Luca 8
8
Pi'õ norĩ hã, Zezusihi siré isi'aba'rézé wasu'u
1Tawamhã ãma ronomro wapsi, te Zezusi hã datẽme 're mo, daro mono bâ. 'Ri nho'õmo mono bâ, te datẽme 're mo, 'ri wa'õtõ mono bâ. Tawamhã datẽme 're morĩ wamhã, ma tô iwasu'uwẽ na te te 're da'apo're pu'u, 'Re ihâimana u'âsi mono, da'ãma 're isib'a'uwẽ mono zé wasu'u na. Datẽme 're morĩ wamhã, aibâ norĩ hã 12 na ihâiba za'ra hã, te isiré 're nomro. 2Pi'õ norĩ zama, te isiré 're nomro, wa'uburé, te te tãma 're i'anhamra mono norĩ hã. Duré, ihâzé hã te te tãma 're i'apari mono norĩ zama, te isiré 're nomro. Pi'õ nhisi hã, Maria Madaréna na isisi hã, wa'uburé hã, 7 na ihâiba za'ra hã te te tãma isãmra za'ra hã. 3Duré, Zuãna na pi'õ nhisi hã. Cuzaha mro hã, apito Erodihi ma romhuri'wai mro hã. Duré, Suzana na pi'õ nhisi hã. Aimawi norĩ hã te duré isiré 're nomro, pi'õ norĩ hã, ahâ na. Ta norĩ hã tinhimarĩ na, te Zezusi norĩ hã te te 're pawaptob za'ra.
Aibâ hã amnho poto mono da, te te i'anhamra mono zé wasu'u
Mateu 13.1-23; Marcu 4.1-20
4Tawamhã da'ahâ na ma tô itẽme aihutu ni Zezusihi u, 'ri ahâ mono bâ, da te sabu za'ra da. Tawamhã itẽme dasi'rã'õtõ wamhã, ma tô dama romnhimiré'é, ãne:
5— Aibâ hã te buru u mo, ti'ai hâibâdâ na, amnho hã te te anhamra mono da, poto mono da. Tawamhã amnho hã te te anhamra mono wamhã, nima norĩ hã bâdâdi zababa ma rere'e. Tahawa, ma tô dapara na nasi wati'i za'ra ni, tiwi irere'e mono hã. Sire hã ma duré te te uprosi, poto mono õ ré. 6Ẽtẽ nhisiwi, ma duré nima norĩ hã rere'e amnho hã, ti'a baihâire wa, ẽtẽ nhisiwimhã. Tawamhã 'wanhipré wairébé mono wamhã, ti'ai wa'ro wa, ma 'wanhipré 'ré. 7Nima norĩ hã ma duré rere'e, wab'ru wazari. Tawamhã siré ma tô 'wanhipré. Siré 'wanhipré mono wamhã, ma te te ubu, wab'ru hã. Tahawa, ma tô te te uprosi. 8Ti'ai wẽ wa, ma duré nima norĩ hã rere'e. Ta hã ma tô duré oto 'rã. 'Rãi mono wamhã, 'rãi pese uptabi di, rob're hã.
Te duré dama tinha:
— Asimipari pese za'ra wa'aba wamhã, ma'ãpé ĩwapari pese za'ra wa'aba ĩnhimirowasu'u na hã, waihu'u za'ra wa'aba da.
9Tawamhã Zezusihi siré 're inomro mono norĩ si, te siwi sadanha, ãne:
— E marĩ na, te ãma isimiré, amnho potozém na hã.
10Tawamhã Zezusi asa te tãma nharĩ za'ra:
— 'Re ihâimana u'âsi mono hã ma tô dawi sawi, a'â da te waihu'u tõ za'ra da, da'ãma 're isib'a'uwẽ mono zé wasu'u hã. A norĩ wa'aba ma si, ma tô oto iwasu'u hã aima waihu'u za'ra wa'wa, waihu'u za'ra wa'aba da, dama iwaihu'u'õ hã. Tahawa, wa tô ĩnhimiromnhimiré'é na si, te dama 're arowasu'u. Tawamhã dapo're na, da te 're wapari za'ra mono nherẽ, da te waihu'u za'ra õ di za, ãma isimiré'ézé hã.
11— Ãhã na, wa za aima waihu'u za'ra wa'wa, te ãma isimiré'ézé hã waihu'u za'ra wa'aba da. Amnho potozé hã, 'Re ihâimana u'âsi mono mreme, te wasu'u. 12Amnho hã bâdâdi zababa irere'e mono hã, aimawi a'uwẽ, te wasu'u. Ta norĩ hã ãté te za isadawa wasu'u hã taré tipo're na te te 're wapari za'ra. Tawamhã te za Wa'uburé hã itẽme 're sihutu ãté, te te tãma 're roti za'ra mono da, te te 're saze za'ra mono tõ da, te te 're sõ'reptu za'ra mono tõ da, 'Re ihâimana u'âsi mono hã. Tawamhã wa'rui'wa nhimiroti zarina, te te saze za'ra õ di za, 'Re ihâimana u'âsi mono zadawa wasu'u hã. 13Duré amnho hã ẽtẽ nhisiwi irere'e mono hã, aimawi a'uwẽ, te wasu'u. Ta norĩ hã ãté te za 'Re ihâimana u'âsi mono zadawa wasu'u hã te te 're wapari za'ra, tipo're na. Tawamhã te za iwasu'u ma 're to za'ra. Tazahã, õne haré te te 're saze za'ra mono õ di za. Ãté, te za te te 're saze hutu za'ra. Ãté rowasédé hã da te tãma 're 'manharĩ za'ra mono õ'umnhasite, te za apâ 're sipizari za'ra. 14Duré amnho hã wab'ru wazari i'a'a mono hã, aimawi a'uwẽ, te wasu'u. Ta norĩ hã ãté te za taré tipo're na te te 're wapari za'ra, isadawa wasu'u hã. Tazahã, marĩ wamhã, õhõ ãma si 're nomro mono õ di za. Ãté, marĩ na si te za te te 're rosa'rata za'ra sima, ãté rob'uiprazém na si, ãté titozém na si. Tawamhã rob'rã i'rã wẽ prã ne, 're hâimana wẽ uptabi za'ra mono õ di za. 15Amnho hã ti'ai wẽ wa, te te i'anhamra mono hã, aimawi a'uwẽ, te wasu'u. Ta norĩ hã ãté te za tipo're na te te 're wapari za'ra, 'Re ihâimana u'âsi mono zadawa wasu'u hã. Tawamhã te za te te 're 'madâ'â pese za'ra. Õne haré, te za isimiroti na 're nomro. Tawamhã rob'rã i'rãi wẽ uptabi ne, hâimana wẽ uptabi na, te za oto 're hâimana za'ra. Ãne amnho potozé wasu'u na, wa aima ãma simiré'é za'ra wa'wa.
16Tawamhã rob'uiwẽzém na te duré ãma simiré'é:
— Rob'uiwẽzé hã da te ro'o wamhã, e piza'a na te za upsibi ni. E daza'warizéb 'rowi, te za sãrĩ ni. Mare di. Isima'warazém na si, te za sõ'awi da te 're sõré, rowa'a na 're danhisisi mono da. Taha da, te za ro'o ni, rob'uiwẽzé hã. 17Tane, ĩmreme hã a'â te dama iwaihu'u'õ hã te za niwapsi waihu'u za'ra ni. Tahawa, wa tô rob'uiwẽzém na ãne ãma simiré'é.
18— Tahawa, ma'ãpé ĩmreme hã 're wapari pese za'ra wa'aba mono. Tawamhã ĩzadawa wasu'u hã te za te te aima 're waihu'u za'ẽtẽ za'ra wa'wa, 'Re ihâimana u'âsi mono hã. Ĩmreme hã 're wapari pese za'ra wa'aba mono õ wamhã, te za apâ te te aiwi 're awaibui wa'wa, ĩzadawa wasu'u hã. Tawamhã ĩmreme waihu'u'wa na, 'râwi 're asi'madâ'â ze za'ra wa'aba mono nherẽ, te za ĩmreme waihu'u'õ'wa ne, oto 're anomro aba mo.
Zezusihi na wasu'u, ino norĩ wasu'u me
Mateu 12.46-50; Marcu 3.31-35
19Tawamhã Zezusihi u, te ina hã mo, ino norĩ me. Te te sabu za'ra da, te itẽme ai'aba'ré. Tazahã, da'ahâ uptabi wamhã, itẽme sisisi waihu'u õ di. 20Tawamhã Zezusihi ma, ma tô ni'wa hã rowasu'u, ãne:
— Ano norĩ hã te rowi asô aimasa, ana za'ra wa'aba me. Te sima wẽ za'ra, te te asabu za'ra da.
21Tawamhã Zezusi te uburé dama tinha, ãne:
— Ni'wam norĩ hã, 'Re ihâimana u'âsi mono zadawa wasu'u hã tipo're na te te 're wapari za'ra mono wamhã, duré te te 're 'madâ'â pese za'ra mono wamhã, ta norĩ hã ĩna na, duré ĩno na te za ĩma 're hâimana za'ra.
Zezusi hã rowa'u'u ma, te te inharĩzé wasu'u
Mateu 8.23-27; Marcu 4.35-41
22Tawamhã bâtâ na, te Zezusi hã tãma nharĩ za'ra, ãne:
— Oto zara u, wa te saprĩ za'ra wa'aba.
Tawamhã uba're wa, ma tô asisi, zara u te te saprĩ za'ra da, isõ'u na. 23Tawamhã te te siré sari za'ra ré, te oto Zezusi hã nhono, uba're wa. Sõtõ ré, ma tô rowa'u isa'ẽne hã watobro. Tahawa, uba're 're, ma tô â hã ãzé. Uba're 'remhã, â hã 'masisi wa, oto tãma za'ra hã simimnhasi di. 24Tahawa, ma Zezusihi u tiwahutu za'ra, te te siwi utu da. Tawamhã ãne te siwi 'mahâ:
— Rowahutu'wa, rowahutu'wa, wa za ai'utõrĩ ni.
Tawamhã Zezusi ma tô udu. Duré ma tô wahudu hâiwi. Rowa'u'u ma, te tinha, te te sazâri da. Duré â ma, te tinha, âtu da. Tahawa, ma tô sazâ, rowa'u hã. Duré ma tô ti'âtu oto. 25Tawamhã tisiré 're inomro mono norĩ ma, te tinha, ãne:
— E niha bâ asiwi ĩ'umnhasi aba õ di.
Tahawa, te sima nharĩ za'ra, ãne:
— E niha õ hã aibâ, rowa'u'u ma, te te nharĩ wamhã, ma tô rowa'u hã sazâ. Duré, â nhibzaihâ ma hã, te tinha. Tahawa, ma tô ti'âtu. Imreme hã ma tô wapari zahuré.
Mreme pire wa, ma ãma titob'uzu za'ra. Õne hã tãma sa'rese za'ra õ wa, ma tô tãma tipahi za'ra, isiré 're inomro mono norĩ hã.
Zezusi hã, aibâ hawi wa'uburé te te isatõrĩ za'ra zé wasu'u
Mateu 8.28-34; Marcu 5.1-20
26Tawamhã Galiléa na hawi, te isõ'u na siré sari za'ra, te te saprĩ za'ra da, zara u, Zezusi norĩ hã. Tawamhã ma tô oto aihutu zara u, Zeraza na danhipti'a nho'õmo nhisi niwĩ. 27Tawamhã uba're hawi, ma tô watobro, Zezusi hã. Watobro wamhã, ma tô aibâ hã itẽme wi, wa'uburé ré 're imorĩ hã. 'Re si'uza mono õ di oto, aibâ hã. Ai'uréiwi, te oto 're mo. Duré 'ri 're, 're sãmra mono õ di oto. Adâ'â 'ru ãma si te oto 're sãmra, ẽtẽ wa, ab're siromo ãma. Tame 're hâimana mono ré hã, ma tô ãma tironomro pese. 28-29Aibâ hã da'rata 're sãmra mono ré, ma tô da te 're 'madâ'â za'ra, 're pusi tõ mono da. Ma tô da te dasiwi 're hi wasisi, isi'uwazi nhorõ rutu na. Te duré da te dasiwi 're pa wasisi. Tazahã, tihi wasisizé hã te te sina 're anhinarĩ, tipawasisizéb zama. Taha pari, te wa'uburé hã te te siwi 're saprõni, a'ubuni u. Tawamhã aibâ hã Zezusi te te 'madâ'â wamhã, ma tô 're sadari. Tahawa, hi'rãtitõ ma aime, Zezusihi papara. Tawamhã mreme 'rãihâ na te tãma tinha, ãne:
— Zezusi, 'Re ihâimana u'âsi mono 'ra, e marĩ ĩ'ãma 'manharĩ da, te we aimo. Ĩ'azâri õ di za. Ãne, wa ĩsina aipa'uwati.
30Tawamhã Zezusi hã te sadanha, ãne isisi zô:
— E niha asisi hã.
— Ahâ na, ĩnhisi hã. — Ãne te aibâ hã tãma sisisi, wa'uburé hã ãma ahâ wa.
31-32Tawamhã romhutu na te uhâbâ norĩ hã tisa te te 're huri ahâ na, sa'a zahâpâ para wi. Tawamhã wa'uburé norĩ hã te Zezusihi wi rowaptẽrẽ za'ra sina, rob'rehâ u te te satõrĩ tõ za'ra da. Uhâbâi u, te te satõrĩ za'ra da, te sina tiwi rowaptẽrẽ za'ra, uhâbâ hâiba 're, 're si'ubumroi mono da. Tahawa, ma tô Zezusi hã ãma saze za'ra. 33Tawamhã aibâ hawi ma tô wairé wa'uburé norĩ hã, uhâbâi u si'aba'ré da, ihâiba 're, 're si'ubumroi mono da. Tawamhã itẽme sisisi wamhã, uhâbâ norĩ hã te sisa're, wara sina. Sa'a hawi, te pi'reba sisa're, isõ'ui u. Tawamhã âi ba ma tô rere. Tahawa, ma ai'utõ uburé.
34Tawamhã uhâbâ 'madâ'â'wa norĩ hã te te 'madâ'â za'ra wamhã, te isiti datẽme sisa're, wara sina. 'Ri nho'õmo ãma, ma tô dama rowasu'u za'ra. Rom na, 'ri wa'õtõ ãma zama, ma tô dama rowasu'u za'ra. 35Tawamhã isimirowasu'u hã da te wapari za'ra wamhã, te itẽme ai'aba'ré ni, da te sabu za'ra da. Zezusihi u dasihutu wamhã, ma tô aibâ hã 'madâ'â za'ra ni, wa'uburé ihawi iwairébé hã. Uza ré, te oto nhamra Zezusihi papara, rowẽ na. Tawamhã tãma rowẽ wa, ma tô tãma tipahi za'ra, dama 're irowẽ za'ra mono zé hã tãma sa'rese za'ra õ wa. 36Tawamhã ãma i'madâ'â za'ra 'wa norĩ hã te aibâ wasu'u hã dama wasu'u za'ra, isihutu norĩ ma. Aibâ, Zezusi te te ipawaptobzém na, te tãma rowasu'u za'ra. 37Tawamhã aibâ wasu'u te te wapari za'ra wamhã, ma tô tãma tipẽ'ẽwara za'ra. Tahawa, te Zezusihi ma rob'ru za'ra, irom nhiti morĩ za'ra da. Aihĩni te tãma rob'ru za'ra, Zeraza ãma 're isi'ubumroi mono norĩ hã.
Tawamhã Zezusi te za oto ãzé, uba're wa, danhiti morĩ da. 38Tawamhã aibâ te sina 'mahâ, Zezusihi siré 're morĩ da, te te tãma pisutu da, wa'uburé ihawi iwairébé hã.
Tane nherẽ, te Zezusi hã aibâ ma tinha, ãne:
39— Apâ aimorĩ, asõrõwa u, 'Re ihâimana u'âsi mono, iwẽ na te te aipawaptobzém na asisãnawã norĩ ma, asiwasu'u da.
Tawamhã aibâ te oto mo, tinhorõwa u, 'ri baba dama siwasu'u mono da, Zezusi te te ipawaptobzém na hã.
Zezusi, Zairuhu 'ra te te ihâiwa'utuzé wasu'u, bâdâdi wãi wa, pi'õ hã te te ipesezé wasu'u me
Mateu 9.18-26; Marcu 5.21-43
40Tawamhã ma tô Zezusi norĩ hã apâ saprĩ za'ra, zara u. Zara niwĩ, ma tô da'ahâ na iwana sô ropsãmri za'ra ni. Tawamhã apâ datẽme wisi wẽ te, ma Zezusi hã sawi za'ra ni, dato sina. 41-42Tawamhã ma tô aibâ hã itẽme wi, Zairu na isisi hã, zudeu norĩ te, rowahutuzéb ãma dawada'uri'wa hã. Itẽme wisi wi, ma tô hi'rãtitõ aime, Zezusihi papara, ti'ra ãma te te sadawa pibu da, isõrõwa u morĩ da, i'ra hã hâzé wa, te te tãma pese da. I'ra hã pi'õ pisi, azarudu hã 12 na ãma iwahu. Hâzé ahâ wa, te za oto tiwi dârâ. Tawamhã Zezusi te oto mo, isõrõwa u. Morĩ ré, te da'ahâ na ãma dasi'uirĩ. Ma dasiwi dasina hõti ni.
43-44Tawamhã bâdâdi na morĩ ré, ma tô pi'õ hã wi, Zezusihi u, ihâzé ré hã, marĩ te te 're i'manharĩ mono hã. Hâzé ré, ma tô ãma tiwahub ahâ, 12 na ãma iwahubzé hã. Dawede'wa norĩ ma, ma tô uburé tinhibro hã uprosi, tisiwa'âbâzém na. Tazahã, dawede'wa norĩ hã iwede na hã te te siwi hõsi õ di. Tawamhã pi'õ hã, Zezusihi babarã niwĩ ma tô saprĩ. I'uza 'rãsudu hã ma tô tiwi upi. Tahawa, ma awa'awi séptârâ. Tâibâ oto ihâzé hã. 45Tahawa, ma tô ãne da'mahâ, Zezusi hã:
— E 'wa hã ma ĩ'uza hã ĩwi upi.
Tane nherẽ, te tãma amrami za'ra ni. Tahawa, te Pedru hã tãma tinha, ãne:
— Rowahutu'wa, oro aihĩni ai'ãma wasi'uirĩ mono za, wa wasina wasiwi aihõti ni.
46Tawamhã Zezusi asa te tãma tinha, ãne:
— Ni'wa hã ma tô ĩ'uza hã ĩwi upi. Ĩwaihu'u pese na, wa tô pese. Ãne, wa tô ĩsina waihu'u.
47Tawamhã ma tô pi'õ hã sina wapa, Zezusihi mreme hã. Da te waihu'u ãna, sãmra õ di oto, pi'õ hã. Ãne ma tô sina waihu'u. Tawamhã rẽrẽ'ẽ sina, ma tô Zezusihi papara aime hi'rãtitõ. Danho'a te Zezusihi ma siwasu'u pese, ãne:
— Ĩhâzé wa, wa ai'uza aiwi upi, ĩpese da. Tawamhã awa'awi wa tô séptârâ.
48Tawamhã Zezusi te tãma tinha, ãne:
— Ĩhidiba, za te aipesezém na ĩ'umnhasi wa, ma tô aihâzé hã aima apa. Rowẽ na te za oto 're aimo.
49Tawamhã pi'õi ma, te te rowasu'u ré, ma tô ãma wi, aibâ hã. Zairuhu u, ma wi. Isõrõwa hawi, ma itẽme wi, rowahutuzéb ãma 're da'anhimi'rui mono 'wai u hã. Tawamhã te Zairuhu ma rowasu'u aibâ hã, ãne:
— Ai'ra hã ma tô aiwi dârâ, azaruture hã. Rowahutu'wai wi, ro'wa'ré da nherẽ, simiromhuri nherẽ.
50Tawamhã Zezusi ma tô sina wapa. Tahawa, te Zairuhu ma tinha, ãne:
— Ai'ra wasu'u ma, aipahi tõ. Ĩwétési asina ĩ'umnhasi, te aipawaptob da. Ĩwétési ĩ'umnhasi wamhã, rowẽ na te za oto aima 're sãmra.
51Tawamhã Zezusi hã Zairuhu nhorõwa u oto wisi wamhã, ma tô pisutu za'ra, Pedru norĩ si isiré sisisi da, Zuwã, duré Tiagu, azaruture mama norĩ siré hã.
52Tame da'ahâ na te ãma ta'ru'ru ni, dapẽ'ẽzé wa. Tahawa, te Zezusi hã dama tinha, ãne:
— Ãma ai'ru'ru wa'aba õ di za. Azaruture hã dâ'â õ di. Taré te nhono.
53Tawamhã asa te tãma nharĩ za'ra ni:
— Oro taré sõtõ za, te pẽ'ẽzani ãna nomro.
Idâ'âzém na, ma tô waihu'u za'ra ni. Tahawa, ma tô ãne tãma nharĩ za'ra ni. 54Tazahã, te te damreme 'madâ'â õ di, Zezusi hã. Ma tô pa'â. Mreme 'rãihâ na, te tãma tinha, ãne:
— Azaruture, aiwahutu.
55Tawamhã ma tô apâ pẽ'ẽ waze, awa'awi. Hâiwi te oto za. Tahawa, mram na te wada'uri zahuré, te te tãma a zahuré da, imama norĩ hã. 56Tahawa, i'ra apâ hâiwa'utu wa, ma tô ãma titob'uzu zahuré, imama norĩ hã, timro me. Tahawa, tãma rowẽ zahuré di. Tane nherẽ, te i'ra na sadawa uwati zahuré, te te dama rowasu'u zahuré tõ da a'â.
Aktualisht i përzgjedhur:
Luca 8: xavBP
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2011, Wycliffe Bible Translators, Inc.All rights reserved.
Luca 8
8
Pi'õ norĩ hã, Zezusihi siré isi'aba'rézé wasu'u
1Tawamhã ãma ronomro wapsi, te Zezusi hã datẽme 're mo, daro mono bâ. 'Ri nho'õmo mono bâ, te datẽme 're mo, 'ri wa'õtõ mono bâ. Tawamhã datẽme 're morĩ wamhã, ma tô iwasu'uwẽ na te te 're da'apo're pu'u, 'Re ihâimana u'âsi mono, da'ãma 're isib'a'uwẽ mono zé wasu'u na. Datẽme 're morĩ wamhã, aibâ norĩ hã 12 na ihâiba za'ra hã, te isiré 're nomro. 2Pi'õ norĩ zama, te isiré 're nomro, wa'uburé, te te tãma 're i'anhamra mono norĩ hã. Duré, ihâzé hã te te tãma 're i'apari mono norĩ zama, te isiré 're nomro. Pi'õ nhisi hã, Maria Madaréna na isisi hã, wa'uburé hã, 7 na ihâiba za'ra hã te te tãma isãmra za'ra hã. 3Duré, Zuãna na pi'õ nhisi hã. Cuzaha mro hã, apito Erodihi ma romhuri'wai mro hã. Duré, Suzana na pi'õ nhisi hã. Aimawi norĩ hã te duré isiré 're nomro, pi'õ norĩ hã, ahâ na. Ta norĩ hã tinhimarĩ na, te Zezusi norĩ hã te te 're pawaptob za'ra.
Aibâ hã amnho poto mono da, te te i'anhamra mono zé wasu'u
Mateu 13.1-23; Marcu 4.1-20
4Tawamhã da'ahâ na ma tô itẽme aihutu ni Zezusihi u, 'ri ahâ mono bâ, da te sabu za'ra da. Tawamhã itẽme dasi'rã'õtõ wamhã, ma tô dama romnhimiré'é, ãne:
5— Aibâ hã te buru u mo, ti'ai hâibâdâ na, amnho hã te te anhamra mono da, poto mono da. Tawamhã amnho hã te te anhamra mono wamhã, nima norĩ hã bâdâdi zababa ma rere'e. Tahawa, ma tô dapara na nasi wati'i za'ra ni, tiwi irere'e mono hã. Sire hã ma duré te te uprosi, poto mono õ ré. 6Ẽtẽ nhisiwi, ma duré nima norĩ hã rere'e amnho hã, ti'a baihâire wa, ẽtẽ nhisiwimhã. Tawamhã 'wanhipré wairébé mono wamhã, ti'ai wa'ro wa, ma 'wanhipré 'ré. 7Nima norĩ hã ma duré rere'e, wab'ru wazari. Tawamhã siré ma tô 'wanhipré. Siré 'wanhipré mono wamhã, ma te te ubu, wab'ru hã. Tahawa, ma tô te te uprosi. 8Ti'ai wẽ wa, ma duré nima norĩ hã rere'e. Ta hã ma tô duré oto 'rã. 'Rãi mono wamhã, 'rãi pese uptabi di, rob're hã.
Te duré dama tinha:
— Asimipari pese za'ra wa'aba wamhã, ma'ãpé ĩwapari pese za'ra wa'aba ĩnhimirowasu'u na hã, waihu'u za'ra wa'aba da.
9Tawamhã Zezusihi siré 're inomro mono norĩ si, te siwi sadanha, ãne:
— E marĩ na, te ãma isimiré, amnho potozém na hã.
10Tawamhã Zezusi asa te tãma nharĩ za'ra:
— 'Re ihâimana u'âsi mono hã ma tô dawi sawi, a'â da te waihu'u tõ za'ra da, da'ãma 're isib'a'uwẽ mono zé wasu'u hã. A norĩ wa'aba ma si, ma tô oto iwasu'u hã aima waihu'u za'ra wa'wa, waihu'u za'ra wa'aba da, dama iwaihu'u'õ hã. Tahawa, wa tô ĩnhimiromnhimiré'é na si, te dama 're arowasu'u. Tawamhã dapo're na, da te 're wapari za'ra mono nherẽ, da te waihu'u za'ra õ di za, ãma isimiré'ézé hã.
11— Ãhã na, wa za aima waihu'u za'ra wa'wa, te ãma isimiré'ézé hã waihu'u za'ra wa'aba da. Amnho potozé hã, 'Re ihâimana u'âsi mono mreme, te wasu'u. 12Amnho hã bâdâdi zababa irere'e mono hã, aimawi a'uwẽ, te wasu'u. Ta norĩ hã ãté te za isadawa wasu'u hã taré tipo're na te te 're wapari za'ra. Tawamhã te za Wa'uburé hã itẽme 're sihutu ãté, te te tãma 're roti za'ra mono da, te te 're saze za'ra mono tõ da, te te 're sõ'reptu za'ra mono tõ da, 'Re ihâimana u'âsi mono hã. Tawamhã wa'rui'wa nhimiroti zarina, te te saze za'ra õ di za, 'Re ihâimana u'âsi mono zadawa wasu'u hã. 13Duré amnho hã ẽtẽ nhisiwi irere'e mono hã, aimawi a'uwẽ, te wasu'u. Ta norĩ hã ãté te za 'Re ihâimana u'âsi mono zadawa wasu'u hã te te 're wapari za'ra, tipo're na. Tawamhã te za iwasu'u ma 're to za'ra. Tazahã, õne haré te te 're saze za'ra mono õ di za. Ãté, te za te te 're saze hutu za'ra. Ãté rowasédé hã da te tãma 're 'manharĩ za'ra mono õ'umnhasite, te za apâ 're sipizari za'ra. 14Duré amnho hã wab'ru wazari i'a'a mono hã, aimawi a'uwẽ, te wasu'u. Ta norĩ hã ãté te za taré tipo're na te te 're wapari za'ra, isadawa wasu'u hã. Tazahã, marĩ wamhã, õhõ ãma si 're nomro mono õ di za. Ãté, marĩ na si te za te te 're rosa'rata za'ra sima, ãté rob'uiprazém na si, ãté titozém na si. Tawamhã rob'rã i'rã wẽ prã ne, 're hâimana wẽ uptabi za'ra mono õ di za. 15Amnho hã ti'ai wẽ wa, te te i'anhamra mono hã, aimawi a'uwẽ, te wasu'u. Ta norĩ hã ãté te za tipo're na te te 're wapari za'ra, 'Re ihâimana u'âsi mono zadawa wasu'u hã. Tawamhã te za te te 're 'madâ'â pese za'ra. Õne haré, te za isimiroti na 're nomro. Tawamhã rob'rã i'rãi wẽ uptabi ne, hâimana wẽ uptabi na, te za oto 're hâimana za'ra. Ãne amnho potozé wasu'u na, wa aima ãma simiré'é za'ra wa'wa.
16Tawamhã rob'uiwẽzém na te duré ãma simiré'é:
— Rob'uiwẽzé hã da te ro'o wamhã, e piza'a na te za upsibi ni. E daza'warizéb 'rowi, te za sãrĩ ni. Mare di. Isima'warazém na si, te za sõ'awi da te 're sõré, rowa'a na 're danhisisi mono da. Taha da, te za ro'o ni, rob'uiwẽzé hã. 17Tane, ĩmreme hã a'â te dama iwaihu'u'õ hã te za niwapsi waihu'u za'ra ni. Tahawa, wa tô rob'uiwẽzém na ãne ãma simiré'é.
18— Tahawa, ma'ãpé ĩmreme hã 're wapari pese za'ra wa'aba mono. Tawamhã ĩzadawa wasu'u hã te za te te aima 're waihu'u za'ẽtẽ za'ra wa'wa, 'Re ihâimana u'âsi mono hã. Ĩmreme hã 're wapari pese za'ra wa'aba mono õ wamhã, te za apâ te te aiwi 're awaibui wa'wa, ĩzadawa wasu'u hã. Tawamhã ĩmreme waihu'u'wa na, 'râwi 're asi'madâ'â ze za'ra wa'aba mono nherẽ, te za ĩmreme waihu'u'õ'wa ne, oto 're anomro aba mo.
Zezusihi na wasu'u, ino norĩ wasu'u me
Mateu 12.46-50; Marcu 3.31-35
19Tawamhã Zezusihi u, te ina hã mo, ino norĩ me. Te te sabu za'ra da, te itẽme ai'aba'ré. Tazahã, da'ahâ uptabi wamhã, itẽme sisisi waihu'u õ di. 20Tawamhã Zezusihi ma, ma tô ni'wa hã rowasu'u, ãne:
— Ano norĩ hã te rowi asô aimasa, ana za'ra wa'aba me. Te sima wẽ za'ra, te te asabu za'ra da.
21Tawamhã Zezusi te uburé dama tinha, ãne:
— Ni'wam norĩ hã, 'Re ihâimana u'âsi mono zadawa wasu'u hã tipo're na te te 're wapari za'ra mono wamhã, duré te te 're 'madâ'â pese za'ra mono wamhã, ta norĩ hã ĩna na, duré ĩno na te za ĩma 're hâimana za'ra.
Zezusi hã rowa'u'u ma, te te inharĩzé wasu'u
Mateu 8.23-27; Marcu 4.35-41
22Tawamhã bâtâ na, te Zezusi hã tãma nharĩ za'ra, ãne:
— Oto zara u, wa te saprĩ za'ra wa'aba.
Tawamhã uba're wa, ma tô asisi, zara u te te saprĩ za'ra da, isõ'u na. 23Tawamhã te te siré sari za'ra ré, te oto Zezusi hã nhono, uba're wa. Sõtõ ré, ma tô rowa'u isa'ẽne hã watobro. Tahawa, uba're 're, ma tô â hã ãzé. Uba're 'remhã, â hã 'masisi wa, oto tãma za'ra hã simimnhasi di. 24Tahawa, ma Zezusihi u tiwahutu za'ra, te te siwi utu da. Tawamhã ãne te siwi 'mahâ:
— Rowahutu'wa, rowahutu'wa, wa za ai'utõrĩ ni.
Tawamhã Zezusi ma tô udu. Duré ma tô wahudu hâiwi. Rowa'u'u ma, te tinha, te te sazâri da. Duré â ma, te tinha, âtu da. Tahawa, ma tô sazâ, rowa'u hã. Duré ma tô ti'âtu oto. 25Tawamhã tisiré 're inomro mono norĩ ma, te tinha, ãne:
— E niha bâ asiwi ĩ'umnhasi aba õ di.
Tahawa, te sima nharĩ za'ra, ãne:
— E niha õ hã aibâ, rowa'u'u ma, te te nharĩ wamhã, ma tô rowa'u hã sazâ. Duré, â nhibzaihâ ma hã, te tinha. Tahawa, ma tô ti'âtu. Imreme hã ma tô wapari zahuré.
Mreme pire wa, ma ãma titob'uzu za'ra. Õne hã tãma sa'rese za'ra õ wa, ma tô tãma tipahi za'ra, isiré 're inomro mono norĩ hã.
Zezusi hã, aibâ hawi wa'uburé te te isatõrĩ za'ra zé wasu'u
Mateu 8.28-34; Marcu 5.1-20
26Tawamhã Galiléa na hawi, te isõ'u na siré sari za'ra, te te saprĩ za'ra da, zara u, Zezusi norĩ hã. Tawamhã ma tô oto aihutu zara u, Zeraza na danhipti'a nho'õmo nhisi niwĩ. 27Tawamhã uba're hawi, ma tô watobro, Zezusi hã. Watobro wamhã, ma tô aibâ hã itẽme wi, wa'uburé ré 're imorĩ hã. 'Re si'uza mono õ di oto, aibâ hã. Ai'uréiwi, te oto 're mo. Duré 'ri 're, 're sãmra mono õ di oto. Adâ'â 'ru ãma si te oto 're sãmra, ẽtẽ wa, ab're siromo ãma. Tame 're hâimana mono ré hã, ma tô ãma tironomro pese. 28-29Aibâ hã da'rata 're sãmra mono ré, ma tô da te 're 'madâ'â za'ra, 're pusi tõ mono da. Ma tô da te dasiwi 're hi wasisi, isi'uwazi nhorõ rutu na. Te duré da te dasiwi 're pa wasisi. Tazahã, tihi wasisizé hã te te sina 're anhinarĩ, tipawasisizéb zama. Taha pari, te wa'uburé hã te te siwi 're saprõni, a'ubuni u. Tawamhã aibâ hã Zezusi te te 'madâ'â wamhã, ma tô 're sadari. Tahawa, hi'rãtitõ ma aime, Zezusihi papara. Tawamhã mreme 'rãihâ na te tãma tinha, ãne:
— Zezusi, 'Re ihâimana u'âsi mono 'ra, e marĩ ĩ'ãma 'manharĩ da, te we aimo. Ĩ'azâri õ di za. Ãne, wa ĩsina aipa'uwati.
30Tawamhã Zezusi hã te sadanha, ãne isisi zô:
— E niha asisi hã.
— Ahâ na, ĩnhisi hã. — Ãne te aibâ hã tãma sisisi, wa'uburé hã ãma ahâ wa.
31-32Tawamhã romhutu na te uhâbâ norĩ hã tisa te te 're huri ahâ na, sa'a zahâpâ para wi. Tawamhã wa'uburé norĩ hã te Zezusihi wi rowaptẽrẽ za'ra sina, rob'rehâ u te te satõrĩ tõ za'ra da. Uhâbâi u, te te satõrĩ za'ra da, te sina tiwi rowaptẽrẽ za'ra, uhâbâ hâiba 're, 're si'ubumroi mono da. Tahawa, ma tô Zezusi hã ãma saze za'ra. 33Tawamhã aibâ hawi ma tô wairé wa'uburé norĩ hã, uhâbâi u si'aba'ré da, ihâiba 're, 're si'ubumroi mono da. Tawamhã itẽme sisisi wamhã, uhâbâ norĩ hã te sisa're, wara sina. Sa'a hawi, te pi'reba sisa're, isõ'ui u. Tawamhã âi ba ma tô rere. Tahawa, ma ai'utõ uburé.
34Tawamhã uhâbâ 'madâ'â'wa norĩ hã te te 'madâ'â za'ra wamhã, te isiti datẽme sisa're, wara sina. 'Ri nho'õmo ãma, ma tô dama rowasu'u za'ra. Rom na, 'ri wa'õtõ ãma zama, ma tô dama rowasu'u za'ra. 35Tawamhã isimirowasu'u hã da te wapari za'ra wamhã, te itẽme ai'aba'ré ni, da te sabu za'ra da. Zezusihi u dasihutu wamhã, ma tô aibâ hã 'madâ'â za'ra ni, wa'uburé ihawi iwairébé hã. Uza ré, te oto nhamra Zezusihi papara, rowẽ na. Tawamhã tãma rowẽ wa, ma tô tãma tipahi za'ra, dama 're irowẽ za'ra mono zé hã tãma sa'rese za'ra õ wa. 36Tawamhã ãma i'madâ'â za'ra 'wa norĩ hã te aibâ wasu'u hã dama wasu'u za'ra, isihutu norĩ ma. Aibâ, Zezusi te te ipawaptobzém na, te tãma rowasu'u za'ra. 37Tawamhã aibâ wasu'u te te wapari za'ra wamhã, ma tô tãma tipẽ'ẽwara za'ra. Tahawa, te Zezusihi ma rob'ru za'ra, irom nhiti morĩ za'ra da. Aihĩni te tãma rob'ru za'ra, Zeraza ãma 're isi'ubumroi mono norĩ hã.
Tawamhã Zezusi te za oto ãzé, uba're wa, danhiti morĩ da. 38Tawamhã aibâ te sina 'mahâ, Zezusihi siré 're morĩ da, te te tãma pisutu da, wa'uburé ihawi iwairébé hã.
Tane nherẽ, te Zezusi hã aibâ ma tinha, ãne:
39— Apâ aimorĩ, asõrõwa u, 'Re ihâimana u'âsi mono, iwẽ na te te aipawaptobzém na asisãnawã norĩ ma, asiwasu'u da.
Tawamhã aibâ te oto mo, tinhorõwa u, 'ri baba dama siwasu'u mono da, Zezusi te te ipawaptobzém na hã.
Zezusi, Zairuhu 'ra te te ihâiwa'utuzé wasu'u, bâdâdi wãi wa, pi'õ hã te te ipesezé wasu'u me
Mateu 9.18-26; Marcu 5.21-43
40Tawamhã ma tô Zezusi norĩ hã apâ saprĩ za'ra, zara u. Zara niwĩ, ma tô da'ahâ na iwana sô ropsãmri za'ra ni. Tawamhã apâ datẽme wisi wẽ te, ma Zezusi hã sawi za'ra ni, dato sina. 41-42Tawamhã ma tô aibâ hã itẽme wi, Zairu na isisi hã, zudeu norĩ te, rowahutuzéb ãma dawada'uri'wa hã. Itẽme wisi wi, ma tô hi'rãtitõ aime, Zezusihi papara, ti'ra ãma te te sadawa pibu da, isõrõwa u morĩ da, i'ra hã hâzé wa, te te tãma pese da. I'ra hã pi'õ pisi, azarudu hã 12 na ãma iwahu. Hâzé ahâ wa, te za oto tiwi dârâ. Tawamhã Zezusi te oto mo, isõrõwa u. Morĩ ré, te da'ahâ na ãma dasi'uirĩ. Ma dasiwi dasina hõti ni.
43-44Tawamhã bâdâdi na morĩ ré, ma tô pi'õ hã wi, Zezusihi u, ihâzé ré hã, marĩ te te 're i'manharĩ mono hã. Hâzé ré, ma tô ãma tiwahub ahâ, 12 na ãma iwahubzé hã. Dawede'wa norĩ ma, ma tô uburé tinhibro hã uprosi, tisiwa'âbâzém na. Tazahã, dawede'wa norĩ hã iwede na hã te te siwi hõsi õ di. Tawamhã pi'õ hã, Zezusihi babarã niwĩ ma tô saprĩ. I'uza 'rãsudu hã ma tô tiwi upi. Tahawa, ma awa'awi séptârâ. Tâibâ oto ihâzé hã. 45Tahawa, ma tô ãne da'mahâ, Zezusi hã:
— E 'wa hã ma ĩ'uza hã ĩwi upi.
Tane nherẽ, te tãma amrami za'ra ni. Tahawa, te Pedru hã tãma tinha, ãne:
— Rowahutu'wa, oro aihĩni ai'ãma wasi'uirĩ mono za, wa wasina wasiwi aihõti ni.
46Tawamhã Zezusi asa te tãma tinha, ãne:
— Ni'wa hã ma tô ĩ'uza hã ĩwi upi. Ĩwaihu'u pese na, wa tô pese. Ãne, wa tô ĩsina waihu'u.
47Tawamhã ma tô pi'õ hã sina wapa, Zezusihi mreme hã. Da te waihu'u ãna, sãmra õ di oto, pi'õ hã. Ãne ma tô sina waihu'u. Tawamhã rẽrẽ'ẽ sina, ma tô Zezusihi papara aime hi'rãtitõ. Danho'a te Zezusihi ma siwasu'u pese, ãne:
— Ĩhâzé wa, wa ai'uza aiwi upi, ĩpese da. Tawamhã awa'awi wa tô séptârâ.
48Tawamhã Zezusi te tãma tinha, ãne:
— Ĩhidiba, za te aipesezém na ĩ'umnhasi wa, ma tô aihâzé hã aima apa. Rowẽ na te za oto 're aimo.
49Tawamhã pi'õi ma, te te rowasu'u ré, ma tô ãma wi, aibâ hã. Zairuhu u, ma wi. Isõrõwa hawi, ma itẽme wi, rowahutuzéb ãma 're da'anhimi'rui mono 'wai u hã. Tawamhã te Zairuhu ma rowasu'u aibâ hã, ãne:
— Ai'ra hã ma tô aiwi dârâ, azaruture hã. Rowahutu'wai wi, ro'wa'ré da nherẽ, simiromhuri nherẽ.
50Tawamhã Zezusi ma tô sina wapa. Tahawa, te Zairuhu ma tinha, ãne:
— Ai'ra wasu'u ma, aipahi tõ. Ĩwétési asina ĩ'umnhasi, te aipawaptob da. Ĩwétési ĩ'umnhasi wamhã, rowẽ na te za oto aima 're sãmra.
51Tawamhã Zezusi hã Zairuhu nhorõwa u oto wisi wamhã, ma tô pisutu za'ra, Pedru norĩ si isiré sisisi da, Zuwã, duré Tiagu, azaruture mama norĩ siré hã.
52Tame da'ahâ na te ãma ta'ru'ru ni, dapẽ'ẽzé wa. Tahawa, te Zezusi hã dama tinha, ãne:
— Ãma ai'ru'ru wa'aba õ di za. Azaruture hã dâ'â õ di. Taré te nhono.
53Tawamhã asa te tãma nharĩ za'ra ni:
— Oro taré sõtõ za, te pẽ'ẽzani ãna nomro.
Idâ'âzém na, ma tô waihu'u za'ra ni. Tahawa, ma tô ãne tãma nharĩ za'ra ni. 54Tazahã, te te damreme 'madâ'â õ di, Zezusi hã. Ma tô pa'â. Mreme 'rãihâ na, te tãma tinha, ãne:
— Azaruture, aiwahutu.
55Tawamhã ma tô apâ pẽ'ẽ waze, awa'awi. Hâiwi te oto za. Tahawa, mram na te wada'uri zahuré, te te tãma a zahuré da, imama norĩ hã. 56Tahawa, i'ra apâ hâiwa'utu wa, ma tô ãma titob'uzu zahuré, imama norĩ hã, timro me. Tahawa, tãma rowẽ zahuré di. Tane nherẽ, te i'ra na sadawa uwati zahuré, te te dama rowasu'u zahuré tõ da a'â.
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2011, Wycliffe Bible Translators, Inc.All rights reserved.