Marcos 1
1
1Iduri fee Novidadi Kode kiid enlaa Nai Maromak ni Ana.#1:1Dokumentu agi nor teor Gregu rini doloo. Seir hlai ‘Nai Maromak ni Ana’. Seir ba hlai. Ura gala, Jesus Kristu, bae fee Nai Maromak atuud enene fes muna faklau. Ura ni istori komesa manuri:
João Saraen-door Ubu laek saal la Nai Jesus
(Mateus 3:1-12; Lucas 3:1-18; João 1:19-28)
2Molok Jesus naha fun ni serbius, Nai Maromak ruu roo iid maa muun telo soub. Roo ura gala João. João ura tenki maa muun laek saal oid gnaan Nai Jesus. Des muna faklau, Nai Maromak uza soub Ni gugu nor lama kiid, gala Isaías. Ura hlai enene manuri:
“Artuub hailagaa fliik ma!
Au ruu Au artuub iid laa muun oid laek saal la O.#Malaquias 3:1
3Roo too hii laa nii rae hui bae fee ubu ba nei, oid nee sai nor tero makaas, dega,
‘Artuub hailagaa adia saal fun kode, oid sium am-Nai naha maa!
Adia saal fun kabeer oid sium Ura.’ ”#Isaías 40:3
4-6Adada roo teum João dega, Saraen-door Ubu. Ura hela nii rae hui maas. Ura ni hena fun ois kuud-kamelu ni hulu. I ura ni sistia fun ois animaal ni tia. Ura ni namaa fee sulai nor aen era.#1:4-6 João ni mori man Elias, iid bae fee Nai Maromak ni gugu nor lama fes muna faklau. #Daot room 2 1:8
Nii tempu idura, roo rini maa ois sidadi Jerusalem, nor ois hati-hati provinsia Judeia tema. Room haigaa maa asour João nii ura ni hela hati. Room maa naha fei João nor room akar fliik ura ni noir. João nee sai la room, dega, “Iim tenki nee sai i fois telo iim sala hailagaa, la Nai Maromak amoo telo iim sala hailagaa. Toom maa, iim tenki saraen, man sinaal iid dega, iim fois soub iim sala i iim kode loor siil nor Nai Maromak.”
Room nee sai room sala, i João meit saraen room nii slook Jordaun.
7João nee sai dega, “Ba agi des, Artuub iid hii maa, i Ura tuu reis au. Naha sai lea Ni ata nor haihuu oid seob sapatu tali lea, au badei-baraat. 8Au saraen iim oid eer lea, mahee Ura hii fun reis siil au, deslaa Ura hii fun iim hua-lala benu nor Nai Maromak ni Espiritu Santu.”
João saraen Nai Jesus
(Mateus 3:13-17; Lucas 3:21-22)
9Nii tempu kidura, Jesus maa ois aldeia Nazaré nii provinsia Galileia, oid asour loor nor João. I João saraen Ura nii slook Jordaun. 10Arfiil Jesus sai ois eer maa, Ura fei lalehan dlaek. I Nai Maromak ni Espiritu duu la Jesus, man maun kuum iid. 11Room meit fliik Nai Maromak ni tero ois lalehan, dega manuri,
“O Au Ana bae fee Au doim.
O sempre fun Au hua-lala aksolok.”#Jenesis 22:2; Salmos 2:7; Isaías 42:1; Mateus 3:17; 12:18; Marcos 9:7; Lucas 3:22
Satanaas kook Nai Jesus nii rae hui maas
(Mateus 4:1-11; Lucas 4:1-13)
12Faklau telo, Nai Maromak ni Espiritu obriga Jesus laa nii rae hui maas iid. 13Jesus hela nii la-ura leolbaan saguul haet-faat, hoda saguul haet-faat. Ura hela futu nor animaal hui seirgaa. Nii la-ura, Satanaas laa kook Jesus oid fun tuir Satanaas ni akar, mahee Jesus ba fun tuir. Toom maa, Nai Maromak ni anju ois lalehan maa serbii Ura.
Nai Jesus laa nii Galileia oid atuud Nai Maromak ni saal
(Mateus 4:12-17; Lucas 4:14-15)
14Arfiil roo fael telo João Saraen-door Ubu ataam la kadeia, Jesus meit laa nii provinsia Galileia, oid nee sai Nai Maromak ni Teor-hua Kode. 15Nii la-ura, Ura nee sai dega,
“Fliik ma! Agora, Maromak ni leolbaan raat soub!
Agora, roo hailagaa meit taad soub dega, Nai Maromak fee ukun.
Des manura fee iim tenki fois soub iim sala,
oid laa siil toom lea Maromak,
i fiar la Ura ni Novidade Kode.”#Mateus 3:2
Nai Jesus haah artuub bae fee fael ikan oid toom Ura
(Mateus 4:18-22; Lucas 5:1-11)
16Nii leolbaan iid, Jesus lolai nii taes gugu Galileia. Ura eot artuub ubu ruu: Simão, nor ni kau, Andre. Room ubu ruu soek bael dai oid fael ikan. Room serbius fee idura. 17Jesus haah room, dega, “Hei! Fliik ma! Iim maa toom Au! Iim adada nae ikan, mahee agora Au naha noir iim laa nae artuub oid laa toom Nai Maromak.” 18Fliik Jesus dega manura, room ubu ruu fois telo dai, oid laa toom enene Ura.
19Faklau telo, Jesus lolai ba roo hei, Ura eot loi Zebedeu ni ana room: Tiago nor ni kau João. Room ubu ruu adia bael redi nii bero lala. 20Jesus haah room ubu ruu dega, “Maa toom Au.” Fliik manura, room ubu ruu fois telo room ama nor roo seir bae fee serbius nii bero lala. I room laa toom Jesus.
Nai Jesus toeh sai espiritu klao ois artuub iid nii sidadi Kafarnaum
(Lucas 4:31-37)
21Toom maa, Jesus nor roo ubu faat bae fee toom Ura raat nii sidadi Kafarnaum. Nii leolbaan sabdu, roo Judeu room ni leolbaan oid arohan,#1:21:Roo Judeu ni leolbaan oid arohan, ka leolbaan free, room haah ‘Leolbaan Sabdu’. Jesus meit tafae la nii uum kreda oid noir. 22Roo hailagaa fliik Ura kase manura, room kauk ulu nor kakaha, deslaa Ura taad didi naam bae fee Ura noir. Ura ni noir ba man loor nor mestri room enlaa lei Judeu ni.#Mateus 7:28-29
23Nii hati kidura, nei artuub iid, espiritu klao tafae nii ura ni hua-lala. Arfiil Jesus noir bael, artuub idura meit tafae la nii uum kreda lala. I ura kirai, dega, 24“Hei! Jesus, Nazaré ana! O naha fun sabiid ma aem? O maa fun rahu aem, ka? Aem taad seen fee O. O fee Artuub iid ba nei sala bae fee Nai Maromak ruu maa.”
25Mahee Jesus kase makaas la ura dega, “Noto! Taa o gugu! Sai ois artuub iduri!”
26Espiritu klao too fun artuub too ni eta lolo todood meit. I ura sai ois artuub too nor kirai makaas. 27I roo hailagaa nii uum kreda lala too hleeh nor kauk ulu. Room meit kase la loor dega, “Sabiid fee ura? Ura ruu espiritu klao room sai, i room fun tuir Ura. Noir ura heu, ka? Am-Nai ni teor-hua too medeed ba halimar!”
28Roo meit tuir laa-maa ois uum laa uum, raat nii aldeia hailagaa nii provinsia Galileia.
Nai Jesus fun kode Simão ni kai hina, nor roo rini
(Mateus 8:14-17; Lucas 4:38-41)
29Arfiil room sai ois uum kreda too, Jesus, Tiago nor João laa nii Simão#1:29:Simão ni gala selu fee Pedro. nor Andre ni uma. 30Simão ni kai hina eta bruis, boe bael. Arfiil Jesus nor ni eskolanti room tafae la nii uum lala, roo tafaar la Jesus dega, “Simão ni kai hina eta bruis.”
31I Jesus laa fei taat hina ura, fael ura ni lima, oid tloo ura mrii. I ura ni moras lako enene. Toom maa, Simão ni kai hina sai laa oid serbii room.
32Arfiil leol mata naha mou, artuub seir oid deis roo moras seir nor roo bae fee espiritu klao tafae nii room lala, la Jesus oid tuuk tulun. 33Roo nii sidadi tema maa futu nii uum too ni ahe. 34Roo seirgaa ni moras aeh-aeh, mahee Jesus fun kode room moras meit. I Ura toeh sai meit espiritu klao rini ois room. Mahee Jesus ba nee lisensa la espiritu klao seirgaa kase, deslaa room taad seen fee Ura.
Nai Jesus lolai leom aldeia-aldeia, oid nee sai Nai Maromak ni Novidadi Kode
(Lucas 4:42-44)
35Belebuus naam hii rafu, Jesus blee telo soub. I Ura sai telo ois uum. Toom maa Ura laa nii hati kiid seneda, oid fun orasaun, kase nor Nai Maromak. 36Arfiil Pedro room blee, ba eot Jesus, entaun room laa nae Ura. 37Arfiil room eot telo Jesus, room dega, “Am-Nai. Roo rini nae Iit Tuu.”
38Mahee Ura ataan dega, “Kode. Mahee kode reis iit laa nii aldeia-aldeia bae fee fedesi. Deslaa Au naha nee sai meit Nai Maromak ni Novidadi Kode la room. Idura fee Au serbius didi.”
39Faklau telo, Ura lolai leom nii provinsia Galileia tema, oid nee sai Nai Maromak ni Novidadi Kode nii uum kreda seirgaa. I Ura meit toeh sai espiritu klao ois room seirgaa.#Mateus 4:23; 9:35
Nai Jesus fun kode artuub lepra kiid
(Mateus 8:1-4; Lucas 5:12-16)
40Nii tempu kidura, artuub lepra kiid maa asour Jesus. Ura diku nii Jesus ni ahe, oid tuuk tulun la Jesus, manuri, “Am-Nai. Tulun laed au! Des au taad, Iit Tuu leob fun kode au moras iduri, la roo ba leob migia au. Sala ne Iit Tuu akar.”
41Jesus doim artuub too, i Ura lool ni lima la een artuub too, oid dega, “Au akar. Agora o kode laab!” 42Hleeh maa, artuub idura ni moras lako, i ni eta lolo kabeer siil soub. 43Toom maa, Jesus ruu artuub too suli, i nee anoin la ura, dega, 44“Anoin kod-koed! O kode soub, mahee o ba leob tuir la roo selu. O tenki fun tuir iit tata Moises ni lei muna. Manura, o laa muun ulu relijiaun Judeu ni, la ura fei kook o eta lolo, o moras too lako soub, ka tais. Toom maa, o tenki nee oferta man nee obrigadu la Maromak, la roo hailagaa oid taad dega, o kode tuus soub.”#Levitiku 14:1-32
45Mahee artuub too sai i laa tuir nii hati la hati. Toom maa roo rini maa nae Jesus, fun Ura ba hela des nii sidadi seirgaa. Manura, Ura laa hela roo telo ois sidadi, nii hati bae fee seneda. Mahee roo ois hati-hati lool maa manhati nae Jesus.
Aktualisht i përzgjedhur:
Marcos 1: BMGM
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2023 Wycliffe Bible Translators Inc
Marcos 1
1
1Iduri fee Novidadi Kode kiid enlaa Nai Maromak ni Ana.#1:1Dokumentu agi nor teor Gregu rini doloo. Seir hlai ‘Nai Maromak ni Ana’. Seir ba hlai. Ura gala, Jesus Kristu, bae fee Nai Maromak atuud enene fes muna faklau. Ura ni istori komesa manuri:
João Saraen-door Ubu laek saal la Nai Jesus
(Mateus 3:1-12; Lucas 3:1-18; João 1:19-28)
2Molok Jesus naha fun ni serbius, Nai Maromak ruu roo iid maa muun telo soub. Roo ura gala João. João ura tenki maa muun laek saal oid gnaan Nai Jesus. Des muna faklau, Nai Maromak uza soub Ni gugu nor lama kiid, gala Isaías. Ura hlai enene manuri:
“Artuub hailagaa fliik ma!
Au ruu Au artuub iid laa muun oid laek saal la O.#Malaquias 3:1
3Roo too hii laa nii rae hui bae fee ubu ba nei, oid nee sai nor tero makaas, dega,
‘Artuub hailagaa adia saal fun kode, oid sium am-Nai naha maa!
Adia saal fun kabeer oid sium Ura.’ ”#Isaías 40:3
4-6Adada roo teum João dega, Saraen-door Ubu. Ura hela nii rae hui maas. Ura ni hena fun ois kuud-kamelu ni hulu. I ura ni sistia fun ois animaal ni tia. Ura ni namaa fee sulai nor aen era.#1:4-6 João ni mori man Elias, iid bae fee Nai Maromak ni gugu nor lama fes muna faklau. #Daot room 2 1:8
Nii tempu idura, roo rini maa ois sidadi Jerusalem, nor ois hati-hati provinsia Judeia tema. Room haigaa maa asour João nii ura ni hela hati. Room maa naha fei João nor room akar fliik ura ni noir. João nee sai la room, dega, “Iim tenki nee sai i fois telo iim sala hailagaa, la Nai Maromak amoo telo iim sala hailagaa. Toom maa, iim tenki saraen, man sinaal iid dega, iim fois soub iim sala i iim kode loor siil nor Nai Maromak.”
Room nee sai room sala, i João meit saraen room nii slook Jordaun.
7João nee sai dega, “Ba agi des, Artuub iid hii maa, i Ura tuu reis au. Naha sai lea Ni ata nor haihuu oid seob sapatu tali lea, au badei-baraat. 8Au saraen iim oid eer lea, mahee Ura hii fun reis siil au, deslaa Ura hii fun iim hua-lala benu nor Nai Maromak ni Espiritu Santu.”
João saraen Nai Jesus
(Mateus 3:13-17; Lucas 3:21-22)
9Nii tempu kidura, Jesus maa ois aldeia Nazaré nii provinsia Galileia, oid asour loor nor João. I João saraen Ura nii slook Jordaun. 10Arfiil Jesus sai ois eer maa, Ura fei lalehan dlaek. I Nai Maromak ni Espiritu duu la Jesus, man maun kuum iid. 11Room meit fliik Nai Maromak ni tero ois lalehan, dega manuri,
“O Au Ana bae fee Au doim.
O sempre fun Au hua-lala aksolok.”#Jenesis 22:2; Salmos 2:7; Isaías 42:1; Mateus 3:17; 12:18; Marcos 9:7; Lucas 3:22
Satanaas kook Nai Jesus nii rae hui maas
(Mateus 4:1-11; Lucas 4:1-13)
12Faklau telo, Nai Maromak ni Espiritu obriga Jesus laa nii rae hui maas iid. 13Jesus hela nii la-ura leolbaan saguul haet-faat, hoda saguul haet-faat. Ura hela futu nor animaal hui seirgaa. Nii la-ura, Satanaas laa kook Jesus oid fun tuir Satanaas ni akar, mahee Jesus ba fun tuir. Toom maa, Nai Maromak ni anju ois lalehan maa serbii Ura.
Nai Jesus laa nii Galileia oid atuud Nai Maromak ni saal
(Mateus 4:12-17; Lucas 4:14-15)
14Arfiil roo fael telo João Saraen-door Ubu ataam la kadeia, Jesus meit laa nii provinsia Galileia, oid nee sai Nai Maromak ni Teor-hua Kode. 15Nii la-ura, Ura nee sai dega,
“Fliik ma! Agora, Maromak ni leolbaan raat soub!
Agora, roo hailagaa meit taad soub dega, Nai Maromak fee ukun.
Des manura fee iim tenki fois soub iim sala,
oid laa siil toom lea Maromak,
i fiar la Ura ni Novidade Kode.”#Mateus 3:2
Nai Jesus haah artuub bae fee fael ikan oid toom Ura
(Mateus 4:18-22; Lucas 5:1-11)
16Nii leolbaan iid, Jesus lolai nii taes gugu Galileia. Ura eot artuub ubu ruu: Simão, nor ni kau, Andre. Room ubu ruu soek bael dai oid fael ikan. Room serbius fee idura. 17Jesus haah room, dega, “Hei! Fliik ma! Iim maa toom Au! Iim adada nae ikan, mahee agora Au naha noir iim laa nae artuub oid laa toom Nai Maromak.” 18Fliik Jesus dega manura, room ubu ruu fois telo dai, oid laa toom enene Ura.
19Faklau telo, Jesus lolai ba roo hei, Ura eot loi Zebedeu ni ana room: Tiago nor ni kau João. Room ubu ruu adia bael redi nii bero lala. 20Jesus haah room ubu ruu dega, “Maa toom Au.” Fliik manura, room ubu ruu fois telo room ama nor roo seir bae fee serbius nii bero lala. I room laa toom Jesus.
Nai Jesus toeh sai espiritu klao ois artuub iid nii sidadi Kafarnaum
(Lucas 4:31-37)
21Toom maa, Jesus nor roo ubu faat bae fee toom Ura raat nii sidadi Kafarnaum. Nii leolbaan sabdu, roo Judeu room ni leolbaan oid arohan,#1:21:Roo Judeu ni leolbaan oid arohan, ka leolbaan free, room haah ‘Leolbaan Sabdu’. Jesus meit tafae la nii uum kreda oid noir. 22Roo hailagaa fliik Ura kase manura, room kauk ulu nor kakaha, deslaa Ura taad didi naam bae fee Ura noir. Ura ni noir ba man loor nor mestri room enlaa lei Judeu ni.#Mateus 7:28-29
23Nii hati kidura, nei artuub iid, espiritu klao tafae nii ura ni hua-lala. Arfiil Jesus noir bael, artuub idura meit tafae la nii uum kreda lala. I ura kirai, dega, 24“Hei! Jesus, Nazaré ana! O naha fun sabiid ma aem? O maa fun rahu aem, ka? Aem taad seen fee O. O fee Artuub iid ba nei sala bae fee Nai Maromak ruu maa.”
25Mahee Jesus kase makaas la ura dega, “Noto! Taa o gugu! Sai ois artuub iduri!”
26Espiritu klao too fun artuub too ni eta lolo todood meit. I ura sai ois artuub too nor kirai makaas. 27I roo hailagaa nii uum kreda lala too hleeh nor kauk ulu. Room meit kase la loor dega, “Sabiid fee ura? Ura ruu espiritu klao room sai, i room fun tuir Ura. Noir ura heu, ka? Am-Nai ni teor-hua too medeed ba halimar!”
28Roo meit tuir laa-maa ois uum laa uum, raat nii aldeia hailagaa nii provinsia Galileia.
Nai Jesus fun kode Simão ni kai hina, nor roo rini
(Mateus 8:14-17; Lucas 4:38-41)
29Arfiil room sai ois uum kreda too, Jesus, Tiago nor João laa nii Simão#1:29:Simão ni gala selu fee Pedro. nor Andre ni uma. 30Simão ni kai hina eta bruis, boe bael. Arfiil Jesus nor ni eskolanti room tafae la nii uum lala, roo tafaar la Jesus dega, “Simão ni kai hina eta bruis.”
31I Jesus laa fei taat hina ura, fael ura ni lima, oid tloo ura mrii. I ura ni moras lako enene. Toom maa, Simão ni kai hina sai laa oid serbii room.
32Arfiil leol mata naha mou, artuub seir oid deis roo moras seir nor roo bae fee espiritu klao tafae nii room lala, la Jesus oid tuuk tulun. 33Roo nii sidadi tema maa futu nii uum too ni ahe. 34Roo seirgaa ni moras aeh-aeh, mahee Jesus fun kode room moras meit. I Ura toeh sai meit espiritu klao rini ois room. Mahee Jesus ba nee lisensa la espiritu klao seirgaa kase, deslaa room taad seen fee Ura.
Nai Jesus lolai leom aldeia-aldeia, oid nee sai Nai Maromak ni Novidadi Kode
(Lucas 4:42-44)
35Belebuus naam hii rafu, Jesus blee telo soub. I Ura sai telo ois uum. Toom maa Ura laa nii hati kiid seneda, oid fun orasaun, kase nor Nai Maromak. 36Arfiil Pedro room blee, ba eot Jesus, entaun room laa nae Ura. 37Arfiil room eot telo Jesus, room dega, “Am-Nai. Roo rini nae Iit Tuu.”
38Mahee Ura ataan dega, “Kode. Mahee kode reis iit laa nii aldeia-aldeia bae fee fedesi. Deslaa Au naha nee sai meit Nai Maromak ni Novidadi Kode la room. Idura fee Au serbius didi.”
39Faklau telo, Ura lolai leom nii provinsia Galileia tema, oid nee sai Nai Maromak ni Novidadi Kode nii uum kreda seirgaa. I Ura meit toeh sai espiritu klao ois room seirgaa.#Mateus 4:23; 9:35
Nai Jesus fun kode artuub lepra kiid
(Mateus 8:1-4; Lucas 5:12-16)
40Nii tempu kidura, artuub lepra kiid maa asour Jesus. Ura diku nii Jesus ni ahe, oid tuuk tulun la Jesus, manuri, “Am-Nai. Tulun laed au! Des au taad, Iit Tuu leob fun kode au moras iduri, la roo ba leob migia au. Sala ne Iit Tuu akar.”
41Jesus doim artuub too, i Ura lool ni lima la een artuub too, oid dega, “Au akar. Agora o kode laab!” 42Hleeh maa, artuub idura ni moras lako, i ni eta lolo kabeer siil soub. 43Toom maa, Jesus ruu artuub too suli, i nee anoin la ura, dega, 44“Anoin kod-koed! O kode soub, mahee o ba leob tuir la roo selu. O tenki fun tuir iit tata Moises ni lei muna. Manura, o laa muun ulu relijiaun Judeu ni, la ura fei kook o eta lolo, o moras too lako soub, ka tais. Toom maa, o tenki nee oferta man nee obrigadu la Maromak, la roo hailagaa oid taad dega, o kode tuus soub.”#Levitiku 14:1-32
45Mahee artuub too sai i laa tuir nii hati la hati. Toom maa roo rini maa nae Jesus, fun Ura ba hela des nii sidadi seirgaa. Manura, Ura laa hela roo telo ois sidadi, nii hati bae fee seneda. Mahee roo ois hati-hati lool maa manhati nae Jesus.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2023 Wycliffe Bible Translators Inc