Lukas 21
21
Yauog kel nhondi ni el saeag wamogne Allah sembe pibogha
(Markus 12:41-44)
1Yesus Allahri Mem Ae aramag pukamogti, usog ebom agha tilamogpa, nimiri kamna kaptoba Allah sembe pail piroba anekoag saeagha tup nimi tanekori kamna kaptoba liro tarelameka tibogahiog. 2Eldi kemelamogpa, kaldam kel saeagha orog kel nhondi babe kamna kaptoba wana phende wamsiogne abeneko si toro tona babe ologha tatsinepne liro pibog. 3-4Kaldam kel enekori liro pibogpa, ibogti Yesusti yubu lelamogti, “Tup nimi maikno tanekori sikin saeag maikno wamlange agha pogto waliaba maikno palilamang. Maikno palilamang aghana, kaldam kel eneri ologha piplange, el saeag orog agha ni kwaneng toro tenne elag wamlange Allah sembe ni pipla. Tup nimi taneri pogto pibangne nimiri kembiag agha, ‘Wali pogto pibang,’ sembanep. Aghana kaldam kel eneri el saeag orog agha ni tatla ane sembe, nari a'unag sik uro lelamnange, nimi ni tane wamangne kembiag agha, ‘Kaldam kel eneri agha maikno uro phelektopne pipla,’ alamna,” seog.
Allahri Mem Ae kwerekanepne sembe Yesusti ambatsiogha
(Matius 24:1-14; Markus 13:1-13)
5Sin Allahri Mem Ae aramag wamekpa, Yesusti yubu ka'ero neleplamek nimi agha nimi etpare tanekori Allahri Ae sobaekne keme warekto yubu lelamekti, “Allahri Mem Ae ane kembamen! Nubu kirik sopso waelbaek kirik walinge taneap, nimiri wali-walia Allah sembe paliropneap abenekoag agha wali uro sobaek,” aro ngalaglamek. Ngalaglamekpa Yesusti, 6“A'un wene ngalagto ililamlom nena, amik sum ae soroba ane nimiri ni kwerekto yamolobikpa, kirik pairo poa walerop kirik tanekoag agha nhon babe nen sorobag sekamlul kom,” aro Yesusti nimi tanekoag ambatsiog.
7Wene aro ambatsiogpa, sindi Yesusag hailamekti, “Nai, andi yubu nu amolamsilamne wamlam. Andi wene, ‘Uro yabilul,’ selam nena, etsum agha uro yabilul? Kekneba huropne agha lag taleba, ‘Wene uro yabinual,’ sembaukap?” aro eldi yubu ka'ero neleptop nang tanekori Yesusag haibaek.
8Wene aro haibaekpa, Yesusti samoro, “A'un haing whi uro wapmundi, ‘Nimiri orolenange nunag ambatsiikag,’ aro yae up tangkamlulom. Allahri samenag na wepto pogneogpa yahi. Aghana amik sum nimi maiknori orolena yubu lero yalamikti, a'ero-a'ero lelamikti, ‘Allahri nan agha, “Saelbamsululam,” aro wepto pogneoba yandi, wene na yubu sia lero saelbamsinun,’ sukang. Sindi orolenange lelamikne sembe a'undi sik senero sinag nelebahiseng kom. 9A'undi ka'elapmunba nimiri, ‘Nu luknuhiro saelba uhirop nang umag wamukap komdi, mal tabeberi, mo sekukap,’ aro yubu lelamika ka'elapmun tanena, wanaag samsamoro log sembaheng kom. Mal talamikne ane sik uro sam uro yabilul aghana, wene wamap ko'o komobanep sum olog anam elem uro yabinep kom,” aro Yesusti ambatsiog.
10Wene seogti, Yesusti nen tipto yubu lelamogti, “Yubu sia leropne as nhonap nhonap aisa nenep tangto mal talamikpa, nubu mog so'o nhonap, mog so'o nhonap nimi teng-tengne mal talamukang. 11Mal talamikpa, mog so'o tala-tala sa'uma nubu sirik sa'uma pot-porolamleba, kwaneng yo maikno walelamleba, nimi naikna nimiag singina singihinne babe nhon sao, nhon sao tala-tala posaplamlul. Nimi log nenehinne imag uro yabalamleba, tiwalengki agha, ‘Undo uro yabilul,’ senenne kekneba nubunge lag talamlul.
12Ni lemnange uro yabin komagna, yo nimiri a'un nari siag kekhaekto wamlom nimi a'un saelbahiikti, ‘Seklebaukang,’ aro yubu nepto olamsukang. Nimiri a'un salero Yahudi nimiri Allah yubu lero winirop aeag pabahiikti, sae kaupto kop aeag tobongkipsukang. A'un nari siag wamlomne sembe, ‘Sinag tam pibukap,’ aro a'un salero nimi mog so'o saelba uhirop nang gubernurap, yubu sia lerop nangap, sikin whingag pabalamsukang. 13A'un sin nubunang whingag wapmunne sirikag nena, na Yesus sembe, ‘Undo-undo wamori, ulamoba ibobo,’ aro sikne ambarelamsululom. 14Aghana anamag a'undi, ‘Uaukap,’ aro wanaag karebalulom nena, ‘Nimiri na tam kemero kareptop nimi whingag pabaneik tanena, “Yubu pelebel tananne welaro lemnun,” aro wana ophag aro wamnun kom,’ aro wanaag kareplapmundi, wana ikin uro seneragseng kom. 15Nandamneri a'undi pelebel tanan yubu lemnepne wana seneragna hekahineba, a'undi yubu leplulom. Nari yubu a'unag tatsine yubuag agha lelapmun tanena, a'un aisa nenep tangtop nimiri ka'ebaikti, ‘A'undi yubu orolenange wamla,’ aro lemnep komdi, sindi a'unag yubu samoro torabanep kom. 16A'undi nanag sikne aro seneraglamlomne sembe a'uni yabo, a'unin yabo, a'undo yabo, a'unipsabo, a'unkabo, a'undi nimi pali tanekori, ‘A'un opsukang,’ aro pan khebahiikpa, a'un tane wamlom nimi agha nhon-nhon ya'ag opsukang. 17A'un nanag nelepto nari siag kekhaekto wamlomne sembe nimi niri a'un sembe hausag senelamsukang. 18Hausag senelamsukang aghana, a'undi usog hong kiki nhon timbaloa saog ualul kom. 19Nimi etneri nanag wana paliro khapto ulamle tanena, kamag uro unne nimi enekoag talul,” aro Yesusti eldi yubu ka'ero neleptop nang tanekoag ambatsiog.
Yahudi nimi amik seklebaukangne sembe Yesusti ambatsiogha
(Matius 24:15-21; Markus 13:14-19)
20Yesusti yubu tipto ambarelamsiogti, “A'undi kemelapmunba, yin salerop nangdi as Yerusalem wea kanelamika ipsimun tanena, a'un el tahilul nena, ‘As soro kalurop as Yerusalem aneko oro talbalimna tanual,’ sembalulom. 21Ane sembe unulogleba, ipmun tanena, mog so'o Yudea wamik nimi merero tognop tangto yimag pukang. As soro kalurop asag wamikne lanaro pukang. Sin as Yerusalem paiag sip as olog-ologneag wamik nimi nen as Yerusalem wa'alaheng kom. 22Nen wa'alaheng kom alamnangena, samenag agha Allahri yubu silimu tiplamek nangdi mome toro palilamekti, ‘Israel nimi taneri yoaba ulamangne sembe Allahri, “Opsinun,” aro tam pelengkatsilul,’ aro mome toro palilamek.#Hosea 9:7 As Yerusalem wea kanelamika ipsimun sum eneko, ‘Allahri tam pelengkatsilul,’ aro mome toro palilamek yubu ni sunsunum uro sik uro yabinual. 23Undo uro yabalamle sum eneko sin memon wamsile kelaboap, me maum tinil tolamik kelaboap sin merero panne ikin sirikti, seklenne seklebaukang. Sin mog so'o taneag wamang nimi ni tanekori yoaba ulamangne sembe Allahri lunuro nimi wahinne lag talul sum eneko mog so'o aneag wamik nimi niag eraruk uro unne lag talul. 24Sin tane wamik nimi tanekona, nimi sisa Yahudi kom nimiri mog so'o tane nimi karog agha mal taro luknubahukang. Nimi nenne ya'ag opsiikti, nenne salero haing sae kaupto poa lepsiikti, nimi sisa yog nimi tala-tala wamikag paphukang. Sin nimi sisa Yahudi kom nimiri luknuhiro opsiikti, as Yerusalem nene saelbamikti, mog so'o ane yan ingisaplamukang. Sindi mog so'o ane salero yan ingisaplamukang nena, ot Allahri, ‘Sin nimi sisa Yahudi kom nimiri mog so'o ane hengkun taibuka taubuka ulamogha ko'o nene uro yabalamle abeneko saelbamsukang,’ senenne sunsunum uro komopto yabile taneogna lambaukang,” aro Yesusti ambatsiog.
Yesus eldamne nen mog so'oag yalulne sembe ambatsiogha
(Matius 24:29-31; Markus 13:24-27)
25Yesusti tipto ambarelamsiogti, “Amik imag tiwalengki agha el nenehiropne kekneba imag ualul nena hengag, walag, imbereaag kekneba ualul. Mog so'oag uro yabilul nena, mag laut longorop mag nubunge irik-irikna nubu uro palilamlul. Mag kurut alamlenge neneko limang talagtoba saog ulamleba, nimi tala-tala wamang nimiri, ‘Welaro omnulamsil,’ aro wana enhaun aro log sembaukang. 26Imagnang mikipne babe lologahilul ane sembe, nimi mog so'oag wamik nimiri, ‘Ni mog so'oag uro yabilenge sembe welaro omnulamsil,’ aro log seklebaikti, nimi tebaloa saog nimi taukang. 27Undo unulamle abeneko na mog so'oag nimi tahinge toa nusam toman nen samoro yanun. Yalamne sum eneko Imagne ponekori mikipne pere agha imang wareroba nubu sirikne nanag wamleba, mog so'oag wamik nimiri na tiboghanukang. 28Ni lemnange ane uro yabalamleba, mog so'oag nimiri log sembaukang aghana, a'unna log sembaheng kom. Ni kekneba lemnange ane ipsimundi, a'undi wana awi uro wapmundi, ‘Eldi nu wali nenero toro pipsinepne poneko yananne peram talamla,’ aro puka sekmendi usog eplulom,” aro Yesusti ambatsiog.
Kal araag sunumna tol pina ambatsiogha
(Matius 24:32-35; Markus 13:28-31)
29Yesusti likiptop yubu sunumna tol piogti, nen tipto ambatsiogne ane. “Kekneba uro yabilul aro lemnange ane sunumnana ane. A'undi kal araag kembamundi, ora kal niag babe kembalulom. 30Kal tanekoag kembamsimunba, kal taneko mog towaleng-towaleng paloghik tanena, ‘Wene ebare lag tanual,’ aro mog so'o tane nimiri el tangtop. 31Ane saog uro nari a'unag ambatsinne sunsunum uro uro yabalamleba kemelapmundi, ‘Allahri mog so'oag nimi saelbamsilula peram tal,’ aro a'un el tahilul.
32Yubu sikne agha a'unag ambarelamsin nena, nimi wene wamang nimi#21:32 Yunani yubuag mome toro pibogne kembi agha, seneragna phende lag tanep. Nimi nhondi, “ ‘Nimi wamang nimi anam teban komag ambatsinne nene uro yabilul,’ aro lerop,” sembanep. Nhonna, “ ‘Yahudi nimi sisa ni orog tan komag ambatsinne nene uro yabilul,’ aro lerop,” sembanep. anam teban komag ni ambatsinne nene uro yabilul. 33Imap so'oap orog talul aghana, nari yubu leropne orog talul kom. Ya'ag wamlul,” aro ambatsiog.
“A'undam nimiri, ‘Sa'a-sa'ari wana topsileag,’ aro togtangto wamlulom,” aro Yesusti ambatsiogha
34-35Yesusti nen tipto wenero ambarelamsiogti, “Na amik yanunne a'un tibogto yae up tangkamlulom. Na amik yanenge sembe a'un wali uro yae paip tangkapmun kom tanena, selbelag wa'iloa saog uro wa'inep. A'undam nimiri yae togtangto wamlulom nena, ‘Mag yonge tero nenek salehirop nimiap, wana ophag aro wana phende nenep tangtop nimiap saog tabeag,’ aro a'un togtangto wapmundi, yae paip tangkamlulom. Na lo'om aro yalamne sum eneko selbeldi lo'om aro noropsirop saog uro nimi mog so'oag urop nimiri kekneba kemban koma ekon wamik sum eneko yanun. Ane sembe yae paip tangkapmundi, 36tibogto wamlulom. Allahag moloro mololapmundi, ‘Ni seklenne uro yabinepne neneko nanag omneleagti, yepnemen andarina, el mog so'oag nimi tangtopne poneko nen yaleba, na el whingag wali wamnun,’ aro Allahag mololamlulom,” aro Yesusti eldi yubu ka'ero neleptop nangag ambatsiog.
37Allahri Mem Ae aramag aneko Yesusti sop-sop Allah yubu ambarelamsiogpa, ae iniplamog abeneko yim Zaitun anekoag pina malamog. 38Ae lukun heng tingilamog abeneko pere nimi ni sop-sop Allahri Mem Ae aramag aneko, “Yesusti yubu ambatsilenge ka'ebaukap,” aro yalamek.
Aktualisht i përzgjedhur:
Lukas 21: kklKOS
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2023 (Active), Wycliffe Bible Translators, Inc. All rights reserved.
Lukas 21
21
Yauog kel nhondi ni el saeag wamogne Allah sembe pibogha
(Markus 12:41-44)
1Yesus Allahri Mem Ae aramag pukamogti, usog ebom agha tilamogpa, nimiri kamna kaptoba Allah sembe pail piroba anekoag saeagha tup nimi tanekori kamna kaptoba liro tarelameka tibogahiog. 2Eldi kemelamogpa, kaldam kel saeagha orog kel nhondi babe kamna kaptoba wana phende wamsiogne abeneko si toro tona babe ologha tatsinepne liro pibog. 3-4Kaldam kel enekori liro pibogpa, ibogti Yesusti yubu lelamogti, “Tup nimi maikno tanekori sikin saeag maikno wamlange agha pogto waliaba maikno palilamang. Maikno palilamang aghana, kaldam kel eneri ologha piplange, el saeag orog agha ni kwaneng toro tenne elag wamlange Allah sembe ni pipla. Tup nimi taneri pogto pibangne nimiri kembiag agha, ‘Wali pogto pibang,’ sembanep. Aghana kaldam kel eneri el saeag orog agha ni tatla ane sembe, nari a'unag sik uro lelamnange, nimi ni tane wamangne kembiag agha, ‘Kaldam kel eneri agha maikno uro phelektopne pipla,’ alamna,” seog.
Allahri Mem Ae kwerekanepne sembe Yesusti ambatsiogha
(Matius 24:1-14; Markus 13:1-13)
5Sin Allahri Mem Ae aramag wamekpa, Yesusti yubu ka'ero neleplamek nimi agha nimi etpare tanekori Allahri Ae sobaekne keme warekto yubu lelamekti, “Allahri Mem Ae ane kembamen! Nubu kirik sopso waelbaek kirik walinge taneap, nimiri wali-walia Allah sembe paliropneap abenekoag agha wali uro sobaek,” aro ngalaglamek. Ngalaglamekpa Yesusti, 6“A'un wene ngalagto ililamlom nena, amik sum ae soroba ane nimiri ni kwerekto yamolobikpa, kirik pairo poa walerop kirik tanekoag agha nhon babe nen sorobag sekamlul kom,” aro Yesusti nimi tanekoag ambatsiog.
7Wene aro ambatsiogpa, sindi Yesusag hailamekti, “Nai, andi yubu nu amolamsilamne wamlam. Andi wene, ‘Uro yabilul,’ selam nena, etsum agha uro yabilul? Kekneba huropne agha lag taleba, ‘Wene uro yabinual,’ sembaukap?” aro eldi yubu ka'ero neleptop nang tanekori Yesusag haibaek.
8Wene aro haibaekpa, Yesusti samoro, “A'un haing whi uro wapmundi, ‘Nimiri orolenange nunag ambatsiikag,’ aro yae up tangkamlulom. Allahri samenag na wepto pogneogpa yahi. Aghana amik sum nimi maiknori orolena yubu lero yalamikti, a'ero-a'ero lelamikti, ‘Allahri nan agha, “Saelbamsululam,” aro wepto pogneoba yandi, wene na yubu sia lero saelbamsinun,’ sukang. Sindi orolenange lelamikne sembe a'undi sik senero sinag nelebahiseng kom. 9A'undi ka'elapmunba nimiri, ‘Nu luknuhiro saelba uhirop nang umag wamukap komdi, mal tabeberi, mo sekukap,’ aro yubu lelamika ka'elapmun tanena, wanaag samsamoro log sembaheng kom. Mal talamikne ane sik uro sam uro yabilul aghana, wene wamap ko'o komobanep sum olog anam elem uro yabinep kom,” aro Yesusti ambatsiog.
10Wene seogti, Yesusti nen tipto yubu lelamogti, “Yubu sia leropne as nhonap nhonap aisa nenep tangto mal talamikpa, nubu mog so'o nhonap, mog so'o nhonap nimi teng-tengne mal talamukang. 11Mal talamikpa, mog so'o tala-tala sa'uma nubu sirik sa'uma pot-porolamleba, kwaneng yo maikno walelamleba, nimi naikna nimiag singina singihinne babe nhon sao, nhon sao tala-tala posaplamlul. Nimi log nenehinne imag uro yabalamleba, tiwalengki agha, ‘Undo uro yabilul,’ senenne kekneba nubunge lag talamlul.
12Ni lemnange uro yabin komagna, yo nimiri a'un nari siag kekhaekto wamlom nimi a'un saelbahiikti, ‘Seklebaukang,’ aro yubu nepto olamsukang. Nimiri a'un salero Yahudi nimiri Allah yubu lero winirop aeag pabahiikti, sae kaupto kop aeag tobongkipsukang. A'un nari siag wamlomne sembe, ‘Sinag tam pibukap,’ aro a'un salero nimi mog so'o saelba uhirop nang gubernurap, yubu sia lerop nangap, sikin whingag pabalamsukang. 13A'un sin nubunang whingag wapmunne sirikag nena, na Yesus sembe, ‘Undo-undo wamori, ulamoba ibobo,’ aro sikne ambarelamsululom. 14Aghana anamag a'undi, ‘Uaukap,’ aro wanaag karebalulom nena, ‘Nimiri na tam kemero kareptop nimi whingag pabaneik tanena, “Yubu pelebel tananne welaro lemnun,” aro wana ophag aro wamnun kom,’ aro wanaag kareplapmundi, wana ikin uro seneragseng kom. 15Nandamneri a'undi pelebel tanan yubu lemnepne wana seneragna hekahineba, a'undi yubu leplulom. Nari yubu a'unag tatsine yubuag agha lelapmun tanena, a'un aisa nenep tangtop nimiri ka'ebaikti, ‘A'undi yubu orolenange wamla,’ aro lemnep komdi, sindi a'unag yubu samoro torabanep kom. 16A'undi nanag sikne aro seneraglamlomne sembe a'uni yabo, a'unin yabo, a'undo yabo, a'unipsabo, a'unkabo, a'undi nimi pali tanekori, ‘A'un opsukang,’ aro pan khebahiikpa, a'un tane wamlom nimi agha nhon-nhon ya'ag opsukang. 17A'un nanag nelepto nari siag kekhaekto wamlomne sembe nimi niri a'un sembe hausag senelamsukang. 18Hausag senelamsukang aghana, a'undi usog hong kiki nhon timbaloa saog ualul kom. 19Nimi etneri nanag wana paliro khapto ulamle tanena, kamag uro unne nimi enekoag talul,” aro Yesusti eldi yubu ka'ero neleptop nang tanekoag ambatsiog.
Yahudi nimi amik seklebaukangne sembe Yesusti ambatsiogha
(Matius 24:15-21; Markus 13:14-19)
20Yesusti yubu tipto ambarelamsiogti, “A'undi kemelapmunba, yin salerop nangdi as Yerusalem wea kanelamika ipsimun tanena, a'un el tahilul nena, ‘As soro kalurop as Yerusalem aneko oro talbalimna tanual,’ sembalulom. 21Ane sembe unulogleba, ipmun tanena, mog so'o Yudea wamik nimi merero tognop tangto yimag pukang. As soro kalurop asag wamikne lanaro pukang. Sin as Yerusalem paiag sip as olog-ologneag wamik nimi nen as Yerusalem wa'alaheng kom. 22Nen wa'alaheng kom alamnangena, samenag agha Allahri yubu silimu tiplamek nangdi mome toro palilamekti, ‘Israel nimi taneri yoaba ulamangne sembe Allahri, “Opsinun,” aro tam pelengkatsilul,’ aro mome toro palilamek.#Hosea 9:7 As Yerusalem wea kanelamika ipsimun sum eneko, ‘Allahri tam pelengkatsilul,’ aro mome toro palilamek yubu ni sunsunum uro sik uro yabinual. 23Undo uro yabalamle sum eneko sin memon wamsile kelaboap, me maum tinil tolamik kelaboap sin merero panne ikin sirikti, seklenne seklebaukang. Sin mog so'o taneag wamang nimi ni tanekori yoaba ulamangne sembe Allahri lunuro nimi wahinne lag talul sum eneko mog so'o aneag wamik nimi niag eraruk uro unne lag talul. 24Sin tane wamik nimi tanekona, nimi sisa Yahudi kom nimiri mog so'o tane nimi karog agha mal taro luknubahukang. Nimi nenne ya'ag opsiikti, nenne salero haing sae kaupto poa lepsiikti, nimi sisa yog nimi tala-tala wamikag paphukang. Sin nimi sisa Yahudi kom nimiri luknuhiro opsiikti, as Yerusalem nene saelbamikti, mog so'o ane yan ingisaplamukang. Sindi mog so'o ane salero yan ingisaplamukang nena, ot Allahri, ‘Sin nimi sisa Yahudi kom nimiri mog so'o ane hengkun taibuka taubuka ulamogha ko'o nene uro yabalamle abeneko saelbamsukang,’ senenne sunsunum uro komopto yabile taneogna lambaukang,” aro Yesusti ambatsiog.
Yesus eldamne nen mog so'oag yalulne sembe ambatsiogha
(Matius 24:29-31; Markus 13:24-27)
25Yesusti tipto ambarelamsiogti, “Amik imag tiwalengki agha el nenehiropne kekneba imag ualul nena hengag, walag, imbereaag kekneba ualul. Mog so'oag uro yabilul nena, mag laut longorop mag nubunge irik-irikna nubu uro palilamlul. Mag kurut alamlenge neneko limang talagtoba saog ulamleba, nimi tala-tala wamang nimiri, ‘Welaro omnulamsil,’ aro wana enhaun aro log sembaukang. 26Imagnang mikipne babe lologahilul ane sembe, nimi mog so'oag wamik nimiri, ‘Ni mog so'oag uro yabilenge sembe welaro omnulamsil,’ aro log seklebaikti, nimi tebaloa saog nimi taukang. 27Undo unulamle abeneko na mog so'oag nimi tahinge toa nusam toman nen samoro yanun. Yalamne sum eneko Imagne ponekori mikipne pere agha imang wareroba nubu sirikne nanag wamleba, mog so'oag wamik nimiri na tiboghanukang. 28Ni lemnange ane uro yabalamleba, mog so'oag nimiri log sembaukang aghana, a'unna log sembaheng kom. Ni kekneba lemnange ane ipsimundi, a'undi wana awi uro wapmundi, ‘Eldi nu wali nenero toro pipsinepne poneko yananne peram talamla,’ aro puka sekmendi usog eplulom,” aro Yesusti ambatsiog.
Kal araag sunumna tol pina ambatsiogha
(Matius 24:32-35; Markus 13:28-31)
29Yesusti likiptop yubu sunumna tol piogti, nen tipto ambatsiogne ane. “Kekneba uro yabilul aro lemnange ane sunumnana ane. A'undi kal araag kembamundi, ora kal niag babe kembalulom. 30Kal tanekoag kembamsimunba, kal taneko mog towaleng-towaleng paloghik tanena, ‘Wene ebare lag tanual,’ aro mog so'o tane nimiri el tangtop. 31Ane saog uro nari a'unag ambatsinne sunsunum uro uro yabalamleba kemelapmundi, ‘Allahri mog so'oag nimi saelbamsilula peram tal,’ aro a'un el tahilul.
32Yubu sikne agha a'unag ambarelamsin nena, nimi wene wamang nimi#21:32 Yunani yubuag mome toro pibogne kembi agha, seneragna phende lag tanep. Nimi nhondi, “ ‘Nimi wamang nimi anam teban komag ambatsinne nene uro yabilul,’ aro lerop,” sembanep. Nhonna, “ ‘Yahudi nimi sisa ni orog tan komag ambatsinne nene uro yabilul,’ aro lerop,” sembanep. anam teban komag ni ambatsinne nene uro yabilul. 33Imap so'oap orog talul aghana, nari yubu leropne orog talul kom. Ya'ag wamlul,” aro ambatsiog.
“A'undam nimiri, ‘Sa'a-sa'ari wana topsileag,’ aro togtangto wamlulom,” aro Yesusti ambatsiogha
34-35Yesusti nen tipto wenero ambarelamsiogti, “Na amik yanunne a'un tibogto yae up tangkamlulom. Na amik yanenge sembe a'un wali uro yae paip tangkapmun kom tanena, selbelag wa'iloa saog uro wa'inep. A'undam nimiri yae togtangto wamlulom nena, ‘Mag yonge tero nenek salehirop nimiap, wana ophag aro wana phende nenep tangtop nimiap saog tabeag,’ aro a'un togtangto wapmundi, yae paip tangkamlulom. Na lo'om aro yalamne sum eneko selbeldi lo'om aro noropsirop saog uro nimi mog so'oag urop nimiri kekneba kemban koma ekon wamik sum eneko yanun. Ane sembe yae paip tangkapmundi, 36tibogto wamlulom. Allahag moloro mololapmundi, ‘Ni seklenne uro yabinepne neneko nanag omneleagti, yepnemen andarina, el mog so'oag nimi tangtopne poneko nen yaleba, na el whingag wali wamnun,’ aro Allahag mololamlulom,” aro Yesusti eldi yubu ka'ero neleptop nangag ambatsiog.
37Allahri Mem Ae aramag aneko Yesusti sop-sop Allah yubu ambarelamsiogpa, ae iniplamog abeneko yim Zaitun anekoag pina malamog. 38Ae lukun heng tingilamog abeneko pere nimi ni sop-sop Allahri Mem Ae aramag aneko, “Yesusti yubu ambatsilenge ka'ebaukap,” aro yalamek.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2023 (Active), Wycliffe Bible Translators, Inc. All rights reserved.