Malikɔ 3
3
Yɛsu osoolola mondo lusu lwe sabatɔ
(Mat 12:9-14; Luk 6:6-11)
1Kɔmɔngɔ kwe bɔbɔ Yɛsu waingea kabee mu sinakɔki. Moa mwabɛchaya mondo wɛ kɔbɔkɔ lyɛ ɛlɛɛlɛ. 2Bando babechaya monda na kɔlɔla Yɛsu kwe kumusingeecha bamɔɛ ingɛ otaolole olya mondo lusu lwe sabatɔ, kɔmɔa bakonje kɛɛyameo kye komotaeka ko nganya. 3Yɛsu na kosaolea olya mondo we kɔ kɔbɔkɔ le ɛlɛɛlɛ: «Taoka mwingya bando.» 4Kusia Yɛsu na kobabocha baa bando itɛ: «Salia yiito etotosaolea tokete eke lusu lwe sabatɔ? Koketa bwaachi ɔbɛɛ bwabea? Koolola mondo ɔbɛɛ kumuchia?» Baa bando na konyamea. 5Yɛsu na kobabakya miisɔ ne moemo mo kochabwa ko kokoba kwe metema yaabɔ. Kɔ bɔbɔ awɛ na kosaolea olya mondo: «Ɔnɔnɛka chanja lyao.» Awɛ na kɔlɛɔnɔnɛka, akaɛ alya alyo na kooloka. 6Akaɛ alya Bafalisayɔ na koola anjɛ na koya kwaumbane ne bando ba Ɛlɔlɛ ko kubunda lwango lwe kuchia Yɛsu.
Ndongo ya bua yee bando esoba kwamɔɛ Yɛsu
7Yɛsu ne baeyechwa bakɛ na koola alya abɔ ikɛɛsa na koya mɔ mɔkɔngɛ we kichibachiba kye Kalilaya. Ndongo ya bua yee bando na komoyea. Baa bando batoka kɔ mɛsɛngɛ yee Kalilaya ne Yulɛa. 8Bakinɛ batokea ko mosomba we Yɛlusalɛma, nɛ mɔsɛngɛ we Ilumɛa, nɛ kɔ mɛsɛngɛ ikinɛ mbanga yee looche lwe Yɔlɔlani, nɛ mɛsɛngɛ ee mɔsɛɛsɛ mwe tolya twe Tilɔ ne Silɔna. Babaaka ndongo kwa Yɛsu kɔmɔa baungwa biisɛ byaketaya awɛ. 9Ku bwise, Yɛsu na kosaolea baeyechwa bakɛ bamosangyee ketange kɛkɛɛkɛ bando baba mu kumukungunyeka. 10Waɔcha bɔbɔ kɔmɔa waolola bando babua. Bolwachi basɛ babɛchaya mu kusukuana kokoenga baolee a iboa abɛchaya Yɛsu bamɔkɔbɔchɛ. 11Ne babɛchaya ne masombo amɔa abɔ, abɔ na kwikosoa mo meende yaakɛ mo kokandoka itɛ: «Awɛ ne Mwaana wa Kakua!» 12Alakini Yɛsu na kobakandokea itɛ bamochebekyaya ko bando.
Yɛsu ɔɔsɔbɔa ndomwa ikumi ne babee
(Mat 10:1-4; Luk 6:12-16)
13Kusia Yɛsu na konena ko keembe, awɛ na kwitana bando bakonda awɛ mwɛɛnɛ, abɔ na koolea a iboa lyabɛchaya awɛ. 14Aolea abɔ, awɛ na kɔsɔbɔa asambea abɔ, ikumi ne babee. Na kobaitana ndomwa. Waketa bɔbɔ kɔmɔa baongwe bakɛ ne obatome kwasaole Ilɔngɔ Lyaachi ko bando. 15Kabee na kɔbaɛbɛcha bɔkɛtɛ bwe kulikita masombo. 16Baa ikumi ne babee basɔbɔa awɛ na baba: Simɔni (waɛcha Yɛsu itambo lye Pɛtɛlɔ) 17na Yakɔbɔ ne mobotwa naakɛ Yɔana. Baa babee babɛchaya baana ba Sɛbɛlayɔ (baba ne baɛcha Yɛsu itambo lye Boanɛlɛkɛ, nɛ kɔɔcha kaanga ke ngoba) 18na Andele na Filipɔ, na Balatimayɔ, na Matayɔ, na Tɔmasi, na Yakɔbɔ mwaana wa Alufayɔ, na Talɛɔ, na Simɔni we ndongo yee Basɛlɔti, 19na Yula Isikaliɔta, olya walamboa Yɛsu.
Babotwa naakɛ na Yɛsu basoya kwa moende
20Kusia Yɛsu na kɔɔtɔka mo ndabo. Ndongo yee bando na komoyea kabee, ndekwaba kyaanya kye Yɛsu ne baeyechwa bakɛ kokonja kyaanya kye abɔ kolya? 21Kɔmɔa boa, babotwa naakɛ na koba kwa moende, kɔmɔa bacheba itɛ osochimbecha lokani.
Baeyechi be Salia batwitana Yɛsu itɛ Bɛlɛsɛbulu
(Mat 12:22-32; Luk 11:14-23; 12:10)
22Baeyechi be Salia batoka mo mosomba we Yɛlusalɛma na kɔɔcha bobo ko mbanga ya Yɛsu: «Ona osonyaiwa na Bɛlɛsɛbulu#3:22 Bɛlɛsɛbulu ne likinɛ chiina lye Isombo., kabee abɔ na kɔɔcha itɛ ona Bɛlɛsɛbulu ne mokoo we masombo, nɛ kɔ bɔkɛtɛ bwakɛ ne kulikita Yɛsu masombo.» 23Kɔ bɔbɔ Yɛsu na kobaitana na kobasaolea mu bisimo: «Isombo lɛtaɔsɔnɛ kwilikita alyo lyɛɛnɛ? 24Ingɛ bando be boombe bɔmɔɔsa bataekuchiana abɔ bɛɛnɛ na bɛɛnɛ, nɛ kɔɔcha itɛ boa boombe bookea. 25Ne kende bando be nɔngɔ ɛmɔsa baswaɔndɔa abɔ bɛɛnɛ na bɛɛnɛ, nɛ kɔɔcha itɛ elya nɔngɔ eokea. 26Ko bobo, kende Isombo lɛsɔɔndɔa alyo lyɛɛnɛ, ne boombe byakɛ bwasoabaniwa, bɔkɛtɛ bwakɛ bokachikane, alakini botakee.
27«Kuusi mondo otaɔsɔnɛ kwingea mo ndabo yee mondo wɛ bɔkɛtɛ, ne koenda biemo byakɛ biisɛ kende kombaa ndinamokaka michie ne kɔmɔngɔ na koenda biemo byakɛ biisɛ.
28«Kiinɛkinɛ natobasaolea, bando bataɔsɔnɛ kokwelwa lokwa ko bwabea bwabɔ bɔɔsɛ ne bitɔndɛ byabɔ biisɛ bitɔndɛɛ abɔ Kakua. 29Alakini ingɛ mondo ndaswaabea kɔtɔnda Motema wa Ama, ndakakwewe lokwa ne bwabea bwakɛ botachikae meombo ne meombo.» 30Yɛsu waɔcha bɔbɔ kɔ kɔmɔa bando baɔcha itɛ oochekiwa ne masombo.
Babotwa naakɛ na Yɛsu na inakɛ
(Mat 12:46-50; Luk 8:19-21)
31Kusia, babotwa naakɛ na Yɛsu na inakɛ na koolea, na kwimana anjɛ, abɔ na kotoma mondo koya kwa mwitane. 32Wabɛchaya mo kokombelwa ne ndongo yee bando babɛchaya ase, abɔ na komosaolea: «Lɔla, inao ne babotwa nao bae kɔnjɛ, bae mo kokoenga.»
33Yɛsu na kobabocha: «Naani ne inanɛ ne banaani ne babotwa?» 34Kɔmɔngɔ awɛ na kobalɔla basɛ bamokombea, na kɔɔcha: «Baba ne inanɛ ne babotwa naanɛ. 35Kɔ kɔmɔa ɔɔsɛ otoketa bitokonda Kakua, olya ne mobotwa naanɛ, kabee motamba waanɛ ne kabee inanɛ.»
Aktualisht i përzgjedhur:
Malikɔ 3: ZMB
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
©2022 Seed Company in coordination with Forum Communautaire des Traducteurs de la Bible et Alphabétisation
Malikɔ 3
3
Yɛsu osoolola mondo lusu lwe sabatɔ
(Mat 12:9-14; Luk 6:6-11)
1Kɔmɔngɔ kwe bɔbɔ Yɛsu waingea kabee mu sinakɔki. Moa mwabɛchaya mondo wɛ kɔbɔkɔ lyɛ ɛlɛɛlɛ. 2Bando babechaya monda na kɔlɔla Yɛsu kwe kumusingeecha bamɔɛ ingɛ otaolole olya mondo lusu lwe sabatɔ, kɔmɔa bakonje kɛɛyameo kye komotaeka ko nganya. 3Yɛsu na kosaolea olya mondo we kɔ kɔbɔkɔ le ɛlɛɛlɛ: «Taoka mwingya bando.» 4Kusia Yɛsu na kobabocha baa bando itɛ: «Salia yiito etotosaolea tokete eke lusu lwe sabatɔ? Koketa bwaachi ɔbɛɛ bwabea? Koolola mondo ɔbɛɛ kumuchia?» Baa bando na konyamea. 5Yɛsu na kobabakya miisɔ ne moemo mo kochabwa ko kokoba kwe metema yaabɔ. Kɔ bɔbɔ awɛ na kosaolea olya mondo: «Ɔnɔnɛka chanja lyao.» Awɛ na kɔlɛɔnɔnɛka, akaɛ alya alyo na kooloka. 6Akaɛ alya Bafalisayɔ na koola anjɛ na koya kwaumbane ne bando ba Ɛlɔlɛ ko kubunda lwango lwe kuchia Yɛsu.
Ndongo ya bua yee bando esoba kwamɔɛ Yɛsu
7Yɛsu ne baeyechwa bakɛ na koola alya abɔ ikɛɛsa na koya mɔ mɔkɔngɛ we kichibachiba kye Kalilaya. Ndongo ya bua yee bando na komoyea. Baa bando batoka kɔ mɛsɛngɛ yee Kalilaya ne Yulɛa. 8Bakinɛ batokea ko mosomba we Yɛlusalɛma, nɛ mɔsɛngɛ we Ilumɛa, nɛ kɔ mɛsɛngɛ ikinɛ mbanga yee looche lwe Yɔlɔlani, nɛ mɛsɛngɛ ee mɔsɛɛsɛ mwe tolya twe Tilɔ ne Silɔna. Babaaka ndongo kwa Yɛsu kɔmɔa baungwa biisɛ byaketaya awɛ. 9Ku bwise, Yɛsu na kosaolea baeyechwa bakɛ bamosangyee ketange kɛkɛɛkɛ bando baba mu kumukungunyeka. 10Waɔcha bɔbɔ kɔmɔa waolola bando babua. Bolwachi basɛ babɛchaya mu kusukuana kokoenga baolee a iboa abɛchaya Yɛsu bamɔkɔbɔchɛ. 11Ne babɛchaya ne masombo amɔa abɔ, abɔ na kwikosoa mo meende yaakɛ mo kokandoka itɛ: «Awɛ ne Mwaana wa Kakua!» 12Alakini Yɛsu na kobakandokea itɛ bamochebekyaya ko bando.
Yɛsu ɔɔsɔbɔa ndomwa ikumi ne babee
(Mat 10:1-4; Luk 6:12-16)
13Kusia Yɛsu na konena ko keembe, awɛ na kwitana bando bakonda awɛ mwɛɛnɛ, abɔ na koolea a iboa lyabɛchaya awɛ. 14Aolea abɔ, awɛ na kɔsɔbɔa asambea abɔ, ikumi ne babee. Na kobaitana ndomwa. Waketa bɔbɔ kɔmɔa baongwe bakɛ ne obatome kwasaole Ilɔngɔ Lyaachi ko bando. 15Kabee na kɔbaɛbɛcha bɔkɛtɛ bwe kulikita masombo. 16Baa ikumi ne babee basɔbɔa awɛ na baba: Simɔni (waɛcha Yɛsu itambo lye Pɛtɛlɔ) 17na Yakɔbɔ ne mobotwa naakɛ Yɔana. Baa babee babɛchaya baana ba Sɛbɛlayɔ (baba ne baɛcha Yɛsu itambo lye Boanɛlɛkɛ, nɛ kɔɔcha kaanga ke ngoba) 18na Andele na Filipɔ, na Balatimayɔ, na Matayɔ, na Tɔmasi, na Yakɔbɔ mwaana wa Alufayɔ, na Talɛɔ, na Simɔni we ndongo yee Basɛlɔti, 19na Yula Isikaliɔta, olya walamboa Yɛsu.
Babotwa naakɛ na Yɛsu basoya kwa moende
20Kusia Yɛsu na kɔɔtɔka mo ndabo. Ndongo yee bando na komoyea kabee, ndekwaba kyaanya kye Yɛsu ne baeyechwa bakɛ kokonja kyaanya kye abɔ kolya? 21Kɔmɔa boa, babotwa naakɛ na koba kwa moende, kɔmɔa bacheba itɛ osochimbecha lokani.
Baeyechi be Salia batwitana Yɛsu itɛ Bɛlɛsɛbulu
(Mat 12:22-32; Luk 11:14-23; 12:10)
22Baeyechi be Salia batoka mo mosomba we Yɛlusalɛma na kɔɔcha bobo ko mbanga ya Yɛsu: «Ona osonyaiwa na Bɛlɛsɛbulu#3:22 Bɛlɛsɛbulu ne likinɛ chiina lye Isombo., kabee abɔ na kɔɔcha itɛ ona Bɛlɛsɛbulu ne mokoo we masombo, nɛ kɔ bɔkɛtɛ bwakɛ ne kulikita Yɛsu masombo.» 23Kɔ bɔbɔ Yɛsu na kobaitana na kobasaolea mu bisimo: «Isombo lɛtaɔsɔnɛ kwilikita alyo lyɛɛnɛ? 24Ingɛ bando be boombe bɔmɔɔsa bataekuchiana abɔ bɛɛnɛ na bɛɛnɛ, nɛ kɔɔcha itɛ boa boombe bookea. 25Ne kende bando be nɔngɔ ɛmɔsa baswaɔndɔa abɔ bɛɛnɛ na bɛɛnɛ, nɛ kɔɔcha itɛ elya nɔngɔ eokea. 26Ko bobo, kende Isombo lɛsɔɔndɔa alyo lyɛɛnɛ, ne boombe byakɛ bwasoabaniwa, bɔkɛtɛ bwakɛ bokachikane, alakini botakee.
27«Kuusi mondo otaɔsɔnɛ kwingea mo ndabo yee mondo wɛ bɔkɛtɛ, ne koenda biemo byakɛ biisɛ kende kombaa ndinamokaka michie ne kɔmɔngɔ na koenda biemo byakɛ biisɛ.
28«Kiinɛkinɛ natobasaolea, bando bataɔsɔnɛ kokwelwa lokwa ko bwabea bwabɔ bɔɔsɛ ne bitɔndɛ byabɔ biisɛ bitɔndɛɛ abɔ Kakua. 29Alakini ingɛ mondo ndaswaabea kɔtɔnda Motema wa Ama, ndakakwewe lokwa ne bwabea bwakɛ botachikae meombo ne meombo.» 30Yɛsu waɔcha bɔbɔ kɔ kɔmɔa bando baɔcha itɛ oochekiwa ne masombo.
Babotwa naakɛ na Yɛsu na inakɛ
(Mat 12:46-50; Luk 8:19-21)
31Kusia, babotwa naakɛ na Yɛsu na inakɛ na koolea, na kwimana anjɛ, abɔ na kotoma mondo koya kwa mwitane. 32Wabɛchaya mo kokombelwa ne ndongo yee bando babɛchaya ase, abɔ na komosaolea: «Lɔla, inao ne babotwa nao bae kɔnjɛ, bae mo kokoenga.»
33Yɛsu na kobabocha: «Naani ne inanɛ ne banaani ne babotwa?» 34Kɔmɔngɔ awɛ na kobalɔla basɛ bamokombea, na kɔɔcha: «Baba ne inanɛ ne babotwa naanɛ. 35Kɔ kɔmɔa ɔɔsɛ otoketa bitokonda Kakua, olya ne mobotwa naanɛ, kabee motamba waanɛ ne kabee inanɛ.»
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
©2022 Seed Company in coordination with Forum Communautaire des Traducteurs de la Bible et Alphabétisation