Lucas 13
13
Yurawawe Jesús yuidiwu Pilatopa Galilea bai aduawu soldadowu atu retebadi
1Jesúspa yurawu ichapa yuiyaitu dikakadi idiwu. Atiriwitu Jesús yuidiwu: “Galilea bai aduawawe yuinawu idawanabetiruwu sacerdote retebadiwu nawu Dios inanu. Nawu retebawuadu a Galilea bai aduawu atu Pilatopa awẽ soldadowu atu retebaita. Atũ ibiwu naa yuinawu idawanabetiruwu atũ ibiwuya usinabea ikita”, wadiwu. 2Naskawaiwawe Jesúspa atu yuidi: “Maawawe shina: ‘Naa daitawu naskaitawu yurawu chakabiskuiwu iwawaĩkadax. Na Galilea adua wetsawu chakakuiwuba’, ma ika. 3Askaraba. Ana chakayabaxikĩ shinakawe ma daadu baturi nikisi Diospa ubiskuibayabanu. 4Yura ichapaba ikawu adu awẽ ade Siloé nadu pexe keyakui dieciocho yurawuki pakeaidu naawu daitawu. Maawawe shina: ‘Naa daitawu naskaitawu chakakuiwu iwawaĩkadax. Na pexe ichapa Jerusalén adua wetsawu chakakuiwuba’, ma ika. 5Askarabaki. Shinakawe ana chakayabaxikĩ ma daadu baturi nikisi Diospa ubiskuibayabanu”, Jesúspa atu wadi.
Jesúspa tsai wetsawaxu yurawu ichapa atu yuidi na Diospa duiyai anuwu
6Jesúspa tsai wetsawaxu yurawu atu yuidi: “Dukuwene wai babaki uvawu wadababis adu iwi higuera wadadi idi. Na wai iwawe higuera wibi wipai kakĩ uĩya wibiyaba idi. 7Naskake awẽ wai adu yudupaudi yuidi: ‘Ea dikapu. Tres waritii ẽ wibi wedaiyuiyutiadi da higuera udua. Ẽ uĩya wanikai wibiya ibisba. Wibiyabax dudu diriatirubaki. Tsekawe adu wibi wuaitiru wadaxikĩ’, wadi. 8Naskawaitu na wai adu yudupauditu yuidi: ‘Diaiwũ, wari wisti badayuwe. Ẽ palapa a nama bai pachi pachiwaxu vacawawe atũ pui ẽ wanu.#13.8 Iwi wibiyayabake vacawawe atũ pui iwi nama wapaudiwu wibi udinu. 9Ma wari wisti ata wibiyaitu uĩkĩ nu reraxiwiba. Wibiyabaitu mia rerabatiru’, wadi”,#13.9 Na wai iwawe wibi wichipaipaudi keskawakĩ Diospa uĩpai yurawu naatu duiyai keskaiwawe. Yurã Diospa duiyai keskatiruba na higuera iwi wibipaudiba keskara. Jesúspa atu wadi.
Sábadowaidu Jesúspa awĩwu kakua kayawadi
10Sábadowaidu sinagoga pexe meraxu Jesúspa yurawu tapibadaidu 11awĩwu dieciocho wari awẽ yura sharaba ibixakĩ nadu idi. Waka keskara na awĩwawe awẽ kaya mera ikike awĩwu ana kayakawi ditiruba ipaudi. Dieciocho wari katĩa ipaudi. 12Wichixu Jesúspa yuidi: “Datiã mi kayai”, wadi. 13“Mi kayai”, wata awĩwawe awẽ kate katĩadu awẽ biwi raweta beedi. Naskawatadaidu kayakawi ditadi. “Dios sharakui”, na awĩwawe wakĩ taewadi.
14Naskawaidu sinagoga pexe kexebis ipaudi Jesúski sidadi “Sábadowaidu kayawaa”, raikax. Naatu na yurawu sinagoga pexe adua atu yuidi: “Seis peda nu yudutiru. Seis peda ikaidu wekawe Jesúspa batu kayawanu. Sábadowaidu kayai weyabakawe”, atu wadi.
15Naskawaitu Diaiwu Jesúspa yuidi: “Yura shara keskara maawu tsaitiruwiax ma sharaba. Sábadowaidu na yuinawu idawanabetiruwu atu pibabiswu adu kaxu matu vaca iyabai matu asno pekata ede ayanu ma iyutiru.#13.15 Judíowawe atũ yuinawu idawanabetiruwu ede wexutishinai ede adu atu iyupaudiwu ayanuwu. 16Da Abrahampa awẽ rewudu xawu Satanáspa kayatibawakĩ dieciocho wari na dexa keskara watiadiadu na awĩwu ẽ kayawaa. ‘Sábadowaidu mi kayawakeradaba’, ea wayabakawe”, Jesúspa atu wadi. 17Naskaitu dikakadi na Jesús duikaspapaudiwu rawĩdiwu. Naskaiwudu wetsawu naatiiwi aki idibadiwu na Dios wistichi atiru keskara akaitu uĩkadi.
Jesúspa tsai wetsawaxu yurawu atu yuidi tapinuwu aweskatirumaiki Dios diaiwuadu
Mateo 13.31-33; Marcos 4.30-32
18Jesúspa yurawu awiana tsai adi: “Ẽ batu yuinu ma tapinu aweskatirumaiki Dios diaiwuadu. 19Dukuwene awẽ wai aduxu aaxũ exe wadadi. Naskadu ma yusiax iwi ewapa idi. Peiyawawe naa iwĩ awẽ betaxwu aduxu daa wadiwu”, atu wadi.
20Naskata Jesúspa yurawu atu yuidi: “Ẽ batu yuinu ma tapinu aweskatirumaiki Dios diaiwuadu. 21Awĩwawe levadura trigo naninabea ichapaya usitiru keskara itiru buru waaxikĩ. Naskawaxu naatiiwi buru puspua itiru”,#13.21 Naskariwiyai Dios yurawawe ma atũ diaiwuadu reke taei ichapaba yura isharata itiru. Naskaweke ma sababisadu yura ichapa isharata itiru. Jesúspa atu wadi.
Na Dios diaiwu ipadakadu atiriwi wunupukukadiba
Mateo 7.13-14, 21-23
22Pexe ichapa Jerusalén ari kakĩ Jesúspa pexewu iwuwawu nexpakayaxu yurawu tapibawui kai idi. 23Naskaitu wetsã ñukadi: “Diaiwũ, ¿ichapabame na yurawu Diospa axui nawu na chakabiswu keskara uduax ubiskuipakeyabanuwu?” wadi. Naskawaitu Jesúspa yurawu atu yuidi:
24“Bitsisinakawã yura kaĩti atsuwake adu ikipaitiru. Naskari akĩ Dioski ma chipu diapaikĩ Dios matu diaiwu inu Dioski chipu diakuikawe wetsawawe batu atibawapaiwiyaiwudu. Yura ichapa ikipaiwikadi ikinupukukadibaki. 25Ma ikiyabadu iskanupukui. Pexe iwawe mesa adua widinakawata kede weputi wepuadu ma ikinupukuiba. Xawakawi nixu ma yuinupukui: ‘Diaiwũ, duku apexuwe’, ma wariawanupukui. Ma naskawawiyaitu pexe iwawe batu kebanupukui: ‘Maawu ewẽ kaiwuba’, batu wanupukui. 26Naskawaitu ma yuinupukui: ‘Nu beweta piyana beweta nu ayapaudi. Nuku pexe ichapa wai kaawu aduxu mi duku tapibapaudi’, ma wanupukui. 27Naskawawiyaiwawe awiana batu yuinupukui: ‘Maawu ewẽ kaiwuba. Naatiiwi maawawe na Diospa duiyaiba aaxikĩ shinawaĩba ma atiruki. Wutakawe’, batu wanupukui.
28-29Dios diaiwu ipadakatiã na Diospa yuixiwaiwu atu Diospa piti ichapa akĩnupukui. Na baitiu ari ikawawe awetiirawaĩ pii wenupukukadi. Na wari uwaikiriduax weta na wari kaĩkiriduax na wari uwaibakiriduaxri weexikadi. Xawakawixu ma atu uĩnupukui. Na Dios diaiwu ipadakadua Abraham, Isaac, Jacob, naatiiwi profetawuriwi atu ma uĩnupukui. ‘Ma ikitiruba’, Diospa batu waitu dikax ma sidai wechupinupukui. Ma siainupukui. 30Ea dikakapu. Atiriwi awawuba naawu bitsisipa inupukukadi. Atiriwi bitsisipawu awa inupukukadiba”, Jesúspa atu wadi.
Na pexe ichapa Jerusalén adu ipaudiwu Jesúspa atu ichanawapaipaudi atu kexexikĩ
Mateo 23.37-39
31Aweskatirumaiki Dios diaiwuadu na udua Jesúspa yurawu yuiyaitu fariseowawe Jesúski wekaxu yuidiwu: “Wanira wetsa katawe. Herodes#13.31 3.1 adewe. bia retebapaiki”, wadiwu.
32Naskawaiwawe Jesúspa atu kebadi: “Na basharu#13.32 Herodespa awara aaxikĩ shinakĩ tapia ipaudi naskanu. Naskake Jesúspa “Basharura”, wadi. Herodes yuitakawe: ‘Ea dikapu. Datiã, da xawatariwi ẽ yurawawe atũ kaya meradua waka keskarawu putawuikai. Na isinikaiwuriwi ẽ kayawawuikai. Tres peda yudukĩ ẽ adaitiwaidaka’, watakawe. 33Naskawia pexe ichapa Jerusalén adu ẽ kawuikai. Da pedata kata, wenamari kata, peda wetsari ẽ kai pexe ichapa Jerusalén adu kai. Profetawu pexe ichapa Jerusalén aduaxba datiruwuba. Naskake Jerusalén adu ẽ kai. Naduax ẽ dawaidaka.
34Jerusalén adu ikawawe profetawu ma retetiru. Ruwewawe ma atu retetiru Diospa atu nichiweke. Ẽ batu kexepaiwawaĩda takarane awẽ wakewu kexetiru keskawakĩ atu ichanawata awẽ petaũ atu wepuxu. Ẽ batu kexenu ma duiwawaĩdaba. 35Naskake na inupukui dikakawe. Jerusalén adu ikawawe, Diospa batu putanupukui. Ẽ udua duduri maawawe yuiyaitiã: ‘Diaiwu Diospa sharawaa da Diaiwu Diospa nichiadu uwai’, aduri ẽ udua ma waitiã ma ea uĩxiwi. Aduri yuiyuxuba ana ma ea uĩyuxiwibaki”, atu wadi Jesúspa.
Aktualisht i përzgjedhur:
Lucas 13: mtsB
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
Lucas 13
13
Yurawawe Jesús yuidiwu Pilatopa Galilea bai aduawu soldadowu atu retebadi
1Jesúspa yurawu ichapa yuiyaitu dikakadi idiwu. Atiriwitu Jesús yuidiwu: “Galilea bai aduawawe yuinawu idawanabetiruwu sacerdote retebadiwu nawu Dios inanu. Nawu retebawuadu a Galilea bai aduawu atu Pilatopa awẽ soldadowu atu retebaita. Atũ ibiwu naa yuinawu idawanabetiruwu atũ ibiwuya usinabea ikita”, wadiwu. 2Naskawaiwawe Jesúspa atu yuidi: “Maawawe shina: ‘Naa daitawu naskaitawu yurawu chakabiskuiwu iwawaĩkadax. Na Galilea adua wetsawu chakakuiwuba’, ma ika. 3Askaraba. Ana chakayabaxikĩ shinakawe ma daadu baturi nikisi Diospa ubiskuibayabanu. 4Yura ichapaba ikawu adu awẽ ade Siloé nadu pexe keyakui dieciocho yurawuki pakeaidu naawu daitawu. Maawawe shina: ‘Naa daitawu naskaitawu chakakuiwu iwawaĩkadax. Na pexe ichapa Jerusalén adua wetsawu chakakuiwuba’, ma ika. 5Askarabaki. Shinakawe ana chakayabaxikĩ ma daadu baturi nikisi Diospa ubiskuibayabanu”, Jesúspa atu wadi.
Jesúspa tsai wetsawaxu yurawu ichapa atu yuidi na Diospa duiyai anuwu
6Jesúspa tsai wetsawaxu yurawu atu yuidi: “Dukuwene wai babaki uvawu wadababis adu iwi higuera wadadi idi. Na wai iwawe higuera wibi wipai kakĩ uĩya wibiyaba idi. 7Naskake awẽ wai adu yudupaudi yuidi: ‘Ea dikapu. Tres waritii ẽ wibi wedaiyuiyutiadi da higuera udua. Ẽ uĩya wanikai wibiya ibisba. Wibiyabax dudu diriatirubaki. Tsekawe adu wibi wuaitiru wadaxikĩ’, wadi. 8Naskawaitu na wai adu yudupauditu yuidi: ‘Diaiwũ, wari wisti badayuwe. Ẽ palapa a nama bai pachi pachiwaxu vacawawe atũ pui ẽ wanu.#13.8 Iwi wibiyayabake vacawawe atũ pui iwi nama wapaudiwu wibi udinu. 9Ma wari wisti ata wibiyaitu uĩkĩ nu reraxiwiba. Wibiyabaitu mia rerabatiru’, wadi”,#13.9 Na wai iwawe wibi wichipaipaudi keskawakĩ Diospa uĩpai yurawu naatu duiyai keskaiwawe. Yurã Diospa duiyai keskatiruba na higuera iwi wibipaudiba keskara. Jesúspa atu wadi.
Sábadowaidu Jesúspa awĩwu kakua kayawadi
10Sábadowaidu sinagoga pexe meraxu Jesúspa yurawu tapibadaidu 11awĩwu dieciocho wari awẽ yura sharaba ibixakĩ nadu idi. Waka keskara na awĩwawe awẽ kaya mera ikike awĩwu ana kayakawi ditiruba ipaudi. Dieciocho wari katĩa ipaudi. 12Wichixu Jesúspa yuidi: “Datiã mi kayai”, wadi. 13“Mi kayai”, wata awĩwawe awẽ kate katĩadu awẽ biwi raweta beedi. Naskawatadaidu kayakawi ditadi. “Dios sharakui”, na awĩwawe wakĩ taewadi.
14Naskawaidu sinagoga pexe kexebis ipaudi Jesúski sidadi “Sábadowaidu kayawaa”, raikax. Naatu na yurawu sinagoga pexe adua atu yuidi: “Seis peda nu yudutiru. Seis peda ikaidu wekawe Jesúspa batu kayawanu. Sábadowaidu kayai weyabakawe”, atu wadi.
15Naskawaitu Diaiwu Jesúspa yuidi: “Yura shara keskara maawu tsaitiruwiax ma sharaba. Sábadowaidu na yuinawu idawanabetiruwu atu pibabiswu adu kaxu matu vaca iyabai matu asno pekata ede ayanu ma iyutiru.#13.15 Judíowawe atũ yuinawu idawanabetiruwu ede wexutishinai ede adu atu iyupaudiwu ayanuwu. 16Da Abrahampa awẽ rewudu xawu Satanáspa kayatibawakĩ dieciocho wari na dexa keskara watiadiadu na awĩwu ẽ kayawaa. ‘Sábadowaidu mi kayawakeradaba’, ea wayabakawe”, Jesúspa atu wadi. 17Naskaitu dikakadi na Jesús duikaspapaudiwu rawĩdiwu. Naskaiwudu wetsawu naatiiwi aki idibadiwu na Dios wistichi atiru keskara akaitu uĩkadi.
Jesúspa tsai wetsawaxu yurawu atu yuidi tapinuwu aweskatirumaiki Dios diaiwuadu
Mateo 13.31-33; Marcos 4.30-32
18Jesúspa yurawu awiana tsai adi: “Ẽ batu yuinu ma tapinu aweskatirumaiki Dios diaiwuadu. 19Dukuwene awẽ wai aduxu aaxũ exe wadadi. Naskadu ma yusiax iwi ewapa idi. Peiyawawe naa iwĩ awẽ betaxwu aduxu daa wadiwu”, atu wadi.
20Naskata Jesúspa yurawu atu yuidi: “Ẽ batu yuinu ma tapinu aweskatirumaiki Dios diaiwuadu. 21Awĩwawe levadura trigo naninabea ichapaya usitiru keskara itiru buru waaxikĩ. Naskawaxu naatiiwi buru puspua itiru”,#13.21 Naskariwiyai Dios yurawawe ma atũ diaiwuadu reke taei ichapaba yura isharata itiru. Naskaweke ma sababisadu yura ichapa isharata itiru. Jesúspa atu wadi.
Na Dios diaiwu ipadakadu atiriwi wunupukukadiba
Mateo 7.13-14, 21-23
22Pexe ichapa Jerusalén ari kakĩ Jesúspa pexewu iwuwawu nexpakayaxu yurawu tapibawui kai idi. 23Naskaitu wetsã ñukadi: “Diaiwũ, ¿ichapabame na yurawu Diospa axui nawu na chakabiswu keskara uduax ubiskuipakeyabanuwu?” wadi. Naskawaitu Jesúspa yurawu atu yuidi:
24“Bitsisinakawã yura kaĩti atsuwake adu ikipaitiru. Naskari akĩ Dioski ma chipu diapaikĩ Dios matu diaiwu inu Dioski chipu diakuikawe wetsawawe batu atibawapaiwiyaiwudu. Yura ichapa ikipaiwikadi ikinupukukadibaki. 25Ma ikiyabadu iskanupukui. Pexe iwawe mesa adua widinakawata kede weputi wepuadu ma ikinupukuiba. Xawakawi nixu ma yuinupukui: ‘Diaiwũ, duku apexuwe’, ma wariawanupukui. Ma naskawawiyaitu pexe iwawe batu kebanupukui: ‘Maawu ewẽ kaiwuba’, batu wanupukui. 26Naskawaitu ma yuinupukui: ‘Nu beweta piyana beweta nu ayapaudi. Nuku pexe ichapa wai kaawu aduxu mi duku tapibapaudi’, ma wanupukui. 27Naskawawiyaiwawe awiana batu yuinupukui: ‘Maawu ewẽ kaiwuba. Naatiiwi maawawe na Diospa duiyaiba aaxikĩ shinawaĩba ma atiruki. Wutakawe’, batu wanupukui.
28-29Dios diaiwu ipadakatiã na Diospa yuixiwaiwu atu Diospa piti ichapa akĩnupukui. Na baitiu ari ikawawe awetiirawaĩ pii wenupukukadi. Na wari uwaikiriduax weta na wari kaĩkiriduax na wari uwaibakiriduaxri weexikadi. Xawakawixu ma atu uĩnupukui. Na Dios diaiwu ipadakadua Abraham, Isaac, Jacob, naatiiwi profetawuriwi atu ma uĩnupukui. ‘Ma ikitiruba’, Diospa batu waitu dikax ma sidai wechupinupukui. Ma siainupukui. 30Ea dikakapu. Atiriwi awawuba naawu bitsisipa inupukukadi. Atiriwi bitsisipawu awa inupukukadiba”, Jesúspa atu wadi.
Na pexe ichapa Jerusalén adu ipaudiwu Jesúspa atu ichanawapaipaudi atu kexexikĩ
Mateo 23.37-39
31Aweskatirumaiki Dios diaiwuadu na udua Jesúspa yurawu yuiyaitu fariseowawe Jesúski wekaxu yuidiwu: “Wanira wetsa katawe. Herodes#13.31 3.1 adewe. bia retebapaiki”, wadiwu.
32Naskawaiwawe Jesúspa atu kebadi: “Na basharu#13.32 Herodespa awara aaxikĩ shinakĩ tapia ipaudi naskanu. Naskake Jesúspa “Basharura”, wadi. Herodes yuitakawe: ‘Ea dikapu. Datiã, da xawatariwi ẽ yurawawe atũ kaya meradua waka keskarawu putawuikai. Na isinikaiwuriwi ẽ kayawawuikai. Tres peda yudukĩ ẽ adaitiwaidaka’, watakawe. 33Naskawia pexe ichapa Jerusalén adu ẽ kawuikai. Da pedata kata, wenamari kata, peda wetsari ẽ kai pexe ichapa Jerusalén adu kai. Profetawu pexe ichapa Jerusalén aduaxba datiruwuba. Naskake Jerusalén adu ẽ kai. Naduax ẽ dawaidaka.
34Jerusalén adu ikawawe profetawu ma retetiru. Ruwewawe ma atu retetiru Diospa atu nichiweke. Ẽ batu kexepaiwawaĩda takarane awẽ wakewu kexetiru keskawakĩ atu ichanawata awẽ petaũ atu wepuxu. Ẽ batu kexenu ma duiwawaĩdaba. 35Naskake na inupukui dikakawe. Jerusalén adu ikawawe, Diospa batu putanupukui. Ẽ udua duduri maawawe yuiyaitiã: ‘Diaiwu Diospa sharawaa da Diaiwu Diospa nichiadu uwai’, aduri ẽ udua ma waitiã ma ea uĩxiwi. Aduri yuiyuxuba ana ma ea uĩyuxiwibaki”, atu wadi Jesúspa.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr