Kumsada Introduson
Introduson
Ali ku no ta lei di kumsada o rais di tudu kusa. E libru ta konta aserka di kumsada di mundu, di omi ku minjer, di pekadu, di sufrimentu, di kastigu, di mortu, ku di sosiedadi ku nasons. I ta mas foka na jorson di Abraon, Isak ku Jakó, ki pobu ku Deus kuji, ku sedu ebreus, kunsidu mas tardi suma Israel o judeus.
E libru tene dentru del onzi librusiñu antigu. Judeus ku kristons ta fia kuma Moisés toma ki librusiñus; ku ajuda di Deus i forma un libru son. Si bu jubi na versikulus de lista, bu na nota kumsada di kada librusiñu.
1.1 Deus kumpu mundu
2.4 Storia di seu ku tera, ku mas splikason (Kaida di omi sta na kapitulu 3.)
5.1 Jorson di Adon ku si fiju Set
6.9 Storia di Noe
10.1 Jorson di fijus di Noe
11.10 Jorson di Sen
11.27 Jorson di Tera, pape di Abraon
25.12 Jorson di Ismael
25.19 Storia di Isak
36.1 Jorson di Esaú
37.2 Storia di Jakó
Aktualisht i përzgjedhur:
Kumsada Introduson: povB
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 1993-2020, Instituto de Tradução e Alfabetização