Yohanes 13
13
Yesusti eldi yubu ka'ero neleptop nangdi yan sang a'elbahiogha
1Sin nimi tanekori Paskah sum kwaneng roti walerop komne tero ulamnepne anam ten komag, Yesusti el uro wamog nena, “Na mog so'o eneag agha Naniag samoro yingkinepne wene uro yabinual,” aro el taog. Wene aro el taog ane sembe, mog so'o eneag elap nhon wamek nang o'ona senelamsiog nang taneko nen tipto el komobanep sum eneko babe o'ona sembahiog. 2O'ona sembahiogpa, inipnag sinap nhon kwaneng tero ulamekpa, aneko Simon as Keriotne#Yohanes 6:71; 13:26 elme Yudas babe wamog. Yudas neneko phia sikini nubungeri samenag agha eldi wanaag alukamogpa, “Yesus pan khebanun,” sembaogti nikag tero ulamek. 3Yesusti el wamog nena, “Na Naniri nia ni saelbamlange neneko na saeag pibo. Na Nani Allah wamlangeag agha yahiri, wene na nen samoro Allah wamlangeag yingkinuan,” aro el wamog. El uro wamog ane sembe, 4el kwaneng telamogne lia sekel ingkiogti, ag el nongag siliplengero wangkamogne kwiripto pibogti, mag luptangtop ag nhon eldi uwoghag nobog. 5Nobongkia lebogti, mag ikto liroba kau aneko wamoghag libaog. Mag ikto libaogti, Yesusti alniro eldi yubu ka'ero neleptop nangdi yan sangag mag ikto a'elbahiogti, uwoghag nobamog ag aneko agha luplamsiog.
6Ikia lubia payalamsiogti, Simon Petrusag, “Ikto lupnun,” aro ulamogpa, Petrusti Yesusag, “Nai, nu Saelba Uhiropne wamlam aghana, andi nari yan, ‘A'elbanun,’ aro ulamlam te?” seog.
7Wene seogpa Yesusti, “Wene nari ulamnange nene sembe an el uro wamlam kom aghana, uro yabinepne neneko amik uro yabile tanena, an el tagheleba seneraglamlulam,” seog.
8Wene seogpa Petrusti, “Kom!” alamogti, “Andi ik nhon babe nari yan mag ikongkia a'elbanululam kom,” seog.
Wene seogpa Yesusti, “Nari an a'elbaghene kom tanena, naringe agha pogtoba anag tanep kom,” seog.
9Wene seogpa Petrusti, “Nai nu Saelbamsilamne. Wene selam tanena, yan sang aghabog kom aghana, nari sae usog babe mag ikto a'elbanululam,” seog.
10Wene seogpa, Yesusti Petrusag, “Nimi mag a'alep tangka urop nimina nongag sembenga orog ane sembe, nen nong a'elahinne sembe teko orog. Nimi eneko ot yan sang agha a'elbahinepne teko uhirop. A'un tane wamlom nimi sembenga orog saog nimi wamlom aghana, a'un ni kom,” seog. 11Yesusti wene seog nena, etneri el pan khebanepne sembe el wamogti lebog. Ane sembe, “A'un sembenga orog saog nimi wamlom nimina, a'un ni kom,” seog.
12Yesusti sin ni yan sang mag a'elero lupsiogti, nen eldi ag kwiripto pibogne toro enekaogti, nen samoro pulingkiog. Pukogti yubu lelamogti, “Weneog nari a'unag uanne sembe a'undi seneragna olog seneraglamlom te?” aro hairo ambatsiog. 13Nen tipto yubu ambarelamsiogti, “A'undi na yoplamnelom nena, ‘Nu amohiropne,’ alamlomne babe, ‘Nu Saelba Uhiropne,’ alamlomne babe, otsikne agha wali lelamlom. A'undi lelamlomne poneko wamna. 14Nari a'un Saelba Uhiropne wamnari, a'un amohiropne wamnange ponekori wana mombolag nenep tangto a'undi yan mag a'elero lupsin tanena, a'undi babe undo a'un mamun yan a'alep tangto ulamnepneog wamla. 15Nari a'unag uahinne nenekona, sunumna a'unag sumbatsin andarina, nari uanne saog uro a'undi babe nelepto ulamlulom. 16Nari yubu sikne agha ambatnuahin. Nimi arukna urop nimi nhonna, ili phibom agha nubu sirikne urop kom. Apna yubu ambatto pirop nimi nhonna, yubu ngaingeri el pogtop nimiri mikiba phibom agha mikip sirikne urop kom. 17Nari a'unag ambatsinne nene el wamlom tanena, a'undi ulapmundi, awi uro wali wamlulom.
18‘Awi uro wali wamlulom,’ alamnange a'un ni sembe lelamna kom. Nari wepsino nimi taneko el uro wamna aghana, wepsino andarina samenag mome toro pibog yubu neneko sunsunup talul. Sunsunup tanepneog yubu wamlangena, ‘Nanap nhon kwaneng nikag telamnam nimi enekori na aisange nembanel,’ aro mome toro pibog.#Sepna 41:10
19Wene anea amik uro yabinepne anam uro yabin komag ambareamsine andarina, amik uro yabileba, a'undi na ya'ag wamnangeag sikne aro seneraglamnululom. 20Nari yubu sikne agha ambatnuahin. Nimi etneri nari yubu poa pogsine nimi toro pipsile tanena, na babe toro pimneloa saog uro ulamlul. Apna nimi etneri na toro pimnele tanena, na pogneogne poneko toro piploa saog uro ulamlul,” aro ambatsiog.
El pan khebanepne sembe Yesusti anamag ambatsiogha
(Matius 26:20-25; Markus 14:17-21; Lukas 22:21-23)
21Wene seogpa, el wana samsamolamogpa, Yesusti yubu lelamogti, “Nari yubu sikne agha ambatnuahin. A'un wamlom nimi nhondi na pan khebanululam,” aro sik yubu ambatsiog.
22Yesusti wene aro ambatsiogne sembe eldi yubu ka'ero neleptop nang sin mamun kemeptaekti, “Etneri ualulne sembe lepla?” aro wana enhaun seek. 23Eldi yubu ka'ero neleptopne nhon Yesusti o'ona sembaneogne eneko el saramag pukamog.#13:23 Yesusti o'ona sembaneogne aro lebog tanena, Yohanesti eldamne sembe leptaog. 24Ane sembe el saramag pukamogne enekoag Simon Petrusti, “‘Etne sembe leplam?’ aro Yesusag haibalulam,” aro haing tibu nginikom seog.
25Wene seogpa, Yesus saramag pukamogneri nen ko'oro tangom agha Yesusag, “Nai nu Saelbamsilamne, etneri ualulne sembe leplam?” aro haibaog.
26Wene aro haibaogpa, Yesusti samoro yubu lelamogti, “Kwaneng roti kheptoba ane nari maghag werebongkia tatne nimi enekori na pan khebanelul,” seog.
Wene seogti, Yesusti kwaneng roti kheptoba maghag werebongkia Simon as Keriotne#Yohanes 6:71; 13:2 elme Yudasag tarog. 27Kwaneng roti tarogpa, tobog abeneko, phia sikini nubunge Yudas kulomag wa'alaog. Wa'alaogpa Yesusti Yudasag, “Andi, ‘Uanun,’ sembalamne elemag ualulam,” seog.
28Yesusti Yudasag wene seog aghana, sin tane kwaneng tero ulamek nimi nenneri ka'ebi agha Yesusti sa'a seneraghogti, lebogne sembe el taek kom. 29El taek kom nena, nimiri yepsinne tatsiroba Yudasti saeag nenelamekpa, paia unne wamog. Ane sembe, sin taneko wamek nimi nhon-nhondi senelamek nena, “Yesusti elag ambatto, ‘Nu kwaneng teroba teko uahinepne kamna kapto tol pululam,’ aro aruklamla to, ‘Nimi saeagha orog nimiag yepsinepne tarel phululam,’ aro lelamla to,” sembamekti el taek kom. 30Ane sembe kwaneng roti kheptoba tarogne terogha Yudas peket lambaog. Anekoa lambaogne, ae inipnag agha lambaog.
Aruksirop yubu wendogne ambatsiogha
31Yudas la'imbom agha piog ane sembe, Yesusti ambarelamsiogti, “Wene na mog so'oag nimi tangtopne paliag nenero kiptopne lag tanual. Apna na mog so'oag nimi tangtopne pere agha Allah paliag uropne kiptoba babe lag tanual. 32Allah paliag uropne kiptoba nimi eneko pere agha lag tangtop tanena, Allahri nimi eneko paliag nenero kipnelulne eldamne pere agha lag talul. Apna eldi elem uro nimi eneko paliag nenero kipnelul.
33Namabo, na a'unap nhon wamapne nen ko'o we uro wamnun kom. A'undi amik na elamnululom. Ot nari samenag Yahudi nimi saelbamsiang nangag ambatsino saog urona, a'unag babe wene ambatnuahin. Na pineri wamneag aneko a'un yanep kom.
34Nari a'unag aruksirop yubu wendogne ambatsine andarina, a'un mamun o'ona senel dalamlulom.#Yohanes 15:12,17; 1 Yohanes 3:23; 2 Yohanes 5 Nari a'un o'ona sembamsin saog uro a'un mamun o'ona senel dalamlulom. 35A'un mamun undo o'ona senel dalapmun tanena, nimi niri a'un kembahiikti, nari yubu ka'ero neleptop nimi wamlomne el wamukang,” aro ambatsiog.
Yesusti Petrusag, “Andi na sembe, ‘Ekonne,’ sululam,” aro ambarogha
(Matius 26:31-35; Markus 14:27-31; Lukas 22:31-34)
36Simon Petrusti Yesusag hailamogti, “Nai nu Saelbamsilamne. An tala pululam?” aro haibaog.
Wene aro haibaogpa, Yesusti Petrusag, “Na sam pineri, wamneag aneko wene andi na nelebanep kom. Aghana amik andi na nelebanululam,” aro ambarog.
37Wene aro ambarogpa Petrusti, “Nai nu Saelba Ulamsilamne. Sa'a sembe wene nari anag nelebaghenep kom? Na tebanea babe an sembe tebanun,” aro ambarog.
38Wene aro ambarogpa, Yesusti elag, “An sik uro na sembe an tebalulam te? Nari anag yubu sikne agha ambarelangken. Anam winang ayamdi kau sen komag, andi ik wilindi na sembe, ‘Ekonne,’ sunululam,” aro ambarog.
Aktualisht i përzgjedhur:
Yohanes 13: kklKOS
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2023 (Active), Wycliffe Bible Translators, Inc. All rights reserved.
Yohanes 13
13
Yesusti eldi yubu ka'ero neleptop nangdi yan sang a'elbahiogha
1Sin nimi tanekori Paskah sum kwaneng roti walerop komne tero ulamnepne anam ten komag, Yesusti el uro wamog nena, “Na mog so'o eneag agha Naniag samoro yingkinepne wene uro yabinual,” aro el taog. Wene aro el taog ane sembe, mog so'o eneag elap nhon wamek nang o'ona senelamsiog nang taneko nen tipto el komobanep sum eneko babe o'ona sembahiog. 2O'ona sembahiogpa, inipnag sinap nhon kwaneng tero ulamekpa, aneko Simon as Keriotne#Yohanes 6:71; 13:26 elme Yudas babe wamog. Yudas neneko phia sikini nubungeri samenag agha eldi wanaag alukamogpa, “Yesus pan khebanun,” sembaogti nikag tero ulamek. 3Yesusti el wamog nena, “Na Naniri nia ni saelbamlange neneko na saeag pibo. Na Nani Allah wamlangeag agha yahiri, wene na nen samoro Allah wamlangeag yingkinuan,” aro el wamog. El uro wamog ane sembe, 4el kwaneng telamogne lia sekel ingkiogti, ag el nongag siliplengero wangkamogne kwiripto pibogti, mag luptangtop ag nhon eldi uwoghag nobog. 5Nobongkia lebogti, mag ikto liroba kau aneko wamoghag libaog. Mag ikto libaogti, Yesusti alniro eldi yubu ka'ero neleptop nangdi yan sangag mag ikto a'elbahiogti, uwoghag nobamog ag aneko agha luplamsiog.
6Ikia lubia payalamsiogti, Simon Petrusag, “Ikto lupnun,” aro ulamogpa, Petrusti Yesusag, “Nai, nu Saelba Uhiropne wamlam aghana, andi nari yan, ‘A'elbanun,’ aro ulamlam te?” seog.
7Wene seogpa Yesusti, “Wene nari ulamnange nene sembe an el uro wamlam kom aghana, uro yabinepne neneko amik uro yabile tanena, an el tagheleba seneraglamlulam,” seog.
8Wene seogpa Petrusti, “Kom!” alamogti, “Andi ik nhon babe nari yan mag ikongkia a'elbanululam kom,” seog.
Wene seogpa Yesusti, “Nari an a'elbaghene kom tanena, naringe agha pogtoba anag tanep kom,” seog.
9Wene seogpa Petrusti, “Nai nu Saelbamsilamne. Wene selam tanena, yan sang aghabog kom aghana, nari sae usog babe mag ikto a'elbanululam,” seog.
10Wene seogpa, Yesusti Petrusag, “Nimi mag a'alep tangka urop nimina nongag sembenga orog ane sembe, nen nong a'elahinne sembe teko orog. Nimi eneko ot yan sang agha a'elbahinepne teko uhirop. A'un tane wamlom nimi sembenga orog saog nimi wamlom aghana, a'un ni kom,” seog. 11Yesusti wene seog nena, etneri el pan khebanepne sembe el wamogti lebog. Ane sembe, “A'un sembenga orog saog nimi wamlom nimina, a'un ni kom,” seog.
12Yesusti sin ni yan sang mag a'elero lupsiogti, nen eldi ag kwiripto pibogne toro enekaogti, nen samoro pulingkiog. Pukogti yubu lelamogti, “Weneog nari a'unag uanne sembe a'undi seneragna olog seneraglamlom te?” aro hairo ambatsiog. 13Nen tipto yubu ambarelamsiogti, “A'undi na yoplamnelom nena, ‘Nu amohiropne,’ alamlomne babe, ‘Nu Saelba Uhiropne,’ alamlomne babe, otsikne agha wali lelamlom. A'undi lelamlomne poneko wamna. 14Nari a'un Saelba Uhiropne wamnari, a'un amohiropne wamnange ponekori wana mombolag nenep tangto a'undi yan mag a'elero lupsin tanena, a'undi babe undo a'un mamun yan a'alep tangto ulamnepneog wamla. 15Nari a'unag uahinne nenekona, sunumna a'unag sumbatsin andarina, nari uanne saog uro a'undi babe nelepto ulamlulom. 16Nari yubu sikne agha ambatnuahin. Nimi arukna urop nimi nhonna, ili phibom agha nubu sirikne urop kom. Apna yubu ambatto pirop nimi nhonna, yubu ngaingeri el pogtop nimiri mikiba phibom agha mikip sirikne urop kom. 17Nari a'unag ambatsinne nene el wamlom tanena, a'undi ulapmundi, awi uro wali wamlulom.
18‘Awi uro wali wamlulom,’ alamnange a'un ni sembe lelamna kom. Nari wepsino nimi taneko el uro wamna aghana, wepsino andarina samenag mome toro pibog yubu neneko sunsunup talul. Sunsunup tanepneog yubu wamlangena, ‘Nanap nhon kwaneng nikag telamnam nimi enekori na aisange nembanel,’ aro mome toro pibog.#Sepna 41:10
19Wene anea amik uro yabinepne anam uro yabin komag ambareamsine andarina, amik uro yabileba, a'undi na ya'ag wamnangeag sikne aro seneraglamnululom. 20Nari yubu sikne agha ambatnuahin. Nimi etneri nari yubu poa pogsine nimi toro pipsile tanena, na babe toro pimneloa saog uro ulamlul. Apna nimi etneri na toro pimnele tanena, na pogneogne poneko toro piploa saog uro ulamlul,” aro ambatsiog.
El pan khebanepne sembe Yesusti anamag ambatsiogha
(Matius 26:20-25; Markus 14:17-21; Lukas 22:21-23)
21Wene seogpa, el wana samsamolamogpa, Yesusti yubu lelamogti, “Nari yubu sikne agha ambatnuahin. A'un wamlom nimi nhondi na pan khebanululam,” aro sik yubu ambatsiog.
22Yesusti wene aro ambatsiogne sembe eldi yubu ka'ero neleptop nang sin mamun kemeptaekti, “Etneri ualulne sembe lepla?” aro wana enhaun seek. 23Eldi yubu ka'ero neleptopne nhon Yesusti o'ona sembaneogne eneko el saramag pukamog.#13:23 Yesusti o'ona sembaneogne aro lebog tanena, Yohanesti eldamne sembe leptaog. 24Ane sembe el saramag pukamogne enekoag Simon Petrusti, “‘Etne sembe leplam?’ aro Yesusag haibalulam,” aro haing tibu nginikom seog.
25Wene seogpa, Yesus saramag pukamogneri nen ko'oro tangom agha Yesusag, “Nai nu Saelbamsilamne, etneri ualulne sembe leplam?” aro haibaog.
26Wene aro haibaogpa, Yesusti samoro yubu lelamogti, “Kwaneng roti kheptoba ane nari maghag werebongkia tatne nimi enekori na pan khebanelul,” seog.
Wene seogti, Yesusti kwaneng roti kheptoba maghag werebongkia Simon as Keriotne#Yohanes 6:71; 13:2 elme Yudasag tarog. 27Kwaneng roti tarogpa, tobog abeneko, phia sikini nubunge Yudas kulomag wa'alaog. Wa'alaogpa Yesusti Yudasag, “Andi, ‘Uanun,’ sembalamne elemag ualulam,” seog.
28Yesusti Yudasag wene seog aghana, sin tane kwaneng tero ulamek nimi nenneri ka'ebi agha Yesusti sa'a seneraghogti, lebogne sembe el taek kom. 29El taek kom nena, nimiri yepsinne tatsiroba Yudasti saeag nenelamekpa, paia unne wamog. Ane sembe, sin taneko wamek nimi nhon-nhondi senelamek nena, “Yesusti elag ambatto, ‘Nu kwaneng teroba teko uahinepne kamna kapto tol pululam,’ aro aruklamla to, ‘Nimi saeagha orog nimiag yepsinepne tarel phululam,’ aro lelamla to,” sembamekti el taek kom. 30Ane sembe kwaneng roti kheptoba tarogne terogha Yudas peket lambaog. Anekoa lambaogne, ae inipnag agha lambaog.
Aruksirop yubu wendogne ambatsiogha
31Yudas la'imbom agha piog ane sembe, Yesusti ambarelamsiogti, “Wene na mog so'oag nimi tangtopne paliag nenero kiptopne lag tanual. Apna na mog so'oag nimi tangtopne pere agha Allah paliag uropne kiptoba babe lag tanual. 32Allah paliag uropne kiptoba nimi eneko pere agha lag tangtop tanena, Allahri nimi eneko paliag nenero kipnelulne eldamne pere agha lag talul. Apna eldi elem uro nimi eneko paliag nenero kipnelul.
33Namabo, na a'unap nhon wamapne nen ko'o we uro wamnun kom. A'undi amik na elamnululom. Ot nari samenag Yahudi nimi saelbamsiang nangag ambatsino saog urona, a'unag babe wene ambatnuahin. Na pineri wamneag aneko a'un yanep kom.
34Nari a'unag aruksirop yubu wendogne ambatsine andarina, a'un mamun o'ona senel dalamlulom.#Yohanes 15:12,17; 1 Yohanes 3:23; 2 Yohanes 5 Nari a'un o'ona sembamsin saog uro a'un mamun o'ona senel dalamlulom. 35A'un mamun undo o'ona senel dalapmun tanena, nimi niri a'un kembahiikti, nari yubu ka'ero neleptop nimi wamlomne el wamukang,” aro ambatsiog.
Yesusti Petrusag, “Andi na sembe, ‘Ekonne,’ sululam,” aro ambarogha
(Matius 26:31-35; Markus 14:27-31; Lukas 22:31-34)
36Simon Petrusti Yesusag hailamogti, “Nai nu Saelbamsilamne. An tala pululam?” aro haibaog.
Wene aro haibaogpa, Yesusti Petrusag, “Na sam pineri, wamneag aneko wene andi na nelebanep kom. Aghana amik andi na nelebanululam,” aro ambarog.
37Wene aro ambarogpa Petrusti, “Nai nu Saelba Ulamsilamne. Sa'a sembe wene nari anag nelebaghenep kom? Na tebanea babe an sembe tebanun,” aro ambarog.
38Wene aro ambarogpa, Yesusti elag, “An sik uro na sembe an tebalulam te? Nari anag yubu sikne agha ambarelangken. Anam winang ayamdi kau sen komag, andi ik wilindi na sembe, ‘Ekonne,’ sunululam,” aro ambarog.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2023 (Active), Wycliffe Bible Translators, Inc. All rights reserved.