Matyu 3
3
Jon napisi'as embeli anan nawalapa basef bu'wami
(Mk 1:2-8; Lu 3:1-18; Jo 1:19-28)
1Nimeguf hiami ma nogota anama anona aman Jon napisi'as embeli nafi'i nape anona etap hiagoma Judia wafiguma fatauguma 2ea' nawalapa basef bu'wami na'i, “Nemaf anama bu'unai ea' felefele' notaga ma epes siowis kingdom heveni. Na'ama dei' ipe' pewa' alafugaha waf aonai pemboma opalef pefe'ma God.”
3Ea' Jon nafe' na'ipasa basef amama si'i anona profet Aisaia fowa' na'iami na'i,
“Owagama malogel anona amani noga ni'i anona etap wafiguma fatauguma ni'i basef na'ama ni'i, ‘Pendandomba eaf Dembinai nefe' usi'ina, penda'manana andeande'.’ ”
4Luwaguf Jon nalami#3:4 Klos Jon nalami amama atom si'i fowa' gani profet Elisa nalami. Anom basef mail Ol Testameni ma'i nemaf anama Krais niefi'ianai, profet anama Elisa nili' nifi'i. Ea' esis Juda sati klos Joni sa'i Jisas ma'una anan Krais. sanda' auf anom mafis lu'wami kamel sanda'am, ea' nowaho' anota let sanda' agwahup mafinina sanda'anai. Gwa'aimi ananimi na' gwamu'wis maloma aupimbel aolupumi. 5-6Nogota anama amam nematawa sape Jerusalemi saloma hiesi sape etap hiagoma Judia ea' wambel anama felefele'ma walemb Jordan hiagoma, hiesi safi'mai Jona neapisi'as embel. Esis sawalapa waf aonai esis sanda'anai ea' Jon napisi'as walemb Jordan. 7Afama Jon nati anom amam dambami esis Judai Farisi maloma anom dambami Sadyusi mafi'i ma mefa' baptais, ea' na'ipam na'i, “Ipe' panda' waf aonai si'i awasi iguf awami molaipei. Emi na'ipipa ma pa'i pefa' pefe' pindihi'ama okom wandafunai Godi anona nemaf neatagamepa?
8Ipe' pemboma opalef pewa' alafugaha waf aonai ipe'inai, ea' penda' waf bu'unai ma pihi'ambas ipe' pamboma opalef endilisi paila waf bu'unai. 9Ipe' ina ukup mondanda' mi'i, ‘Abraham anan ahalomapa ape'inai’, owa'. Ae' a'ipipa endilisi, God anan la'ifinai ma nonda' otamba amama motaga epes si'i awasi Abrahami. 10Tamia'w kwa'oh lawag ofagema. Lawah hiami owa' mola su'utip bu'wami, anona nemaf solam sotopa'am sokwahom mefe'ma nif.
11Ae' dei' apisi'ipa embela pihi'ambas ipe' pamboma opalef pakwaha waf aonai pafe'ma God. Anona aman nambimb nigi'ma ae'i ni'ifi, anan la'ifinai nikila' ae'. Anan nenda' baptaisimepa Ambal Bu'unai Godi nope nolomepa nese'epa nif la'ifimi wapoti'. Ae' ina aman bu'uwei ma eatagaha mandelefa su ananimi, owa'. 12Anan nahapila anol savol lagof ananimi ma niesimba'am wit si'i rais amama andeande'. Ama nefa' bu'wami nuwis nembe'am ipat ananinai. Awami nembefam nofam nif amama lu'wami fandom mape la'ela'efi.”
Jon napisi' Jisas embel
(Mk 1:9-11; Lu 3:21-22)
13Nogota anama Jisas nakwaha etap hiagoma Galili nafi'i walemb Jordan, ea' nafi'mai Jon ama neapisi'ana embel. 14Ea' Jon na'i nosopama Jisas nai'pana na'i, “Ae' ina aman bu'uwei ma iapisi'ina, owa'. Ine' nipisi' ae', andeande'. Dei' ine' nafi'mai ae' ma main?”
15Ea' Jisas nagwamana basef na'i, “Ine' nenda'meam si'i ae' a'ipina. Afa' biafa onda'am na'ama ma ondahama waf hianai bu'unai, si'i God na'iam.”
Ea' Jon na'i a'e napisi'ana. 16Jisas nofa' baptais nakwaha embel walemb nandagiai etin, heven nandausi' ma anan, ea' nati Ambal Bu'unai Godi nafi'mai anan, si'i amil mai'una nufia' nisila'manai. 17Ea' anona maf na'i natagai heven na'i anom basef na'i, “Aman anama Nogalome ae'anai endilisi. Ae' okom nainailana endilisi. Okom ae'anai bo'ona ma anan.”
Aktualisht i përzgjedhur:
Matyu 3: aojF
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2013, Wycliffe Bible Translators, Inc. All rights reserved.
Matyu 3
3
Jon napisi'as embeli anan nawalapa basef bu'wami
(Mk 1:2-8; Lu 3:1-18; Jo 1:19-28)
1Nimeguf hiami ma nogota anama anona aman Jon napisi'as embeli nafi'i nape anona etap hiagoma Judia wafiguma fatauguma 2ea' nawalapa basef bu'wami na'i, “Nemaf anama bu'unai ea' felefele' notaga ma epes siowis kingdom heveni. Na'ama dei' ipe' pewa' alafugaha waf aonai pemboma opalef pefe'ma God.”
3Ea' Jon nafe' na'ipasa basef amama si'i anona profet Aisaia fowa' na'iami na'i,
“Owagama malogel anona amani noga ni'i anona etap wafiguma fatauguma ni'i basef na'ama ni'i, ‘Pendandomba eaf Dembinai nefe' usi'ina, penda'manana andeande'.’ ”
4Luwaguf Jon nalami#3:4 Klos Jon nalami amama atom si'i fowa' gani profet Elisa nalami. Anom basef mail Ol Testameni ma'i nemaf anama Krais niefi'ianai, profet anama Elisa nili' nifi'i. Ea' esis Juda sati klos Joni sa'i Jisas ma'una anan Krais. sanda' auf anom mafis lu'wami kamel sanda'am, ea' nowaho' anota let sanda' agwahup mafinina sanda'anai. Gwa'aimi ananimi na' gwamu'wis maloma aupimbel aolupumi. 5-6Nogota anama amam nematawa sape Jerusalemi saloma hiesi sape etap hiagoma Judia ea' wambel anama felefele'ma walemb Jordan hiagoma, hiesi safi'mai Jona neapisi'as embel. Esis sawalapa waf aonai esis sanda'anai ea' Jon napisi'as walemb Jordan. 7Afama Jon nati anom amam dambami esis Judai Farisi maloma anom dambami Sadyusi mafi'i ma mefa' baptais, ea' na'ipam na'i, “Ipe' panda' waf aonai si'i awasi iguf awami molaipei. Emi na'ipipa ma pa'i pefa' pefe' pindihi'ama okom wandafunai Godi anona nemaf neatagamepa?
8Ipe' pemboma opalef pewa' alafugaha waf aonai ipe'inai, ea' penda' waf bu'unai ma pihi'ambas ipe' pamboma opalef endilisi paila waf bu'unai. 9Ipe' ina ukup mondanda' mi'i, ‘Abraham anan ahalomapa ape'inai’, owa'. Ae' a'ipipa endilisi, God anan la'ifinai ma nonda' otamba amama motaga epes si'i awasi Abrahami. 10Tamia'w kwa'oh lawag ofagema. Lawah hiami owa' mola su'utip bu'wami, anona nemaf solam sotopa'am sokwahom mefe'ma nif.
11Ae' dei' apisi'ipa embela pihi'ambas ipe' pamboma opalef pakwaha waf aonai pafe'ma God. Anona aman nambimb nigi'ma ae'i ni'ifi, anan la'ifinai nikila' ae'. Anan nenda' baptaisimepa Ambal Bu'unai Godi nope nolomepa nese'epa nif la'ifimi wapoti'. Ae' ina aman bu'uwei ma eatagaha mandelefa su ananimi, owa'. 12Anan nahapila anol savol lagof ananimi ma niesimba'am wit si'i rais amama andeande'. Ama nefa' bu'wami nuwis nembe'am ipat ananinai. Awami nembefam nofam nif amama lu'wami fandom mape la'ela'efi.”
Jon napisi' Jisas embel
(Mk 1:9-11; Lu 3:21-22)
13Nogota anama Jisas nakwaha etap hiagoma Galili nafi'i walemb Jordan, ea' nafi'mai Jon ama neapisi'ana embel. 14Ea' Jon na'i nosopama Jisas nai'pana na'i, “Ae' ina aman bu'uwei ma iapisi'ina, owa'. Ine' nipisi' ae', andeande'. Dei' ine' nafi'mai ae' ma main?”
15Ea' Jisas nagwamana basef na'i, “Ine' nenda'meam si'i ae' a'ipina. Afa' biafa onda'am na'ama ma ondahama waf hianai bu'unai, si'i God na'iam.”
Ea' Jon na'i a'e napisi'ana. 16Jisas nofa' baptais nakwaha embel walemb nandagiai etin, heven nandausi' ma anan, ea' nati Ambal Bu'unai Godi nafi'mai anan, si'i amil mai'una nufia' nisila'manai. 17Ea' anona maf na'i natagai heven na'i anom basef na'i, “Aman anama Nogalome ae'anai endilisi. Ae' okom nainailana endilisi. Okom ae'anai bo'ona ma anan.”
Aktualisht i përzgjedhur:
:
Thekso
Ndaje
Copy
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2013, Wycliffe Bible Translators, Inc. All rights reserved.