Oosana 5
5
Adamana aiku asauku nuqu.
(1 Stori 1:1-4)
1Adamana aiku asauku misa oosana maaqimmasee akaraki marinau. Anutufa indaaru narí amana kai faiqí anaasee auqinau.
2Naumoo faqaa qanda auquseenoo nifaaqooqa qima nimaqaseenoo faiqí anaasee fee qimasee nuqu ranau.
3Adamafa aukuana 130 marasoofanoo mina amaaku Seetafa kambiqanau. Narí akoona fooqaafa mina amana kai marinau. 4Seetana maqookari oosana araseenoo Adamafa 800 aukuana maranau. Mi kamuqoo akoonaiqi maanaaqa faiqi namu moomoo Adamafa maqanau. 5Adamana aukuana aiqama 930 maraseenoo kuqinau.
6Seetafa 105 aukuana maraseenoo akoonaiqi Eennoosana maqanau. 7Eennoosana maqoo kamuqooqari Seetafa 807 aukuana maraseenoo mi kamuqoo akoonaiqi maanaaqa faiqi namu moomoo maqanau. 8Seetana aiqama aukuana 912 maraseenoo kuqinau. 9Eennoosafa 90 aukuana maraseenoo akoonaiqi Keennana maqanau. 10Keennana maqoo kamuqooqari Eennoosafa 815 aukuana maraseenoo mi kamuqoo akoonaiqi maanaaqa faiqi namu moomoo maqanau. 11Eennoosana aukuana aiqama moodaanaki 905 maraseenoo kuqinau.
12Mina amaaku Keennafa 70 aukuana maraseenoo akoonaiqi Maqarareerana maqanau. 13Maqarareerana maqoo kamuqooqari Keennafa 840 aukuana maraseenoo mi kamuqoo akoonaiqi maanaaqa faiqi namu moomoo maqanau. 14Keennana aukuana aiqama moodaanaki 910 maraseenoo kuqinau.
15Mina amaaku Maqarareerafa 65 aukuana maraseenoo akoonaiqi Yareedana maqanau. 16Yareedana maqooqooqari 830 aukuana maraseenoo mi kamuqoo akoonaiqi maanaaqa faiqi namu moomoo Yareedafa maqanau. 17Maqarareerana aukuana aiqama moodaanaki 895 maraseenoo kuqinau.
18Mina amaaku Yaareedafa 162 aukuana maraseenoo narí amaaku Eennookana maqanau. 19Eennookana maqooqooqari Yareedafa 800 aukuana maraseenoo akoonaiqi maanaaqa faiqi namu moomoo maqanau. 20Yareedana aukuana aiqama moodaanaki 962 maraseenoo kuqinau.
21Mina amaaku Eennookafa 65 aukuana maraseenoo akoonaiqi Meetuseerana maqanau. 22Eennookafa 300 aukuana Anutuna aqoondikiranaki maridanoo akoonaiqi maanaaqa faiqi namu moomoo maqanau. 23Eennookana aukuana aiqama moodaanaki 365 aukuana maranau. 24Eennookafa sia kuqinau. Kaaqa Anutunara rimarufa marufanoo Anutufa kaqimma afiqasoofanoo sia sia inau.
25Eennookana amaaku Meetuseerafa 187 aukuana maraseenoo akoonaiqi Rammeekana amarana maqanau. 26Rammeekana maqooqooqari mina akoofa Meetuseerafa 782 aukuana maraseenoo akoonaiqi maanaaqa faiqi namu moomoo maqanau. 27Meetuseerana aukuana aiqama moodaanaki 969 aukuana maraseenoo kuqinau.
28Meetuseerana amaaku Rammeekana amarafa 82 aukuana maraseenoo akoonaiqi maqaseenoo qinau. 29Anutufa maa maqa maaqana aquraraqoofaqa maasa kadaapi ridaqa. Maa faiqifa kadaapiriranaki marunnana asooarana qimiannoo fee qimasee mina auqu Nooa nee qinau. 30Nooana maqooqooqari mina akoofa Rammeekafa 595 aukuana maraseenoo akoonaiqi maanaaqa faiqi namu moomoo maqanau. 31Rameekana aukuana aiqama moodaanaki 777 maraseenoo kuqinau.
32Mina amaaku Nooafa 500 aukuana maraseenoo miqooqari akoonaiqi qaaramoo maqanau. Misa nuqu Seemmana faqa Qammana faqa Yafeetana faqa maqanau.
Aktualisht i përzgjedhur:
Oosana 5: bjr
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2017 Wycliffe Bible Translators, Inc. All rights reserved.