Luke 2
2
1အန်ဘင်းမာန်းရာတ်တေမှါခ့်ခါ ရောမဧကရာဇ် ဩဂုတ္တုကား ရောမအင်ပါယာ အုပ်ချုပ်သလားတွန်ဘေ နင်းဘင်းသမီဆာတိုင်းတေ သန်းခေါင်စာရာန်း ကောက်သထှာကူညယ် အမိန့်ထုတ်သမှာ။ 2အနိမ်ပထမဦးဆုံးသန်းခေါင်စာရာန်း စသဘန်း ကောက်သမှါခ့်ခါ ကုရေနိကား ဆီးရီးယားပြေရှာန်းပလာန်ထှာမှ 3သမီဆာ၌တိုင်းရီးဒါး အန်တာတ်ပန်နီဘင်းမြို့ပါ သန်းခေါင်စာရာန်းဆွာန်းသကြီးဒင် လာန်ဟာန်းကြီးမှာ။ 4အမှာတွာတ် ယောသပ်ရီးဒါး ရှာန်းပလာန်ဒါဝိဒ်ဇာတိမျိုးရိုးဟက် ဆပ်နီဘင်း သမီဆာဟော်ဝါထှာဘင်းအတွာတ် ဂါလိလဲပြေ နာစရက်မြို့ဟက်ပူဘန်း ရှာန်းပလာန်ဒါဝိဒ် ဇာတိထှာဘင်း ယုဒပြေ ဗက်လင်မြို့ပါ စာရာန်းဆွာမ်းသဒင် လာန်မှာ။ 5အန်နိမ်လာန်မှါခ့်ခါ ယောသပ်ကား ဟိန်ယောက် လာန်ဖါတ်ထုတ်တာန်သပဲဘန်း ပုတ်နောင်းဘေ ဆာလူနင်းဘင်း မာရိယောက် အတူတူ လာန်ကြီးမှာ။ 6အန်တာတ်ကလိန်းဟူး အန်ဘင်းဘေထုတ်မှါခ့်ခါ မာရိကား ဆာပန်ကူဘင်းအချိန်ထုတ်ရီဘန်းနာ 7ဟိန်ကား ဆာဟလောဝါရှာတေ ပန်မှာ။ အန်၌မှါခ့်ခါ အန်တာတ်နင်း တည်းသဒင် အခန်းလွောတ်သဘင်း အဘိုဘန်းဟွန် ဟိန်ကား ရှာရှာတေ ပစယ်ကန်းရှာယောက်ပတ်သဘန်း မုတ်ယုတ်ပင်း စလောင်းနောင်းဘေ ပဲအေ့ပ်ပန်းပဲမှာ။ မဲဘင်းဟမန်းတာတ်ယောက်သိုးနနူတေဒေပူဘင်းဆိတ်တာတ် 8အန်ဘင်း နာတ်ကြယ်မှါခ့်ခါ သိုးနနူပူဘင်းဆိတ်စယ်ယာကား အန်တာတ်သိုးတေဒေ ဗက်လင်မြို့ပိုတ်ပေ ငှါဘင်းကွာမ်းတေဘေ ပူဘန်းနင်းကြီးမှာ။ 9အန်၌မှါခ့်ခါ ဘုရားရှာန်ဘင်း မဲဘင်းဟမန်းဟော်ဝါကား အန်တာတ်မန်းဘေ ချတ်ချန်းပေါ်ဒီဘန်း ဘုရားရှာန်ဘင်း တန်ခိုးတော်အနေယောက် အန်တာတ်ပတ်ပတ်လည်ဘေ ယားဘန်းနင်းနာန်ဘင်းအတွာတ် သိုးနနူပူဘင်းဆိတ်တာတ်ကား အကြီးကျယ် စာတ်နင်းကြီးရာန်မှာ။ 10စီးမှါခ့်ခါ မဲဘင်းဟမန်းကား "အစါတ်ကြီးဆာ။ ငါကား သမီဆာတာတ်အတွာတ် ကြီးကျယ် မွန်းထာတ်မဲကူဘင်း ဆတာန်းတေ လာရီမှာ။ 11အယာတ်နိမ် မဲဘင်းမာန်းရာတ်မှါခ့်ခါ ကယ်တာန်ရှာန်မေရှိယအရှာန်ကား ရှာန်းပလာန်ဒါဝိဒ်မြို့ဘေပန်ဘန်း။ 12ဗက်လင်မြို့ဘေ ပစယ်ကန်းရှာယောက်ပတ်သဘန်း မုတ်စလောင်းနောင်းဘေ ပဲအေ့ပ်ပန်း ပဲဘင်းရှာဆာတေ ဟနိမ်ကတုံန်ကြီးမှါခ့်ခါ ဟနိမ်ဟိန်တေ မိန်းရှာတ်ခါကြီးကူ" ညယ်ငှေါမှာ။ 13ချတ်ချန်းတုံန်းငှေါနိမ် မဲဘင်းဟမန်းတာတ်ရီဒါး ရွှေမြို့တော်ဟက်j ဆပ်နီဘန်း ဘုရားရှာန်ဂုဏ်တော်တေဒေ အန်နိမ်ချီးမွမ်းသမှာ။ 14"ရွှေမြို့တော်ဘေငှါဘင်း ဘုရားရှာန်တေ ချီးမွမ်းသမှာ။ အဘင်းကမ္ဘာစောက်ပင်း ဘုရားရှာန်တေ ကိုးကွယ်သဘင်း သမီဆာတာတ်စောက်ပေ ငြိမ်းချမ်းသကြီးလူကူ" ညယ်ငှေါကြီးမှာ။ 15စီးမှါခ့်ခါ မဲဘင်းဟမန်းတာတ်ရီဒါး ရွှေမြို့တော်ပါ လာန်းဟာန်းစီးမှါခ့်ခါ သိုးနနူပူဘင်းဆိတ်တာတ်ကား "အလေတေ ဘုရားရှာန်မိန့်ဒီဘင်းတေ ယူဒင် ဗက်လင်မြို့ပါ လာန်ကြီးမှါတ်" ညယ်အချန်းချန်းငှေါနင်းကြီးမှာ။ 16အမှာတွာတ် အန်တာတ်ကား အန်ပါဘေ ခပ်မြန်မြန်လာန်ကြီးမှါခ့်ခါ ယောသပ်၊ မာရိတာတ်ယောက် မုတ်စလောင်းနောင်းဘေ ပဲအေ့ပ်ပန်းပဲဘင်းရှာရှာတေ ကတုံန်ကြီးရာန်မှာ။ 17သိုးနနူပူဘင်းဆိတ်တာတ်ရီးဒါး ရှာရှာယေရှုတေကတုံန်လူမှါခ့်ခါ မဲဘင်းဟမန်းတာတ် ငှေါကာရီဘင်းအတိုင်း ရှာရှာယောက် ပတ်သက်သဘင်း အကြောင်းတေဒေ သမီဆာတာတ်တေ ငှေါကာကြီးမှာ။ 18သက်နင်းဘင်း သမီဆာတာတ်ရီဒါး သိုးနနူပူဘင်းသမီဆာတာတ် ငှေါဘင်းနာတေ ကြီးကျယ်အံ့ဩသကြီးရာန်မှာ။ 19အန်နိမ်စါန်းငှေါဒီ မာရိကား မဲဘင်းဟမန်းယောက် ကတုံန်ရီဘင်းနာဟက်စသဘန်း ယေရှုယောက်ပတ်သက်သဘင်း အကြောင်းအရာတေဒေ ဆတီးလူဘန်း ပလန်းပလန်း စဉ်းစားသနင်းမှာ။ 20သိုးနနူပူဘင်းဆိတ်တာတ်ရီဒါး သိုးပူဘင်းကွာမ်းပါ လာန်ဟာန်းကြီးဘန်း ဘုရားရှာန်ဘင်း ဂုဏ်တော်တေဒေ ချီးမွမ်းသကြီးဘန်းနာ မဲဘင်းဟမန်းတာတ် အန်တာတ်တေ ငှေါရီဘင်း အံ့ဩသထာတ်မဲဘင်း အကြောင်းတေကား အဟုတ်မလပ်ထှာရီမှာ ငှေါဘင်းနာတေ အချန်းချန်းငှေါနင်းကြီးမှာ။ ရှရှာယေရှုတေ ဘုရားရှာန်ပါအပ်သဘင်းနာ 21ပန်စီးဘန်း မာန်းရာတ်ပက်ကာတ် ထုတ်မှါခ့်ခါ မောရှေပညတ်ကျမ်းဘေk ကာပဲဘင်းအတိုင်း ရှာရှာတာတ်ပင်း ငယ်ပါပိုင်းရှာရှာတေတွပ်ပင်း မာန်းဂလာအွန်အီဒင် အချိန်ထုတ်အီမှါခ့်ခါ မာရိယောက် ယောသပ်တာတ်ကား ရှာရှာတေ ဟိန်ပုတ်နောင်းဘေ ဆာအငှါချီမှားဟက် မဲဘင်းဟမန်းတာတ် ငှေါရီဘင်းအတိုင်း ယေရှုညယ် နာမယ်အီကြီးရာန်မှာ။ 22မောရှေပညတ်ကျမ်းဘေ ကာပဲဘင်းအတိုင်း အန္တရာယ်ကင်းသထှာကူဘင်း မာန်းရာတ်တေစီးမှါခ့်ခါ အမယ်အဝါတာတ်ကား ရှရှာယေရှုတေ ဘုရားရှာန်ဘေ အပ်သကူညယ် ဂျေရုဆလင်မြို့ပါ ကော်ကြီးရီမှာ။ 23အန်တာတ် အန်နိမ်ဒီထှာဘင်းနာကား ပညတ်ကျမ်းဘေ ကာပဲဘင်းအတိုင်း "ဆာဦးရှရှာတိုင်းတေ ဘုရားရှာန်ပါဘေ အပ်သထှာကူ" ယောက် 24"အဟူးတူကလိန်းနူ၊ အနိမ်အချီးညယ် ခိုရှရှာကလိန်းနူယောက် ပူဇော်သကြီးထှာကူ" ညယ်ငှေါဘင်းအတိုင်း ပူဇော်သကြီးထှာမှာ။<br> 25အန်ကားအချိန်မှါခ့်ခါ ဂျေရုဆလင်မြို့ဘေနင်းဘင်း ရှုမောင်ညယ်ကော်ဘင်း သမီဆာဟော်ဝါ ငှါမှာ။ ဟိန်ကား ဘုရားရှာန် အွန်စိန်းကာတ်ပင်း နာတေဒေအွန်ဘန်း ဘုရားရှာန် ပညတ်တော်တေဒေရီးဒါး လိုက်နာသဘင်းဆိတ်ထှာမှာ။ ဘုရားရှာန်ကား အစ္စရေးသမီဆာတာတ်တေ ကယ်တာန်သအီကူဘင်းနာတေ ဒဲဘန်းနင်းဘင်းဆိတ် ထှာဘင်းအတွာတ်ဉာဏ်အလင်းတော်ကား ဟိန်စေါက်ပေဆပ်နီဘန်းနာ 26ဟိန်တေ "နာန်ကား ကယ်တာန်ရှာန်မေရှိယတေ အဖူးသလူညယ် ရှီးကလားအချီရား" ညယ်မိန့်သည်မှာ။ 27မာရိယောက် ယောသပ်တာတ်ကား ပညတ်တော်အတိုင်း အပ်သဘန်း ပူဇော်သကူညယ် ဗိမာန်တော်နောင်းပါ ရှရှာတေ ကော်ကြီးရီမှါခ့်ခါ ဉာဏ်အလင်းတော်ကား ရှုမောင်တေ ဗိမာန်တော်နောင်းပါ ဆာန်စိန်းဒင် လမ်းကာအီမှာ။ 28စီးမှါခ့်ခါ ရှုမောင်ကား ရှရှာယေရှုတေ ဟိန်သဟူးယောက်ဖင်ဘန်း ဘုရားရှာန်ဘင်းဂုဏ်တော်တေ အန်နိမ်ချီးမွမ်းသမှာ။ 29"အရှာန်၊ အရာတ်နာန်အီဘင်း ကတိတော်အတိုင်း နာန်အစေခံတေ ငြိမ်းငြိမ်းချမ်းချမ်း ရှီးလူဘင်းအခွါမ်းတေ အီယုတ်။ 30ဟမာန်တွာတ်ငှေါဘန်းတာတ်ငှေါ သမီဆတာတ်တေ ကယ်တာန်သဒင်အတွာတ်၊ နာန်တာတ်နီဘင်းအရှာန်တေ ငါမိတ်တူရှီယောက် ကတုံန်လူဘန်း။ 31သမီဆာတာတ်နင်း နာန်ပြာန်ဆာန်သအီပဲဘင်း 32နာန်အလိုတော်တေ တခြားတိုင်းပြေဘင်း သမီဆာတာတ်တေ ထာန်ထာန်ရှားရှားကာစိန်းဘန်း နာန်သမီဆာတာတ်ထှာဘင်း အစ္စရေးတာတ်တေ ဘုန်းတော်ထာန်ရှားသစိန်းကွန်းအတွာတ် အလင်းကာအီဘန်း" ညယ်ထှာမှာ။ 33မာရိယောက် ယောသပ်တာတ်ရီးဒါး ရှုမောင်ငှေါကာဘင်း ရှရှာယေရှုအကြောင်းတေ သက်ပူဘန်း အံ့ဩသနင်းကြီးမှာ။ 34စီးမှါခ့်ခါ ရှုမောင်ကား အန်တာတ်တေဒေ ဆုစိန်အီဘန်း မာရိတေ "ဘုရားရှာန်ကား နာန်ဆာတေ အစ္စရေးသမီဆာတာတ်ကြားဘေ ဘုရားရှာန်ဘင်းတူးဒေ သက်ပင်းဆိတ်ယောက် အသက်ပင်းဆိတ်တာတ်တေ ခွဲသဒင်မယ်ပဲမှာ။ ဟိန်ကား သမီဆာတာတ်အဆေင်နောင်းဟက် အကြံအစည်တေဆွန်ကွန်း ထာန်ရှားသစိန်းဘန်း သမီဆာကလောင်းတုံန်းကား ဟိန်တေ ဆန့်ကျင်သကြီးကူဘင်းနာတေ မိန်းရှာတ်ခါမရောက် 35အဆေင်အမဲဘင်းနာရီးဒါး ဟာမ်းဘင်းတာန်ဟော်ဝါနိမ် နာန်အဆေင်တေ တွပ်ဆာန်ငါန်ဘင်းအတွာတ် အကြီးကျယ် ကနာထှာကူငှေါဘင်း ဘုရားရှာန်ဘင်း နိမိတ်လက္ခဏာစားနူထှာမှာ" ညယ်ငှေါမှာ။<br> 36အန်ဘင်းဘေ အာရှာသမီဆာအမျိုးနွယ် ဖနွေလဆအိတ်ထှာဘင်း ပရောဖက်အန္နရီးဒါး ငှါနင်းမှာ။ ဟိန်ကား ဟလားလူရီဘန်း ဟလားယောက် စစ်ပလီးထုတ်ကွန်း အတူတူနင်းမောက်ကြီးရီမှာ။ 37မုဆိုးမထှာရီဘင်းနာကား ကောင်ကာတ်ပန်းပီးကာတ် မှါတ်ရီဘန်း အဆာတ်ကား တုံန်းဘန်းနာ ထောင်သဘန်းနင်းဘန်း။ ဟိန်ကား ဗိမာန်တော်ဟက် ဟာ၌မှါခ့်ခါစဲအပူညယ်၊ ဘုရားဝိုင်သဘင်း၊ နာတ်ကြယ် နခူ ဥပုသ်စောင့်သဘင်းနာတေဒေ အွန်ဘင်းဆိတ်ထှာမှာ။ 38ဟိန်ကား ထုတ်အီဘန်းနာ ဘုရားရှာန်ဘင်း ဂုဏ်တော်တေ ချီးမွမ်းသဘန်း ဂျေရုဆလင်မြို့ဘေ ကယ်တာန်သကူဘင်းတေ ဒဲဘန်းနင်းကြီးဘင်း သမီဆာတာတ်တေ အန်ဘင်း ရှာရှာအကြောင်းတေ ငှေါကာမှာ။<br> 39စီးမှါခ့်ခါ မာရိယောက် ယောသပ်တာတ်ကား ဘုရားရှာန်ဘင်း ပညတ်တော်တေဒေ တာဝန်ကျေသကွန်း အွန်စီးဘန်း အန်တာတ်ကျေမ်းငှါဘင်း ဂါလိလဲပြေ နာဇရက်မြို့ပါ လာန်ဟာန်းကြီးမှာ။ 40ရှာရှာတုံန်းရီမှါခ့်ခါ စလားဘန်း ဉာဏ်ပညာယောက်ဖိန်းဘန်း ဘုရားရှာန်ကောင်းချီးအီလားတေ ခံစားသထှာမှာ။<br> 41ကူပီး မာရိယောက် ယောသပ်တာတ်ကား ပသခါပွဲတော်အွန်ဒင်အတွာတ် ဂျေရုဆလင်မြို့ပါ လာန်ကြီးဟာမှာ။ 42ကိုယ်တော်ယေရှု အဆာတ်ရှစ်နူပန်းကလိန်းပီး ထုတ်မှါခ့်ခါ အာန်တာတ်ကား ပသခါပွဲအွန်ကူညယ် အန်ဘင်းမြို့ပါ လာန်ကြီးမှာ။ 43ပသခါပွဲတော် မာန်းရာတ်တေစီးမှါခ့်ခါ ရှရှာယေရှုကား မြို့ဘေ နင်းပဘဲဘင်းနာတေ အမယ်အဝါတာတ်ကား အမိန်းရှာတ်ခါကြီးညယ် အန်တာတ်ဒီဟာန်းကြီးမှာ။ 44ရှရှာယေရှုကား အန်တာတ်ယောက်အတူတူ ကျေမ်းပါဒီဟာန်းဘင်း သမီဆတေနောင်းဘေ ဒီရာတ်မှာညယ် ထာန်သနင်းကြီးဘန်းနာ၊ ရအာလုံးလုံး ဒီဟာန်းကြီးမှာ။ စီးမှါခ့်ခါ အန်တာတ်ကား ရှာရှာယေရှုတေ အမျိုးတေယောက် မိတ်ဆွေတာတ်ကြားဘေ သန်ကြီးမှါခ့်ခါ 45သန်လားအလူဘင်းအတွာတ် ဂျေရုဆလင်မြို့ဘေ သန်ဟာန်းကြီးကူညယ် ဒီဟာန်းကြီးမှာ။ 46ဆွန်းရာတ်မှါတ်မှါခ့်ခါ အန်တာတ်ကား ရှရှာယေရှုတေ ဗိမာန်တော်ဘေ ဂျူးဘာသာရေး အိုးဆကြီးတာတ်နောင်းဘေ ထုံးဘန်းနင်းဘင်းနာတေ ကတုံန်ကြီးမှာ။ ဟိန်ကား အန်တာတ် ဆွောန်သဘင်းနာ တေဒေသက်ပန်း အန်တာတ်တေ မေးခွန်းတေရီးဒါး စိန်ယူဘန်းနင်းမှာ။ 47ရှရှာယေရှု သပေါက်ပင်းတူးတေဒေ သက်ပူဘင်းသမီဆာတာတ်ကား ဟိန်ပညာတေယောက် ငှေါကာလားတေဒေ မာန်ဒါတ်မိသနင်းကြီးမှာ။ 48ဟိန်အမယ်တာတ် အဝါတာတ်ရီဒါး ရှရှာယေရှုတေ ကတုံန်ကြီးမှါခ့်ခါ အန်တာတ်ရီဒါး အံ့ဩသနင်းကြီးဘန်း ဟိန်အမယ်ကား "ဆာ၊ နာန်ဟမာန်ငှါး အလေစောက်ပေ အန်နိမ်အွန်ထှာတေ အလေကား အဆေင်ကားဘန်း သန်နင်းကြီးမှာညယ်" ငှေါကာရာန်မှာ။ 49အာ၌မှါခ့်ခါ ရှာရှာယေရှုကား "ဟမာန်ငှါး ငါတေသန်နင်းကြီးတေ၊ ငါကား အဝါဘုရားကျေမ်းဘေ နင်းဘင်းနာတေ အမိန်းရှာတ်ခါကြီးယားရဲ" ညယ်ငေါရာန်မှာ။ 50အန်နိမ်စါန်းငှေါဒီ အန်တာတ်ကား ဟိန်ဆာငှေါကာတ်ပင်းနာတေ အမိန်းရှာတ်ခါကြီးယားရ။<br> 51စီးမှါခ့်ခါ ရှရှာယေရှုကား ယောသပ်ယောက် မာရိတာတ် တူးဒေသက်ပန်း အန်တာတ်ယောက်အတူတူ နာဇရက်မြို့ပါ ဒီရာတ်ခါန်းဘဲမှာ။ ဟိန်အမယ်ကား မဲဘင်းဟမန်းယောက် ကတုံန်ရီမှားဟက် စသဘန်း ယေရှုယောက် ပတ်သက်သဘင်း အကြောင်းအရာတေဒေ ဟိန်အဆေင်နောင်းဘေ စဉ်းစားသဘန်းနင်းမှာ။ 52စီးမှါခ့်ခါ ကိုယ်တော်ယေရှုကား တုံန်းရီမှါခ့်ခါ ဉာဏ်ပညာယောက် ဖိန်ဘန်း တုံန်းတက်ရီဘန်းနာ ဘုရားရှာန်ဟက်ရီးဒါး ကောင်းချီးတေလူဘန်း သမီဆတာတ်ရီးဒါး အကြီးကျယ်မစ်ကြီးမှာ။
Aktualisht i përzgjedhur:
Luke 2: ktpv-rv
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
This translation of the Kadu Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.