लुकस पुथी ही चिन्हा परछा
पुथी ही चिन्हा परछा
लुकस टुड़का ई दवसमाचार येसुस ही पत्त नू इबड़ा कत्थन तिंगी: ई पुथिन लुकस बअना आलस इस्वी सम्बत ६५-७० तरा टुड़का रहचस। आस ओरोत डाक्टर रहचस (कलस्सिर ४:१४), अउर मुध चेला पावलस ही संगे हूँ रहचस। लुकस ई पुथिन लेका मला, लेकिन “मुध चेलर ही नलखन” बअना पुना गछरका ही पुथिन हूँ टुड़का रअदस (एःरा लुकस १:१-४; मुध चेलर १:१-२)। लुकस गिरिक आलस रहचस, औंगे आस ई लुकस ही पुथिन खासकरके दोसरा जतियर गे सेब्बा गने अख़आ ओंगोर बाचस की लिखचका रअदस।
धर्मेस इस्रायली आलर ही मझही नू गोट्टे आल जतियरिन बछाबऊ आलस ही पत्त नू नन्जका कत्था येसुस ही पत्त नू हिके। आस दुखी अउर गरिब आलर होरमारिन दवसमाचार तेंगा नेकआ बआ की धर्मेस ही बोलता ती ख़ेख़ेल नू तइरका रअदस। ई दवसमाचार हुरमी किसिम ही चाड़ नू पड़ारका आलर ही फिकिर नन्जस की लुकस टुड़का रअदस। इय्या नू दवसमाचार ही मरमन एदका इथरई। खासकरके इय्या ता पहले ता अध्याय गुट्ठी नू येसुस ही कुन्दुरना ही कत्था अउर ख़ोख़ल्का भाग नू आस मेर्ख़ा अरगना बिरी ही कत्था तिंगका र' ई। आस मेर्ख़ा अरगका ख़ोख़ा ख्रिस्तसिन पत्तुउर ही परदका अउर बिड़िरका ही पत्त नू लुकस “मुध चेलर ही नलख” बअना पुथी नू टुड़का रअदस।
दोसरा अउर छव भाग गुट्ठी ई दवसमाचार नुम लेका र' ई, जेनङ: मेर्ख़ादुतर पाड़का डन्डी, येसुस कुन्दुरका ख़ोख़ा ख़ापुर येसुसिन एःरा गे बरचका अउर येसुस कुक्को परिया नू धर्मेस ही एड़पा नू केरका अउर दव सामरिस ही खिरी अउर एबसेरका तंग्दस ही खिरी।
ई सौंसे पुथी नू गोहरारना, नेम्हा बोलतस, येसुस ही नलख नू मुक्कर ही संगरा नन्जका अउर धर्मेस तरती नम्हय पापन छेमा नन्ना गुट्ठी ही कत्था ती निन्दकी र' ई।
सन्नी चिन्हा परछा
चिन्हा परछा १:१-४
बप्तिस्मा चिऊ युहन्नास अउर येसुस ही कुन्दुरना अउर ख़द्द बेड़ा ता परिया १:५—२:५२
बप्तिस्मा चिऊ युहन्नास ही नलख ३:१-२०
येसुस ही बप्तिस्मा अउर परिक्छा ३:२१—४:१३
गालिल नू येसुस ही नलख ४:१४—९:५०
गालिल ती यरुसलेम गुटी ९:५१—१९:२७
यरुसलेम नू फेच्चा हप्ता १९:२८—२३:५६
येसुस केच्चका ती उज्जा चोअना अउर एथरना अउर मेर्ख़ा नू काना २४:१-५३
Aktualisht i përzgjedhur:
लुकस पुथी ही चिन्हा परछा: KRUX
Thekso
Ndaje
Kopjo
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2024 (Active), Mother Tongue Translators Society and Wycliffe Bible Translators, Inc. All rights reserved.