<div class="version vid1862 iso6393cnh" data-vid="1862" data-iso6393="cnh">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="p"> 1Cu c&#226;n ah nikhat cu &#7789;empal ah a cawnpiak hna i thawng&#7789;ha a chim lio ah tl&#226;ngbawi le nawlbiacawnpiaktu le upa hna he an ra i hmaitonh in 2A sinah, &#8220;Kan chim tuah, zei nawlngeihn&#226;k in dah hi thil hna hi na tuah? asiloah, ahonihdah hi nawlngeihn&#226;k hi an in p&#234;k?&#8221; tiah an ti. 3Anih nih, &#8220;Kei zong nih thil pakhat kan hal ve hna lai i nan ka chimh lai. 4Baptisma petu Johan kha van lei in maw a si, minunglei in dah?&#8221; tiah a ti. 5An i ruat i, &#8220;Vanlei in kan ti ahcun, &#8216;a si ah zeiruangahdah nan zumh kun lo,&#8217; a kan ti lai. 6&#8216;Minung lei in,&#8217; kan ti ahcun, mi vialte nih lungin an kan cheh lai. Zeicatiah Johan cu Profet a si tiah an zumh dih fawn,&#8217; an ti. 7Annih nih khawzei lei in dah a si, kan hngal lo, tiah an leh. 8Jesuh nih, &#8220;Keizong nih hi thil hna hi aho nawlngeihn&#226;k in dah ka tuah kan chim hna lai lo,&#8221; tiah a ti. 9Cuticun mizapi sinah hi tahchunhn&#226;k bia hi a chimh hna. &#8220;Mi pakhat nih misur d&#251;m a tuah, d&#251;m congtu hna sinah &#7789;uanman hmu dingin a p&#234;k hna i saupi rau dingin lamhlat ngai ah khual a tlawng. 10A thei lawh c&#226;n a zat tikah a covo co awkah d&#251;m congtu hna sinah sinum pakhat a hei thlah. Sihmanhsehlaw d&#251;m congtu nih an rak velh i kut lawngin an kirter. 11Sinum dang a thlah &#7789;h&#226;n i cu zong cu an rak velh &#7789;h&#226;n i ningzak ngai in an rak tuah hnuah kut lawngin an kirter &#7789;h&#226;n. 12Pathumn&#226;k a thlah &#7789;h&#226;n i cuhna cu hma an rak putter hnu ah d&#251;m lengah an rak hlawnh. 13Cuticun misur d&#251;m ngeitu pa nih, zeitindah ka tuah kun lai? ka fapa ngeih chun hi thlah ko ning. Anih hi an hmuh tikah anrak hmaizah deuh lai, tiah a ti. 14Asinain d&#251;m congtu nih an hmuh tikah, &#8216;Hi pa hi ro cotu ding a si lo mei. Ra uh, that u sih, cuticun a co hngami ro kanmah ta a si ko lai,&#8217; tiah an ti. 15Misur d&#251;m chungin an chuah i an thah. Misur d&#251;m ngeitu nih zeitindah a tuah hna lai? 16Ara lai i d&#251;m congtu hna cu a hrawh dih lai i d&#251;m congtu dang sinah a p&#234;k lai, tiah a ti. Cu bia an theih tikah, biangaitu hna nih, cucu ph&#226;n sawh hlah seh, tiah an ti. 17Annih cu a zoh hna i, &#8220;Hihi zeibiadah &#226; rak &#7789;ial. Inn satu nih an duh lomi lung kha a kil i san a tlai bikmi lung hi? 18Culung cung i a tlumi pauh an kuai dih lai i a nenh i a nenhmi hna cu dipte in a rial hna lai,&#8221; tiah a ti. 19Cun tl&#226;ngbawi le nawlbia cawnpiaktu hna nih cu c&#226;n i tlaihcawlh kha an timh. Asinain mizapi ral an veng, zeitintiah cu tahchunhn&#226;k cu anmah dohdaln&#226;k i a chimmi a si kha an hngalh. 20Cuticun Mangki nawlngeihn&#226;k le thiltikhawhn&#226;k i an tlaih khawh n&#226;khnga, miding ngai bantuk i &#226; tuahmi mingiatu an thlah i a chim sualmi bia bawh in &#7789;ha tein an ngiat. 21Annih nih, &#8220;Cawnpiaktu, dik ngaiin na cawnpiak i ahohmanh thleidang loin Pathian kong na cawnpiak tawn tiah kan hngalh. 22&#8220;Sizar sin i ngunkhuai kan p&#234;kmi hi phungning a si maw, si lo dah,&#8221; tiah an hal. 23Anih nih an zerning kha a rak hngalh i, &#8220;Zeiruangahdah nanka hneksak? 24Ngamu rakka hmuhter tuah u, &#8220;Hihi, aho lem le min dah a si? tiah a ti. Annih nih, &#8220;Sizar&#8221; tiah an ti. 25Anih nih, &#8220;Cutiasiah, Sizar ta a simi cu Sizar pe ulaw, Pathian ta cu Pathian pe u,&#8221; tiah a ti. 26Cuticun mizapi hmai ah a chim sualmi tlaih awk an hmu lo, a lehn&#226;k cu an khuaruah a har i dai tein an um. 27Cun mithi thawh&#7789;hann&#226;k a um lo, titu Sadusih kha biahal awkah a sinah an ra. 28&#8220;Cawnpiaktu, mizei pauh nih nupi a ngei i fa ngei lo in thi sehlaw a u nau nih a roco in a thimi caah fa a ngeih piak lai, tiah Moses nih a kan &#7789;ialpiak. 29Cuticun unau pasarih an um. A upa bik nih nupi a ngei i fa ngei lo in a thi. 30Pahnihn&#226;k pa nih nupi ah a ngeih ve i anih zong fa ngei lo in a thi. 31Cuticun pathumn&#226;k pa zong nih a ngeih &#7789;h&#226;n i a pasarihn&#226;k tiangin fa ngei lo in a thi. 32Hmanung bik ah nu zong a thi ve. 33Cuticun thawh&#7789;h&#226;n ni ah aho nupi cem dah a si kun lai? Zeitintiah an dihlak in nupi ah an rak ngeih dih fawn?&#8221; tiah an hal. 34Jesuh nih an sinah, tuchan minung hna cu nupi pasal an i ngei, 35asinain a ra laimi c&#226;n i tel awkah &#226; tl&#226;kmi le thihn&#226;k in thawhter hngami hna cu nupi pasal an i ngei ti lai lo, 36thih zong an thi ti lai lo, vanmi hna he an i tluk lai i tho&#7789;h&#226;n fale an si caah Pathian fa le an si cang. 37Sihmanhsehlaw mithi hna thawhter an si lain&#226;k kong Moses nih burb&#251;k a alhmi kongah arak hmuhsak cang, khaka ah khan, Bawipa cu, &#8220;Abraham Pathian, Isak Pathian, Jakob Pathian, tiah a ti. 38Zeitintiah a nih cu mithi Pathian a si lo i minung Pathian a si, zeitintiah mi vialte hi Amah ca i a nungmi an si dih,&#8221; tiah a ti. 39Nawlbia cawnpiaktu cheu khat nih, &#8220;Cawnpiaktu, na chimmi a &#7789;ha tuk,&#8221; tiah an ti. 40Cuhnuah bia an hal ngam ti lo. 41Cun an sinah, &#8220;Zeiruangah dah Krih cu David fapa tiah an ti tawn?&#8221; 42Thang&#7789;hatn&#226;k Hla ca-uk ah David hrimhrim nih, &#8220;BAWIPA nih ka Bawipa sinah, 43Na ral hna na ke tang i ka chiah dih tiangin, ka orhlei ah &#7789;hu, tiah a ti. 44Cucaah David nih, &#8216;Bawipa&#8217; tiah a timi kha zeitindah a fapa cu a si khawh lai?&#8221; tiah a ti. 45Cuhnuah mi vialte theihkhawh dingin a lamkaltu hna sinah, 46&#8220;Nawlbiacawnpiaktu hna chungin i ralring u, annih nih angki fual he i chawhleh an tlaihchan i market hmun i kuttlaih le sinagog i hmaichuang i &#7789;hut le rawl danghn&#226;k i hmun`ha bik i &#7789;hut an tlaihchan. 47Nuhmei chawva an ei piak i zatl&#226;ng hlenn&#226;k ah saupi thla an cam tawn. Cuhna nih thiam lo an co chinchin lai,&#8221; tiah a ti.</div>
 </div>
 </div>
</div>

Cu cân ah nikhat cu ṭempal ah a cawnpiak hna i thawngṭha a chim lio ah tlângbawi le nawlbiacawnpiaktu le upa hna he an ra i hmaitonh in A sinah, “Kan chim tuah, zei nawlngeihnâk in dah hi thil hna hi na tuah? asiloah, ahonihdah hi nawlngeihnâk hi an in pêk?” tiah an ti. Anih nih, “Kei zong nih thil pakhat kan hal ve hna lai i nan ka chimh lai. Baptisma petu Johan kha van lei in maw a si, minunglei in dah?” tiah a ti. An i ruat i, “Vanlei in kan ti ahcun, ‘a si ah zeiruangahdah nan zumh kun lo,’ a kan ti lai. ‘Minung lei in,’ kan ti ahcun, mi vialte nih lungin an kan cheh lai. Zeicatiah Johan cu Profet a si tiah an zumh dih fawn,’ an ti. Annih nih khawzei lei in dah a si, kan hngal lo, tiah an leh. Jesuh nih, “Keizong nih hi thil hna hi aho nawlngeihnâk in dah ka tuah kan chim hna lai lo,” tiah a ti. Cuticun mizapi sinah hi tahchunhnâk bia hi a chimh hna. “Mi pakhat nih misur dûm a tuah, dûm congtu hna sinah ṭuanman hmu dingin a pêk hna i saupi rau dingin lamhlat ngai ah khual a tlawng. A thei lawh cân a zat tikah a covo co awkah dûm congtu hna sinah sinum pakhat a hei thlah. Sihmanhsehlaw dûm congtu nih an rak velh i kut lawngin an kirter. Sinum dang a thlah ṭhân i cu zong cu an rak velh ṭhân i ningzak ngai in an rak tuah hnuah kut lawngin an kirter ṭhân. Pathumnâk a thlah ṭhân i cuhna cu hma an rak putter hnu ah dûm lengah an rak hlawnh. Cuticun misur dûm ngeitu pa nih, zeitindah ka tuah kun lai? ka fapa ngeih chun hi thlah ko ning. Anih hi an hmuh tikah anrak hmaizah deuh lai, tiah a ti. Asinain dûm congtu nih an hmuh tikah, ‘Hi pa hi ro cotu ding a si lo mei. Ra uh, that u sih, cuticun a co hngami ro kanmah ta a si ko lai,’ tiah an ti. Misur dûm chungin an chuah i an thah. Misur dûm ngeitu nih zeitindah a tuah hna lai? Ara lai i dûm congtu hna cu a hrawh dih lai i dûm congtu dang sinah a pêk lai, tiah a ti. Cu bia an theih tikah, biangaitu hna nih, cucu phân sawh hlah seh, tiah an ti. Annih cu a zoh hna i, “Hihi zeibiadah â rak ṭial. Inn satu nih an duh lomi lung kha a kil i san a tlai bikmi lung hi? Culung cung i a tlumi pauh an kuai dih lai i a nenh i a nenhmi hna cu dipte in a rial hna lai,” tiah a ti. Cun tlângbawi le nawlbia cawnpiaktu hna nih cu cân i tlaihcawlh kha an timh. Asinain mizapi ral an veng, zeitintiah cu tahchunhnâk cu anmah dohdalnâk i a chimmi a si kha an hngalh. Cuticun Mangki nawlngeihnâk le thiltikhawhnâk i an tlaih khawh nâkhnga, miding ngai bantuk i â tuahmi mingiatu an thlah i a chim sualmi bia bawh in ṭha tein an ngiat. Annih nih, “Cawnpiaktu, dik ngaiin na cawnpiak i ahohmanh thleidang loin Pathian kong na cawnpiak tawn tiah kan hngalh. “Sizar sin i ngunkhuai kan pêkmi hi phungning a si maw, si lo dah,” tiah an hal. Anih nih an zerning kha a rak hngalh i, “Zeiruangahdah nanka hneksak? Ngamu rakka hmuhter tuah u, “Hihi, aho lem le min dah a si? tiah a ti. Annih nih, “Sizar” tiah an ti. Anih nih, “Cutiasiah, Sizar ta a simi cu Sizar pe ulaw, Pathian ta cu Pathian pe u,” tiah a ti. Cuticun mizapi hmai ah a chim sualmi tlaih awk an hmu lo, a lehnâk cu an khuaruah a har i dai tein an um. Cun mithi thawhṭhannâk a um lo, titu Sadusih kha biahal awkah a sinah an ra. “Cawnpiaktu, mizei pauh nih nupi a ngei i fa ngei lo in thi sehlaw a u nau nih a roco in a thimi caah fa a ngeih piak lai, tiah Moses nih a kan ṭialpiak. Cuticun unau pasarih an um. A upa bik nih nupi a ngei i fa ngei lo in a thi. Pahnihnâk pa nih nupi ah a ngeih ve i anih zong fa ngei lo in a thi. Cuticun pathumnâk pa zong nih a ngeih ṭhân i a pasarihnâk tiangin fa ngei lo in a thi. Hmanung bik ah nu zong a thi ve. Cuticun thawhṭhân ni ah aho nupi cem dah a si kun lai? Zeitintiah an dihlak in nupi ah an rak ngeih dih fawn?” tiah an hal. Jesuh nih an sinah, tuchan minung hna cu nupi pasal an i ngei, asinain a ra laimi cân i tel awkah â tlâkmi le thihnâk in thawhter hngami hna cu nupi pasal an i ngei ti lai lo, thih zong an thi ti lai lo, vanmi hna he an i tluk lai i thoṭhân fale an si caah Pathian fa le an si cang. Sihmanhsehlaw mithi hna thawhter an si lainâk kong Moses nih burbûk a alhmi kongah arak hmuhsak cang, khaka ah khan, Bawipa cu, “Abraham Pathian, Isak Pathian, Jakob Pathian, tiah a ti. Zeitintiah a nih cu mithi Pathian a si lo i minung Pathian a si, zeitintiah mi vialte hi Amah ca i a nungmi an si dih,” tiah a ti. Nawlbia cawnpiaktu cheu khat nih, “Cawnpiaktu, na chimmi a ṭha tuk,” tiah an ti. Cuhnuah bia an hal ngam ti lo. Cun an sinah, “Zeiruangah dah Krih cu David fapa tiah an ti tawn?” Thangṭhatnâk Hla ca-uk ah David hrimhrim nih, “BAWIPA nih ka Bawipa sinah, Na ral hna na ke tang i ka chiah dih tiangin, ka orhlei ah ṭhu, tiah a ti. Cucaah David nih, ‘Bawipa’ tiah a timi kha zeitindah a fapa cu a si khawh lai?” tiah a ti. Cuhnuah mi vialte theihkhawh dingin a lamkaltu hna sinah, “Nawlbiacawnpiaktu hna chungin i ralring u, annih nih angki fual he i chawhleh an tlaihchan i market hmun i kuttlaih le sinagog i hmaichuang i ṭhut le rawl danghnâk i hmun`ha bik i ṭhut an tlaihchan. Nuhmei chawva an ei piak i zatlâng hlennâk ah saupi thla an cam tawn. Cuhna nih thiam lo an co chinchin lai,” tiah a ti.

Slušaj LUKA 20