Zuwã 1
1
'Re ihâimana u'âsi mono mreme na isisi hã isihâibazé wasu'u
1Romna'rata ãma te Imreme#1.1 Imreme 'Re ihâimana u'âsi mono mreme, te wasu'u. hã 're hâimana siromo u'âsi. Ta hã te 'Re ihâimana u'âsi mono siré 're hâimana u'âsi. Duré ta hã tô, 'Re ihâimana u'âsi mono. 2Romna'rata ãma, te tô 'Re ihâimana u'âsi mono siré 're hâimana, marĩ õ uptabi ré hã. 3Taha nhimi'manharĩzéb zarina ma tô 'Re ihâimana u'âsi mono hã uburé te te ro'apoto. Te te ro'apoto mono õ 'wa'âhã, aré marĩ õ uptabi di. 4Ta hã Imreme hã, rowẽ na 're idahâimana u'âsi za'ra mono zé nhomri'wa, te dama 're hâimana. Ã hã rowẽ na 're idahâimana za'ra mono zé hã ma tô rowa'azé te te dama 're a'ãwisi, damorĩ wẽ na ãma 're danomro mono da hã. 5Rob'uiwẽzé te za te te 're rowa'a, robra na. Robra hã te te ãma ai'uté waihu'u õ di, rowa'a na hã.
6Tawamhã aibâ te 're hâimana, Zuwã na isisi hã, 'Re ihâimana u'âsi mono te te we isatõrĩ hã 7te te dama 're sadawa wasu'u mono da, da te 're wapari za'ra mono wa, da te 're saze za'ra mono da. 8Zuwã hã rob'uiwẽ'wa ne 're imorĩ hã 're hâimana mono õ di. Rob'uiwẽ'wa ne 're imorĩ wasu'u na te te 're da'apo're pu'u mono da si, ma tô we datẽme wi, Zuwã hã. 9Rob'uiwẽ'wa ne 're imorĩ hã tô sena isimiroti hã. Ta hã ti'ai u ma we datẽme wi, aihĩni isimiroti hã da te waihu'u pese za'ra da.
10-11Ta hã te oto ti'ai ãma 're hâimana, 'Re ihâimana u'âsi mono mreme na isisi hã. Tazahã 'Re ihâimana u'âsi mono zadawa para, te te ro'apoto mono nherẽ, ro'apoto mono 'wa na da te waihu'u za'ra õ di. Tisiré zudeu norĩ rob u, ma tô wei mo. Tane nherẽ, sô 're tob'uzu za'ra mono õ di, ta norĩ hã. 12Ni'wam norĩ si ma tô sô 're tob'uzu za'ra. Ma tô duré te te ãma 're sasõmri za'ra. Tahawa, ma tô ta norĩ si pisutu za'ra, 'Re ihâimana u'âsi mono 'ra, 're hâimana za'ra mono da hã. 13E i'ra siro, ma tô ta norĩ hã 're rere'e, ti'ai ãma timama sipoto na. Mare di. Taha zarina, i'ra siro, 're rere'e mono õ di. 'Re ihâimana u'âsi mono si ma tô ãma 're 'ra za'ra.
14'Re ihâimana u'âsi mono mreme hã wa'rata 're sãmra mono da, ma tô sihâiba. Simizawi pese uptabi di. Isimiroti hã wẽ uptabi di. 'Re ihâimana u'âsi mono 'ra wa, õhõ si 're morĩ wẽ uptabi di. Misire i'ra hã. Õhõ si, waihu'u pese uptabi di. Wa norĩ hã wa tô wasiwi waihu'u za'ra ni, 're imorĩ wẽ uptabi na. Iwaihu'u pese na zama, wa tô duré wasiwi waihu'u ni.
15Ta hã ma tô Zuwã Batista hã te te dama 're wasu'u, 'Re ihâimana u'âsi mono 'ra na, da te 're waihu'u za'ra mono da. Ãne itẽme wisi wamhã, te dama 'mahâ, Zuwã Batista hã:
— Õhõta aibâ hã te wei mo. Iwana, wa tô te aima 're wasu'u za'ra wa'wa: “Õ hã ĩza'u si wei morĩ nherẽ, ĩma pire di. E marĩ wa. Ĩpoto õ ré, 're morĩ u'âsi wa.”
16-17Duréihã wahi'rada Mozési hã ma tô te te dama 're roti, 'Re ihâimana u'âsi mono nhimiroti zarina. 'Re ihâimana u'âsi mono te te tãma iwaihu'uzéb zarina, ma tô te te dama 're roti, ãma 're danomro wẽ mono da. Zezu Cristu hã ma tô õhõ si te te dama 're waihu'u, dawasété nherẽ, 'Re ihâimana u'âsi mono te te 're ida'azawi pese mono zém na. Simizawi pese uptabi wa, te te 're wa'apawaptob u'âsi, ãma 're wanomro wẽ mono da, Zezu Cristu hã. 18Ti'ai ãma 're idanomro mono hã datõmo na da te 're 'madâ'â za'ra mono õ di, 'Re ihâimana u'âsi mono hã. Õhõ si, ma tô Timama hã 'madâ, siré 're simasisi u'âsi zahuré mono wa, Timama me. I'ra hã misire, 'Re ihâimana u'âsi mono 'ra hã. Ta hã ma tô te te dama 're wasu'u u'âsi Timama hã, da te 're waihu'u za'ra mono da.
Zuwã Batista te te dama 're irowasu'u mono zé wasu'u
Marcu 1.1; Luca 3.2-3
19Tawamhã aibâ norĩ hã ma tô aihutu, Zuwã Batistaha u, 'Re ihâimana u'âsi mono ma, da'ãma romhuri'wa norĩ hã. Tipawapto'wa norĩ me, ma tô itẽme aihutu, levita norĩ me. Zudeu norĩ ma roti'wa norĩ hã te te satõrĩ za'ra wa, ma itẽme aihutu, Zeruzalẽ hawi.
Tawamhã itẽme sihutu wamhã, te siwi sadanharĩ za'ra, ãne:
— E 'wa hã, a hã.
20Tahawa, te ãne tãma siwasu'u za'ra:
— Wa hã Cristu õ di, 'Re ihâimana u'âsi mono te te ipisudu hã, Danho'reptui'wa da.
21Te duré siwi sadanharĩ za'ra, ãne:
— E 'wa hã bété, a hã. E a hã, Eliasi apâ aihâiwa'udu.
Tawamhã asa te duré tãma nharĩ za'ra, ãne:
— Mare di. Ta hãi õ di, wa hã.
Tawamhã te duré siwi sadanha, ãne:
— E a hã, 'Re ihâimana u'âsi mono zadawa 'mahârâ'wa zô, 're idanhimipari za'ra mono, te 're aimo.
Tawamhã asa te duré tãma nharĩ za'ra, ãne:
— Mare di. Wa hã, ta hãi õ di.
22Tawamhã te duré siwi sadanharĩ zahu ãne:
— E 'wa hã bété, a hã. Ma'ãpé wei wama asiwasu'u su'u za'ra na, wa te aiwaihu'u za'ra da, wei wazatõrĩ'wa norĩ ma, wa te aiwasu'u za'ra da.
23Tahawa, te oto tãma siwasu'u za'ra, ãne:
— Wa hã a'ubuni wi, dama roti'wa. Ãne, wa tô te dama 're rob'mahârâ: “Wanhib'apito zô, te za bâdâdi hã imana 'rãmi asiwi isa'ra wa'aba mo, awa'awi da.” Ãne ma tô wahi'rada Izaia hã te te dama 're roti aré, 'Re ihâimana u'âsi mono zadawa 'mahârâ 'rata 'wa hã. Tane wa tô duré wa hã te dama 're roti, isimiroti zarina.
24-25Tawamhã asa te tãma nharĩ za'ra, ãne:
— Ma tô wama asiwasu'u za'ra. A hã, Cristu õ di. A hã, Eliasi õ di. A hã, 'Re ihâimana u'âsi mono zadawa 'mahârâ'wa zô, 're idanhimipari za'ra mono õ di. E marĩ da, te bété â dawabzuri hã dama 're i'ab'manharĩ mo, a hãi õ nherẽ.
26-27Tawamhã Zuwã te asa tãma nharĩ za'ra, ãne:
— Â na si, wa tô â dawabzuri hã te dama 're ab'manharĩ. Tane nherẽ, ĩza'u si we imorĩ hã 'Re ihâimana u'âsi mono te te dama 're sadawa wasu'u mono da, ma tô wei wi. Zahadu sa'rese za'ra wa'aba õ di, a norĩ wa'wa hã. Ta hã ĩma pire wa, ipara'uza wasisizé te tãma wasihu waihu'u õ di.
28Ãne romhâimanazé hã Betãnha na 'ri wa'õtõ nhisi ãma Zodã zara niwĩ â dawabzuri te te dama 're i'ab'manharĩzéb ãma hã.
'Re ihâimana u'âsi mono 'ra wasu'u
Marcu 1.10; Luca 3.22
29Tawamhã awẽ ma tô Zuwã Batista Zezusi hã tisã, itẽme morĩ ré. Te te sãmri wi, te dama 'mahâ, ãne:
— Õhõta te we oto mo, Pone'ẽrebâ hã, 'Re ihâimana u'âsi mono te te ipisudu hã dawasédé te te dama 're apari mono da. 30Ãne wa tô aima wasu'u za'ra wawa iwana: “Ĩza'u we imorĩ hã ĩma pire di. Ĩpoto õ ré, 're morĩ u'âsi wa, ĩma pire di.” Ãne, wa tô te aima 're wasu'u za'ra wa'wa. 31Wa hã te duré waihu'u õ di aré, 'Re ihâimana u'âsi mono te te ipisutu na hã Danho'reptui'wa da. Tazahã, wa norĩ hã Izaraéu nhihudu hã wa te waihu'u za'ra da, wa â dawabzuri hã te dama 're ab'manharĩ.
32-33— Ĩsi'uihâ na, wa hã te duré waihu'u õ di. 'Re ihâimana u'âsi mono, ma tô ĩma waihu'u, te te ipisudu hã. Ãne te ĩma wasu'u: “Itẽme wa za satõ Ĩpẽ'ẽzani hã, te ipisutu u. Ihawi watobro õ di za. I'rata te za 're sãmra u'âsi. A hã te za ãma i'madâ. Ãma 'madâ'â wamhã, te za oto iwaihu, õ hã te ipisutu na, Ĩpẽ'ẽzani te te dama 're anhomri mono da.” Ãne ĩzatõrĩ'wa hã te ĩma wasu'u. Tô sena ma tô ĩma rowasu'u. Wa hã wa tô ãma 'madâ. Ma tô we itẽme mo, hâiwa hawi utu'u ne, 'Re ihâimana u'âsi mono pẽ'ẽzani ãma isab da hã. 34Wa hã wa tô ãma 'madâ. Tô sena, wa aima rowasu'u za'ra wa'wa. Õ hã, 'Re ihâimana u'âsi mono 'ra.
Aibâ norĩ hã, Zezusihi ãma te te isasõmri na'rata zahuré zé wasu'u
35Tawamhã awẽm na te duré Zuwã Batista hã tame tihâiba, isiré maparane 're inep siré. 36Tawamhã Zuwã Batista, Zezusi te te iro'razâri na te te 'madâ'â wamhã, te dama 'mahâ, ãne:
— Õhõta Pone'ẽrebâ, 'Re ihâimana u'âsi mono hawi we imorĩ.
37Tawamhã Zuwã Batistaha siré 're ine hã imreme te te wapari zahuré wamhã, ma tô oto tineb zahuré, Zezusihi zarina. 38Tawamhã Zezusi hã ma tô sô aipi'ra zahuré. Taha wamhã, isarina inem na te te 'madâ'â zahuré wa, te tãma nharĩ zahuré, ãne:
— E marĩ zô, te we ane wa'wa.
Tawamhã asa te tãma nharĩ zahuré, ãne:
— Rowahutu'wa, asãmrazé hã wa te waihu'u da, wa wei wanem ni.
39-40Tawamhã Zezusi te tãma nharĩ zahuré ãne asa:
— Oto pé ĩzaprõni aba, ĩnhamrazé hã sabui wa'aba da. Tahawa, wa oto ime wanem ni, isãmrazéb u. Wasihutuzéb u ma tô bâdâ hã we tinho're za'a. Tawamhã bâtâ na wa i'rata aimasisi ni, Ãdréhé me. Simahã no, Ãdré hã. 41Tawamhã tidub'rata zô te mo, Ãdré hã. Te te sãmri wamhã, ãne te tãma rowasu'u:
— Danho'reptui'wa hã wa tô sõpẽtẽ ni, 'Re ihâimana u'âsi mono te te ipisudu hã. Danho'reptui'wa hã ta hã “Cristu”, damreme amo na hã.
42Tawamhã ma tô Zezusihi u we saprõ apâ. We te te itẽme ãwisi wamhã, Zezusi te Sima hã 'madâ. Te tãma tinha, ãne:
— A hã Sima, Zuwãhã 'ra. Ãhã na wa za asisi na oto ãma saprĩ. Cefasi na asisi hã za oto.
Ãma isaprĩ na hã Pedru na isisi hã.#1.42 Pedru hã “ẽtẽ tõmo wawẽ” te wasu'u.
Zezusi hã, Filipi norĩ te te ipisutu na'rata zahuré zé wasu'u
43Tawamhã awẽm na Galiléa na danhipti'a nho'õmo nhisi u morĩ da, te Zezusi hã sina ropisutu. Ãhã wamhã, wa isiré hã ai'aba'ré ni. Wasi'aba'réi ré, wa tô aibâ hã sõpẽtẽ za'ra ni, Filipi na isisi hã. Tawamhã Zezusi te tãma tinha, ãne:
— We aimorĩ, ĩsiré 're aimorĩ da oto.
Tahawa, te oto isiré mo. 44Filipihi za'ru hã Besada na 'ri wa'õtõ nhisi hã. Tame te duré Ãdré norĩ hã 're simasisi zahuré, Pedruhu me. 45Tawamhã Filipi te Natãnaéhé zô hã rĩtĩ. Te te oto sõpẽtẽ wamhã, ãne te tãma tinha:
— Aibâ hã wa tô wasiwi 'madâ'â ni, wahi'rada Mozési te te ãma irob'ui'éré siro hã romhâ ré, 'Re ihâimana u'âsi mono zadawa 'mahârâ 'rata 'wa norĩ zama isa'u te te ãma irob'ui'éré za'ra hã. Ta hã Zezusi, Nazaré hawi we imorĩ, Zuzéhé 'ra hã.
46Tawamhã te Natãnaéu hã asa tãma tinha, ãne:
— Oro Nazaré hawi iwẽ hã wei morĩ õm ne.
Tawamhã Filipi asa te duré tãma tinha, ãne:
— We aimorĩ, wanem hâ, sabu da.
Ãhã wamhã, te apâ oto itẽme saprõ.
47Tawamhã te te sãmri wi, te Zezusi hã tãma tinha, Natãnaéhé ma, ãne:
— Õhõta te wei mo, Izaraéu nhihudu uptabi hã 're imorĩ wẽ uptabi hã. Sadawa nhipese ãna hã te 're mo.
48Tahawa, te Natãnaéu hã asa tãma tinha, ãne:
— E niha ma tô ĩwaihu.
Tawamhã te duré Zezusi asa tãma tinha, ãne:
— Filipi hã te te ai'mahârâ õ ré, wa tô ai'madâ, figuera wede 'rowi asãmra ré.
49Tawamhã Natãnaéu asa te duré tãma tinha, ãne:
— Rowahutu'wa, a hã 'Re ihâimana u'âsi mono 'ra. A hã uburé Izaraéu nhihudu norĩ nhib'apito.
50-51Tawamhã Zezusi asa te duré tãma tinha, ãne:
— Tane tô. Wede 'rowi asãmra ré, te aiwaihu'u wa, ma tô asina ĩwaihu, asina ĩwaparizéb uwaibaba. Ĩwaihu'u pese wa, ma tô ĩ'ãma atob'uzu. Niwapsi te za marĩ hã i'madâ, ĩwaihu'u pese na marĩ hã te aima iwaihu'uzém nhipai u. Asõ'a wa'aba, te za hâiwa hã we 'ridawa, ĩnho'õmoi baba. Tawamhã siwa'rãmi te za nasi we ĩtẽme ai'aba'ré hâiwa hawi, 'Re ihâimana u'âsi mono ma romhuri'wa norĩ hã, dasiré ĩpoto u.
Aktualisht i përzgjedhur:
Zuwã 1: xavBP
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2011, Wycliffe Bible Translators, Inc.All rights reserved.
Zuwã 1
1
'Re ihâimana u'âsi mono mreme na isisi hã isihâibazé wasu'u
1Romna'rata ãma te Imreme#1.1 Imreme 'Re ihâimana u'âsi mono mreme, te wasu'u. hã 're hâimana siromo u'âsi. Ta hã te 'Re ihâimana u'âsi mono siré 're hâimana u'âsi. Duré ta hã tô, 'Re ihâimana u'âsi mono. 2Romna'rata ãma, te tô 'Re ihâimana u'âsi mono siré 're hâimana, marĩ õ uptabi ré hã. 3Taha nhimi'manharĩzéb zarina ma tô 'Re ihâimana u'âsi mono hã uburé te te ro'apoto. Te te ro'apoto mono õ 'wa'âhã, aré marĩ õ uptabi di. 4Ta hã Imreme hã, rowẽ na 're idahâimana u'âsi za'ra mono zé nhomri'wa, te dama 're hâimana. Ã hã rowẽ na 're idahâimana za'ra mono zé hã ma tô rowa'azé te te dama 're a'ãwisi, damorĩ wẽ na ãma 're danomro mono da hã. 5Rob'uiwẽzé te za te te 're rowa'a, robra na. Robra hã te te ãma ai'uté waihu'u õ di, rowa'a na hã.
6Tawamhã aibâ te 're hâimana, Zuwã na isisi hã, 'Re ihâimana u'âsi mono te te we isatõrĩ hã 7te te dama 're sadawa wasu'u mono da, da te 're wapari za'ra mono wa, da te 're saze za'ra mono da. 8Zuwã hã rob'uiwẽ'wa ne 're imorĩ hã 're hâimana mono õ di. Rob'uiwẽ'wa ne 're imorĩ wasu'u na te te 're da'apo're pu'u mono da si, ma tô we datẽme wi, Zuwã hã. 9Rob'uiwẽ'wa ne 're imorĩ hã tô sena isimiroti hã. Ta hã ti'ai u ma we datẽme wi, aihĩni isimiroti hã da te waihu'u pese za'ra da.
10-11Ta hã te oto ti'ai ãma 're hâimana, 'Re ihâimana u'âsi mono mreme na isisi hã. Tazahã 'Re ihâimana u'âsi mono zadawa para, te te ro'apoto mono nherẽ, ro'apoto mono 'wa na da te waihu'u za'ra õ di. Tisiré zudeu norĩ rob u, ma tô wei mo. Tane nherẽ, sô 're tob'uzu za'ra mono õ di, ta norĩ hã. 12Ni'wam norĩ si ma tô sô 're tob'uzu za'ra. Ma tô duré te te ãma 're sasõmri za'ra. Tahawa, ma tô ta norĩ si pisutu za'ra, 'Re ihâimana u'âsi mono 'ra, 're hâimana za'ra mono da hã. 13E i'ra siro, ma tô ta norĩ hã 're rere'e, ti'ai ãma timama sipoto na. Mare di. Taha zarina, i'ra siro, 're rere'e mono õ di. 'Re ihâimana u'âsi mono si ma tô ãma 're 'ra za'ra.
14'Re ihâimana u'âsi mono mreme hã wa'rata 're sãmra mono da, ma tô sihâiba. Simizawi pese uptabi di. Isimiroti hã wẽ uptabi di. 'Re ihâimana u'âsi mono 'ra wa, õhõ si 're morĩ wẽ uptabi di. Misire i'ra hã. Õhõ si, waihu'u pese uptabi di. Wa norĩ hã wa tô wasiwi waihu'u za'ra ni, 're imorĩ wẽ uptabi na. Iwaihu'u pese na zama, wa tô duré wasiwi waihu'u ni.
15Ta hã ma tô Zuwã Batista hã te te dama 're wasu'u, 'Re ihâimana u'âsi mono 'ra na, da te 're waihu'u za'ra mono da. Ãne itẽme wisi wamhã, te dama 'mahâ, Zuwã Batista hã:
— Õhõta aibâ hã te wei mo. Iwana, wa tô te aima 're wasu'u za'ra wa'wa: “Õ hã ĩza'u si wei morĩ nherẽ, ĩma pire di. E marĩ wa. Ĩpoto õ ré, 're morĩ u'âsi wa.”
16-17Duréihã wahi'rada Mozési hã ma tô te te dama 're roti, 'Re ihâimana u'âsi mono nhimiroti zarina. 'Re ihâimana u'âsi mono te te tãma iwaihu'uzéb zarina, ma tô te te dama 're roti, ãma 're danomro wẽ mono da. Zezu Cristu hã ma tô õhõ si te te dama 're waihu'u, dawasété nherẽ, 'Re ihâimana u'âsi mono te te 're ida'azawi pese mono zém na. Simizawi pese uptabi wa, te te 're wa'apawaptob u'âsi, ãma 're wanomro wẽ mono da, Zezu Cristu hã. 18Ti'ai ãma 're idanomro mono hã datõmo na da te 're 'madâ'â za'ra mono õ di, 'Re ihâimana u'âsi mono hã. Õhõ si, ma tô Timama hã 'madâ, siré 're simasisi u'âsi zahuré mono wa, Timama me. I'ra hã misire, 'Re ihâimana u'âsi mono 'ra hã. Ta hã ma tô te te dama 're wasu'u u'âsi Timama hã, da te 're waihu'u za'ra mono da.
Zuwã Batista te te dama 're irowasu'u mono zé wasu'u
Marcu 1.1; Luca 3.2-3
19Tawamhã aibâ norĩ hã ma tô aihutu, Zuwã Batistaha u, 'Re ihâimana u'âsi mono ma, da'ãma romhuri'wa norĩ hã. Tipawapto'wa norĩ me, ma tô itẽme aihutu, levita norĩ me. Zudeu norĩ ma roti'wa norĩ hã te te satõrĩ za'ra wa, ma itẽme aihutu, Zeruzalẽ hawi.
Tawamhã itẽme sihutu wamhã, te siwi sadanharĩ za'ra, ãne:
— E 'wa hã, a hã.
20Tahawa, te ãne tãma siwasu'u za'ra:
— Wa hã Cristu õ di, 'Re ihâimana u'âsi mono te te ipisudu hã, Danho'reptui'wa da.
21Te duré siwi sadanharĩ za'ra, ãne:
— E 'wa hã bété, a hã. E a hã, Eliasi apâ aihâiwa'udu.
Tawamhã asa te duré tãma nharĩ za'ra, ãne:
— Mare di. Ta hãi õ di, wa hã.
Tawamhã te duré siwi sadanha, ãne:
— E a hã, 'Re ihâimana u'âsi mono zadawa 'mahârâ'wa zô, 're idanhimipari za'ra mono, te 're aimo.
Tawamhã asa te duré tãma nharĩ za'ra, ãne:
— Mare di. Wa hã, ta hãi õ di.
22Tawamhã te duré siwi sadanharĩ zahu ãne:
— E 'wa hã bété, a hã. Ma'ãpé wei wama asiwasu'u su'u za'ra na, wa te aiwaihu'u za'ra da, wei wazatõrĩ'wa norĩ ma, wa te aiwasu'u za'ra da.
23Tahawa, te oto tãma siwasu'u za'ra, ãne:
— Wa hã a'ubuni wi, dama roti'wa. Ãne, wa tô te dama 're rob'mahârâ: “Wanhib'apito zô, te za bâdâdi hã imana 'rãmi asiwi isa'ra wa'aba mo, awa'awi da.” Ãne ma tô wahi'rada Izaia hã te te dama 're roti aré, 'Re ihâimana u'âsi mono zadawa 'mahârâ 'rata 'wa hã. Tane wa tô duré wa hã te dama 're roti, isimiroti zarina.
24-25Tawamhã asa te tãma nharĩ za'ra, ãne:
— Ma tô wama asiwasu'u za'ra. A hã, Cristu õ di. A hã, Eliasi õ di. A hã, 'Re ihâimana u'âsi mono zadawa 'mahârâ'wa zô, 're idanhimipari za'ra mono õ di. E marĩ da, te bété â dawabzuri hã dama 're i'ab'manharĩ mo, a hãi õ nherẽ.
26-27Tawamhã Zuwã te asa tãma nharĩ za'ra, ãne:
— Â na si, wa tô â dawabzuri hã te dama 're ab'manharĩ. Tane nherẽ, ĩza'u si we imorĩ hã 'Re ihâimana u'âsi mono te te dama 're sadawa wasu'u mono da, ma tô wei wi. Zahadu sa'rese za'ra wa'aba õ di, a norĩ wa'wa hã. Ta hã ĩma pire wa, ipara'uza wasisizé te tãma wasihu waihu'u õ di.
28Ãne romhâimanazé hã Betãnha na 'ri wa'õtõ nhisi ãma Zodã zara niwĩ â dawabzuri te te dama 're i'ab'manharĩzéb ãma hã.
'Re ihâimana u'âsi mono 'ra wasu'u
Marcu 1.10; Luca 3.22
29Tawamhã awẽ ma tô Zuwã Batista Zezusi hã tisã, itẽme morĩ ré. Te te sãmri wi, te dama 'mahâ, ãne:
— Õhõta te we oto mo, Pone'ẽrebâ hã, 'Re ihâimana u'âsi mono te te ipisudu hã dawasédé te te dama 're apari mono da. 30Ãne wa tô aima wasu'u za'ra wawa iwana: “Ĩza'u we imorĩ hã ĩma pire di. Ĩpoto õ ré, 're morĩ u'âsi wa, ĩma pire di.” Ãne, wa tô te aima 're wasu'u za'ra wa'wa. 31Wa hã te duré waihu'u õ di aré, 'Re ihâimana u'âsi mono te te ipisutu na hã Danho'reptui'wa da. Tazahã, wa norĩ hã Izaraéu nhihudu hã wa te waihu'u za'ra da, wa â dawabzuri hã te dama 're ab'manharĩ.
32-33— Ĩsi'uihâ na, wa hã te duré waihu'u õ di. 'Re ihâimana u'âsi mono, ma tô ĩma waihu'u, te te ipisudu hã. Ãne te ĩma wasu'u: “Itẽme wa za satõ Ĩpẽ'ẽzani hã, te ipisutu u. Ihawi watobro õ di za. I'rata te za 're sãmra u'âsi. A hã te za ãma i'madâ. Ãma 'madâ'â wamhã, te za oto iwaihu, õ hã te ipisutu na, Ĩpẽ'ẽzani te te dama 're anhomri mono da.” Ãne ĩzatõrĩ'wa hã te ĩma wasu'u. Tô sena ma tô ĩma rowasu'u. Wa hã wa tô ãma 'madâ. Ma tô we itẽme mo, hâiwa hawi utu'u ne, 'Re ihâimana u'âsi mono pẽ'ẽzani ãma isab da hã. 34Wa hã wa tô ãma 'madâ. Tô sena, wa aima rowasu'u za'ra wa'wa. Õ hã, 'Re ihâimana u'âsi mono 'ra.
Aibâ norĩ hã, Zezusihi ãma te te isasõmri na'rata zahuré zé wasu'u
35Tawamhã awẽm na te duré Zuwã Batista hã tame tihâiba, isiré maparane 're inep siré. 36Tawamhã Zuwã Batista, Zezusi te te iro'razâri na te te 'madâ'â wamhã, te dama 'mahâ, ãne:
— Õhõta Pone'ẽrebâ, 'Re ihâimana u'âsi mono hawi we imorĩ.
37Tawamhã Zuwã Batistaha siré 're ine hã imreme te te wapari zahuré wamhã, ma tô oto tineb zahuré, Zezusihi zarina. 38Tawamhã Zezusi hã ma tô sô aipi'ra zahuré. Taha wamhã, isarina inem na te te 'madâ'â zahuré wa, te tãma nharĩ zahuré, ãne:
— E marĩ zô, te we ane wa'wa.
Tawamhã asa te tãma nharĩ zahuré, ãne:
— Rowahutu'wa, asãmrazé hã wa te waihu'u da, wa wei wanem ni.
39-40Tawamhã Zezusi te tãma nharĩ zahuré ãne asa:
— Oto pé ĩzaprõni aba, ĩnhamrazé hã sabui wa'aba da. Tahawa, wa oto ime wanem ni, isãmrazéb u. Wasihutuzéb u ma tô bâdâ hã we tinho're za'a. Tawamhã bâtâ na wa i'rata aimasisi ni, Ãdréhé me. Simahã no, Ãdré hã. 41Tawamhã tidub'rata zô te mo, Ãdré hã. Te te sãmri wamhã, ãne te tãma rowasu'u:
— Danho'reptui'wa hã wa tô sõpẽtẽ ni, 'Re ihâimana u'âsi mono te te ipisudu hã. Danho'reptui'wa hã ta hã “Cristu”, damreme amo na hã.
42Tawamhã ma tô Zezusihi u we saprõ apâ. We te te itẽme ãwisi wamhã, Zezusi te Sima hã 'madâ. Te tãma tinha, ãne:
— A hã Sima, Zuwãhã 'ra. Ãhã na wa za asisi na oto ãma saprĩ. Cefasi na asisi hã za oto.
Ãma isaprĩ na hã Pedru na isisi hã.#1.42 Pedru hã “ẽtẽ tõmo wawẽ” te wasu'u.
Zezusi hã, Filipi norĩ te te ipisutu na'rata zahuré zé wasu'u
43Tawamhã awẽm na Galiléa na danhipti'a nho'õmo nhisi u morĩ da, te Zezusi hã sina ropisutu. Ãhã wamhã, wa isiré hã ai'aba'ré ni. Wasi'aba'réi ré, wa tô aibâ hã sõpẽtẽ za'ra ni, Filipi na isisi hã. Tawamhã Zezusi te tãma tinha, ãne:
— We aimorĩ, ĩsiré 're aimorĩ da oto.
Tahawa, te oto isiré mo. 44Filipihi za'ru hã Besada na 'ri wa'õtõ nhisi hã. Tame te duré Ãdré norĩ hã 're simasisi zahuré, Pedruhu me. 45Tawamhã Filipi te Natãnaéhé zô hã rĩtĩ. Te te oto sõpẽtẽ wamhã, ãne te tãma tinha:
— Aibâ hã wa tô wasiwi 'madâ'â ni, wahi'rada Mozési te te ãma irob'ui'éré siro hã romhâ ré, 'Re ihâimana u'âsi mono zadawa 'mahârâ 'rata 'wa norĩ zama isa'u te te ãma irob'ui'éré za'ra hã. Ta hã Zezusi, Nazaré hawi we imorĩ, Zuzéhé 'ra hã.
46Tawamhã te Natãnaéu hã asa tãma tinha, ãne:
— Oro Nazaré hawi iwẽ hã wei morĩ õm ne.
Tawamhã Filipi asa te duré tãma tinha, ãne:
— We aimorĩ, wanem hâ, sabu da.
Ãhã wamhã, te apâ oto itẽme saprõ.
47Tawamhã te te sãmri wi, te Zezusi hã tãma tinha, Natãnaéhé ma, ãne:
— Õhõta te wei mo, Izaraéu nhihudu uptabi hã 're imorĩ wẽ uptabi hã. Sadawa nhipese ãna hã te 're mo.
48Tahawa, te Natãnaéu hã asa tãma tinha, ãne:
— E niha ma tô ĩwaihu.
Tawamhã te duré Zezusi asa tãma tinha, ãne:
— Filipi hã te te ai'mahârâ õ ré, wa tô ai'madâ, figuera wede 'rowi asãmra ré.
49Tawamhã Natãnaéu asa te duré tãma tinha, ãne:
— Rowahutu'wa, a hã 'Re ihâimana u'âsi mono 'ra. A hã uburé Izaraéu nhihudu norĩ nhib'apito.
50-51Tawamhã Zezusi asa te duré tãma tinha, ãne:
— Tane tô. Wede 'rowi asãmra ré, te aiwaihu'u wa, ma tô asina ĩwaihu, asina ĩwaparizéb uwaibaba. Ĩwaihu'u pese wa, ma tô ĩ'ãma atob'uzu. Niwapsi te za marĩ hã i'madâ, ĩwaihu'u pese na marĩ hã te aima iwaihu'uzém nhipai u. Asõ'a wa'aba, te za hâiwa hã we 'ridawa, ĩnho'õmoi baba. Tawamhã siwa'rãmi te za nasi we ĩtẽme ai'aba'ré hâiwa hawi, 'Re ihâimana u'âsi mono ma romhuri'wa norĩ hã, dasiré ĩpoto u.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2011, Wycliffe Bible Translators, Inc.All rights reserved.