐nanka hisge russana egi ruj‐shana, egi hikanara hishge hisge hok’una egi ruj‐shana.
7Egi hishjasura hinuinke gihas‐jijerena, egi hipereshirena nanoka nangra, egi Fig‐na‐ab wirakirujag hirarnaga hiranuxawa kik’uinena.
8Egi Jehowa Maura hora naxguinena max‐eja howemaniankshana hamb‐hosininegi. Egi Adam egi hijawira, Jehowa Maura jowehieja max na‐horogeja nugixawainena.
9Egi Jehowa Maura Adam giwarna egi wagena: Hajinja ranisheshe?
10Egi wena: Max‐eja hora nanixgura, naxitena, nanoka hauanjege esge, egi nuaxawana.
11Egi Maura wena: Peshe hornigiragshe nanokarajegi? Najera raj‐sare, unishira inke raj‐nikjege?
12Egi Adam wena: Hinug hunak’ura hakishu hauanjera, e najera eja rus‐anaga hunk’una, egi haj‐shana.
13Egi Jehowa Maura hinugjega wagena: Jagu‐u de‐e wash’ushe? Egi hinugjega wena: Wakhara hingishjankena, egi haj‐shana.
14Egi Jehowa Maura wakhara wagena: deshesgerage, esge hoshishig horawekjanena jenanka harnaj horogeja, egi wanoijge ma‐hihagejananka harnaj horogeja, nixa hashinira himashinikjanena egi jajaixji wankshig‐shingi majushishig raijanena.
15Egi hokikjekijab ninkjanihawina nenine‐anaga egi hinugjane, egi su washinira egi hinugjane su warnira. Egi nassu hashinira nanixux‐hirekjanena, egi sikerejgeja hasharaxjaikjanena.
16Egi hinugjega wagena: Wonajgeteg junikjanena, hotegini jhu harawekjanena. Ninkjang rajhungi wojexi harawekjanena, egi hikanara‐gashana rorakaragu‐kjanena egi hininukanakjanena.
17Egi Adam wagena: Hijawinaga harnanakaraxgunge egi unishira naisha inke raj‐nikje hinigera raj‐shana, esge manegi hoshishig‐howenikjanena ne‐warakik’unge, jajaixji wankshig‐shiranishegi harawexjingishana waraijanena.
18Napahira egi shige waxagra manegi harni‐gixebjanena, egi manegi xawi‐abxetenagre waraijanena.
19Hishjara hotanikakajingishana waraijanena, jaja hakja makax raingi epa, eja hornirus‐hirena. Makaxranina, egi makax shige ranikjanena.
20Egi Adam hijawira rashra Ewa higena, niambnagre e harnaj hiunihirege esge.
21Jehowa Maura wauna Adam egi hijawina washa hawonashi wawagiuna egi wogiwaxugshana.
22Egi Jehowa Maura wena: Horuxujwire, Adam wangikisge jijewina washophira egi washoshishigra hiperessana. Egi jasgegi na‐niambra hishge rusanaga ruijanege egi manegus niaimbjanege,
23Esge Jehowa Maura Eden max‐eja hihinab‐gigina maxagijikjege, eja horus‐uinajera.
24Egi Adam jangra howahassana. Egi Eden maxnaka sanig wiaxebhueja, eja Xerubim unwagigirena, egi wigijgux pahisha higu‐hajinja herera eowaresha, na‐niambjega inkisha hiwusunsh‐nikjege hirakara waunjena.
Aktualisht i përzgjedhur:
Hogusra 3: WIN
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Published by the American Bible Society in 1907.
Hogusra 3
3
1Egi wakhara eshana hiraijera wapakanagshana woishjankera, wanoijge Jehowa Maura waura maneginagre. Egi hinugjega wagena: Maura hisgexji shesge hinigawishe, max‐regi nara jarnagakhi inke harnaj warajnikjanihawishe?
2Egi hinugjega wakhanka wagena: Max‐regi na‐nagre hasra harnaj wahaijanihawina.
3Eshi Maura wena, max kissagregi naisha‐jegi hasra inke haj‐nikjawina, inke shige hiakiornikjawi jekjanihawige.
4Egi wakhanka hinugjega wagena: Jasgegi inke shjarnikjanihawina.
5Maura hiperes‐jinakshana, hamb hajinja rajgi, higuana hishjasura ningihais‐kjanihawina Maura hirakisge‐kjanihawina, washophira egi washoshishigra hiraperes‐kjanihawina.
6Egi hinugjega hajarna na‐jega ruj phinjera, egi hajara giphina, egi na‐jega roguesgena wanaiksab wahikjanege, egi hinugjega has‐nanka hisge russana egi ruj‐shana, egi hikanara hishge hisge hok’una egi ruj‐shana.
7Egi hishjasura hinuinke gihas‐jijerena, egi hipereshirena nanoka nangra, egi Fig‐na‐ab wirakirujag hirarnaga hiranuxawa kik’uinena.
8Egi Jehowa Maura hora naxguinena max‐eja howemaniankshana hamb‐hosininegi. Egi Adam egi hijawira, Jehowa Maura jowehieja max na‐horogeja nugixawainena.
9Egi Jehowa Maura Adam giwarna egi wagena: Hajinja ranisheshe?
10Egi wena: Max‐eja hora nanixgura, naxitena, nanoka hauanjege esge, egi nuaxawana.
11Egi Maura wena: Peshe hornigiragshe nanokarajegi? Najera raj‐sare, unishira inke raj‐nikjege?
12Egi Adam wena: Hinug hunak’ura hakishu hauanjera, e najera eja rus‐anaga hunk’una, egi haj‐shana.
13Egi Jehowa Maura hinugjega wagena: Jagu‐u de‐e wash’ushe? Egi hinugjega wena: Wakhara hingishjankena, egi haj‐shana.
14Egi Jehowa Maura wakhara wagena: deshesgerage, esge hoshishig horawekjanena jenanka harnaj horogeja, egi wanoijge ma‐hihagejananka harnaj horogeja, nixa hashinira himashinikjanena egi jajaixji wankshig‐shingi majushishig raijanena.
15Egi hokikjekijab ninkjanihawina nenine‐anaga egi hinugjane, egi su washinira egi hinugjane su warnira. Egi nassu hashinira nanixux‐hirekjanena, egi sikerejgeja hasharaxjaikjanena.
16Egi hinugjega wagena: Wonajgeteg junikjanena, hotegini jhu harawekjanena. Ninkjang rajhungi wojexi harawekjanena, egi hikanara‐gashana rorakaragu‐kjanena egi hininukanakjanena.
17Egi Adam wagena: Hijawinaga harnanakaraxgunge egi unishira naisha inke raj‐nikje hinigera raj‐shana, esge manegi hoshishig‐howenikjanena ne‐warakik’unge, jajaixji wankshig‐shiranishegi harawexjingishana waraijanena.
18Napahira egi shige waxagra manegi harni‐gixebjanena, egi manegi xawi‐abxetenagre waraijanena.
19Hishjara hotanikakajingishana waraijanena, jaja hakja makax raingi epa, eja hornirus‐hirena. Makaxranina, egi makax shige ranikjanena.
20Egi Adam hijawira rashra Ewa higena, niambnagre e harnaj hiunihirege esge.
21Jehowa Maura wauna Adam egi hijawina washa hawonashi wawagiuna egi wogiwaxugshana.
22Egi Jehowa Maura wena: Horuxujwire, Adam wangikisge jijewina washophira egi washoshishigra hiperessana. Egi jasgegi na‐niambra hishge rusanaga ruijanege egi manegus niaimbjanege,
23Esge Jehowa Maura Eden max‐eja hihinab‐gigina maxagijikjege, eja horus‐uinajera.
24Egi Adam jangra howahassana. Egi Eden maxnaka sanig wiaxebhueja, eja Xerubim unwagigirena, egi wigijgux pahisha higu‐hajinja herera eowaresha, na‐niambjega inkisha hiwusunsh‐nikjege hirakara waunjena.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Published by the American Bible Society in 1907.